| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. စတုတ္ထအနုဓမ္မသုတ္တံ
10. Catutthaanudhammasuttaṃ
၄၂. သာဝတ္ထိနိဒာနံ ။ ‘‘ဓမ္မာနုဓမ္မပ္ပဋိပန္နသ္သ, ဘိက္ခဝေ, ဘိက္ခုနော အယမနုဓမ္မော ဟောတိ ယံ ရူပေ အနတ္တာနုပသ္သီ ဝိဟရေယ္ယ, ဝေဒနာယ။ သညာယ။ သင္ခာရေသု။ ဝိညာဏေ အနတ္တာနုပသ္သီ ဝိဟရေယ္ယ။ ယော ရူပေ အနတ္တာနုပသ္သီ ဝိဟရန္တော။ပေ.။ ရူပံ ပရိဇာနာတိ, ဝေဒနံ။ သညံ။ သင္ခာရေ။ ဝိညာဏံ ပရိဇာနာတိ, သော ရူပံ ပရိဇာနံ, ဝေဒနံ။ သညံ။ သင္ခာရေ။ ဝိညာဏံ ပရိဇာနံ ပရိမုစ္စတိ ရူပမ္ဟာ, ပရိမုစ္စတိ ဝေဒနာယ, ပရိမုစ္စတိ သညာယ, ပရိမုစ္စတိ သင္ခာရေဟိ, ပရိမုစ္စတိ ဝိညာဏမ္ဟာ, ပရိမုစ္စတိ ဇာတိယာ ဇရာမရဏေန သောကေဟိ ပရိဒေဝေဟိ ဒုက္ခေဟိ ဒောမနသ္သေဟိ ဥပာယာသေဟိ, ပရိမုစ္စတိ ဒုက္ခသ္မာတိ ဝဒာမီ’’တိ။ ဒသမံ။
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
နတုမ္ဟာကံဝဂ္ဂော စတုတ္ထော။
Natumhākaṃvaggo catuttho.
တသ္သုဒ္ဒာနံ –
Tassuddānaṃ –
နတုမ္ဟာကေန ဒ္ဝေ ဝုတ္တာ၊ ဘိက္ခူဟိ အပရေ ဒုဝေ။
Natumhākena dve vuttā, bhikkhūhi apare duve;
အာနန္ဒေန စ ဒ္ဝေ ဝုတ္တာ၊ အနုဓမ္မေဟိ ဒ္ဝေ ဒုကာတိ။
Ānandena ca dve vuttā, anudhammehi dve dukāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇-၁၀. အနုဓမ္မသုတ္တာဒိဝဏ္ဏနာ • 7-10. Anudhammasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇-၁၀. အနုဓမ္မသုတ္တာဒိဝဏ္ဏနာ • 7-10. Anudhammasuttādivaṇṇanā
