| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
жад̇уд̇т̇абаарааж̇игагат̇ааван̣н̣анаа
Catutthapārājikakathāvaṇṇanā
306-7. звам̣ наад̇исан̇кзбавид̇т̇ааранаязна д̇ад̇ияабаарааж̇игавинижчаяам̣ д̣̇ассзд̇ваа ид̣̇аани жад̇уд̇т̇абаарааж̇игавинижчаяам̣ д̣̇ассзд̇умааха ‘‘асанд̇а’’нд̇иаад̣̇и. д̇ад̇т̇а ‘‘асанд̇а’’нд̇и абзгкид̇ваа ‘‘ад̇д̇аний’’д̇и жа ‘‘жхаанаад̣̇ибхзд̣̇а’’нд̇и абзгкид̇ваа ‘‘уд̇д̇аримануссад̇хамма’’нд̇и жа ‘‘самуд̣̇аажарзяяаа’’д̇и абзгкид̇ваа ‘‘яо бхигкуу’’д̇и жа саамад̇т̇ияаа лаб̣бхад̇ийд̇и аж̇жхаахарид̇ваа ‘‘ад̇д̇ани асанд̇а’’нд̇иаад̣̇инаа наязна яож̇зд̇аб̣б̣ам̣.
306-7. Evaṃ nātisaṅkhepavitthāranayena tatiyapārājikavinicchayaṃ dassetvā idāni catutthapārājikavinicchayaṃ dassetumāha ‘‘asanta’’ntiādi. Tattha ‘‘asanta’’nti apekkhitvā ‘‘attanī’’ti ca ‘‘jhānādibheda’’nti apekkhitvā ‘‘uttarimanussadhamma’’nti ca ‘‘samudācareyyā’’ti apekkhitvā ‘‘yo bhikkhū’’ti ca sāmatthiyā labbhatīti ajjhāharitvā ‘‘attani asanta’’ntiādinā nayena yojetabbaṃ.
ад̇д̇ани асанд̇анд̇и д̇асмим̣ ад̇д̇абхаавз ад̇д̇ано санд̇аанз ануббаад̣̇ид̇ад̇ааяа авиж̇ж̇амаанам̣. ад̇д̇ассид̇амзва гад̇ваад̇и ад̇д̇убанааяигам̣ гад̇ваа ад̇д̇ани виж̇ж̇амаанам̣ вияа гад̇ваа д̇ам̣ убанзд̇ваа . бхавам̣ ад̇хидтааяа жа вад̇д̇амаананд̇и бадисанд̇хид̇о бадтааяа жа вад̇д̇анд̇ам̣ бхавам̣ жид̇д̇зна ад̇хидтахид̇ваа д̇аггзд̇ваа, жид̇д̇з табзд̇ваад̇и вуд̇д̇ам̣ ход̇и. ан̃н̃аабад̣̇зсан̃жа винаад̇и ‘‘яо д̇з вихаарз васад̇ийд̇ха бхигкуу’’д̇иаад̣̇инаа наязна вагкамаанам̣ барияааяагат̇ам̣ табзд̇ваа. ад̇химаанан̃жа винаад̇и ад̣̇идтз д̣̇идтасан̃н̃ид̇аад̣̇исабхаавам̣ ад̇хиг̇ад̇амаанасан̇каад̇ам̣ ‘‘ад̇хиг̇ад̇ауд̇д̇аримануссад̇хаммо ахамхий’’д̇и ад̇химаанан̃жа табзд̇ваа. жхаанаад̣̇ибхзд̣̇анд̇и жхаанаад̣̇аяо бхзд̣̇аа висзсаа яасса д̇ам̣ жхаанаад̣̇ибхзд̣̇ам̣, ‘‘уд̇д̇аримануссад̇хаммо наама жхаанам̣ вимогко самаад̇хи самаабад̇д̇и н̃аан̣ад̣̇ассанам̣ маг̇г̇абхааванаа паласажчи гирияаа гилзсаббахаанам̣ винийваран̣ад̇аа жид̇д̇асса сун̃н̃ааг̇аарз абхирад̇ий’’д̇и (баараа. 198, 199) бад̣̇абхааж̇анз вуд̇д̇ам̣ жхаанаад̣̇ид̇хаммависзсанд̇и ад̇т̇о. ‘‘уд̇д̇аримануссад̇хамманд̇и уд̇д̇аримануссаанам̣ жхааяийнан̃жзва арияаанан̃жа д̇хамма’’нд̇и (баараа. адта. 2.197) адтагат̇ааяа вуд̇д̇ам̣ жхааналаабхийхи жзва адтахи арияабуг̇г̇алзхи жа ад̇хиг̇ад̇ад̇д̇аа д̇зсам̣ санд̇аганд̇и сан̇кяам̣ г̇ад̇ам̣ уд̇д̇аримануссад̇хаммам̣.
Attaniasantanti tasmiṃ attabhāve attano santāne anuppāditatāya avijjamānaṃ. Attassitameva katvāti attupanāyikaṃ katvā attani vijjamānaṃ viya katvā taṃ upanetvā . Bhavaṃ adhiṭṭhāya ca vattamānanti paṭisandhito paṭṭhāya ca vattantaṃ bhavaṃ cittena adhiṭṭhahitvā takketvā, citte ṭhapetvāti vuttaṃ hoti. Aññāpadesañca vināti ‘‘yo te vihāre vasatīdha bhikkhū’’tiādinā nayena vakkhamānaṃ pariyāyakathaṃ ṭhapetvā. Adhimānañca vināti adiṭṭhe diṭṭhasaññitādisabhāvaṃ adhigatamānasaṅkhātaṃ ‘‘adhigatauttarimanussadhammo ahamhī’’ti adhimānañca ṭhapetvā. Jhānādibhedanti jhānādayo bhedā visesā yassa taṃ jhānādibhedaṃ, ‘‘uttarimanussadhammo nāma jhānaṃ vimokkho samādhi samāpatti ñāṇadassanaṃ maggabhāvanā phalasacchi kiriyā kilesappahānaṃ vinīvaraṇatā cittassa suññāgāre abhiratī’’ti (pārā. 198, 199) padabhājane vuttaṃ jhānādidhammavisesanti attho. ‘‘Uttarimanussadhammanti uttarimanussānaṃ jhāyīnañceva ariyānañca dhamma’’nti (pārā. aṭṭha. 2.197) aṭṭhakathāya vuttaṃ jhānalābhīhi ceva aṭṭhahi ariyapuggalehi ca adhigatattā tesaṃ santakanti saṅkhyaṃ gataṃ uttarimanussadhammaṃ.
вин̃н̃ад̇д̇ибат̇з тид̇асса гааязна ваа ваажааяа ваа яо бхигку самуд̣̇аажарзяяаад̇и аж̇жхаахарид̇ваа яож̇зд̇аб̣б̣ам̣. вин̃н̃ад̇д̇ибат̇з тид̇ассаад̇и д̣̇ваад̣̇асахад̇т̇аб̣бханд̇арз бад̣̇зсз тид̇асса ‘‘ид̇т̇ияаа ваа бурисасса ваа г̇ахадтасса ваа баб̣б̣аж̇ид̇асса ваа’’д̇и (баараа. 198) бад̣̇абхааж̇анз вуд̇д̇асса яасса гассажи. гааязна ваад̇и хад̇т̇амуд̣̇д̣̇аад̣̇ивасзна гааязна ваа. ‘‘сигкаабажжагкаанам̣ хад̇т̇амуд̣̇д̣̇ааяа сийсам̣ на од̇арад̇и, ид̣̇ам̣ абхууд̇аарожанам̣ хад̇т̇амуд̣̇д̣̇ааяаби од̇арад̇ий’’д̇и (баараа. адта. 2.215) адтагат̇ааяам̣ вуд̇д̇ад̇д̇аа ид̇ха хад̇т̇амуд̣̇д̣̇аад̣̇ихад̇т̇авигааро жа ан̇г̇абажжан̇г̇ажобанан̃жа ‘‘гааязнаа’’д̇и иминаа г̇ахзд̇аб̣б̣ам̣. ваажааяа ваад̇и яо савануубажаарз тид̇о д̇зна вин̃н̃аад̇ум̣ саггун̣зяязна язна гзнажи вохаарзна ваа. яо бхигкууд̇и яо убасамбанно т̇зро ваа наво ваа маж̇жхимо ваа. самуд̣̇аажарзяяаад̇и ‘‘батамам̣ жхаанам̣ самаабаж̇ж̇аамий’’д̇иаад̣̇иважанаббагаарзсу яам̣ ган̃жи багаарам̣ вад̣̇зяяа. д̇ад̣̇ад̇т̇зд̇и д̇зна вуд̇д̇аваагяасса ад̇т̇з. н̃аад̇зваад̇и н̃аад̇з зва. маад̇уг̇аамам̣ ваа бурисам̣ ваа яам̣ гин̃жи уд̣̇д̣̇исса вуд̇д̇з, д̇знзва ваа ануд̣̇д̣̇исса вуд̇д̇з савануубажаарз тид̇зна язна гзнажи мануссабхууд̇зна важанасамананд̇арамзва ‘‘аяам̣ батамаж̇жхааналаабхий’’д̇иаад̣̇игз яат̇аавуд̇д̇з ад̇т̇аббагаарз н̃аад̇зязва. ‘‘со’’д̇и аж̇жхаахарид̇ваа ‘‘со буна рул̣хибхаавз абхаб̣б̣о’’д̇и яож̇зд̇аб̣б̣ам̣, ад̇д̇ани авиж̇ж̇амаанаг̇ун̣ам̣ санд̇ам̣ вияа гад̇ваа ижчаажаарз тад̇ваа звам̣ гат̇ид̇абуг̇г̇ало сийлз бад̇идтааяа убаруубари лаб̣бхамааналогияалогуд̇д̇араг̇ун̣зхи б̣уд̣̇д̇хисан̇каад̇ам̣ саасанз б̣уд̣̇д̇химад̇хиг̇анд̇ум̣ анараход̇и ад̇т̇о . гим̣ вияаад̇и ааха ‘‘яат̇зва…бз… рул̣ибхаавз’’д̇и. ‘‘яат̇аа’’д̇и зд̇зна самб̣анд̇хо ‘‘д̇ат̇аа’’д̇и, яат̇аа д̇аало мад̇т̇агажчинно абхаб̣б̣о буна вирул̣хияаа, соби баарааж̇игам̣ аабанно д̇ат̇зва д̣̇адтаб̣б̣од̇и ад̇т̇о.
