| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. жаад̇умасуд̇д̇аван̣н̣анаа
7. Cātumasuttavaṇṇanā
157. звам̣ мз суд̇анд̇и жаад̇умасуд̇д̇ам̣. д̇ад̇т̇а жаад̇умааяанд̇и звам̣наамагз г̇аамз. бан̃жамад̇д̇аани бхигкусад̇аанийд̇и ад̇хунаа баб̣б̣аж̇ид̇аанам̣ бхигкуунам̣ бан̃жа сад̇аани. т̇зраа гира жинд̇зсум̣ – ‘‘имз гулабуд̇д̇аа д̣̇асаб̣алам̣ ад̣̇исваава баб̣б̣аж̇ид̇аа, зд̇зсам̣ бхаг̇аванд̇ам̣ д̣̇ассзссаама, бхаг̇авад̇о санд̇игз д̇хаммам̣ суд̇ваа ад̇д̇ано ад̇д̇ано яат̇ааубаниссаязна бад̇идтахиссанд̇ий’’д̇и. д̇асмаа д̇з бхигкуу г̇ахзд̇ваа ааг̇ад̇аа. бадисаммод̣̇амаанаад̇и ‘‘гажжаавусо, каманийяа’’нд̇иаад̣̇им̣ бадисант̇аарагат̇ам̣ гурумаанаа. сзнаасанаани бан̃н̃аабаяамаанаад̇и ад̇д̇ано ад̇д̇ано аажарияубаж̇жхааяаанам̣ васанадтаанаани бужчид̇ваа д̣̇ваараваад̇абаанаани виварид̇ваа ман̃жабийтагадасаарагаад̣̇ийни нийхарид̇ваа бабподзд̇ваа яат̇аадтаанз сан̣таабаяамаанаа. бад̇д̇ажийвараани бадисаамаяамаанаад̇и, бханд̇з, ид̣̇ам̣ мз бад̇д̇ам̣ табзт̇а, ид̣̇ам̣ жийварам̣, ид̣̇ам̣ т̇аалагам̣, ид̣̇ам̣ уд̣̇агад̇умб̣ам̣, имам̣ гад̇д̇араяадтинд̇и звам̣ саман̣абаригкаарз сан̇г̇обаяамаанаа.
157.Evaṃme sutanti cātumasuttaṃ. Tattha cātumāyanti evaṃnāmake gāme. Pañcamattāni bhikkhusatānīti adhunā pabbajitānaṃ bhikkhūnaṃ pañca satāni. Therā kira cintesuṃ – ‘‘ime kulaputtā dasabalaṃ adisvāva pabbajitā, etesaṃ bhagavantaṃ dassessāma, bhagavato santike dhammaṃ sutvā attano attano yathāupanissayena patiṭṭhahissantī’’ti. Tasmā te bhikkhū gahetvā āgatā. Paṭisammodamānāti ‘‘kaccāvuso, khamanīya’’ntiādiṃ paṭisanthārakathaṃ kurumānā. Senāsanāni paññāpayamānāti attano attano ācariyupajjhāyānaṃ vasanaṭṭhānāni pucchitvā dvāravātapānāni vivaritvā mañcapīṭhakaṭasārakādīni nīharitvā papphoṭetvā yathāṭṭhāne saṇṭhāpayamānā. Pattacīvarāni paṭisāmayamānāti, bhante, idaṃ me pattaṃ ṭhapetha, idaṃ cīvaraṃ, idaṃ thālakaṃ, idaṃ udakatumbaṃ, imaṃ kattarayaṭṭhinti evaṃ samaṇaparikkhāre saṅgopayamānā.
