| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
4. жад̇уд̇т̇асигкаабад̣̇ам̣
4. Catutthasikkhāpadaṃ
850. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний рат̇игааяаби б̣яуухзби син̇гхаадагзби бурисзна сад̣̇д̇хим̣ згзнзгаа санд̇идтад̇иби саллабад̇иби ниган̣н̣игамби ж̇аббзд̇и д̣̇уд̇ияигамби бхигкуним̣ уяяож̇зд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа рат̇игааяаби б̣яуухзби син̇гхаадагзби бурисзна сад̣̇д̇хим̣ згзнзгаа санд̇идтиссад̇иби саллабиссад̇иби ниган̣н̣игамби ж̇аббиссад̇и д̣̇уд̇ияигамби бхигкуним̣ уяяож̇зссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний рат̇игааяаби б̣яуухзби син̇гхаадагзби бурисзна сад̣̇д̇хим̣ згзнзгаа санд̇идтад̇иби саллабад̇иби ниган̣н̣игамби ж̇аббзд̇и д̣̇уд̇ияигамби бхигкуним̣ уяяож̇зд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний рат̇игааяаби б̣яуухзби син̇гхаадагзби бурисзна сад̣̇д̇хим̣ згзнзгаа санд̇идтиссад̇иби саллабиссад̇иби ниган̣н̣игамби ж̇аббиссад̇и д̣̇уд̇ияигамби бхигкуним̣ уяяож̇зссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
850. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī rathikāyapi byūhepi siṅghāṭakepi purisena saddhiṃ ekenekā santiṭṭhatipi sallapatipi nikaṇṇikampi jappeti dutiyikampi bhikkhuniṃ uyyojeti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā rathikāyapi byūhepi siṅghāṭakepi purisena saddhiṃ ekenekā santiṭṭhissatipi sallapissatipi nikaṇṇikampi jappissati dutiyikampi bhikkhuniṃ uyyojessatī’’ti…pe… saccaṃ kira, bhikkhave, thullanandā bhikkhunī rathikāyapi byūhepi siṅghāṭakepi purisena saddhiṃ ekenekā santiṭṭhatipi sallapatipi nikaṇṇikampi jappeti dutiyikampi bhikkhuniṃ uyyojetīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī rathikāyapi byūhepi siṅghāṭakepi purisena saddhiṃ ekenekā santiṭṭhissatipi sallapissatipi nikaṇṇikampi jappissati dutiyikampi bhikkhuniṃ uyyojessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
851. ‘‘яаа бана бхигкуний рат̇игааяа ваа б̣яуухз ваа син̇гхаадагз ваа бурисзна сад̣̇д̇хим̣ згзнзгаа санд̇идтзяяа ваа саллабзяяа ваа ниган̣н̣игам̣ ваа ж̇аббзяяа д̣̇уд̇ияигам̣ ваа бхигкуним̣ уяяож̇зяяа, баажид̇д̇ияа’’нд̇и.
851.‘‘Yāpana bhikkhunī rathikāya vā byūhe vā siṅghāṭake vā purisena saddhiṃ ekenekā santiṭṭheyya vā sallapeyya vā nikaṇṇikaṃ vā jappeyya dutiyikaṃ vā bhikkhuniṃ uyyojeyya, pācittiya’’nti.
852. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
852.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
рат̇игаа наама ражчаа вужжад̇и. б̣яуухам̣ наама язнзва бависанд̇и д̇знзва нигкаманд̇и. син̇гхаадаго наама жажжарам̣ вужжад̇и.
Rathikā nāma racchā vuccati. Byūhaṃ nāma yeneva pavisanti teneva nikkhamanti. Siṅghāṭako nāma caccaraṃ vuccati.
бурисо наама мануссабурисо на яагко на бзд̇о на д̇иражчаанаг̇ад̇о вин̃н̃уу бадиб̣ало санд̇идтид̇ум̣ саллабид̇ум̣.
Puriso nāma manussapuriso na yakkho na peto na tiracchānagato viññū paṭibalo santiṭṭhituṃ sallapituṃ.
