| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
жад̇уваг̇г̇агаран̣аад̣̇игат̇аа
Catuvaggakaraṇādikathā
388. ид̣̇аани яад̣̇ид̣̇ам̣ чадтам̣ д̇хаммзна самаг̇г̇агаммам̣ наама, д̇ам̣ язхи сан̇гхзхи гаад̇аб̣б̣ам̣, д̇зсам̣ бабхзд̣̇ам̣ д̣̇ассзд̇ум̣ ‘‘бан̃жа сан̇гхаа’’д̇иаад̣̇и вуд̇д̇ам̣. гаммаббад̇д̇од̇и гаммам̣ бад̇д̇о, гаммаяуд̇д̇о гаммаарахо; на гин̃жи гаммам̣ гаад̇ум̣ наарахад̇ийд̇и ад̇т̇о.
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
389. жад̇уваг̇г̇агаран̣ан̃жз бхигкавз гаммам̣ бхигкунижад̇уд̇т̇од̇иаад̣̇и барисад̇о гаммавибад̇д̇ид̣̇ассанад̇т̇ам̣ вуд̇д̇ам̣. д̇ад̇т̇а угкид̇д̇агаг̇г̇ахан̣зна гамманаанаасам̣ваасаго г̇ахид̇о, наанаасам̣ваасагаг̇г̇ахан̣зна лад̣̇д̇хинаанаасам̣ваасаго. наанаасиймааяа тид̇ажад̇уд̇т̇од̇и сийманд̇аригааяа ваа б̣ахисиймааяа ваа хад̇т̇абаасз тид̇знааби сад̣̇д̇хим̣ жад̇уваг̇г̇о худ̇ваад̇и ад̇т̇о.
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
393. баариваасигажад̇уд̇т̇од̇иаад̣̇и бариваасаад̣̇игаммаанам̣язва барисад̇о вибад̇д̇ид̣̇ассанад̇т̇ам̣ вуд̇д̇ам̣, д̇зсам̣ винижчаяам̣ барад̇о ван̣н̣аяиссаама.
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
394. згажжасса бхигкавз сан̇гхамаж̇жхз бадиггосанаа рухад̇ийд̇иаад̣̇и бадигудтагад̇агаммасса губбаагуббабхаавад̣̇ассанад̇т̇ам̣ вуд̇д̇ам̣. багад̇ад̇д̇ассаад̇и авибаннасийласса баарааж̇игам̣ анаж̇жхаабаннасса. аананд̇аригассаад̇и ад̇д̇ано ананд̇арам̣ нисиннасса.
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
237. жад̇уваг̇г̇агаран̣аад̣̇игат̇аа • 237. Catuvaggakaraṇādikathā
238. баариваасигаад̣̇игат̇аа • 238. Pārivāsikādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇уваг̇г̇агаран̣аад̣̇игат̇ааван̣н̣анаа • Catuvaggakaraṇādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гассабаг̇од̇д̇абхигкувад̇т̇угат̇аад̣̇иван̣н̣анаа • Kassapagottabhikkhuvatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 237. жад̇уваг̇г̇агаран̣аад̣̇игат̇аа • 237. Catuvaggakaraṇādikathā
