| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(18) 3. сан̃жзд̇анияаваг̇г̇о
(18) 3. Sañcetaniyavaggo
1. жзд̇анаасуд̇д̇ам̣
1. Cetanāsuttaṃ
171. 1 ‘‘гааяз ваа, бхигкавз, сад̇и гааяасан̃жзд̇анаахзд̇у уббаж̇ж̇ад̇и аж̇жхад̇д̇ам̣ сукад̣̇угкам̣. ваажааяа ваа, бхигкавз, сад̇и важийсан̃жзд̇анаахзд̇у уббаж̇ж̇ад̇и аж̇жхад̇д̇ам̣ сукад̣̇угкам̣. манз ваа, бхигкавз, сад̇и маносан̃жзд̇анаахзд̇у уббаж̇ж̇ад̇и аж̇жхад̇д̇ам̣ сукад̣̇угкам̣ авиж̇ж̇аабажжаяаава.
171.2 ‘‘Kāye vā, bhikkhave, sati kāyasañcetanāhetu uppajjati ajjhattaṃ sukhadukkhaṃ. Vācāya vā, bhikkhave, sati vacīsañcetanāhetu uppajjati ajjhattaṃ sukhadukkhaṃ. Mane vā, bhikkhave, sati manosañcetanāhetu uppajjati ajjhattaṃ sukhadukkhaṃ avijjāpaccayāva.
‘‘саамам̣ ваа д̇ам̣, бхигкавз, гааяасан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣. барз ваасса 3 д̇ам̣, бхигкавз, гааяасан̇каарам̣ абхисан̇каронд̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣. самбаж̇аано ваа д̇ам̣, бхигкавз, гааяасан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣. асамбаж̇аано ваа д̇ам̣, бхигкавз, гааяасан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣.
‘‘Sāmaṃ vā taṃ, bhikkhave, kāyasaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ. Pare vāssa 4 taṃ, bhikkhave, kāyasaṅkhāraṃ abhisaṅkharonti, yaṃpaccayāssa taṃ uppajjati ajjhattaṃ sukhadukkhaṃ. Sampajāno vā taṃ, bhikkhave, kāyasaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ. Asampajāno vā taṃ, bhikkhave, kāyasaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ.
‘‘саамам̣ ваа д̇ам̣, бхигкавз, важийсан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣; барз ваасса д̇ам̣, бхигкавз , важийсан̇каарам̣ абхисан̇каронд̇и; яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣; самбаж̇аано ваа д̇ам̣, бхигкавз, важийсан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣; асамбаж̇аано ваа д̇ам̣, бхигкавз, важийсан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣.
‘‘Sāmaṃ vā taṃ, bhikkhave, vacīsaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ; pare vāssa taṃ, bhikkhave , vacīsaṅkhāraṃ abhisaṅkharonti; yaṃpaccayāssa taṃ uppajjati ajjhattaṃ sukhadukkhaṃ; sampajāno vā taṃ, bhikkhave, vacīsaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ; asampajāno vā taṃ, bhikkhave, vacīsaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ.
‘‘саамам̣ ваа д̇ам̣, бхигкавз, маносан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣; барз ваасса д̇ам̣, бхигкавз, маносан̇каарам̣ абхисан̇каронд̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣; самбаж̇аано ваа д̇ам̣, бхигкавз, маносан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣; асамбаж̇аано ваа д̇ам̣, бхигкавз, маносан̇каарам̣ абхисан̇карод̇и, яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣.
‘‘Sāmaṃ vā taṃ, bhikkhave, manosaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ; pare vāssa taṃ, bhikkhave, manosaṅkhāraṃ abhisaṅkharonti, yaṃpaccayāssa taṃ uppajjati ajjhattaṃ sukhadukkhaṃ; sampajāno vā taṃ, bhikkhave, manosaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ; asampajāno vā taṃ, bhikkhave, manosaṅkhāraṃ abhisaṅkharoti, yaṃpaccayāssa taṃ uppajjati ajjhattaṃ sukhadukkhaṃ.
‘‘имзсу , бхигкавз, д̇хаммзсу авиж̇ж̇аа анубад̇ид̇аа, авиж̇ж̇ааяад̇взва асзсавирааг̇анирод̇хаа со гааяо на ход̇и яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣, саа ваажаа на ход̇и яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣, со мано на ход̇и яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угкам̣, кзд̇д̇ам̣ д̇ам̣ 5 на ход̇и…бз… вад̇т̇ум̣ д̇ам̣ на ход̇и…бз… ааяад̇анам̣ д̇ам̣ на ход̇и…бз… ад̇хигаран̣ам̣ д̇ам̣ на ход̇и яам̣бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угка’’нд̇и.
‘‘Imesu , bhikkhave, dhammesu avijjā anupatitā, avijjāyatveva asesavirāganirodhā so kāyo na hoti yaṃpaccayāssa taṃ uppajjati ajjhattaṃ sukhadukkhaṃ, sā vācā na hoti yaṃpaccayāssa taṃ uppajjati ajjhattaṃ sukhadukkhaṃ, so mano na hoti yaṃpaccayāssa taṃ uppajjati ajjhattaṃ sukhadukkhaṃ, khettaṃ taṃ 6 na hoti…pe… vatthuṃ taṃ na hoti…pe… āyatanaṃ taṃ na hoti…pe… adhikaraṇaṃ taṃ na hoti yaṃpaccayāssa taṃ uppajjati ajjhattaṃ sukhadukkha’’nti.