ужжаасад̣̇д̣̇аа махаасад̣̇д̣̇аад̇и уд̣̇д̇хам̣ уг̇г̇ад̇ад̇д̇аа ужжам̣, бад̇т̇адад̇д̇аа маханд̇ам̣ авиниб̣бхог̇асад̣̇д̣̇ам̣ гаронд̇аа. гзваддаа ман̃н̃з мажчавилобзд̇и гзваддаанам̣ мажчабажчитабид̇адтаанз махааж̇ано саннибад̇ид̇ваа – ‘‘ид̇ха ан̃н̃ам̣ згам̣ мажчам̣ д̣̇зхи, згам̣ мажчапаалам̣ д̣̇зхи, зд̇асса д̇з махаа д̣̇инно, маяхам̣ куд̣̇д̣̇аго’’д̇и звам̣ ужжаасад̣̇д̣̇ам̣ махаасад̣̇д̣̇ам̣ гаронд̇и. д̇ам̣ санд̇хааязд̇ам̣ вуд̇д̇ам̣. мажчаг̇ахан̣ад̇т̇ам̣ ж̇аалз багкид̇д̇зби д̇асмим̣ таанз гзваддаа жзва ан̃н̃з жа ‘‘бавидто на бавидто, г̇ахид̇о на г̇ахид̇о’’д̇и махаасад̣̇д̣̇ам̣ гаронд̇и. д̇амби санд̇хааязд̇ам̣ вуд̇д̇ам̣. бан̣аамзмийд̇и нийхараами. на во мама санд̇игз вад̇т̇аб̣б̣анд̇и д̇умхз маад̣̇исасса б̣уд̣̇д̇хасса васанадтаанам̣ ааг̇анд̇ваа звам̣ махаасад̣̇д̣̇ам̣ гарот̇а, ад̇д̇ано д̇хаммад̇ааяа васанд̇аа гим̣ наама сааруббам̣ гариссат̇а, д̇умхаад̣̇исаанам̣ мама санд̇игз васанагижжам̣ над̇т̇ийд̇и д̣̇ийбзд̇и. д̇зсу згабхигкуби ‘‘бхаг̇аваа д̇умхз махаасад̣̇д̣̇амад̇д̇агзна амхз бан̣аамзт̇аа’’д̇и ваа ан̃н̃ам̣ ваа гин̃жи вад̇д̇ум̣ наасагки, саб̣б̣з бхаг̇авад̇о важанам̣ самбадижчанд̇аа ‘‘звам̣, бханд̇з,’’д̇и вад̇ваа нигкамим̣су. звам̣ бана д̇зсам̣ ахоси ‘‘маяам̣ сад̇т̇аарам̣ бассиссаама, д̇хаммагат̇ам̣ соссаама, сад̇т̇у санд̇игз васиссаамаад̇и ааг̇ад̇аа. зваруубасса бана г̇аруно сад̇т̇у санд̇игам̣ ааг̇анд̇ваа махаасад̣̇д̣̇ам̣ гаримхаа, амхаагамзва д̣̇осояам̣, бан̣аамид̇амхаа, на но лад̣̇д̇хам̣ бхаг̇авад̇о санд̇игз вад̇т̇ум̣, на суван̣н̣аван̣н̣асарийрам̣ ологзд̇ум̣, на мад̇хурассарзна д̇хаммам̣ сод̇у’’нд̇и. д̇з б̣алавад̣̇оманассаж̇аад̇аа худ̇ваа баггамим̣су.
Uccāsaddā mahāsaddāti uddhaṃ uggatattā uccaṃ, patthaṭattā mahantaṃ avinibbhogasaddaṃ karontā. Kevaṭṭā maññe macchavilopeti kevaṭṭānaṃ macchapacchiṭhapitaṭṭhāne mahājano sannipatitvā – ‘‘idha aññaṃ ekaṃ macchaṃ dehi, ekaṃ macchaphālaṃ dehi, etassa te mahā dinno, mayhaṃ khuddako’’ti evaṃ uccāsaddaṃ mahāsaddaṃ karonti. Taṃ sandhāyetaṃ vuttaṃ. Macchagahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho na paviṭṭho, gahito na gahito’’ti mahāsaddaṃ karonti. Tampi sandhāyetaṃ vuttaṃ. Paṇāmemīti nīharāmi. Na vo mama santike vatthabbanti tumhe mādisassa buddhassa vasanaṭṭhānaṃ āgantvā evaṃ mahāsaddaṃ karotha, attano dhammatāya vasantā kiṃ nāma sāruppaṃ karissatha, tumhādisānaṃ mama santike vasanakiccaṃ natthīti dīpeti. Tesu ekabhikkhupi ‘‘bhagavā tumhe mahāsaddamattakena amhe paṇāmethā’’ti vā aññaṃ vā kiñci vattuṃ nāsakkhi, sabbe bhagavato vacanaṃ sampaṭicchantā ‘‘evaṃ, bhante,’’ti vatvā nikkhamiṃsu. Evaṃ pana tesaṃ ahosi ‘‘mayaṃ satthāraṃ passissāma, dhammakathaṃ sossāma, satthu santike vasissāmāti āgatā. Evarūpassa pana garuno satthu santikaṃ āgantvā mahāsaddaṃ karimhā, amhākameva dosoyaṃ, paṇāmitamhā, na no laddhaṃ bhagavato santike vatthuṃ, na suvaṇṇavaṇṇasarīraṃ oloketuṃ, na madhurassarena dhammaṃ sotu’’nti. Te balavadomanassajātā hutvā pakkamiṃsu.
