| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੪. ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ
4. Catutthasaṅghādisesasikkhāpadavaṇṇanā
੬੯੪. ਪਟਿવਤ੍ਤਾਤਿ ਪਟਿવਚਨਂ ਦੇਨ੍ਤਿ। ਕਮ੍ਮਦੋਸਨ੍ਤਿ ‘‘ਅਨਞ੍ਞਾਯ ਗਣਸ੍ਸ ਛਨ੍ਦਨ੍ਤਿ ਏવਮਾਦੀ’’ਤਿ ਲਿਖਿਤਂ। ਕਤ੍ਤਬ੍ਬਟ੍ਠਾਨਦੋਸਨ੍ਤਿ ਪੋਰਾਣਾ। ਕਾਰਕਗਣਸ੍ਸਾਤਿ ਕਾਰਕਸਙ੍ਘਸ੍ਸ। ‘‘ਭਿਕ੍ਖੁਨਿਸਙ੍ਘਂ ਸਨ੍ਨਿਪਾਤੇਤ੍વਾ’ਤਿ વੁਤ੍ਤਤ੍ਤਾ ਕਾਰਕਸਙ੍ਘੋਪਿ ਅਯਮੇવਾਤਿ ਚੇ? ਪਠਮਮੇવ ਕਾਰਕਸਙ੍ਘਂ ਨ ਆਮਨ੍ਤੇਤ੍વਾ ਬਲਕ੍ਕਾਰੇਨਾਯਂ ਥੁਲ੍ਲਨਨ੍ਦਾ ਤਂ ਭਿਕ੍ਖੁਨਿਂ ਓਸਾਰੇਸੀ’’ਤਿ ਪੋਰਾਣਗਣ੍ਠਿਪਦੇ વੁਤ੍ਤਂ, ਤਸ੍ਮਾ ਕਾਰਕਭਿਕ੍ਖੂਨਂ ਸਮ੍ਮੁਖਾਪਿ ਤੇਸਂ ਅਨੁਮਤਿਂ ਪਠਮਂ ਅਗ੍ਗਹੇਤ੍વਾ ਤਂ ਕਮ੍ਮਂ ਨ ਪਟਿਪ੍ਪਸ੍ਸਮ੍ਭੇਤਬ੍ਬਨ੍ਤਿ ਸਿਦ੍ਧਂ ਹੋਤਿ, ਪਟਿਪ੍ਪਸ੍ਸਦ੍ਧਂ ਬਲਕ੍ਕਾਰੇਨ ਨ ਕਾਤਬ੍ਬਮੇવਾਤਿ ਅਧਿਪ੍ਪਾਯੋ। ‘‘ਭਿਕ੍ਖੁਨੀਪਿ ਦਿਟ੍ਠਾવਿਕਮ੍ਮਂ ਕਾਤੁਂ ਲਭਤੀ’’ਤਿ ਚ ਤਤ੍ਥ વੁਤ੍ਤਂ।
694.Paṭivattāti paṭivacanaṃ denti. Kammadosanti ‘‘anaññāya gaṇassa chandanti evamādī’’ti likhitaṃ. Kattabbaṭṭhānadosanti porāṇā. Kārakagaṇassāti kārakasaṅghassa. ‘‘Bhikkhunisaṅghaṃ sannipātetvā’ti vuttattā kārakasaṅghopi ayamevāti ce? Paṭhamameva kārakasaṅghaṃ na āmantetvā balakkārenāyaṃ thullanandā taṃ bhikkhuniṃ osāresī’’ti porāṇagaṇṭhipade vuttaṃ, tasmā kārakabhikkhūnaṃ sammukhāpi tesaṃ anumatiṃ paṭhamaṃ aggahetvā taṃ kammaṃ na paṭippassambhetabbanti siddhaṃ hoti, paṭippassaddhaṃ balakkārena na kātabbamevāti adhippāyo. ‘‘Bhikkhunīpi diṭṭhāvikammaṃ kātuṃ labhatī’’ti ca tattha vuttaṃ.
੬੯੮. ਅਸਨ੍ਤੇ ਕਮ੍ਮਕਾਰਕਸਙ੍ਘੇ ਓਸਾਰੇਤਿ, ਅਨਾਪਤ੍ਤੀਤਿ ਏਤ੍ਥ ਕਿਤ੍ਤਾવਤਾ ਅਸਨ੍ਤੋ ਨਾਮ ਹੋਤੀਤਿ? ਇਦਂ ਸਬ੍ਬਤ੍ਥ ਨ વਿਚਾਰਿਤਂ। ਕਾਰਕਾਨਂ ਕਾਲਕਿਰਿਯਾਯਾਤਿ ਏਕੇ। ਏਕਸ੍ਸਪਿ ਅਭਾવੇਨਾਤਿ ਏਕੇ। ਏਕਸ੍ਮਿਂ ਰਜ੍ਜੇਤਿ ਏਕੇ। ਏਕਰਟ੍ਠੇਤਿ ਏਕੇ। ਏਕਗਾਮੇਤਿ ਏਕੇ। ਏਕਸ੍ਮਿਂ ਆવਾਸੇਤਿ ਏਕੇ। ਯਤ੍ਥ ਸਕ੍ਕਾ ਅਪਲੋਕੇਤੁਨ੍ਤਿ ਏਕੇ। ਅਨ੍ਤੋਅਦ੍ਧਯੋਜਨੇਤਿ ਏਕੇ। ਤਤ੍ਥ ਤਸ੍ਮਿਂ ਆવਾਸੇ ਅਸਨ੍ਤੇ ਕਾਰਕਸਙ੍ਘੇ ਓਸਾਰੇਤਿ, ਅਨਾਪਤ੍ਤੀਤਿ ਇਦਂ ਪਸਂਸਨ੍ਤਿ ਆਚਰਿਯਾ। ਯਤ੍ਥ ਸਕ੍ਕਾ ਅਪਲੋਕੇਤੁਨ੍ਤਿ ਸਾਮੀਚਿ।
698.Asante kammakārakasaṅghe osāreti, anāpattīti ettha kittāvatā asanto nāma hotīti? Idaṃ sabbattha na vicāritaṃ. Kārakānaṃ kālakiriyāyāti eke. Ekassapi abhāvenāti eke. Ekasmiṃ rajjeti eke. Ekaraṭṭheti eke. Ekagāmeti eke. Ekasmiṃ āvāseti eke. Yattha sakkā apaloketunti eke. Antoaddhayojaneti eke. Tattha tasmiṃ āvāse asante kārakasaṅghe osāreti, anāpattīti idaṃ pasaṃsanti ācariyā. Yattha sakkā apaloketunti sāmīci.
ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Catutthasaṅghādisesasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੪. ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦਂ • 4. Catutthasaṅghādisesasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੪. ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 4. Catutthasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 4. Catutthasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 4. Catutthasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਚਤੁਤ੍ਥਸਙ੍ਘਾਦਿਸੇਸਸਿਕ੍ਖਾਪਦਂ • 4. Catutthasaṅghādisesasikkhāpadaṃ