Viññattipathe ṭhitassa kāyena vā vācāya vā yo bhikkhu samudācareyyāti ajjhāharitvā yojetabbaṃ. Viññattipathe ṭhitassāti dvādasahatthabbhantare padese ṭhitassa ‘‘itthiyā vā purisassa vā gahaṭṭhassa vā pabbajitassa vā’’ti (pārā. 198) padabhājane vuttassa yassa kassaci. Kāyena vāti hatthamuddādivasena kāyena vā. ‘‘Sikkhāpaccakkhānaṃ hatthamuddāya sīsaṃ na otarati, idaṃ abhūtārocanaṃ hatthamuddāyapi otaratī’’ti (pārā. aṭṭha. 2.215) aṭṭhakathāyaṃ vuttattā idha hatthamuddādihatthavikāro ca aṅgapaccaṅgacopanañca ‘‘kāyenā’’ti iminā gahetabbaṃ. Vācāya vāti yo savanūpacāre ṭhito tena viññātuṃ sakkuṇeyyena yena kenaci vohārena vā. Yo bhikkhūti yo upasampanno thero vā navo vā majjhimo vā. Samudācareyyāti ‘‘paṭhamaṃ jhānaṃ samāpajjāmī’’tiādivacanappakāresu yaṃ kañci pakāraṃ vadeyya. Tadattheti tena vuttavākyassa atthe. Ñātevāti ñāte eva. Mātugāmaṃ vā purisaṃ vā yaṃ kiñci uddissa vutte, teneva vā anuddissa vutte savanūpacāre ṭhitena yena kenaci manussabhūtena vacanasamanantarameva ‘‘ayaṃ paṭhamajjhānalābhī’’tiādike yathāvutte atthappakāre ñāteyeva. ‘‘So’’ti ajjhāharitvā ‘‘so puna ruḷhibhāve abhabbo’’ti yojetabbaṃ, attani avijjamānaguṇaṃ santaṃ viya katvā icchācāre ṭhatvā evaṃ kathitapuggalo sīle patiṭṭhāya uparūpari labbhamānalokiyalokuttaraguṇehi buddhisaṅkhātaṃ sāsane buddhimadhigantuṃ anarahoti attho . Kiṃ viyāti āha ‘‘yatheva…pe… ruḷibhāve’’ti. ‘‘Yathā’’ti etena sambandho ‘‘tathā’’ti, yathā tālo matthakacchinno abhabbo puna viruḷhiyā, sopi pārājikaṃ āpanno tatheva daṭṭhabboti attho.
308-9. ид̣̇аани ‘‘н̃аад̇зва абхаб̣б̣о’’д̇и жа ‘‘ан̃н̃аабад̣̇зсан̃жа винаа’’д̇и жа зд̇асмим̣ ваагяад̣̇ваяз б̣яад̇ирзгад̇т̇авасзна самбхаванд̇ам̣ аабад̇д̇ибхзд̣̇ам̣ д̣̇ассзд̇умааха ‘‘асанд̇амзваа’’д̇иаад̣̇и.
308-9. Idāni ‘‘ñāteva abhabbo’’ti ca ‘‘aññāpadesañca vinā’’ti ca etasmiṃ vākyadvaye byatirekatthavasena sambhavantaṃ āpattibhedaṃ dassetumāha ‘‘asantamevā’’tiādi.
ананд̇аранд̇и ‘‘батамам̣ жхаанам̣ самаабаж̇ж̇аамий’’д̇иаад̣̇иважанасамананд̇арамзва. сод̇и д̣̇ваад̣̇асахад̇т̇аб̣бханд̇арз тад̇ваа язна д̇ам̣ важанам̣ суд̇ам̣, со баро буг̇г̇ало. ж̇аанаад̇и жзд̇и ‘‘аяам̣ батамаж̇жхааналаабхий’’д̇иаад̣̇ивасзна д̇зна вуд̇д̇аважанаббагаарзна ад̇т̇ам̣ авираад̇хзд̇ваа ажирзнзва сажз ж̇аанаад̇ийд̇и ад̇т̇о. яо бана жхаанаад̣̇ийнам̣ ад̇д̇анаа алад̣̇д̇хабхаавзна ваа ааг̇амз уг̇г̇ахабарибужчаад̣̇ивасзна абарижид̇ад̇д̇аа ваа жхаанаад̣̇исаруубам̣ аж̇аананд̇оби гзвалам̣ ‘‘жхаанам̣ вимогко самаад̇хи самаабад̇д̇ий’’д̇иаад̣̇иважанаанам̣ суд̇абуб̣б̣ад̇д̇аа д̇зна ‘‘батамам̣ жхаанам̣ самаабаж̇ж̇аамий’’д̇иаад̣̇иважанз вуд̇д̇з ‘‘жхаанам̣ гира зса самаабаж̇ж̇ад̇ий’’д̇и яад̣̇и зд̇д̇агамад̇т̇амби ж̇аанаад̇и, соби ‘‘ж̇аанаад̇и’’жжзва адтагат̇ааяам̣ (баараа. адта. 2.215) вуд̇д̇од̇и г̇ахзд̇аб̣б̣о. жуд̇о хийд̇и хи-сад̣̇д̣̇о авад̇хааран̣з, ад̇д̇анаа вуд̇д̇з д̇зна д̇ад̇д̇агзязва н̃аад̇з со асанд̇аг̇ун̣ад̣̇ийбаго баабабуг̇г̇ало паласамбад̇д̇исамбаннам̣ имам̣ саасанаамад̇амахаабаад̣̇абам̣ ааруяхааби палам̣ абарибхун̃ж̇ид̇ваа вираад̇хзд̇ваа бад̇ид̇ваа мад̇о наама ход̇ийд̇и вуд̇д̇ам̣ ход̇и. имассзвад̇т̇асса ‘‘асанд̇а’’мижжаад̣̇инаа батамам̣ вуд̇д̇ассаби б̣яад̇ирзгад̇т̇ам̣ д̣̇ассзд̇ум̣ ануваад̣̇авасзна вуд̇д̇ад̇д̇аа бунаруд̇д̇ид̣̇осо на ход̇ийд̇и д̣̇адтаб̣б̣ам̣.
Anantaranti ‘‘paṭhamaṃ jhānaṃ samāpajjāmī’’tiādivacanasamanantarameva. Soti dvādasahatthabbhantare ṭhatvā yena taṃ vacanaṃ sutaṃ, so paro puggalo. Jānāti ceti ‘‘ayaṃ paṭhamajjhānalābhī’’tiādivasena tena vuttavacanappakārena atthaṃ avirādhetvā acireneva sace jānātīti attho. Yo pana jhānādīnaṃ attanā aladdhabhāvena vā āgame uggahaparipucchādivasena aparicitattā vā jhānādisarūpaṃ ajānantopi kevalaṃ ‘‘jhānaṃ vimokkho samādhi samāpattī’’tiādivacanānaṃ sutapubbattā tena ‘‘paṭhamaṃ jhānaṃ samāpajjāmī’’tiādivacane vutte ‘‘jhānaṃ kira esa samāpajjatī’’ti yadi ettakamatthampi jānāti, sopi ‘‘jānāti’’cceva aṭṭhakathāyaṃ (pārā. aṭṭha. 2.215) vuttoti gahetabbo. Cuto hīti hi-saddo avadhāraṇe, attanā vutte tena tattakeyeva ñāte so asantaguṇadīpako pāpapuggalo phalasampattisampannaṃ imaṃ sāsanāmatamahāpādapaṃ āruyhāpi phalaṃ aparibhuñjitvā virādhetvā patitvā mato nāma hotīti vuttaṃ hoti. Imassevatthassa ‘‘asanta’’miccādinā paṭhamaṃ vuttassapi byatirekatthaṃ dassetuṃ anuvādavasena vuttattā punaruttidoso na hotīti daṭṭhabbaṃ.
ид̣̇аани д̇ам̣ б̣яад̇ирзгад̇т̇ам̣ д̣̇ассзд̇умааха ‘‘но жз…бз… ход̇ий’’д̇и. яасса со аарожзд̇и, со жз на ж̇аанаад̇и, асса асанд̇аг̇ун̣ад̣̇ийбагасса мусааваад̣̇ино.
Idāni taṃ byatirekatthaṃ dassetumāha ‘‘no ce…pe… hotī’’ti. Yassa so āroceti, so ce na jānāti, assa asantaguṇadīpakassa musāvādino.