158. д̇знубасан̇гамим̣сууд̇и д̇з гира сагяаа ааг̇аманасамаязби д̇з бхигкуу д̇ад̇т̇зва нисиннаа бассим̣су. ат̇а нзсам̣ зд̇ад̣̇ахоси – ‘‘гим̣ ну ко зд̇з бхигкуу бависид̇ваава бадинивад̇д̇аа, ж̇ааниссаама д̇ам̣ гааран̣а’’нд̇и жинд̇зд̇ваа язна д̇з бхигкуу д̇знубасан̇гамим̣су. ханд̣̇аад̇и вавассаг̇г̇ад̇т̇з нибаад̇о. гахам̣ бана д̇умхзд̇и д̇умхз ид̣̇аанзва ааг̇анд̇ваа гахам̣ г̇ажчат̇а, гим̣ д̇умхаагам̣ гожи убад̣̇д̣̇аво, уд̣̇ааху д̣̇асаб̣алассаад̇и? д̇зсам̣ бана бхигкуунам̣, – ‘‘аавусо, маяам̣ бхаг̇аванд̇ам̣ д̣̇ассанааяа ааг̇ад̇аа, д̣̇идто но бхаг̇аваа, ид̣̇аани ад̇д̇ано васанадтаанам̣ г̇ажчаамаа’’д̇и гин̃жааби звам̣ важанабарихааро ад̇т̇и, зваруубам̣ бана лзсагаббам̣ агад̇ваа яат̇аабхууд̇амзва аарожзд̇ваа бхаг̇авад̇аа ко, аавусо, бхигкусан̇гхо бан̣аамид̇од̇и аахам̣су. д̇з бана рааж̇аано саасанз д̇хуравахаа, д̇асмаа жинд̇зсум̣ – ‘‘д̣̇вийхи аг̇г̇асаавагзхи сад̣̇д̇хим̣ бан̃жасу бхигкусад̇зсу г̇ажчанд̇зсу бхаг̇авад̇о баад̣̇амуулам̣ виг̇ажчиссад̇и, имзсам̣ нивад̇д̇анаагаарам̣ гариссаамаа’’д̇и. звам̣ жинд̇зд̇ваа д̇зна хааяасманд̇од̇иаад̣̇имаахам̣су. д̇зсуби бхигкуусу ‘‘маяам̣ махаасад̣̇д̣̇амад̇д̇агзна бан̣аамид̇аа, на маяам̣ ж̇ийвид̇ум̣ асаггонд̇аа баб̣б̣аж̇ид̇аа’’д̇и згабхигкуби бадибпарид̇о наама наахоси, саб̣б̣з бана самагам̣язва, ‘‘звамаавусо,’’д̇и самбадижчим̣су.
158.Tenupasaṅkamiṃsūti te kira sakyā āgamanasamayepi te bhikkhū tattheva nisinnā passiṃsu. Atha nesaṃ etadahosi – ‘‘kiṃ nu kho ete bhikkhū pavisitvāva paṭinivattā, jānissāma taṃ kāraṇa’’nti cintetvā yena te bhikkhū tenupasaṅkamiṃsu. Handāti vavassaggatthe nipāto. Kahaṃ pana tumheti tumhe idāneva āgantvā kahaṃ gacchatha, kiṃ tumhākaṃ koci upaddavo, udāhu dasabalassāti? Tesaṃ pana bhikkhūnaṃ, – ‘‘āvuso, mayaṃ bhagavantaṃ dassanāya āgatā, diṭṭho no bhagavā, idāni attano vasanaṭṭhānaṃ gacchāmā’’ti kiñcāpi evaṃ vacanaparihāro atthi, evarūpaṃ pana lesakappaṃ akatvā yathābhūtameva ārocetvā bhagavatā kho, āvuso, bhikkhusaṅgho paṇāmitoti āhaṃsu. Te pana rājāno sāsane dhuravahā, tasmā cintesuṃ – ‘‘dvīhi aggasāvakehi saddhiṃ pañcasu bhikkhusatesu gacchantesu bhagavato pādamūlaṃ vigacchissati, imesaṃ nivattanākāraṃ karissāmā’’ti. Evaṃ cintetvā tena hāyasmantotiādimāhaṃsu. Tesupi bhikkhūsu ‘‘mayaṃ mahāsaddamattakena paṇāmitā, na mayaṃ jīvituṃ asakkontā pabbajitā’’ti ekabhikkhupi paṭippharito nāma nāhosi, sabbe pana samakaṃyeva, ‘‘evamāvuso,’’ti sampaṭicchiṃsu.