сад̣̇д̇хинд̇и згад̇о. згзнзгаад̇и бурисо жзва ход̇и бхигкуний жа.
Saddhinti ekato. Ekenekāti puriso ceva hoti bhikkhunī ca.
санд̇идтзяяа ваад̇и бурисасса хад̇т̇абаасз д̇идтад̇и, аабад̇д̇и баажид̇д̇ияасса.
Santiṭṭheyya vāti purisassa hatthapāse tiṭṭhati, āpatti pācittiyassa.
саллабзяяа ваад̇и бурисасса хад̇т̇абаасз тид̇аа саллабад̇и, аабад̇д̇и баажид̇д̇ияасса.
Sallapeyya vāti purisassa hatthapāse ṭhitā sallapati, āpatti pācittiyassa.
ниган̣н̣игам̣ ваа ж̇аббзяяаад̇и бурисасса убаган̣н̣агз аарожзд̇и , аабад̇д̇и баажид̇д̇ияасса.
Nikaṇṇikaṃ vā jappeyyāti purisassa upakaṇṇake āroceti , āpatti pācittiyassa.
д̣̇уд̇ияигам̣ ваа бхигкуним̣ уяяож̇зяяаад̇и анаажаарам̣ аажарид̇угаамаа д̣̇уд̇ияигамби бхигкуним̣ уяяож̇зд̇и, аабад̇д̇и д̣̇уггадасса. д̣̇ассануубажаарам̣ ваа савануубажаарам̣ ваа виж̇аханд̇ияаа аабад̇д̇и д̣̇уггадасса. виж̇ахид̇з аабад̇д̇и баажид̇д̇ияасса.
Dutiyikaṃ vā bhikkhuniṃ uyyojeyyāti anācāraṃ ācaritukāmā dutiyikampi bhikkhuniṃ uyyojeti, āpatti dukkaṭassa. Dassanūpacāraṃ vā savanūpacāraṃ vā vijahantiyā āpatti dukkaṭassa. Vijahite āpatti pācittiyassa.
хад̇т̇абаасам̣ виж̇ахид̇ваа санд̇идтад̇и ваа саллабад̇и ваа аабад̇д̇и д̣̇уггадасса. яагкзна ваа бзд̇зна ваа бан̣д̣агзна ваа д̇иражчаанаг̇ад̇амануссавиг̇г̇ахзна ваа сад̣̇д̇хим̣ санд̇идтад̇и ваа саллабад̇и ваа, аабад̇д̇и д̣̇уггадасса.
Hatthapāsaṃ vijahitvā santiṭṭhati vā sallapati vā āpatti dukkaṭassa. Yakkhena vā petena vā paṇḍakena vā tiracchānagatamanussaviggahena vā saddhiṃ santiṭṭhati vā sallapati vā, āpatti dukkaṭassa.
853. анаабад̇д̇и яо гожи вин̃н̃уу д̣̇уд̇ияо ход̇и, арахобзгкаа, ан̃н̃авихид̇аа санд̇идтад̇и ваа саллабад̇и ваа, на анаажаарам̣ аажарид̇угаамаа, сад̇и гаран̣ийяз д̣̇уд̇ияигам̣ бхигкуним̣ уяяож̇зд̇и, уммад̇д̇игааяа, аад̣̇игаммигааяаад̇и.
853. Anāpatti yo koci viññū dutiyo hoti, arahopekkhā, aññavihitā santiṭṭhati vā sallapati vā, na anācāraṃ ācaritukāmā, sati karaṇīye dutiyikaṃ bhikkhuniṃ uyyojeti, ummattikāya, ādikammikāyāti.
жад̇уд̇т̇асигкаабад̣̇ам̣ нидтид̇ам̣.
Catutthasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 4. жад̇уд̇т̇асигкаабад̣̇аван̣н̣анаа • 4. Catutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2-3-4. д̣̇уд̇ияад̇ад̇ияажад̇уд̇т̇асигкаабад̣̇аван̣н̣анаа • 2-3-4. Dutiyatatiyacatutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. жад̇уд̇т̇асигкаабад̣̇ам̣ • 4. Catutthasikkhāpadaṃ