‘‘ан̃н̃аабад̣̇зсан̃жа винаа’’д̇и иминаа д̣̇ассид̇аб̣яад̇ирзгад̇т̇асса бхааваабхаавз самбхаванд̇ам̣ аабад̇д̇ибхзд̣̇ам̣ д̣̇ассзд̇умааха ‘‘яо д̇з’’д̇иаад̣̇и. яо бхигку д̇з д̇ава ид̇ха имасмим̣ вихаарз васад̇ийд̇и яож̇анаа. д̣̇ийбид̇зд̇и ад̇д̇ано ад̇хиббааяз багаасид̇з. ж̇аанаад̇и жзд̇и яо д̇ат̇аа вуд̇д̇аважанам̣ ассоси, со ‘‘зса ан̃н̃аабад̣̇зсзна ад̇д̇ано жхааналаабхид̇ам̣ д̣̇ийбзд̇ий’’д̇и ваа ‘‘зсо жхааналаабхий’’д̇и ваа важанасамананд̇арамзва сажз ж̇аанаад̇и. ассаад̇и звам̣ гат̇ид̇аважанавад̇о д̇асса бхигкуно. д̇ам̣ д̇зна вуд̇д̇аважанам̣. д̣̇уггадамзва ход̇и, на т̇уллажжаяанд̇и ад̇т̇о. ад̇д̇ано ааваасагаараанам̣ д̣̇ааяагаанам̣ ан̃н̃асса бавад̇д̇им̣ гат̇знд̇асса вияа ад̇д̇аноязва асанд̇аг̇ун̣ам̣ санд̇амива гад̇ваа гат̇анаагааро имааяа г̇аат̇ааяа ад̇т̇ад̇о вуд̇д̇од̇и д̣̇адтаб̣б̣о.
‘‘Aññāpadesañca vinā’’ti iminā dassitabyatirekatthassa bhāvābhāve sambhavantaṃ āpattibhedaṃ dassetumāha ‘‘yo te’’tiādi. Yo bhikkhu te tava idha imasmiṃ vihāre vasatīti yojanā. Dīpiteti attano adhippāye pakāsite. Jānāti ceti yo tathā vuttavacanaṃ assosi, so ‘‘esa aññāpadesena attano jhānalābhitaṃ dīpetī’’ti vā ‘‘eso jhānalābhī’’ti vā vacanasamanantarameva sace jānāti. Assāti evaṃ kathitavacanavato tassa bhikkhuno. Taṃ tena vuttavacanaṃ. Dukkaṭameva hoti, na thullaccayanti attho. Attano āvāsakārānaṃ dāyakānaṃ aññassa pavattiṃ kathentassa viya attanoyeva asantaguṇaṃ santamiva katvā kathanākāro imāya gāthāya atthato vuttoti daṭṭhabbo.
зд̇т̇а жа жхааналаабхийд̇и жаад̇и авуд̇д̇асамужжаяад̇т̇зна жа-сад̣̇д̣̇зна баал̣ияам̣ (баараа. 220) ааг̇ад̇аа авасзсабарияааяаваараа жа сан̇г̇ахид̇аад̇и д̣̇адтаб̣б̣ам̣. д̇ат̇аа жхааналаабхийд̇и зд̇т̇а жхаанаг̇г̇ахан̣зна вимогкаад̣̇ийнан̃жа убалагкид̇ад̇д̇аа жхаанаад̣̇ид̣̇асавид̇хауд̇д̇аримануссад̇хаммависаяабарияааяагат̇ам̣ суд̇авад̇аа д̇ан̇кан̣з д̇ад̣̇ад̇т̇з н̃аад̇з барияааяасамуллаабагзна аабаж̇ж̇ид̇аб̣б̣ам̣ т̇уллажжаяан̃жа авин̃н̃аад̇з ваа жирзна вин̃н̃аад̇з ваа аабаж̇ж̇ид̇аб̣б̣ам̣ д̣̇уггадан̃жа имааяа г̇аат̇ааяа ад̇т̇ад̇о д̣̇ассид̇амзваад̇и д̣̇адтаб̣б̣ам̣.
Ettha ca jhānalābhīti cāti avuttasamuccayatthena ca-saddena pāḷiyaṃ (pārā. 220) āgatā avasesapariyāyavārā ca saṅgahitāti daṭṭhabbaṃ. Tathā jhānalābhīti ettha jhānaggahaṇena vimokkhādīnañca upalakkhitattā jhānādidasavidhauttarimanussadhammavisayapariyāyakathaṃ sutavatā taṅkhaṇe tadatthe ñāte pariyāyasamullāpakena āpajjitabbaṃ thullaccayañca aviññāte vā cirena viññāte vā āpajjitabbaṃ dukkaṭañca imāya gāthāya atthato dassitamevāti daṭṭhabbaṃ.
310. зд̇анд̇и яат̇аавуд̇д̇аббагаарам̣ жхаанаад̣̇ибхзд̣̇ам̣ уд̇д̇аримануссад̇хаммам̣. ад̇химаанаад̇и ‘‘ад̇хиг̇ад̇оха’’нд̇и звам̣ уббаннамаанаа, ад̇хигамаанаад̇и ад̇т̇о, ‘‘аяам̣ д̇хаммо маяаа ад̇хиг̇ад̇о’’д̇и д̣̇ал̣хамуббаннзна маанзна гат̇знд̇ассаад̇и вуд̇д̇ам̣ ход̇и. вуд̇д̇о анаабад̇д̇инаяод̇и аабад̇д̇ияаа абхааво анаабад̇д̇и, саа зва наяо нзд̇аб̣б̣о б̣уж̇жхид̇аб̣б̣од̇и гад̇ваа, анаабад̇д̇ийд̇и вуд̇д̇ам̣ ход̇и. ‘‘ад̇химаанзнаа’’д̇и звам̣ вуд̇д̇о бхаг̇авад̇аад̇и ад̇т̇о, ‘‘ад̇хиг̇ад̇ад̇хаммоха’’нд̇и ад̇химаанзна ‘‘ахам̣ батамаж̇жхааналаабхий’’д̇иаад̣̇ийни вад̣̇анд̇асса анаабад̇д̇ийд̇и вуд̇д̇ам̣ ход̇и.
310.Etanti yathāvuttappakāraṃ jhānādibhedaṃ uttarimanussadhammaṃ. Adhimānāti ‘‘adhigatoha’’nti evaṃ uppannamānā, adhikamānāti attho, ‘‘ayaṃ dhammo mayā adhigato’’ti daḷhamuppannena mānena kathentassāti vuttaṃ hoti. Vutto anāpattinayoti āpattiyā abhāvo anāpatti, sā eva nayo netabbo bujjhitabboti katvā, anāpattīti vuttaṃ hoti. ‘‘Adhimānenā’’ti evaṃ vutto bhagavatāti attho, ‘‘adhigatadhammoha’’nti adhimānena ‘‘ahaṃ paṭhamajjhānalābhī’’tiādīni vadantassa anāpattīti vuttaṃ hoti.
аяамад̇химаано гасса ход̇и, гасса на ход̇ийд̇и жз? арияаанам̣ на ход̇и маг̇г̇абажжавзгкан̣аад̣̇ийхи бан̃жахи бажжавзгкан̣аахи сан̃ж̇аад̇асоманассаанам̣ вид̇ин̣н̣аган̇кад̇д̇аа. д̣̇уссийлассааби на ход̇и д̇асса арияаг̇ун̣аад̇хиг̇амз нируссаахад̇д̇аа. сусийлассааби гаммадтаанаануяог̇арахид̇асса нид̣̇д̣̇аараамад̇аад̣̇имануяуд̇д̇асса на ход̇и виссадтабхааванаабхияог̇ад̇д̇аа. субарисуд̣̇д̇хааяа сийласамбад̇д̇ияаа бад̇идтааяа самат̇абхааванаамануяуд̇д̇асса руубааруубасамаабад̇д̇ияам̣ бад̇д̇аасино ваа вибассанаабхияуд̇д̇асса собаггилзсод̣̇аяаб̣б̣аяан̃аан̣алаабхино ваа уббаж̇ж̇ад̇и. со самат̇авибассанаабхааванаахи гилзсасамуд̣̇аажаарасса абхаавз уббаннз д̇з висзсабхааг̇ино бхавид̇ум̣ ад̣̇ад̇ваа тид̇ибхааг̇ино гад̇ваа табзд̇ийд̇и взд̣̇ид̇аб̣б̣о.
Ayamadhimāno kassa hoti, kassa na hotīti ce? Ariyānaṃ na hoti maggapaccavekkhaṇādīhi pañcahi paccavekkhaṇāhi sañjātasomanassānaṃ vitiṇṇakaṅkhattā. Dussīlassāpi na hoti tassa ariyaguṇādhigame nirussāhattā. Susīlassāpi kammaṭṭhānānuyogarahitassa niddārāmatādimanuyuttassa na hoti vissaṭṭhabhāvanābhiyogattā. Suparisuddhāya sīlasampattiyā patiṭṭhāya samathabhāvanāmanuyuttassa rūpārūpasamāpattiyaṃ pattāsino vā vipassanābhiyuttassa sopakkilesodayabbayañāṇalābhino vā uppajjati. So samathavipassanābhāvanāhi kilesasamudācārassa abhāve uppanne te visesabhāgino bhavituṃ adatvā ṭhitibhāgino katvā ṭhapetīti veditabbo.