159. абхинанд̣̇ад̇ууд̇и бхигкусан̇гхасса ааг̇аманам̣ ижчанд̇о абхинанд̣̇ад̇у. абхивад̣̇ад̇ууд̇и зд̇у бхигкусан̇гход̇и звам̣ жид̇д̇ам̣ уббаад̣̇знд̇о абхивад̣̇ад̇у. ануг̇г̇ахид̇од̇и аамисаануг̇г̇ахзна жа д̇хаммаануг̇г̇ахзна жа ануг̇г̇ахид̇о. ан̃н̃ат̇ад̇д̇анд̇и д̣̇асаб̣аласса д̣̇ассанам̣ на лабхаамаад̇и басаад̣̇ан̃н̃ат̇ад̇д̇ам̣ бхавзяяа. вибарин̣аамод̇и басаад̣̇ан̃н̃ат̇ад̇д̇зна виб̣бхаманд̇аанам̣ вибарин̣ааман̃н̃ат̇ад̇д̇ам̣ бхавзяяа. б̣ийж̇аанам̣ д̇арун̣аананд̇и д̇арун̣асассаанам̣. сияаа ан̃н̃ат̇ад̇д̇анд̇и уд̣̇агаваарагаалз уд̣̇агам̣ алабханд̇аанам̣ милаад̇абхаавзна ан̃н̃ат̇ад̇д̇ам̣ бхавзяяа, суссид̇ваа милаад̇абхаавам̣ аабаж̇ж̇анзна вибарин̣аамо бхавзяяа. важчагасса бана кийрабибаасааяа суссанам̣ ан̃н̃ат̇ад̇д̇ам̣ наама, суссид̇ваа гаалагирияаа вибарин̣аамо наама.
159.Abhinandatūti bhikkhusaṅghassa āgamanaṃ icchanto abhinandatu. Abhivadatūti etu bhikkhusaṅghoti evaṃ cittaṃ uppādento abhivadatu. Anuggahitoti āmisānuggahena ca dhammānuggahena ca anuggahito. Aññathattanti dasabalassa dassanaṃ na labhāmāti pasādaññathattaṃ bhaveyya. Vipariṇāmoti pasādaññathattena vibbhamantānaṃ vipariṇāmaññathattaṃ bhaveyya. Bījānaṃ taruṇānanti taruṇasassānaṃ. Siyā aññathattanti udakavārakāle udakaṃ alabhantānaṃ milātabhāvena aññathattaṃ bhaveyya, sussitvā milātabhāvaṃ āpajjanena vipariṇāmo bhaveyya. Vacchakassa pana khīrapipāsāya sussanaṃ aññathattaṃ nāma, sussitvā kālakiriyā vipariṇāmo nāma.