‘‘жад̇д̇ааромз, бхигкавз, ад̇д̇абхаавабадилаабхаа. гад̇амз жад̇д̇ааро? ад̇т̇и, бхигкавз, ад̇д̇абхаавабадилаабхо, яасмим̣ ад̇д̇абхаавабадилаабхз ад̇д̇асан̃жзд̇анаа гамад̇и, но барасан̃жзд̇анаа. ад̇т̇и, бхигкавз, ад̇д̇абхаавабадилаабхо, яасмим̣ ад̇д̇абхаавабадилаабхз барасан̃жзд̇анаа гамад̇и, но ад̇д̇асан̃жзд̇анаа. ад̇т̇и, бхигкавз, ад̇д̇абхаавабадилаабхо, яасмим̣ ад̇д̇абхаавабадилаабхз ад̇д̇асан̃жзд̇анаа жа гамад̇и барасан̃жзд̇анаа жа. ад̇т̇и, бхигкавз, ад̇д̇абхаавабадилаабхо, яасмим̣ ад̇д̇абхаавабадилаабхз нзвад̇д̇асан̃жзд̇анаа гамад̇и, но барасан̃жзд̇анаа. имз ко, бхигкавз, жад̇д̇ааро ад̇д̇абхаавабадилаабхаа’’д̇и.
‘‘Cattārome, bhikkhave, attabhāvapaṭilābhā. Katame cattāro? Atthi, bhikkhave, attabhāvapaṭilābho, yasmiṃ attabhāvapaṭilābhe attasañcetanā kamati, no parasañcetanā. Atthi, bhikkhave, attabhāvapaṭilābho, yasmiṃ attabhāvapaṭilābhe parasañcetanā kamati, no attasañcetanā. Atthi, bhikkhave, attabhāvapaṭilābho, yasmiṃ attabhāvapaṭilābhe attasañcetanā ca kamati parasañcetanā ca. Atthi, bhikkhave, attabhāvapaṭilābho, yasmiṃ attabhāvapaṭilābhe nevattasañcetanā kamati, no parasañcetanā. Ime kho, bhikkhave, cattāro attabhāvapaṭilābhā’’ti.
звам̣ вуд̇д̇з ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘имасса ко ахам̣, бханд̇з, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаами – ‘д̇ад̇ра, бханд̇з, яааяам̣ ад̇д̇абхаавабадилаабхо яасмим̣ ад̇д̇абхаавабадилаабхз ад̇д̇асан̃жзд̇анаа гамад̇и но барасан̃жзд̇анаа, ад̇д̇асан̃жзд̇анаахзд̇у д̇зсам̣ сад̇д̇аанам̣ д̇амхаа гааяаа жуд̇и ход̇и. д̇ад̇ра, бханд̇з, яааяам̣ ад̇д̇абхаавабадилаабхо яасмим̣ ад̇д̇абхаавабадилаабхз барасан̃жзд̇анаа гамад̇и но ад̇д̇асан̃жзд̇анаа, барасан̃жзд̇анаахзд̇у д̇зсам̣ сад̇д̇аанам̣ д̇амхаа гааяаа жуд̇и ход̇и. д̇ад̇ра, бханд̇з, яааяам̣ ад̇д̇абхаавабадилаабхо яасмим̣ ад̇д̇абхаавабадилаабхз ад̇д̇асан̃жзд̇анаа жа гамад̇и барасан̃жзд̇анаа жа, ад̇д̇асан̃жзд̇анаа жа барасан̃жзд̇анаа жа хзд̇у д̇зсам̣ сад̇д̇аанам̣ д̇амхаа гааяаа жуд̇и ход̇и. д̇ад̇ра, бханд̇з, яааяам̣ ад̇д̇абхаавабадилаабхо яасмим̣ ад̇д̇абхаавабадилаабхз нзва ад̇д̇асан̃жзд̇анаа гамад̇и но барасан̃жзд̇анаа, гад̇амз д̇зна д̣̇зваа д̣̇адтаб̣б̣аа’’’д̇и? ‘‘нзвасан̃н̃аанаасан̃н̃ааяад̇ануубаг̇аа, саарибуд̇д̇а, д̣̇зваа д̇зна д̣̇адтаб̣б̣аа’’д̇и.