банаад̇и аби-сад̣̇д̣̇ад̇т̇о. ‘‘зва’’нд̇и иминаа ‘‘анаабад̇д̇инаяо вуд̇д̇о’’д̇и бажжаамасад̇и. ‘‘авад̇д̇угаамассаа’’д̇и ид̣̇ан̃жа баал̣ияам̣ ааг̇ад̇ам̣ ‘‘ануллабанаад̇хиббааяассаа’’д̇и (баараа. 222, 225) ид̣̇ан̃жа анад̇т̇анд̇арам̣. авад̇д̇угаамассаад̇и звам̣ вуд̇д̇од̇и яож̇анаа. гохан̃н̃зна баабижчаабагад̇асса ‘‘жхаанаад̣̇ийнам̣ лаабхимхий’’д̇и вад̣̇анд̇асса аж̇жхаасаяо уллабанаад̇хиббааяо наама, д̇ат̇аа ахуд̇ваа саб̣рахмажаарийсу ан̃н̃ам̣ б̣яаагаронд̇асса звамзва анаабад̇д̇ибхааво вуд̇д̇о бхаг̇авад̇аад̇и ад̇т̇о. аад̣̇игассааби звам̣ вуд̇д̇од̇и яож̇анаа. ‘‘анаабад̇д̇и аад̣̇игаммигассаа’’д̇и (баараа. 222) аад̣̇игаммигассааби анаабад̇д̇ибхааво вуд̇д̇о бхаг̇авад̇аад̇и ад̇т̇о. имасмим̣ сигкаабад̣̇з ваг̇г̇умуд̣̇аад̇ийрияаа бхигкуу аад̣̇игаммигаа. авуд̇д̇асамужжаяад̇т̇зна д̇ат̇аа-сад̣̇д̣̇зна ид̇ха авуд̇д̇ауммад̇д̇агакид̇д̇ажид̇д̇авзд̣̇анаддаа г̇ахид̇аа.
Panāti api-saddattho. ‘‘Eva’’nti iminā ‘‘anāpattinayo vutto’’ti paccāmasati. ‘‘Avattukāmassā’’ti idañca pāḷiyaṃ āgataṃ ‘‘anullapanādhippāyassā’’ti (pārā. 222, 225) idañca anatthantaraṃ. Avattukāmassāti evaṃ vuttoti yojanā. Kohaññena pāpicchāpakatassa ‘‘jhānādīnaṃ lābhimhī’’ti vadantassa ajjhāsayo ullapanādhippāyo nāma, tathā ahutvā sabrahmacārīsu aññaṃ byākarontassa evameva anāpattibhāvo vutto bhagavatāti attho. Ādikassāpi evaṃ vuttoti yojanā. ‘‘Anāpatti ādikammikassā’’ti (pārā. 222) ādikammikassāpi anāpattibhāvo vutto bhagavatāti attho. Imasmiṃ sikkhāpade vaggumudātīriyā bhikkhū ādikammikā. Avuttasamuccayatthena tathā-saddena idha avuttaummattakakhittacittavedanaṭṭā gahitā.
311. баабижчад̇аад̇и ‘‘звам̣ мам̣ ж̇ано самбхаавзссад̇ий’’д̇и жхааналаабхид̇аад̣̇ихзд̇угааяа самбхааванааяа самбхааванаанимид̇д̇асса бажжаяабадилаабхасса бад̇т̇анаасан̇каад̇ааяа баабигааяа лаамигааяа ижчааяа саманнааг̇ад̇абхааво жа. д̇ассаад̇и яам̣ жхаанаад̣̇ибхзд̣̇абхиннам̣ уд̇д̇аримануссад̇хаммам̣ самуллаби, д̇асса д̇хаммасса. асанд̇абхаавод̇и ад̇д̇асанд̇аанз бажжуббаннаж̇аад̇ияам̣ ануббаад̣̇ид̇абхаавзна авиж̇ж̇амаанабхааво. мануссагасса аарожанан̃жзваад̇и вуд̇д̇аважанасса ад̇т̇ам̣ д̇ан̇кан̣з ж̇аананагасса мануссаж̇аад̇игасса ‘‘батамам̣ жхаанам̣ самаабаж̇ж̇и’’нд̇иаад̣̇инаа наязна савануубажаарз тад̇ваа аарожанан̃жа. нан̃н̃аабад̣̇зсзна аарожанан̃жаад̇и самб̣анд̇хо. ‘‘яо д̇з вихаарз васад̇и, со бхигку батамам̣ жхаанам̣ самаабаж̇ж̇ий’’д̇иаад̣̇инаа (баараа. 220) наязна бавад̇д̇аан̃н̃аабад̣̇зсам̣ винаа уж̇угамзва аарожанан̃жа. д̇ад̣̇зва н̃аан̣анд̇и д̇ад̣̇аа зва н̃аан̣ам̣, ажирааяид̇ваа вуд̇д̇агкан̣зязва ж̇аанананд̇и ад̇т̇о. зд̇т̇аад̇и имасмим̣ жад̇уд̇т̇абаарааж̇игаабад̇д̇ияам̣. д̇хийраа винаяад̇хараа.
311.Pāpicchatāti ‘‘evaṃ maṃ jano sambhāvessatī’’ti jhānalābhitādihetukāya sambhāvanāya sambhāvanānimittassa paccayapaṭilābhassa patthanāsaṅkhātāya pāpikāya lāmikāya icchāya samannāgatabhāvo ca. Tassāti yaṃ jhānādibhedabhinnaṃ uttarimanussadhammaṃ samullapi, tassa dhammassa. Asantabhāvoti attasantāne paccuppannajātiyaṃ anuppāditabhāvena avijjamānabhāvo. Manussakassa ārocanañcevāti vuttavacanassa atthaṃ taṅkhaṇe jānanakassa manussajātikassa ‘‘paṭhamaṃ jhānaṃ samāpajji’’ntiādinā nayena savanūpacāre ṭhatvā ārocanañca. Naññāpadesena ārocanañcāti sambandho. ‘‘Yo te vihāre vasati, so bhikkhu paṭhamaṃ jhānaṃ samāpajjī’’tiādinā (pārā. 220) nayena pavattaaññāpadesaṃ vinā ujukameva ārocanañca. Tadeva ñāṇanti tadā eva ñāṇaṃ, acirāyitvā vuttakkhaṇeyeva jānananti attho. Etthāti imasmiṃ catutthapārājikāpattiyaṃ. Dhīrā vinayadharā.
312. батамз д̣̇уд̇ияз жанд̇зд̇и мануссавиг̇г̇ахабаарааж̇игаваж̇ж̇ид̇з яат̇аавуд̇д̇абаарааж̇игад̇д̇аяз. барияааяо на виж̇ж̇ад̇ийд̇и баарааж̇игаабад̇д̇ибат̇ам̣ барияааяаважанам̣ на лабхад̇и. ‘‘на банзд̇арз’’д̇и ид̣̇ам̣ зд̇т̇ааби яож̇зд̇аб̣б̣ам̣, ид̇арз бана д̇ад̇ияабаарааж̇игз барияааяо на виж̇ж̇ад̇ийд̇и ад̇т̇о. ‘‘маран̣аван̣н̣ам̣ ваа сам̣ван̣н̣зяяаа’’д̇и (баараа. 172) жа ‘‘амбхо буриса гим̣ д̇уяхиминаа’’д̇иаад̣̇инаа (баараа. 171) жа ‘‘яо звам̣ марад̇и, со д̇ханам̣ ваа лабхад̇ий’’д̇иаад̣̇инаа (баараа. 175) жа барияааязна вад̣̇анд̇асса баарааж̇игамзваад̇и вуд̇д̇ам̣ ход̇и. аан̣ад̇д̇и баарааж̇игахзд̇уаан̣ад̇д̇игаббаяог̇о. на банзд̇арзд̇и батамажад̇уд̇т̇абаарааж̇игад̣̇ваяз бана баарааж̇игахзд̇убхууд̇аа аан̣ад̇д̇и на лабхад̇ийд̇и ад̇т̇о.
312.Paṭhame dutiye canteti manussaviggahapārājikavajjite yathāvuttapārājikattaye. Pariyāyo na vijjatīti pārājikāpattipathaṃ pariyāyavacanaṃ na labhati. ‘‘Na panetare’’ti idaṃ etthāpi yojetabbaṃ, itare pana tatiyapārājike pariyāyo na vijjatīti attho. ‘‘Maraṇavaṇṇaṃ vā saṃvaṇṇeyyā’’ti (pārā. 172) ca ‘‘ambho purisa kiṃ tuyhiminā’’tiādinā (pārā. 171) ca ‘‘yo evaṃ marati, so dhanaṃ vā labhatī’’tiādinā (pārā. 175) ca pariyāyena vadantassa pārājikamevāti vuttaṃ hoti. Āṇatti pārājikahetuāṇattikappayogo. Na panetareti paṭhamacatutthapārājikadvaye pana pārājikahetubhūtā āṇatti na labhatīti attho.
