| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੮. ਚવਨਸੁਤ੍ਤવਣ੍ਣਨਾ
8. Cavanasuttavaṇṇanā
੮. ਅਟ੍ਠਮੇ ਸਦ੍ਧਾਯਾਤਿ ਇਮਿਨਾ ਅਧਿਗਮਸਦ੍ਧਾ ਦਸ੍ਸਿਤਾ। ਚਤੁਬ੍ਬਿਧਾ ਹਿ ਸਦ੍ਧਾ – ਆਗਮਨੀਯਸਦ੍ਧਾ, ਅਧਿਗਮਸਦ੍ਧਾ, ਪਸਾਦਸਦ੍ਧਾ, ਓਕਪ੍ਪਨਸਦ੍ਧਾਤਿ। ਤਤ੍ਥ ਆਗਮਨੀਯਸਦ੍ਧਾ ਸਬ੍ਬਞ੍ਞੁਬੋਧਿਸਤ੍ਤਾਨਂ ਪવਤ੍ਤਾ ਹੋਤਿ। ਆਗਮਨੀਯਪ੍ਪਟਿਪਦਾਯ ਆਗਤਾ ਹਿ ਸਦ੍ਧਾ ਸਾਤਿਸਯਾ ਮਹਾਬੋਧਿਸਤ੍ਤਾਨਂ ਪਰੋਪਦੇਸੇਨ વਿਨਾ ਸਦ੍ਧੇਯ੍ਯવਤ੍ਥੁਂ ਅવਿਪਰੀਤਤੋ ਗਹੇਤ੍વਾ ਅਧਿਮੁਚ੍ਚਨਤੋ। ਸਚ੍ਚਪ੍ਪਟਿવੇਧਤੋ ਆਗਤਸਦ੍ਧਾ ਅਧਿਗਮਸਦ੍ਧਾ ਸੁਪ੍ਪਬੁਦ੍ਧਾਦੀਨਂ વਿਯ। ‘‘ਸਮ੍ਮਾਸਮ੍ਬੁਦ੍ਧੋ ਭਗવਾ’’ਤਿਆਦਿਨਾ ਬੁਦ੍ਧਾਦੀਸੁ ਉਪ੍ਪਜ੍ਜਨਕਪ੍ਪਸਾਦੋ ਪਸਾਦਸਦ੍ਧਾ ਮਹਾਕਪ੍ਪਿਨਰਾਜਾਦੀਨਂ વਿਯ। ‘‘ਏવਮੇਤ’’ਨ੍ਤਿ ਓਕ੍ਕਨ੍ਦਿਤ੍વਾ ਪਕ੍ਖਨ੍ਦਿਤ੍વਾ ਸਦ੍ਦਹਨવਸੇਨ ਕਪ੍ਪਨਂ ਓਕਪ੍ਪਨਂ, ਤਦੇવ ਸਦ੍ਧਾਤਿ ਓਕਪ੍ਪਨਸਦ੍ਧਾ। ਤਤ੍ਥ ਪਸਾਦਸਦ੍ਧਾ ਪਰਨੇਯ੍ਯਰੂਪਾ ਹੋਤਿ, ਸવਨਮਤ੍ਤੇਨਪਿ ਪਸੀਦਨਤੋ। ਓਕਪ੍ਪਨਸਦ੍ਧਾ ਸਦ੍ਧੇਯ੍ਯਂ વਤ੍ਥੁਂ ਓਗਾਹਿਤ੍વਾ ਅਨੁਪવਿਸਿਤ੍વਾ ‘‘ਏવਮੇਤ’’ਨ੍ਤਿ ਪਚ੍ਚਕ੍ਖਂ ਕਰੋਨ੍ਤੀ વਿਯ ਪવਤ੍ਤਤਿ।
8. Aṭṭhame saddhāyāti iminā adhigamasaddhā dassitā. Catubbidhā hi saddhā – āgamanīyasaddhā, adhigamasaddhā, pasādasaddhā, okappanasaddhāti. Tattha āgamanīyasaddhā sabbaññubodhisattānaṃ pavattā hoti. Āgamanīyappaṭipadāya āgatā hi saddhā sātisayā mahābodhisattānaṃ paropadesena vinā saddheyyavatthuṃ aviparītato gahetvā adhimuccanato. Saccappaṭivedhato āgatasaddhā adhigamasaddhā suppabuddhādīnaṃ viya. ‘‘Sammāsambuddho bhagavā’’tiādinā buddhādīsu uppajjanakappasādo pasādasaddhā mahākappinarājādīnaṃ viya. ‘‘Evameta’’nti okkanditvā pakkhanditvā saddahanavasena kappanaṃ okappanaṃ, tadeva saddhāti okappanasaddhā. Tattha pasādasaddhā paraneyyarūpā hoti, savanamattenapi pasīdanato. Okappanasaddhā saddheyyaṃ vatthuṃ ogāhitvā anupavisitvā ‘‘evameta’’nti paccakkhaṃ karontī viya pavattati.
ਚવਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Cavanasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਚવਨਸੁਤ੍ਤਂ • 8. Cavanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਚવਨਸੁਤ੍ਤવਣ੍ਣਨਾ • 8. Cavanasuttavaṇṇanā
