| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
ચતુગિહિસહાયપબ્બજ્જાકથાવણ્ણના
Catugihisahāyapabbajjākathāvaṇṇanā
૩૦. ઇદાનિ તસ્સ સહાયાનં પબ્બજ્જં દસ્સેન્તો ‘‘અસ્સોસું ખો’’તિઆદિમાહ. તત્રાયં અનુત્તાનપદવણ્ણના – સેટ્ઠિનો ચ અનુસેટ્ઠિનો ચ યેસં કુલાનં તાનિ સેટ્ઠાનુસેટ્ઠીનિ કુલાનિ, તેસં સેટ્ઠાનુસેટ્ઠીનં કુલાનં, પવેણિવસેન આગતેહિ સેટ્ઠીહિ ચ અનુસેટ્ઠીહિ ચ સમન્નાગતાનં કુલાનન્તિ અત્થો. વિમલોતિઆદીનિ તેસં પુત્તાનં નામાનિ. કેસમસ્સું ઓહારેત્વાતિ કેસઞ્ચ મસ્સુઞ્ચ ઓરોપેત્વા. કાસાયાનિ વત્થાનીતિ કસાયરસપીતાનિ બ્રહ્મચરિયં ચરન્તાનં અનુચ્છવિકાનિ વત્થાનિ. ઓરકોતિ ઊનકો લામકો. સેસમેત્થ વુત્તનયમેવ.
30. Idāni tassa sahāyānaṃ pabbajjaṃ dassento ‘‘assosuṃ kho’’tiādimāha. Tatrāyaṃ anuttānapadavaṇṇanā – seṭṭhino ca anuseṭṭhino ca yesaṃ kulānaṃ tāni seṭṭhānuseṭṭhīni kulāni, tesaṃ seṭṭhānuseṭṭhīnaṃ kulānaṃ, paveṇivasena āgatehi seṭṭhīhi ca anuseṭṭhīhi ca samannāgatānaṃ kulānanti attho. Vimalotiādīni tesaṃ puttānaṃ nāmāni. Kesamassuṃ ohāretvāti kesañca massuñca oropetvā. Kāsāyāni vatthānīti kasāyarasapītāni brahmacariyaṃ carantānaṃ anucchavikāni vatthāni. Orakoti ūnako lāmako. Sesamettha vuttanayameva.
ચતુગિહિસહાયપબ્બજ્જાકથાવણ્ણના નિટ્ઠિતા.
Catugihisahāyapabbajjākathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૭. પબ્બજ્જાકથા • 7. Pabbajjākathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / પબ્બજ્જાકથાવણ્ણના • Pabbajjākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પબ્બજ્જાકથાવણ્ણના • Pabbajjākathāvaṇṇanā