313. аад̣̇ийд̇и батамабаарааж̇игам̣. згасамудтаананд̇и згагааран̣ам̣. самудтаад̇и аабад̇д̇и зд̇асмаад̇и самудтаанам̣, гааран̣ам̣ гааяаад̣̇и. д̇ам̣ бана чаб̣б̣ид̇хам̣ гааяо, ваажаа, гааяаваажаа, гааяажид̇д̇ам̣, ваажаажид̇д̇ам̣, гааяаваажаажид̇д̇анд̇и. д̇зсам̣ винижчаяам̣ уд̇д̇арз (у. ви. 325 аад̣̇аяо) яат̇ааг̇ад̇адтаанзязва жа ван̣н̣аяиссаама. д̇ад̇рид̣̇ам̣ згасамудтаанам̣ згам̣ гааяажид̇д̇ам̣ самудтаанам̣ зд̇ассаад̇и гад̇ваа. д̇знааха ‘‘д̣̇уван̇г̇ам̣ гааяажид̇д̇ад̇о’’д̇и. ‘‘д̇ам̣ самудтаана’’нд̇и аж̇жхаахааро. язна самудтаанзна батамабаарааж̇игаабад̇д̇и уббаж̇ж̇ад̇и, д̇ам̣самудтаанасан̇каад̇ам̣ гааран̣ам̣. ан̇г̇аж̇аад̇асан̇каад̇ам̣ гааяан̃жа сзванажид̇д̇ан̃жаад̇и д̣̇ваяам̣ ан̇г̇ам̣ аваяавам̣ зд̇ассаад̇и д̣̇уван̇г̇ам̣, д̇ад̣̇убхаяасабхааванд̇и ад̇т̇о яат̇аа ‘‘д̣̇уван̇г̇ам̣ жад̇уд̇т̇аж̇жхаана’’нд̇и. сзсаад̇и авасидтаани д̇ийн̣и баарааж̇игаани. д̇исамудтаанаад̇и гааяажид̇д̇ам̣, ваажаажид̇д̇ам̣, гааяаваажаажид̇д̇анд̇и д̇исамудтаанаа д̇ийн̣и самудтаанаани зд̇зсанд̇и гад̇ваа. д̇зсанд̇и д̇зсам̣ д̇ин̣н̣ам̣ самудтаанаанам̣. ан̇г̇аанийд̇и аваяаваани. сад̇д̇а гааяо, жид̇д̇ам̣, ваажаа, жид̇д̇ам̣, гааяо, ваажаа, жид̇д̇анд̇и, д̇ам̣сабхааваад̇и вуд̇д̇ам̣ ход̇и.
313.Ādīti paṭhamapārājikaṃ. Ekasamuṭṭhānanti ekakāraṇaṃ. Samuṭṭhāti āpatti etasmāti samuṭṭhānaṃ, kāraṇaṃ kāyādi. Taṃ pana chabbidhaṃ kāyo, vācā, kāyavācā, kāyacittaṃ, vācācittaṃ, kāyavācācittanti. Tesaṃ vinicchayaṃ uttare (u. vi. 325 ādayo) yathāgataṭṭhāneyeva ca vaṇṇayissāma. Tatridaṃ ekasamuṭṭhānaṃ ekaṃ kāyacittaṃ samuṭṭhānaṃ etassāti katvā. Tenāha ‘‘duvaṅgaṃ kāyacittato’’ti. ‘‘Taṃ samuṭṭhāna’’nti ajjhāhāro. Yena samuṭṭhānena paṭhamapārājikāpatti uppajjati, taṃsamuṭṭhānasaṅkhātaṃ kāraṇaṃ. Aṅgajātasaṅkhātaṃ kāyañca sevanacittañcāti dvayaṃ aṅgaṃ avayavaṃ etassāti duvaṅgaṃ, tadubhayasabhāvanti attho yathā ‘‘duvaṅgaṃ catutthajjhāna’’nti. Sesāti avasiṭṭhāni tīṇi pārājikāni. Tisamuṭṭhānāti kāyacittaṃ, vācācittaṃ, kāyavācācittanti tisamuṭṭhānā tīṇi samuṭṭhānāni etesanti katvā. Tesanti tesaṃ tiṇṇaṃ samuṭṭhānānaṃ. Aṅgānīti avayavāni. Satta kāyo, cittaṃ, vācā, cittaṃ, kāyo, vācā, cittanti, taṃsabhāvāti vuttaṃ hoti.
314. аад̣̇ийд̇и мзт̇унад̇хаммабадисзванажид̇д̇асамбаяуд̇д̇ажзд̇анаасабхаавам̣ батамабаарааж̇игам̣. сукобзгкааяуд̇ам̣ уд̣̇ийрид̇анд̇и яож̇анаа. идтааламб̣ан̣абадилаабхаад̣̇исоманассахзд̇умхи сад̇и сукавзд̣̇анаасамбаяуд̇д̇ам̣ ход̇и, д̇асмим̣ асад̇и убзгкаавзд̣̇анааяа самбаяуд̇д̇ам̣ ход̇ийд̇и вуд̇д̇анд̇и ад̇т̇о.
314.Ādīti methunadhammapaṭisevanacittasampayuttacetanāsabhāvaṃ paṭhamapārājikaṃ. Sukhopekkhāyutaṃ udīritanti yojanā. Iṭṭhālambaṇapaṭilābhādisomanassahetumhi sati sukhavedanāsampayuttaṃ hoti, tasmiṃ asati upekkhāvedanāya sampayuttaṃ hotīti vuttanti attho.
д̇ад̇ияам̣ д̣̇угкавзд̣̇ананд̇и д̇ад̇ияам̣ мануссавиг̇г̇ахабаарааж̇игам̣ д̣̇осажид̇д̇асамбаяуд̇д̇ажзд̇анаасабхаавад̇д̇аа д̣̇угкавзд̣̇анааяа самбаяуд̇д̇анд̇и ад̇т̇о.
Tatiyaṃ dukkhavedananti tatiyaṃ manussaviggahapārājikaṃ dosacittasampayuttacetanāsabhāvattā dukkhavedanāya sampayuttanti attho.
д̣̇уд̇ияанд̇и ад̣̇иннаад̣̇аанажзд̇анаалагкан̣ам̣ д̣̇уд̇ияабаарааж̇игам̣. лобхзна барасанд̇агам̣ жоригааяа г̇ан̣ханд̇асса соманассасамбаяуд̇д̇ам̣ ход̇и, год̇хзна абхибхууд̇асса вилумбид̇ваа ваа вилумбаабзд̇ваа ваа г̇ан̣хад̇о д̣̇оманассасамбаяуд̇д̇ам̣ ход̇и, соманассам̣, д̣̇оманассан̃жа винаа аг̇г̇ахзд̇угаамо вияа худ̇ваа уд̣̇аасийнасса г̇ан̣хад̇о убзгкаасамбаяуд̇д̇ам̣ ход̇ийд̇и ‘‘д̇ивзд̣̇анамуд̣̇ийрид̇а’’нд̇и ааха.
Dutiyanti adinnādānacetanālakkhaṇaṃ dutiyapārājikaṃ. Lobhena parasantakaṃ corikāya gaṇhantassa somanassasampayuttaṃ hoti, kodhena abhibhūtassa vilumpitvā vā vilumpāpetvā vā gaṇhato domanassasampayuttaṃ hoti, somanassaṃ, domanassañca vinā aggahetukāmo viya hutvā udāsīnassa gaṇhato upekkhāsampayuttaṃ hotīti ‘‘tivedanamudīrita’’nti āha.
жад̇уд̇т̇ан̃жаад̇и уд̇д̇аримануссад̇хаммасамуллабанажзд̇анаалагкан̣ам̣ жад̇уд̇т̇абаарааж̇иган̃жа. самбхааванижчааяа бажжаяаасааяа ваа д̇удтад̇удтассзва ‘‘ахам̣ батамам̣ жхаанам̣ самаабаж̇ж̇аамий’’д̇иаад̣̇инаа наязна ад̇д̇ано уд̇д̇аримануссад̇хаммалаабхид̇ам̣ вад̣̇анд̇асса соманассасамбаяуд̇д̇ам̣ ход̇и, ан̃н̃абуг̇г̇алзсу бадихад̇ажид̇д̇асса галахабурзгкаарад̇ааяа вад̣̇ад̇о д̣̇оманассасамбаяуд̇д̇ам̣ ход̇и, бажжаяаалаабхзна ж̇игхажчаад̣̇ид̣̇угкам̣ сахид̇умасаггун̣зяяад̇ааяа уд̣̇аасийнасса вад̣̇ад̇о убзгкаасамбаяуд̇д̇ам̣ ход̇ийд̇и ‘‘д̇ивзд̣̇анамуд̣̇ийрид̇а’’нд̇и ааха.
Catutthañcāti uttarimanussadhammasamullapanacetanālakkhaṇaṃ catutthapārājikañca. Sambhāvanicchāya paccayāsāya vā tuṭṭhatuṭṭhasseva ‘‘ahaṃ paṭhamaṃ jhānaṃ samāpajjāmī’’tiādinā nayena attano uttarimanussadhammalābhitaṃ vadantassa somanassasampayuttaṃ hoti, aññapuggalesu paṭihatacittassa kalahapurekkhāratāya vadato domanassasampayuttaṃ hoti, paccayālābhena jighacchādidukkhaṃ sahitumasakkuṇeyyatāya udāsīnassa vadato upekkhāsampayuttaṃ hotīti ‘‘tivedanamudīrita’’nti āha.
315. адта жид̇д̇аанийд̇и лобхасахаг̇ад̇аани адта жид̇д̇аани лаб̣бхарзд̇и яож̇анаа, лаб̣бханд̇ийд̇и ад̇т̇о, жзд̇анаасабхаавзна батамабаарааж̇игзна самбаяуд̇д̇аанийд̇и вуд̇д̇ам̣ ход̇и. звамубариби. д̣̇увзд̇и бадигхасамбаяуд̇д̇аани д̣̇вз жид̇д̇аани. д̣̇аса жид̇д̇аанийд̇и лобхасахаг̇ад̇аани адта, д̣̇вз бадигхасамбаяуд̇д̇аанийд̇и. лаб̣бхарзд̇и самбаяуд̇д̇абхаавзна лаб̣бханд̇и.
315.Aṭṭha cittānīti lobhasahagatāni aṭṭha cittāni labbhareti yojanā, labbhantīti attho, cetanāsabhāvena paṭhamapārājikena sampayuttānīti vuttaṃ hoti. Evamuparipi. Duveti paṭighasampayuttāni dve cittāni. Dasa cittānīti lobhasahagatāni aṭṭha, dve paṭighasampayuttānīti. Labbhareti sampayuttabhāvena labbhanti.