Evaṃ vutte āyasmā sāriputto bhagavantaṃ etadavoca – ‘‘imassa kho ahaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmi – ‘tatra, bhante, yāyaṃ attabhāvapaṭilābho yasmiṃ attabhāvapaṭilābhe attasañcetanā kamati no parasañcetanā, attasañcetanāhetu tesaṃ sattānaṃ tamhā kāyā cuti hoti. Tatra, bhante, yāyaṃ attabhāvapaṭilābho yasmiṃ attabhāvapaṭilābhe parasañcetanā kamati no attasañcetanā, parasañcetanāhetu tesaṃ sattānaṃ tamhā kāyā cuti hoti. Tatra, bhante, yāyaṃ attabhāvapaṭilābho yasmiṃ attabhāvapaṭilābhe attasañcetanā ca kamati parasañcetanā ca, attasañcetanā ca parasañcetanā ca hetu tesaṃ sattānaṃ tamhā kāyā cuti hoti. Tatra, bhante, yāyaṃ attabhāvapaṭilābho yasmiṃ attabhāvapaṭilābhe neva attasañcetanā kamati no parasañcetanā, katame tena devā daṭṭhabbā’’’ti? ‘‘Nevasaññānāsaññāyatanūpagā, sāriputta, devā tena daṭṭhabbā’’ti.
‘‘го ну ко, бханд̇з, хзд̇у го бажжаяо, язна мид̇хзгажжз сад̇д̇аа д̇амхаа гааяаа жуд̇аа ааг̇аамино хонд̇и ааг̇анд̇ааро ид̇т̇ад̇д̇ам̣? го бана, бханд̇з, хзд̇у го бажжаяо, язна мид̇хзгажжз сад̇д̇аа д̇амхаа гааяаа жуд̇аа анааг̇аамино хонд̇и анааг̇анд̇ааро ид̇т̇ад̇д̇а’’нд̇и? ‘‘ид̇ха, саарибуд̇д̇а, згажжасса буг̇г̇аласса орамбхааг̇ияаани сам̣яож̇анаани аббахийнаани хонд̇и, со д̣̇идтзва д̇хаммз нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и; д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано нзвасан̃н̃аанаасан̃н̃ааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇ад̇и. со д̇ад̇о жуд̇о ааг̇аамий ход̇и ааг̇анд̇аа ид̇т̇ад̇д̇ам̣.
‘‘Ko nu kho, bhante, hetu ko paccayo, yena midhekacce sattā tamhā kāyā cutā āgāmino honti āgantāro itthattaṃ? Ko pana, bhante, hetu ko paccayo, yena midhekacce sattā tamhā kāyā cutā anāgāmino honti anāgantāro itthatta’’nti? ‘‘Idha, sāriputta, ekaccassa puggalassa orambhāgiyāni saṃyojanāni appahīnāni honti, so diṭṭheva dhamme nevasaññānāsaññāyatanaṃ upasampajja viharati. So tadassādeti, taṃ nikāmeti, tena ca vittiṃ āpajjati; tattha ṭhito tadadhimutto tabbahulavihārī aparihīno kālaṃ kurumāno nevasaññānāsaññāyatanūpagānaṃ devānaṃ sahabyataṃ upapajjati. So tato cuto āgāmī hoti āgantā itthattaṃ.
‘‘ид̇ха бана, саарибуд̇д̇а, згажжасса буг̇г̇аласса орамбхааг̇ияаани сам̣яож̇анаани бахийнаани хонд̇и, со д̣̇идтзва д̇хаммз нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и; д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано нзвасан̃н̃аанаасан̃н̃ааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇ад̇и. со д̇ад̇о жуд̇о анааг̇аамий ход̇и анааг̇анд̇аа ид̇т̇ад̇д̇ам̣.
‘‘Idha pana, sāriputta, ekaccassa puggalassa orambhāgiyāni saṃyojanāni pahīnāni honti, so diṭṭheva dhamme nevasaññānāsaññāyatanaṃ upasampajja viharati. So tadassādeti, taṃ nikāmeti, tena ca vittiṃ āpajjati; tattha ṭhito tadadhimutto tabbahulavihārī aparihīno kālaṃ kurumāno nevasaññānāsaññāyatanūpagānaṃ devānaṃ sahabyataṃ upapajjati. So tato cuto anāgāmī hoti anāgantā itthattaṃ.
‘‘аяам̣ ко, саарибуд̇д̇а, хзд̇у аяам̣ бажжаяо, язна мид̇хзгажжз сад̇д̇аа д̇амхаа гааяаа жуд̇аа ааг̇аамино хонд̇и ааг̇анд̇ааро ид̇т̇ад̇д̇ам̣. аяам̣ бана, саарибуд̇д̇а, хзд̇у аяам̣ бажжаяо, язна мид̇хзгажжз сад̇д̇аа д̇амхаа гааяаа жуд̇аа анааг̇аамино хонд̇и анааг̇анд̇ааро ид̇т̇ад̇д̇а’’нд̇и. батамам̣.
‘‘Ayaṃ kho, sāriputta, hetu ayaṃ paccayo, yena midhekacce sattā tamhā kāyā cutā āgāmino honti āgantāro itthattaṃ. Ayaṃ pana, sāriputta, hetu ayaṃ paccayo, yena midhekacce sattā tamhā kāyā cutā anāgāmino honti anāgantāro itthatta’’nti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. жзд̇анаасуд̇д̇аван̣н̣анаа • 1. Cetanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. жзд̇анаасуд̇д̇аван̣н̣анаа • 1. Cetanāsuttavaṇṇanā
