| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. စတုတ္ထဥပောသထသုတ္တံ
6. Catutthauposathasuttaṃ
၃၄၇. သာဝတ္ထိနိဒာနံ။ ဧကမန္တံ နိသိန္နော ခော သော ဘိက္ခု ဘဂဝန္တံ ဧတဒဝောစ – ‘‘ကော နု ခော, ဘန္တေ, ဟေတု, ကော ပစ္စယော, ယေန မိဓေကစ္စေ ဩပပာတိကာ နာဂာ ဥပောသထံ ဥပဝသန္တိ ဝောသ္သဋ္ဌကာယာ စ ဘဝန္တီ’’တိ?
347. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti?
‘‘ဣဓ, ဘိက္ခု, ဧကစ္စာနံ ဩပပာတိကာနံ နာဂာနံ ဧဝံ ဟောတိ – ‘မယံ ခော ပုဗ္ဗေ ကာယေန ဒ္ဝယကာရိနော အဟုမ္ဟ, ဝာစာယ ဒ္ဝယကာရိနော, မနသာ ဒ္ဝယကာရိနော။ တေ မယံ ကာယေန ဒ္ဝယကာရိနော, ဝာစာယ ဒ္ဝယကာရိနော, မနသာ ဒ္ဝယကာရိနော, ကာယသ္သ ဘေဒာ ပရံ မရဏာ ဩပပာတိကာနံ နာဂာနံ သဟဗ္ယတံ ဥပပန္နာ။ သစဇ္ဇ မယံ ကာယေန သုစရိတံ စရေယ္ယာမ , ဝာစာယ။ မနသာ သုစရိတံ စရေယ္ယာမ, ဧဝံ မယံ ကာယသ္သ ဘေဒာ ပရံ မရဏာ သုဂတိံ သဂ္ဂံ လောကံ ဥပပဇ္ဇေယ္ယာမ။ ဟန္ဒ, မယံ ဧတရဟိ ကာယေန သုစရိတံ စရာမ, ဝာစာယ။ မနသာ သုစရိတံ စရာမာ’တိ။ အယံ ခော, ဘိက္ခု, ဟေတု, အယံ ပစ္စယော, ယေန မိဓေကစ္စေ ဩပပာတိကာ နာဂာ ဥပောသထံ ဥပဝသန္တိ ဝောသ္သဋ္ဌကာယာ စ ဘဝန္တီ’’တိ။ ဆဋ္ဌံ။
‘‘Idha, bhikkhu, ekaccānaṃ opapātikānaṃ nāgānaṃ evaṃ hoti – ‘mayaṃ kho pubbe kāyena dvayakārino ahumha, vācāya dvayakārino, manasā dvayakārino. Te mayaṃ kāyena dvayakārino, vācāya dvayakārino, manasā dvayakārino, kāyassa bhedā paraṃ maraṇā opapātikānaṃ nāgānaṃ sahabyataṃ upapannā. Sacajja mayaṃ kāyena sucaritaṃ careyyāma , vācāya… manasā sucaritaṃ careyyāma, evaṃ mayaṃ kāyassa bhedā paraṃ maraṇā sugatiṃ saggaṃ lokaṃ upapajjeyyāma. Handa, mayaṃ etarahi kāyena sucaritaṃ carāma, vācāya… manasā sucaritaṃ carāmā’ti. Ayaṃ kho, bhikkhu, hetu, ayaṃ paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၅၀. ပဏီတတရသုတ္တာဒိဝဏ္ဏနာ • 2-50. Paṇītatarasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၅၀. ပဏီတတရသုတ္တာဒိဝဏ္ဏနာ • 2-50. Paṇītatarasuttādivaṇṇanā