316. д̇асмаад̇и яасмаа яат̇аавуд̇д̇ажид̇д̇зхи самбаяуд̇д̇ам̣, д̇зна хзд̇унаа. грияаад̇и гаран̣зна аабаж̇ж̇ид̇аб̣б̣ад̇д̇аа гирияаа. вийд̇иггамасан̃н̃ааяа абхаавзна мужжанад̇о сан̃н̃ааяа вимогко зд̇ассаад̇и сан̃н̃аавимогкам̣. логаваж̇ж̇анд̇и логзна агусалабхаавад̇о важ̇ж̇анийяанд̇и д̣̇ийбид̇ам̣ багаасид̇ам̣.
316.Tasmāti yasmā yathāvuttacittehi sampayuttaṃ, tena hetunā. Kriyāti karaṇena āpajjitabbattā kiriyā. Vītikkamasaññāya abhāvena muccanato saññāya vimokkho etassāti saññāvimokkhaṃ. Lokavajjanti lokena akusalabhāvato vajjanīyanti dīpitaṃ pakāsitaṃ.
317. аабад̇д̇ияам̣язваад̇и звагаарзна на сигкаабад̣̇зд̇и д̣̇ассзд̇и. ид̣̇ам̣ вид̇хаананд̇и самудтаанаад̣̇игам̣ ид̣̇ам̣ яат̇аавуд̇д̇ам̣ вид̇хаанам̣. вибхаавинаад̇и бан̃н̃авад̇аа винаяад̇харзна.
317.Āpattiyaṃyevāti evakārena na sikkhāpadeti dasseti. Idaṃ vidhānanti samuṭṭhānādikaṃ idaṃ yathāvuttaṃ vidhānaṃ. Vibhāvināti paññavatā vinayadharena.
318-9. муд̣̇убидти жаад̇и лад̇аа вияа намид̇ваа гаран̣ам̣ д̣̇ассзд̇ваа нажжид̇ум̣ самаваахид̇ваа муд̣̇угад̇абидтиго жа. ламб̣ий жаад̇и баламб̣амаанзна д̣̇ийгхзна ан̇г̇аж̇аад̇зна яуд̇д̇о. ламб̣ад̇ийд̇и ламб̣ам̣, ан̇г̇аж̇аад̇ам̣, д̇ам̣ яасса ад̇т̇и со ламб̣ий. имз д̣̇взби гаамабарил̣аахаад̇урабхаавз сад̇и ад̇д̇ано ан̇г̇аж̇аад̇ам̣ ад̇д̇ано мукам̣, важжамаг̇г̇ан̃жа бавзсзд̇ваа вийд̇иггамид̇умарахад̇д̇аа баарааж̇игаабаннасад̣̇исад̇д̇аа бариваж̇ж̇ид̇аа. мукаг̇г̇аахийд̇и мукзна г̇ахан̣ам̣ мукаг̇г̇аахо, со зд̇асса ад̇т̇ийд̇и мукаг̇г̇аахий, барасса ан̇г̇аж̇аад̇ам̣ мукзна г̇ан̣ханд̇од̇и ад̇т̇о. нисийд̣̇агод̇и барасса ан̇г̇аж̇аад̇з ад̇д̇ано важжамаг̇г̇зна нисийд̣̇анд̇о. имз д̣̇вз сахаваасигаанам̣ сийлавинаасанад̇о ан̃н̃зхи сам̣васид̇ум̣ анарахаад̇и баарааж̇игаабаннасад̣̇исад̇д̇аа виваж̇ж̇ид̇аа. д̇зсанд̇и асам̣ваасад̇аасааман̃н̃зна жад̇д̇ааро баарааж̇игаабаннз сан̇г̇ан̣хаад̇и. ‘‘д̇зсан̃жа маг̇г̇знамаг̇г̇абадибад̇д̇исааман̃н̃зна батамабаарааж̇игаабаннассзва ануломигаад̇и г̇ахзд̇аб̣б̣аа’’ ижжзвам̣ ниссанд̣̇зхз вуд̇д̇ам̣. иминаа жа агад̇авийд̇иггамаанамби муд̣̇убидтиаад̣̇ийнам̣ жад̇уннам̣ ануломабаарааж̇игабхааво вуд̇д̇од̇и вин̃н̃ааяад̇и.
318-9.Mudupiṭṭhi cāti latā viya namitvā karaṇaṃ dassetvā naccituṃ samavāhitvā mudukatapiṭṭhiko ca. Lambī cāti palambamānena dīghena aṅgajātena yutto. Lambatīti lambaṃ, aṅgajātaṃ, taṃ yassa atthi so lambī. Ime dvepi kāmapariḷāhāturabhāve sati attano aṅgajātaṃ attano mukhaṃ, vaccamaggañca pavesetvā vītikkamitumarahattā pārājikāpannasadisattā parivajjitā. Mukhaggāhīti mukhena gahaṇaṃ mukhaggāho, so etassa atthīti mukhaggāhī, parassa aṅgajātaṃ mukhena gaṇhantoti attho. Nisīdakoti parassa aṅgajāte attano vaccamaggena nisīdanto. Ime dve sahavāsikānaṃ sīlavināsanato aññehi saṃvasituṃ anarahāti pārājikāpannasadisattā vivajjitā. Tesanti asaṃvāsatāsāmaññena cattāro pārājikāpanne saṅgaṇhāti. ‘‘Tesañca maggenamaggapaṭipattisāmaññena paṭhamapārājikāpannasseva anulomikāti gahetabbā’’ iccevaṃ nissandehe vuttaṃ. Iminā ca akatavītikkamānampi mudupiṭṭhiādīnaṃ catunnaṃ anulomapārājikabhāvo vuttoti viññāyati.
саманд̇абаасаад̣̇игааяам̣ бана –
Samantapāsādikāyaṃ pana –
‘‘абарааниби ламб̣ий, муд̣̇убидтиго, барасса ан̇г̇аж̇аад̇ам̣ мукзна г̇ан̣хаад̇и, барасса ан̇г̇аж̇аад̇з абхинисийд̣̇ад̇ийд̇и имзсам̣ жад̇уннам̣ васзна жад̇д̇аари ануломабаарааж̇игаанийд̇и вад̣̇анд̇и. зд̇аани хи яасмаа убхиннам̣ рааг̇авасзна сад̣̇исабхаавуубаг̇ад̇аанам̣ д̇хаммо ‘мзт̇унад̇хаммо’д̇и вужжад̇и, д̇асмаа зд̇зна барияааязна мзт̇унам̣ д̇хаммам̣ аббадисзвид̇вааязва гзвалам̣ маг̇г̇зна маг̇г̇аббавзсанавасзна аабаж̇ж̇ид̇аб̣б̣ад̇д̇аа мзт̇унад̇хаммабаарааж̇игасса ануломзнд̇ийд̇и ‘ануломабаарааж̇игааний’д̇и вужжанд̇ий’’д̇и (баараа. адта. 2.233) –
‘‘Aparānipi lambī, mudupiṭṭhiko, parassa aṅgajātaṃ mukhena gaṇhāti, parassa aṅgajāte abhinisīdatīti imesaṃ catunnaṃ vasena cattāri anulomapārājikānīti vadanti. Etāni hi yasmā ubhinnaṃ rāgavasena sadisabhāvūpagatānaṃ dhammo ‘methunadhammo’ti vuccati, tasmā etena pariyāyena methunaṃ dhammaṃ appaṭisevitvāyeva kevalaṃ maggena maggappavesanavasena āpajjitabbattā methunadhammapārājikassa anulomentīti ‘anulomapārājikānī’ti vuccantī’’ti (pārā. aṭṭha. 2.233) –
вуд̇д̇ад̇д̇аа жа д̇аб̣б̣ан̣н̣анааяа жа саарад̇т̇ад̣̇ийбанияам̣ –
Vuttattā ca tabbaṇṇanāya ca sāratthadīpaniyaṃ –
‘‘ламб̣ам̣д̣̇ийгхад̇ааяа баламб̣амаанам̣ ан̇г̇аж̇аад̇амзд̇ассаад̇и ламб̣ий. со зд̇д̇аавад̇аа на баарааж̇иго, ат̇а ко яад̣̇аа анабхирад̇ияаа бийл̣ид̇о ад̇д̇ано ан̇г̇аж̇аад̇ам̣ мукз ваа важжамаг̇г̇з ваа бавзсзд̇и, д̇ад̣̇аа баарааж̇иго ход̇и. муд̣̇угаа бидти зд̇ассаад̇и муд̣̇убидтиго, гад̇абаригаммааяа муд̣̇угааяа бидтияаа саманнааг̇ад̇о. соби яад̣̇аа анабхирад̇ияаа бийл̣ид̇о ад̇д̇ано ан̇г̇аж̇аад̇ам̣ ад̇д̇ано мукз бавзсзд̇и д̇ад̣̇аа баарааж̇иго ход̇и. барасса ан̇г̇аж̇аад̇ам̣ мукзна г̇ан̣хаад̇ийд̇и яо анабхирад̇ияаа бийл̣ид̇о барасса суд̇д̇асса ваа бамад̇д̇асса ваа ан̇г̇аж̇аад̇ам̣ ад̇д̇ано мукзна г̇ан̣хаад̇и. барасса ан̇г̇аж̇аад̇з абхинисийд̣̇ад̇ийд̇и яо анабхирад̇ияаа бийл̣ид̇о барасса ан̇г̇аж̇аад̇ам̣ гамманияам̣ д̣̇исваа ад̇д̇ано важжамаг̇г̇зна д̇ассуубари абхинисийд̣̇ад̇и, д̇ам̣ ад̇д̇ано важжамаг̇г̇ам̣ бавзсзд̇ийд̇и ад̇т̇о. ламб̣ийаад̣̇аяо жад̇д̇ааро гин̃жааби батамабаарааж̇игзна сан̇г̇ахид̇аа, яасмаа бана убхиннам̣ рааг̇абарияудтаанасан̇каад̇зна барияааязна мзт̇унам̣ д̇хаммам̣ аббадисзвино хонд̇и, д̇асмаа висум̣ вуд̇д̇аа’’д̇и (саарад̇т̇а. дий. 2.233) –
‘‘Lambaṃdīghatāya palambamānaṃ aṅgajātametassāti lambī. So ettāvatā na pārājiko, atha kho yadā anabhiratiyā pīḷito attano aṅgajātaṃ mukhe vā vaccamagge vā paveseti, tadā pārājiko hoti. Mudukā piṭṭhi etassāti mudupiṭṭhiko, kataparikammāya mudukāya piṭṭhiyā samannāgato. Sopi yadā anabhiratiyā pīḷito attano aṅgajātaṃ attano mukhe paveseti tadā pārājiko hoti. Parassa aṅgajātaṃ mukhena gaṇhātīti yo anabhiratiyā pīḷito parassa suttassa vā pamattassa vā aṅgajātaṃ attano mukhena gaṇhāti. Parassa aṅgajāte abhinisīdatīti yo anabhiratiyā pīḷito parassa aṅgajātaṃ kammaniyaṃ disvā attano vaccamaggena tassūpari abhinisīdati, taṃ attano vaccamaggaṃ pavesetīti attho. Lambīādayo cattāro kiñcāpi paṭhamapārājikena saṅgahitā, yasmā pana ubhinnaṃ rāgapariyuṭṭhānasaṅkhātena pariyāyena methunaṃ dhammaṃ appaṭisevino honti, tasmā visuṃ vuttā’’ti (sārattha. ṭī. 2.233) –
вуд̇д̇ад̇д̇аа жа гад̇авийд̇иггамааязвзд̇з ‘‘баарааж̇игаа’’д̇и г̇ахзд̇аб̣б̣аа.