160. басаад̣̇ид̇о бхаг̇аваад̇и т̇зро гира д̇ад̇т̇а нисиннова д̣̇иб̣б̣ажагкунаа б̣рахмаанам̣ ааг̇ад̇ам̣ ад̣̇д̣̇аса , д̣̇иб̣б̣ааяа сод̇ад̇хаад̇уяаа жа ааяаажанасад̣̇д̣̇ам̣ сун̣и, жзд̇обарияан̃аан̣зна бхаг̇авад̇о басаннабхаавам̣ ан̃н̃ааси. д̇асмаа – ‘‘ган̃жи бхигкум̣ бзсзд̇ваа баггосияамаанаанам̣ г̇аманам̣ наама на паасугам̣, яаава сад̇т̇аа на бзсзд̇и, д̇аавад̣̇зва г̇амиссаамаа’’д̇и ман̃н̃амаано звамааха. аббоссуггод̇и ан̃н̃зсу гижжзсу ануссугго худ̇ваа. д̣̇идтад̇хаммасукавихааранд̇и паласамаабад̇д̇ивихаарам̣ ануяуд̇д̇о ман̃н̃з бхаг̇аваа вихарид̇угаамо, со ид̣̇аани яат̇ааружияаа вихариссад̇ийд̇и звам̣ мз ахосийд̇и вад̣̇ад̇и. маяамби д̣̇аанийд̇и маяам̣ барам̣ овад̣̇амаанаа вихаарад̇о ниггад̣дхид̇аа, гим̣ амхаагам̣ бароваад̣̇зна. ид̣̇аани маяамби д̣̇идтад̇хаммасукавихаарзнзва вихариссаамаад̇и д̣̇ийбзд̇и. т̇зро имасмим̣ таанз вирад̣̇д̇хо ад̇д̇ано бхаарабхаавам̣ на ан̃н̃ааси. аяан̃хи бхигкусан̇гхо д̣̇виннамби махаат̇зраанам̣ бхааро, д̇зна нам̣ бадисзд̇хзнд̇о бхаг̇аваа ааг̇амзхийд̇иаад̣̇имааха. махаамог̇г̇аллаанад̇т̇зро бана ад̇д̇ано бхаарабхаавам̣ ан̃н̃ааси. д̇знасса бхаг̇аваа саад̇хугаарам̣ ад̣̇ааси.
160.Pasādito bhagavāti thero kira tattha nisinnova dibbacakkhunā brahmānaṃ āgataṃ addasa , dibbāya sotadhātuyā ca āyācanasaddaṃ suṇi, cetopariyañāṇena bhagavato pasannabhāvaṃ aññāsi. Tasmā – ‘‘kañci bhikkhuṃ pesetvā pakkosiyamānānaṃ gamanaṃ nāma na phāsukaṃ, yāva satthā na peseti, tāvadeva gamissāmā’’ti maññamāno evamāha. Appossukkoti aññesu kiccesu anussukko hutvā. Diṭṭhadhammasukhavihāranti phalasamāpattivihāraṃ anuyutto maññe bhagavā viharitukāmo, so idāni yathāruciyā viharissatīti evaṃ me ahosīti vadati. Mayampidānīti mayaṃ paraṃ ovadamānā vihārato nikkaḍḍhitā, kiṃ amhākaṃ parovādena. Idāni mayampi diṭṭhadhammasukhavihāreneva viharissāmāti dīpeti. Thero imasmiṃ ṭhāne viraddho attano bhārabhāvaṃ na aññāsi. Ayañhi bhikkhusaṅgho dvinnampi mahātherānaṃ bhāro, tena naṃ paṭisedhento bhagavā āgamehītiādimāha. Mahāmoggallānatthero pana attano bhārabhāvaṃ aññāsi. Tenassa bhagavā sādhukāraṃ adāsi.
161. жад̇д̇ааримаани, бхигкавзд̇и гасмаа аарабхи? имасмим̣ саасанз жад̇д̇аари бхаяаани. яо д̇аани абхийд̇о ход̇и, со имасмим̣ саасанз бад̇идтаад̇ум̣ саггод̇и. ид̇аро бана на саггод̇ийд̇и д̣̇ассзд̇ум̣ имам̣ д̣̇зсанам̣ аарабхи. д̇ад̇т̇а уд̣̇агороханд̇зд̇и уд̣̇агам̣ ороханд̇з буг̇г̇алз. гумбхийлабхаяанд̇и сум̣сумаарабхаяам̣. сусугаабхаяанд̇и жан̣д̣амажчабхаяам̣.
161.Cattārimāni, bhikkhaveti kasmā ārabhi? Imasmiṃ sāsane cattāri bhayāni. Yo tāni abhīto hoti, so imasmiṃ sāsane patiṭṭhātuṃ sakkoti. Itaro pana na sakkotīti dassetuṃ imaṃ desanaṃ ārabhi. Tattha udakorohanteti udakaṃ orohante puggale. Kumbhīlabhayanti suṃsumārabhayaṃ. Susukābhayanti caṇḍamacchabhayaṃ.
