| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. жад̇уд̇т̇абуб̣б̣аараамасуд̇д̇ам̣
8. Catutthapubbārāmasuttaṃ
518. д̇ам̣язва нид̣̇аанам̣. ‘‘гад̇инам̣ ну ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и? бхаг̇авам̣муулагаа но, бханд̇з, д̇хаммаа…бз… ‘‘бан̃жаннам̣ ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамийд̇и. гад̇амзсам̣ бан̃жаннам̣? сад̣̇д̇хинд̣̇рияасса , вийрияинд̣̇рияасса, сад̇инд̣̇рияасса, самаад̇хинд̣̇рияасса, бан̃н̃инд̣̇рияасса – имзсам̣ ко, бхигкавз, бан̃жаннам̣ инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамий’’д̇и. адтамам̣.
518. Taṃyeva nidānaṃ. ‘‘Katinaṃ nu kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti? Bhagavaṃmūlakā no, bhante, dhammā…pe… ‘‘pañcannaṃ kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmīti. Katamesaṃ pañcannaṃ? Saddhindriyassa , vīriyindriyassa, satindriyassa, samādhindriyassa, paññindriyassa – imesaṃ kho, bhikkhave, pañcannaṃ indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti. Aṭṭhamaṃ.