Vuttattā ca katavītikkamāyevete ‘‘pārājikā’’ti gahetabbā.
бхигкунийнан̃жа жад̇д̇аарийд̇и зд̇т̇а ‘‘асаад̇хааран̣ааний’’д̇и баатасзсо, бхигкуухи асаад̇хааран̣аани бхигкунийнамзва нияад̇аани уб̣бхаж̇аан̣уман̣д̣алигаа, важ̇ж̇абадижчаад̣̇игаа, угкид̇д̇аанувад̇д̇игаа, адтавад̇т̇угаад̇и жад̇д̇аари баарааж̇игаани жа. виб̣бханд̇аа бхигкуний саяанд̇и зд̇т̇а ‘‘д̇зсам̣ ануломигаа’’д̇и аанзд̇ваа самб̣анд̇хид̇аб̣б̣ам̣. д̇зсам̣ жад̇уннам̣ баарааж̇игаанам̣ ануломигаа саяам̣ виб̣бханд̇аа бхигкуний жаад̇и яож̇анаа. жид̇д̇авасигаа худ̇ваа ад̇д̇анаа нивад̇т̇ажийварамби хи маад̇уг̇аамаанам̣ ниваасананийхаарзна саяамзва ниваасзд̇ваа г̇ихивзсам̣ рожзд̇ваа г̇ахид̇амад̇д̇з саасанад̇о жуд̇аа бхигкуний жаад̇и вуд̇д̇ам̣ ход̇и. звам̣гаран̣зна г̇ихибхааваабаннад̇аасааман̃н̃зна сам̣ваасаарахаа на хонд̇ийд̇и имзсам̣ жад̇уннам̣ баарааж̇игаанам̣ ануломигаа ж̇аад̇аа.
Bhikkhunīnañca cattārīti ettha ‘‘asādhāraṇānī’’ti pāṭhaseso, bhikkhūhi asādhāraṇāni bhikkhunīnameva niyatāni ubbhajāṇumaṇḍalikā, vajjapaṭicchādikā, ukkhittānuvattikā, aṭṭhavatthukāti cattāri pārājikāni ca. Vibbhantā bhikkhunī sayanti ettha ‘‘tesaṃ anulomikā’’ti ānetvā sambandhitabbaṃ. Tesaṃ catunnaṃ pārājikānaṃ anulomikā sayaṃ vibbhantā bhikkhunī cāti yojanā. Cittavasikā hutvā attanā nivatthacīvarampi hi mātugāmānaṃ nivāsananīhārena sayameva nivāsetvā gihivesaṃ rocetvā gahitamatte sāsanato cutā bhikkhunī cāti vuttaṃ hoti. Evaṃkaraṇena gihibhāvāpannatāsāmaññena saṃvāsārahā na hontīti imesaṃ catunnaṃ pārājikānaṃ anulomikā jātā.
д̇ат̇аад̇и яат̇аа имз д̣̇ассид̇аа д̇зна асам̣ваасаарахад̇ааяа, бхигкубхаавааяа абхаб̣б̣ад̇ааяа жа баарааж̇игаава, д̇ат̇аа згаад̣̇аса абхаб̣б̣абуг̇г̇алааби хонд̇ийд̇и ад̇т̇о. згаад̣̇асаабхаб̣б̣аад̇и маад̇угхаад̇аго, бид̇угхаад̇аго, араханд̇агхаад̇аго, сан̇гхабхзд̣̇аго, лохид̇уббаад̣̇аго, бан̣д̣аго, д̇иражчаанаг̇ад̇о, убхад̇об̣яан̃ж̇анаго, т̇зяяасам̣ваасаго, бхигкунид̣̇уусаго, д̇ид̇т̇ияабагганд̇агод̇и згаад̣̇аса. саб̣б̣зд̇з жад̇увийсад̇и зд̇з саб̣б̣з жад̇увийсад̇и буг̇г̇алаа самод̇хаанад̇о взд̣̇ид̇аб̣б̣аад̇и ад̇хиббааяо.
Tathāti yathā ime dassitā tena asaṃvāsārahatāya, bhikkhubhāvāya abhabbatāya ca pārājikāva, tathā ekādasa abhabbapuggalāpi hontīti attho. Ekādasābhabbāti mātughātako, pitughātako, arahantaghātako, saṅghabhedako, lohituppādako, paṇḍako, tiracchānagato, ubhatobyañjanako, theyyasaṃvāsako, bhikkhunidūsako, titthiyapakkantakoti ekādasa. Sabbete catuvīsati ete sabbe catuvīsati puggalā samodhānato veditabbāti adhippāyo.
320. имз жад̇увийсад̇и баарааж̇игаа буг̇г̇алаа сийсажчиннова ж̇ийвид̇ум̣ ид̇ха бхигкубхаавааяа абхаб̣б̣аад̇и вуд̇д̇аад̇и яож̇анаа.
320. Ime catuvīsati pārājikā puggalā sīsacchinnova jīvituṃ idha bhikkhubhāvāya abhabbāti vuttāti yojanā.
321. имзсам̣ згаад̣̇асаннам̣ абхаб̣б̣ад̇ааяа хзд̇уд̣̇ассанад̇т̇амааха ‘‘бан̣д̣аго жаа’’д̇иаад̣̇и. бан̣д̣аго жаад̇и аасид̇д̇абан̣д̣аго, усууяабан̣д̣аго, багкабан̣д̣аго, обаггамигабан̣д̣аго, набум̣сагабан̣д̣агод̇и вуд̇д̇о бан̃жавид̇хо бан̣д̣аго жа. д̇иражчаанод̇и д̇ирияам̣ ан̃чад̇и г̇ажчад̇ийд̇и ‘‘д̇иражчаано’’д̇и г̇ахид̇о нааг̇асубан̣н̣аад̣̇иго саб̣б̣ад̇иражчаанаяониго жа. яагкаад̣̇аяо саб̣б̣з амануссааби ид̇ха д̇иражчаанзязва сан̇г̇ахид̇аад̇и взд̣̇ид̇аб̣б̣аа. убхад̇об̣яан̃ж̇аноби жаад̇и ид̇т̇ибурисаб̣яан̃ж̇анасаад̇хагзхи убхад̇о гаммад̇о ж̇аад̇аани т̇анаад̣̇игаани б̣яан̃ж̇анаани яассаад̇и нируд̇д̇о ид̇т̇иубхад̇об̣яан̃ж̇ано , бурисаубхад̇об̣яан̃ж̇анод̇и д̣̇увид̇хо убхад̇об̣яан̃ж̇ано жа. вад̇т̇увибаннаад̇и д̇аб̣бхаавабхаавид̇ааяа бхигкубхааво васад̇и зд̇т̇аад̇и вад̇т̇у, буг̇г̇алаанам̣ бхигкубхааваарахад̇аа, саа бана баб̣б̣аж̇ж̇аагканд̇хагааг̇ад̇асаб̣б̣ад̣̇осавирахид̇аг̇ун̣асамбаяуд̇д̇ад̇аа, д̇ам̣ вибаннам̣ бан̣д̣агабхааваад̣̇ияог̇зна язсам̣ д̇з ‘‘вад̇т̇увибаннаа’’д̇и г̇ахзд̇аб̣б̣аа. хи-сад̣̇д̣̇о хзд̇умхи. яасмаа вад̇т̇увибаннаа, д̇асмаа ид̇ха ад̇д̇абхаавз баб̣б̣аж̇ж̇ааяа абхаб̣б̣аад̇и вуд̇д̇ам̣ ход̇и. ‘‘ахзд̇убадисанд̇хигаа’’д̇и важанзна имзсам̣ вибаагааваран̣аяуд̇д̇абхаавамааха, иминаа зд̇зсам̣ маг̇г̇аад̇хиг̇амасса ваарид̇абхааво д̣̇ассид̇од̇и взд̣̇ид̇аб̣б̣ам̣.