162. год̇хубааяаасассзд̇ам̣ ад̇хиважананд̇и яат̇аа хи б̣аахирам̣ уд̣̇агам̣ од̇ин̣н̣о уумийсу осийд̣̇ид̇ваа марад̇и, звам̣ имасмим̣ саасанз год̇хубааяаасз осийд̣̇ид̇ваа виб̣бхамад̇и. д̇асмаа год̇хубааяаасо ‘‘уумибхаяа’’нд̇и вуд̇д̇о.
162.Kodhupāyāsassetaṃ adhivacananti yathā hi bāhiraṃ udakaṃ otiṇṇo ūmīsu osīditvā marati, evaṃ imasmiṃ sāsane kodhupāyāse osīditvā vibbhamati. Tasmā kodhupāyāso ‘‘ūmibhaya’’nti vutto.
163. од̣̇аригад̇д̇ассзд̇ам̣ ад̇хиважананд̇и яат̇аа хи б̣аахирам̣ уд̣̇агам̣ од̇ин̣н̣о гумбхийлзна каад̣̇ид̇о марад̇и, звам̣ имасмим̣ саасанз од̣̇аригад̇д̇зна каад̣̇ид̇о виб̣бхамад̇и. д̇асмаа од̣̇аригад̇д̇ам̣ ‘‘гумбхийлабхаяа’’нд̇и вуд̇д̇ам̣.
163.Odarikattassetaṃ adhivacananti yathā hi bāhiraṃ udakaṃ otiṇṇo kumbhīlena khādito marati, evaṃ imasmiṃ sāsane odarikattena khādito vibbhamati. Tasmā odarikattaṃ ‘‘kumbhīlabhaya’’nti vuttaṃ.
164. арагкид̇знзва гааязнаад̇и сийсаббажаалагаад̣̇игаран̣зна арагкид̇агааяо худ̇ваа. арагкид̇ааяа ваажааяаад̇и д̣̇удтуллабхаасанаад̣̇ивасзна арагкид̇аваажо худ̇ваа. анубадтид̇ааяа сад̇ияаад̇и гааяаг̇ад̇аасад̇им̣ анубадтаабзд̇ваа. асам̣вуд̇зхийд̇и абихид̇зхи. бан̃жаннзд̇ам̣ гаамаг̇ун̣аанам̣ ад̇хиважананд̇и яат̇аа хи б̣аахирам̣ уд̣̇агам̣ од̇ин̣н̣о ааваддз нимуж̇ж̇ид̇ваа марад̇и, звам̣ имасмим̣ саасанз баб̣б̣аж̇ид̇о бан̃жагаамаг̇ун̣ааваддз нимуж̇ж̇ид̇ваа виб̣бхамад̇и. д̇асмаа бан̃жа гаамаг̇ун̣аа ‘‘ааваддабхаяа’’нд̇и вуд̇д̇аа.
164.Arakkhiteneva kāyenāti sīsappacālakādikaraṇena arakkhitakāyo hutvā. Arakkhitāya vācāyāti duṭṭhullabhāsanādivasena arakkhitavāco hutvā. Anupaṭṭhitāyasatiyāti kāyagatāsatiṃ anupaṭṭhāpetvā. Asaṃvutehīti apihitehi. Pañcannetaṃkāmaguṇānaṃ adhivacananti yathā hi bāhiraṃ udakaṃ otiṇṇo āvaṭṭe nimujjitvā marati, evaṃ imasmiṃ sāsane pabbajito pañcakāmaguṇāvaṭṭe nimujjitvā vibbhamati. Tasmā pañca kāmaguṇā ‘‘āvaṭṭabhaya’’nti vuttā.
165. ануд̣̇д̇хам̣сзд̇ийд̇и гиламзд̇и милаабзд̇и. рааг̇аануд̣̇д̇хам̣сзнаад̇и рааг̇аануд̣̇д̇хам̣сид̇зна. маад̇уг̇аамассзд̇ам̣ ад̇хиважананд̇и яат̇аа хи б̣аахирам̣ уд̣̇агам̣ од̇ин̣н̣о жан̣д̣амажчам̣ ааг̇амма лад̣̇д̇хаббахааро марад̇и, звам̣ имасмим̣ саасанз маад̇уг̇аамам̣ ааг̇амма уббаннагаамарааг̇о виб̣бхамад̇и. д̇асмаа маад̇уг̇аамо ‘‘сусугаабхаяа’’нд̇и вуд̇д̇о.
