| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
ಚತುವಿಪತ್ತಿವಣ್ಣನಾ
Catuvipattivaṇṇanā
೩೩೬. ಏಕತಿಂಸಾ ಯೇ ಗರುಕಾತಿ ಉಭತೋ ಅಟ್ಠ ಪಾರಾಜಿಕಾ, ಭಿಕ್ಖೂನಂ ತೇರಸ, ಭಿಕ್ಖುನೀನಂ ದಸ ಚ ಸಙ್ಘಾದಿಸೇಸಾ। ಸಾಧಾರಣಾಸಾಧಾರಣವಸೇನ ಅಟ್ಠ ಅನವಸೇಸಾ ನಾಮ ಪಾರಾಜಿಕಾನಿ। ತದೇವಾತಿ ಸೀಲವಿಪತ್ತಿಂಯೇವ। ವಿತ್ಥಾರತೋ ದಸ್ಸೇತುಂ ‘‘ಪಾರಾಜಿಕ’’ನ್ತಿಆದಿನಾ ಅಪುಚ್ಛಿತಮೇವ ವಿಸ್ಸಜ್ಜಿತಂ। ‘‘ತತ್ಥ ಯೋ ಚಾಯಂ, ಅಕ್ಕೋಸತಿ ಹಸಾಧಿಪ್ಪಾಯೋ’’ತಿ ಪಾಠೋ। ದುಟ್ಠುಲ್ಲವಿಭಾವನವಸೇನಾಗತವಿಪತ್ತಿಂ ಠಪೇತ್ವಾ ಪುಚ್ಛಾಪಟಿಪಾಟಿಯಾ ಯಾವತತಿಯಕಪಞ್ಹಂ ವಿಸ್ಸಜ್ಜಿತುಮಾರಭಿ। ಉಕ್ಖಿತ್ತಾನುವತ್ತಿಕಾ ಭಿಕ್ಖುನೀ ಅಟ್ಠ ಯಾವತತಿಯಕಸಙ್ಘಾದಿಸೇಸಾ ಇಧ ಪುಚ್ಛಿತತ್ತಾ ಅನನ್ತರಪಞ್ಹಾ ನಾಮ ಜಾತಾ।
336.Ekatiṃsāye garukāti ubhato aṭṭha pārājikā, bhikkhūnaṃ terasa, bhikkhunīnaṃ dasa ca saṅghādisesā. Sādhāraṇāsādhāraṇavasena aṭṭha anavasesā nāma pārājikāni. Tadevāti sīlavipattiṃyeva. Vitthārato dassetuṃ ‘‘pārājika’’ntiādinā apucchitameva vissajjitaṃ. ‘‘Tattha yo cāyaṃ, akkosati hasādhippāyo’’ti pāṭho. Duṭṭhullavibhāvanavasenāgatavipattiṃ ṭhapetvā pucchāpaṭipāṭiyā yāvatatiyakapañhaṃ vissajjitumārabhi. Ukkhittānuvattikā bhikkhunī aṭṭha yāvatatiyakasaṅghādisesā idha pucchitattā anantarapañhā nāma jātā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೨. ಚತುವಿಪತ್ತಿಂ • 2. Catuvipattiṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಚತುವಿಪತ್ತಿವಣ್ಣನಾ • Catuvipattivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಚತುವಿಪತ್ತಿವಣ್ಣನಾ • Catuvipattivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಚತುವಿಪತ್ತಿವಣ್ಣನಾ • Catuvipattivaṇṇanā