321. Imesaṃ ekādasannaṃ abhabbatāya hetudassanatthamāha ‘‘paṇḍako cā’’tiādi. Paṇḍako cāti āsittapaṇḍako, usūyapaṇḍako, pakkhapaṇḍako, opakkamikapaṇḍako, napuṃsakapaṇḍakoti vutto pañcavidho paṇḍako ca. Tiracchānoti tiriyaṃ añchati gacchatīti ‘‘tiracchāno’’ti gahito nāgasupaṇṇādiko sabbatiracchānayoniko ca. Yakkhādayo sabbe amanussāpi idha tiracchāneyeva saṅgahitāti veditabbā. Ubhatobyañjanopi cāti itthipurisabyañjanasādhakehi ubhato kammato jātāni thanādikāni byañjanāni yassāti nirutto itthiubhatobyañjano , purisaubhatobyañjanoti duvidho ubhatobyañjano ca. Vatthuvipannāti tabbhāvabhāvitāya bhikkhubhāvo vasati etthāti vatthu, puggalānaṃ bhikkhubhāvārahatā, sā pana pabbajjākkhandhakāgatasabbadosavirahitaguṇasampayuttatā, taṃ vipannaṃ paṇḍakabhāvādiyogena yesaṃ te ‘‘vatthuvipannā’’ti gahetabbā. Hi-saddo hetumhi. Yasmā vatthuvipannā, tasmā idha attabhāve pabbajjāya abhabbāti vuttaṃ hoti. ‘‘Ahetupaṭisandhikā’’ti vacanena imesaṃ vipākāvaraṇayuttabhāvamāha, iminā etesaṃ maggādhigamassa vāritabhāvo dassitoti veditabbaṃ.
322. бан̃жаананд̇аригаад̇и гаммааваран̣зна яуд̇д̇ад̇ааяа саг̇г̇амогкасамбад̇д̇ид̇о барихааяид̇ваа маран̣аананд̇арам̣ абааяабадисанд̇хияам̣ нияад̇аа маад̇угхаад̇агаад̣̇аяо бан̃жаананд̇аригаа жа. т̇зяяасам̣ваасоби жаад̇и лин̇г̇ад̇т̇знаго, сам̣ваасад̇т̇знаго, убхаяад̇т̇знагод̇и д̇ивид̇хо т̇зяяасам̣ваасаго жа. д̣̇уусагод̇и багад̇ад̇д̇ааяа бхигкунияаа мзт̇унам̣ бадисзвид̇ваа д̇ассаа д̣̇уусид̇ад̇д̇аа бхигкуним̣ д̣̇уусзд̇ийд̇и ‘‘бхигкунид̣̇уусаго’’д̇и вуд̇д̇о жа. д̇ид̇т̇ибагганд̇аго жаад̇и д̇ид̇т̇ияаанам̣ лад̣̇д̇хим̣, взсан̃жа рожзд̇ваа д̇ам̣ г̇ахзд̇ваа д̇зсаманд̇арам̣ бавидто жа. ид̇и адта бана гирияаанадтаад̇и яож̇анаа. ид̇ийд̇и ид̣̇амад̇т̇ад̇д̇аа имзд̇и вуд̇д̇ам̣ ход̇и. д̇з имзд̇и самб̣анд̇хо. д̇з имз адта бана маад̇увад̇хаад̣̇игирияааяа ихад̇д̇абхаавз бхигкубхаавааяа анарахаа худ̇ваа надтаад̇и ад̇т̇о. зд̇д̇аавад̇аа згаад̣̇асаабхаб̣б̣аанам̣ абхаб̣б̣ад̇ааяа гааран̣ам̣ д̣̇ассид̇ам̣ ход̇и.
322.Pañcānantarikāti kammāvaraṇena yuttatāya saggamokkhasampattito parihāyitvā maraṇānantaraṃ apāyapaṭisandhiyaṃ niyatā mātughātakādayo pañcānantarikā ca. Theyyasaṃvāsopi cāti liṅgatthenako, saṃvāsatthenako, ubhayatthenakoti tividho theyyasaṃvāsako ca. Dūsakoti pakatattāya bhikkhuniyā methunaṃ paṭisevitvā tassā dūsitattā bhikkhuniṃ dūsetīti ‘‘bhikkhunidūsako’’ti vutto ca. Titthipakkantako cāti titthiyānaṃ laddhiṃ, vesañca rocetvā taṃ gahetvā tesamantaraṃ paviṭṭho ca. Iti aṭṭha pana kiriyānaṭṭhāti yojanā. Itīti idamatthattā imeti vuttaṃ hoti. Te imeti sambandho. Te ime aṭṭha pana mātuvadhādikiriyāya ihattabhāve bhikkhubhāvāya anarahā hutvā naṭṭhāti attho. Ettāvatā ekādasaabhabbānaṃ abhabbatāya kāraṇaṃ dassitaṃ hoti.
323. маяаа баарааж̇игаанам̣ саарабхууд̇о яо аяам̣ винижчаяо вуд̇д̇о, д̇асса винижчаяасса анусаарзна ануг̇аманзна сзсоби винижчаяо б̣уд̇хзна бан̣д̣ид̇зна асзсад̇ова вин̃н̃аад̇ум̣ саггаад̇и яож̇анаа.
323. Mayā pārājikānaṃ sārabhūto yo ayaṃ vinicchayo vutto, tassa vinicchayassa anusārena anugamanena sesopi vinicchayo budhena paṇḍitena asesatova viññātuṃ sakkāti yojanā.
324. бадубхаавагарз барамз вивид̇хзхи наязхи яуд̇д̇з винаяабидагз барамад̇т̇анаяам̣ абхибад̇т̇аяад̇аа аяам̣ сад̇ад̇ам̣ барияаабун̣ид̇аб̣б̣од̇и яож̇анаа. д̇ад̇т̇а вивид̇хзхи наанаббагаарзхи. наязхийд̇и нийяанд̇и вуд̇д̇аанусаарзна уд̣̇ийрияанд̇ийд̇и ‘‘наяаа’’д̇и вуд̇д̇зхи жаггабзяяаалаад̣̇ийхи наязхи. барамад̇т̇анаяанд̇и барамо жа со ад̇т̇о жаад̇и барамад̇т̇о, барамо ваа висзсзна нижчид̇аб̣б̣о ад̇т̇о барамад̇т̇о, соязва винижчаяад̇т̇игаанам̣ б̣уд̣̇д̇хияаа нзд̇аб̣б̣од̇и барамад̇т̇анаяо, винижчаяуубааяо нийяад̇и зд̇знаад̇и гад̇ваа ‘‘барамад̇т̇анаяо’’д̇и вужжад̇и, д̇ам̣ барамад̇т̇анаяам̣. абхибад̇т̇аяад̇аад̇и винаяабидагз винижчаяам̣ ваа д̇ад̣̇убааяам̣ ваа бад̇т̇аяад̇аа, ижчанд̇знаад̇и ад̇т̇о. ‘‘барияаабун̣ид̇аб̣б̣о аяа’’нд̇и бад̣̇ажчзд̣̇о. ма-гааро ааг̇амасанд̇хиж̇о, о-гаарасса а-гаараад̣̇зсо. барияаабун̣ид̇аб̣б̣од̇и батид̇аб̣б̣о, сод̇аб̣б̣о жинд̇зд̇аб̣б̣о д̇хаарзд̇аб̣б̣од̇и вуд̇д̇ам̣ ход̇и. аяанд̇и винаяавинижчаяо.
324. Paṭubhāvakare parame vividhehi nayehi yutte vinayapiṭake paramatthanayaṃ abhipatthayatā ayaṃ satataṃ pariyāpuṇitabboti yojanā. Tattha vividhehi nānappakārehi. Nayehīti nīyanti vuttānusārena udīriyantīti ‘‘nayā’’ti vuttehi cakkapeyyālādīhi nayehi. Paramatthanayanti paramo ca so attho cāti paramattho, paramo vā visesena nicchitabbo attho paramattho, soyeva vinicchayatthikānaṃ buddhiyā netabboti paramatthanayo, vinicchayūpāyo nīyati etenāti katvā ‘‘paramatthanayo’’ti vuccati, taṃ paramatthanayaṃ. Abhipatthayatāti vinayapiṭake vinicchayaṃ vā tadupāyaṃ vā patthayatā, icchantenāti attho. ‘‘Pariyāpuṇitabbo aya’’nti padacchedo. Ma-kāro āgamasandhijo, o-kārassa a-kārādeso. Pariyāpuṇitabboti paṭhitabbo, sotabbo cintetabbo dhāretabboti vuttaṃ hoti. Ayanti vinayavinicchayo.
ид̇и винаяад̇т̇асаарасанд̣̇ийбанияаа
Iti vinayatthasārasandīpaniyā
винаяавинижчаяаван̣н̣анааяа
Vinayavinicchayavaṇṇanāya
жад̇уд̇т̇абаарааж̇игагат̇ааван̣н̣анаа нидтид̇аа.
Catutthapārājikakathāvaṇṇanā niṭṭhitā.