165.Anuddhaṃsetīti kilameti milāpeti. Rāgānuddhaṃsenāti rāgānuddhaṃsitena. Mātugāmassetaṃ adhivacananti yathā hi bāhiraṃ udakaṃ otiṇṇo caṇḍamacchaṃ āgamma laddhappahāro marati, evaṃ imasmiṃ sāsane mātugāmaṃ āgamma uppannakāmarāgo vibbhamati. Tasmā mātugāmo ‘‘susukābhaya’’nti vutto.
имаани бана жад̇д̇аари бхаяаани бхааяид̇ваа яат̇аа уд̣̇агам̣ анороханд̇асса уд̣̇агам̣ ниссааяа аанисам̣со над̇т̇и, уд̣̇агабибаасааяа бибаасид̇о жа ход̇и раж̇ож̇аллзна гилидтасарийро жа, звамзвам̣ имаани жад̇д̇аари бхаяаани бхааяид̇ваа саасанз абаб̣б̣аж̇анд̇ассааби имам̣ саасанам̣ ниссааяа аанисам̣со над̇т̇и, д̇ан̣хаабибаасааяа бибаасид̇о жа ход̇и гилзсараж̇зна сам̣гилидтажид̇д̇о жа. яат̇аа бана имаани жад̇д̇аари бхаяаани абхааяид̇ваа уд̣̇агам̣ ороханд̇асса вуд̇д̇аббагааро аанисам̣со ход̇и, звам̣ имаани абхааяид̇ваа саасанз баб̣б̣аж̇ид̇ассааби вуд̇д̇аббагааро аанисам̣со ход̇и. т̇зро банааха – ‘‘жад̇д̇аари бхаяаани бхааяид̇ваа уд̣̇агам̣ анод̇аранд̇о сод̇ам̣ чинд̣̇ид̇ваа барад̇ийрам̣ баабун̣ид̇ум̣ на саггод̇и, абхааяид̇ваа од̇аранд̇о саггод̇и, звамзвам̣ бхааяид̇ваа саасанз абаб̣б̣аж̇анд̇оби д̇ан̣хаасод̇ам̣ чинд̣̇ид̇ваа ниб̣б̣аанабаарам̣ д̣̇адтум̣ на саггод̇и, абхааяид̇ваа баб̣б̣аж̇анд̇о бана саггод̇ий’’д̇и. сзсам̣ саб̣б̣ад̇т̇а уд̇д̇аанамзва. аяам̣ бана д̣̇зсанаа нзяяабуг̇г̇аласса васзна нидтаабид̇аад̇и.
Imāni pana cattāri bhayāni bhāyitvā yathā udakaṃ anorohantassa udakaṃ nissāya ānisaṃso natthi, udakapipāsāya pipāsito ca hoti rajojallena kiliṭṭhasarīro ca, evamevaṃ imāni cattāri bhayāni bhāyitvā sāsane apabbajantassāpi imaṃ sāsanaṃ nissāya ānisaṃso natthi, taṇhāpipāsāya pipāsito ca hoti kilesarajena saṃkiliṭṭhacitto ca. Yathā pana imāni cattāri bhayāni abhāyitvā udakaṃ orohantassa vuttappakāro ānisaṃso hoti, evaṃ imāni abhāyitvā sāsane pabbajitassāpi vuttappakāro ānisaṃso hoti. Thero panāha – ‘‘cattāri bhayāni bhāyitvā udakaṃ anotaranto sotaṃ chinditvā paratīraṃ pāpuṇituṃ na sakkoti, abhāyitvā otaranto sakkoti, evamevaṃ bhāyitvā sāsane apabbajantopi taṇhāsotaṃ chinditvā nibbānapāraṃ daṭṭhuṃ na sakkoti, abhāyitvā pabbajanto pana sakkotī’’ti. Sesaṃ sabbattha uttānameva. Ayaṃ pana desanā neyyapuggalassa vasena niṭṭhāpitāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жаад̇умасуд̇д̇аван̣н̣анаа нидтид̇аа.
Cātumasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. жаад̇умасуд̇д̇ам̣ • 7. Cātumasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. жаад̇умасуд̇д̇аван̣н̣анаа • 7. Cātumasuttavaṇṇanā
