| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
ચતુત્થનિસ્સગ્ગિયપાચિત્તિયસિક્ખાપદવણ્ણના
Catutthanissaggiyapācittiyasikkhāpadavaṇṇanā
૭૪૮. ચતુત્થે – કયેનાતિ મૂલેન. ન મે આવુસો સપ્પિના અત્થો; તેલેન મે અત્થોતિ ઇદં કિર સા આહટસપ્પિં દત્વા તેલમ્પિ આહરિસ્સતીતિ મઞ્ઞમાના આહ. વિઞ્ઞાપેત્વાતિ જાનાપેત્વા; ઇદં નામ આહરાતિ યાચિત્વા વા.
748. Catutthe – kayenāti mūlena. Na me āvuso sappinā attho; telena me atthoti idaṃ kira sā āhaṭasappiṃ datvā telampi āharissatīti maññamānā āha. Viññāpetvāti jānāpetvā; idaṃ nāma āharāti yācitvā vā.
૭૫૨. તઞ્ઞેવ વિઞ્ઞાપેતીતિ યં પઠમં વિઞ્ઞત્તં તં થોકં નપ્પહોતિ, તસ્મા પુન તઞ્ઞેવ વિઞ્ઞાપેતીતિ અત્થો. અઞ્ઞઞ્ચ વિઞ્ઞાપેતીતિ સચે પઠમં સપ્પિવિઞ્ઞત્તં, યમકં પચિતબ્બન્તિ ચ વેજ્જેન વુત્તત્તા તેલેન અત્થો હોતિ, તતો તેલેનાપિ મે અત્થોતિ એવં અઞ્ઞઞ્ચ વિઞ્ઞાપેતિ. આનિસંસં દસ્સેત્વાતિ સચે કહાપણસ્સ સપ્પિ આભતં હોતિ, ઇમિના મૂલેન દિગુણં તેલં લબ્ભતિ, તેનાપિ ચ ઇદં કિચ્ચં નિપ્ફજ્જતિ, તસ્મા તેલં આહરાતિ એવં આનિસંસં દસ્સેત્વા વિઞ્ઞાપેતીતિ. સેસં ઉત્તાનમેવ.
752.Taññeva viññāpetīti yaṃ paṭhamaṃ viññattaṃ taṃ thokaṃ nappahoti, tasmā puna taññeva viññāpetīti attho. Aññañca viññāpetīti sace paṭhamaṃ sappiviññattaṃ, yamakaṃ pacitabbanti ca vejjena vuttattā telena attho hoti, tato telenāpi me atthoti evaṃ aññañca viññāpeti. Ānisaṃsaṃ dassetvāti sace kahāpaṇassa sappi ābhataṃ hoti, iminā mūlena diguṇaṃ telaṃ labbhati, tenāpi ca idaṃ kiccaṃ nipphajjati, tasmā telaṃ āharāti evaṃ ānisaṃsaṃ dassetvā viññāpetīti. Sesaṃ uttānameva.
છસમુટ્ઠાનં – કિરિયં, નોસઞ્ઞાવિમોક્ખં, અચિત્તકં, પણ્ણત્તિવજ્જં, કાયકમ્મં, વચીકમ્મં, તિચિત્તં, તિવેદનન્તિ.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ચતુત્થસિક્ખાપદં.
Catutthasikkhāpadaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૪. ચતુત્થસિક્ખાપદં • 4. Catutthasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૩. નિસ્સગ્ગિયકણ્ડં (ભિક્ખુનીવિભઙ્ગવણ્ણના) • 3. Nissaggiyakaṇḍaṃ (bhikkhunīvibhaṅgavaṇṇanā)
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૪. ચતુત્થનિસ્સગ્ગિયપાચિત્તિયસિક્ખાપદવણ્ણના • 4. Catutthanissaggiyapācittiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. દુતિયનિસ્સગ્ગિયાદિપાચિત્તિયસિક્ખાપદવણ્ણના • 2. Dutiyanissaggiyādipācittiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૪. ચતુત્થનિસ્સગ્ગિયપાચિત્તિયસિક્ખાપદં • 4. Catutthanissaggiyapācittiyasikkhāpadaṃ
