Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
4. жад̇уд̇т̇асигкаабад̣̇ам̣
4. Catutthasikkhāpadaṃ
1037. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро б̣раахман̣о бхигкунияо ниманд̇зд̇ваа бхож̇зси . бхигкунияо бхуд̇д̇аавий 1 баваарид̇аа н̃аад̇игулаани г̇анд̇ваа згажжаа бхун̃ж̇им̣су згажжаа бин̣д̣абаад̇ам̣ аад̣̇ааяа аг̇амам̣су. ат̇а ко со б̣раахман̣о бадивиссагз зд̇ад̣̇авожа – ‘‘бхигкунияо маяаа аяяаа санд̇аббид̇аа, зт̇а д̇умхзби санд̇аббзссаамий’’д̇и. д̇з звамаахам̣су – ‘‘гим̣ д̇вам̣, аяяо, амхз санд̇аббзссаси! яааби д̇аяаа ниманд̇ид̇аа д̇ааби амхаагам̣ гхараани ааг̇анд̇ваа згажжаа бхун̃ж̇им̣су згажжаа бин̣д̣абаад̇ам̣ аад̣̇ааяа аг̇амам̣суу’’д̇и. ат̇а ко со б̣раахман̣о уж̇жхааяад̇и кияяад̇и вибаажзд̇и – ‘‘гат̇ан̃хи наама бхигкунияо амхаагам̣ гхарз бхун̃ж̇ид̇ваа ан̃н̃ад̇ра бхун̃ж̇иссанд̇и, на жаахам̣ бадиб̣ало яаавад̣̇ад̇т̇ам̣ д̣̇аад̇у’’нд̇и! ассосум̣ ко бхигкунияо д̇асса б̣раахман̣асса уж̇жхааяанд̇асса кияяанд̇асса вибаажзнд̇асса. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо бхуд̇д̇аавий 2 баваарид̇аа ан̃н̃ад̇ра бхун̃ж̇иссанд̇ий’’д̇и…бз… сажжам̣ гира, бхигкавз, бхигкунияо бхуд̇д̇аавий баваарид̇аа ан̃н̃ад̇ра бхун̃ж̇анд̇ийд̇и ? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо бхуд̇д̇аавий баваарид̇аа ан̃н̃ад̇ра бхун̃ж̇иссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1037. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro brāhmaṇo bhikkhuniyo nimantetvā bhojesi . Bhikkhuniyo bhuttāvī 3 pavāritā ñātikulāni gantvā ekaccā bhuñjiṃsu ekaccā piṇḍapātaṃ ādāya agamaṃsu. Atha kho so brāhmaṇo paṭivissake etadavoca – ‘‘bhikkhuniyo mayā ayyā santappitā, etha tumhepi santappessāmī’’ti. Te evamāhaṃsu – ‘‘kiṃ tvaṃ, ayyo, amhe santappessasi! Yāpi tayā nimantitā tāpi amhākaṃ gharāni āgantvā ekaccā bhuñjiṃsu ekaccā piṇḍapātaṃ ādāya agamaṃsū’’ti. Atha kho so brāhmaṇo ujjhāyati khiyyati vipāceti – ‘‘kathañhi nāma bhikkhuniyo amhākaṃ ghare bhuñjitvā aññatra bhuñjissanti, na cāhaṃ paṭibalo yāvadatthaṃ dātu’’nti! Assosuṃ kho bhikkhuniyo tassa brāhmaṇassa ujjhāyantassa khiyyantassa vipācentassa. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo bhuttāvī 4 pavāritā aññatra bhuñjissantī’’ti…pe… saccaṃ kira, bhikkhave, bhikkhuniyo bhuttāvī pavāritā aññatra bhuñjantīti ? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo bhuttāvī pavāritā aññatra bhuñjissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1038. ‘‘яаа бана бхигкуний ниманд̇ид̇аа ваа баваарид̇аа ваа каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇и.
1038.‘‘Yā pana bhikkhunī nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā, pācittiya’’nti.
1039. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1039.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ниманд̇ид̇аа наама бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇аа.
Nimantitā nāma pañcannaṃ bhojanānaṃ aññatarena bhojanena nimantitā.
баваарид̇аа наама асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇аа абхихарад̇и, бадигкзбо бан̃н̃ааяад̇и.
Pavāritā nāma asanaṃ paññāyati, bhojanaṃ paññāyati, hatthapāse ṭhitā abhiharati, paṭikkhepo paññāyati.
каад̣̇анийяам̣ наама бан̃жа бхож̇анаани – яааг̇ум̣ яаамагаалигам̣ сад̇д̇аахагаалигам̣ яааваж̇ийвигам̣ табзд̇ваа авасзсам̣ каад̣̇анийяам̣ наама.
Khādanīyaṃ nāma pañca bhojanāni – yāguṃ yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.
бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баажид̇д̇ияасса.
‘‘Khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.
1040. ниманд̇ид̇з ниманд̇ид̇асан̃н̃аа каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. ниманд̇ид̇з взмад̇игаа каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. ниманд̇ид̇з аниманд̇ид̇асан̃н̃аа каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса.
1040. Nimantite nimantitasaññā khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Nimantite vematikā khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Nimantite animantitasaññā khādanīyaṃ vā bhojanīyaṃ vā khādati vā bhuñjati vā, āpatti pācittiyassa.
яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса…бз….
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa…pe….
1041. анаабад̇д̇и ниманд̇ид̇аа аббаваарид̇аа, яааг̇ум̣ бивад̇и, саамигз абалогзд̇ваа бхун̃ж̇ад̇и, яаамагаалигам̣ сад̇д̇аахагаалигам̣ яааваж̇ийвигам̣ сад̇и бажжаяз барибхун̃ж̇ад̇и, уммад̇д̇игааяа, аад̣̇игаммигааяаад̇и.
1041. Anāpatti nimantitā appavāritā, yāguṃ pivati, sāmike apaloketvā bhuñjati, yāmakālikaṃ sattāhakālikaṃ yāvajīvikaṃ sati paccaye paribhuñjati, ummattikāya, ādikammikāyāti.
жад̇уд̇т̇асигкаабад̣̇ам̣ нидтид̇ам̣.
Catutthasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 4. жад̇уд̇т̇асигкаабад̣̇аван̣н̣анаа • 4. Catutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. жад̇уд̇т̇асигкаабад̣̇аван̣н̣анаа • 4. Catutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā