| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਚਤੁਮਹਾਪਦੇਸਕਥਾવਣ੍ਣਨਾ
Catumahāpadesakathāvaṇṇanā
੩੦੫. ਪਰਿਮਦ੍ਦਨ੍ਤਾਤਿ ਉਪਪਰਿਕ੍ਖਨ੍ਤਾ। ਪਤ੍ਤੁਣ੍ਣਦੇਸੇ ਸਞ੍ਜਾਤવਤ੍ਥਂ ਪਤ੍ਤੁਣ੍ਣਂ। ਕੋਸੇਯ੍ਯવਿਸੇਸੋਤਿ ਹਿ ਅਭਿਧਾਨਕੋਸੇ વੁਤ੍ਤਂ। ਚੀਨਦੇਸੇ ਸੋਮਾਰਦੇਸੇ ਚ ਸਞ੍ਜਾਤવਤ੍ਥਾਨਿ ਚੀਨਸੋਮਾਰਪਟਾਨਿ। ਪਤ੍ਤੁਣ੍ਣਾਦੀਨਿ ਤੀਣਿ ਕੋਸੇਯ੍ਯਸ੍ਸ ਅਨੁਲੋਮਾਨਿ ਪਾਣਕੇਹਿ ਕਤਸੁਤ੍ਤਮਯਤ੍ਤਾ। ਇਦ੍ਧਿਮਯਿਕਂ ਏਹਿਭਿਕ੍ਖੂਨਂ ਪੁਞ੍ਞਿਦ੍ਧਿਯਾ ਨਿਬ੍ਬਤ੍ਤਚੀવਰਂ। ਤਂ ਖੋਮਾਦੀਨਂ ਅਞ੍ਞਤਰਂ ਹੋਤੀਤਿ ਤੇਸਂਯੇવ ਅਨੁਲੋਮਂ। ਦੇવਤਾਹਿ ਦਿਨ੍ਨਚੀવਰਂ ਦੇવਦਤ੍ਤਿਯਂ। ਤਂ ਕਪ੍ਪਰੁਕ੍ਖੇ ਨਿਬ੍ਬਤ੍ਤਂ ਜਾਲਿਨੀਦੇવਕਞ੍ਞਾਯ ਅਨੁਰੁਦ੍ਧਤ੍ਥੇਰਸ੍ਸ ਦਿਨ੍ਨવਤ੍ਥਸਦਿਸਂ। ਤਮ੍ਪਿ ਖੋਮਾਦੀਨਞ੍ਞੇવ ਅਨੁਲੋਮਂ ਹੋਤਿ ਤੇਸੁ ਅਞ੍ਞਤਰਭਾવਤੋ। ਦ੍વੇ ਪਟਾ ਦੇਸਨਾਮੇਨੇવ વੁਤ੍ਤਾਤਿ ਤੇਸਂ ਸਰੂਪਦਸ੍ਸਨਪਰਮੇਤਂ, ਨਾਞ੍ਞਂ ਨਿવਤ੍ਤਨਪਰਂ ਪਤ੍ਤੁਣ੍ਣਪਟਸ੍ਸਪਿ ਦੇਸਨਾਮੇਨੇવ વੁਤ੍ਤਤ੍ਤਾ। ਤੁਮ੍ਬਾਤਿ ਭਾਜਨਾਨਿ । ਫਲਤੁਮ੍ਬੋਤਿ ਲਾਬੁਆਦਿ। ਉਦਕਤੁਮ੍ਬੋਤਿ ਉਦਕੁਕ੍ਖਿਪਨਕਕੁਟਕੋ। ਕਿਲਞ੍ਜਚ੍ਛਤ੍ਤਨ੍ਤਿ વੇਲ਼ੁવਿਲੀવੇਹਿ વਾਯਿਤ੍વਾ ਕਤਛਤ੍ਤਂ। ਸਮ੍ਭਿਨ੍ਨਰਸਨ੍ਤਿ ਸਮ੍ਮਿਸ੍ਸਿਤਰਸਂ। ਪਾਨਕਂ ਪਟਿਗ੍ਗਹਿਤਂ ਹੋਤੀਤਿ ਅਮ੍ਬਪਾਨਾਦਿਪਾਨਕਂ ਪਟਿਗ੍ਗਹਿਤਂ ਹੋਤਿ, ਤਂ વਿਕਾਲੇਪਿ ਕਪ੍ਪਤਿ ਅਸਮ੍ਭਿਨ੍ਨਰਸਤ੍ਤਾ। ਤੇਨ ਤਦਹੁਪਟਿਗ੍ਗਹਿਤੇਨ ਸਦ੍ਧਿਨ੍ਤਿ ਤੇਨ ਸਤ੍ਤਾਹਕਾਲਿਕੇਨ ਤਦਹੁਪਟਿਗ੍ਗਹਿਤੇਨ ਸਦ੍ਧਿਂ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
305.Parimaddantāti upaparikkhantā. Pattuṇṇadese sañjātavatthaṃ pattuṇṇaṃ. Koseyyavisesoti hi abhidhānakose vuttaṃ. Cīnadese somāradese ca sañjātavatthāni cīnasomārapaṭāni. Pattuṇṇādīni tīṇi koseyyassa anulomāni pāṇakehi katasuttamayattā. Iddhimayikaṃ ehibhikkhūnaṃ puññiddhiyā nibbattacīvaraṃ. Taṃ khomādīnaṃ aññataraṃ hotīti tesaṃyeva anulomaṃ. Devatāhi dinnacīvaraṃ devadattiyaṃ. Taṃ kapparukkhe nibbattaṃ jālinīdevakaññāya anuruddhattherassa dinnavatthasadisaṃ. Tampi khomādīnaññeva anulomaṃ hoti tesu aññatarabhāvato. Dve paṭā desanāmeneva vuttāti tesaṃ sarūpadassanaparametaṃ, nāññaṃ nivattanaparaṃ pattuṇṇapaṭassapi desanāmeneva vuttattā. Tumbāti bhājanāni . Phalatumboti lābuādi. Udakatumboti udakukkhipanakakuṭako. Kilañjacchattanti veḷuvilīvehi vāyitvā katachattaṃ. Sambhinnarasanti sammissitarasaṃ. Pānakaṃ paṭiggahitaṃ hotīti ambapānādipānakaṃ paṭiggahitaṃ hoti, taṃ vikālepi kappati asambhinnarasattā. Tena tadahupaṭiggahitena saddhinti tena sattāhakālikena tadahupaṭiggahitena saddhiṃ. Sesamettha suviññeyyameva.
ਚਤੁਮਹਾਪਦੇਸਕਥਾવਣ੍ਣਨਾ ਨਿਟ੍ਠਿਤਾ।
Catumahāpadesakathāvaṇṇanā niṭṭhitā.
ਭੇਸਜ੍ਜਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Bhesajjakkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੮੫. ਚਤੁਮਹਾਪਦੇਸਕਥਾ • 185. Catumahāpadesakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਚਤੁਮਹਾਪਦੇਸਕਥਾ • Catumahāpadesakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕੇਣਿਯਜਟਿਲવਤ੍ਥੁਕਥਾવਣ੍ਣਨਾ • Keṇiyajaṭilavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚਤੁਮਹਾਪਦੇਸਕਥਾવਣ੍ਣਨਾ • Catumahāpadesakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੫. ਚਤੁਮਹਾਪਦੇਸਕਥਾ • 185. Catumahāpadesakathā
