Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā)

    8. жзд̇анаасуд̇д̇аван̣н̣анаа

    8. Cetanāsuttavaṇṇanā

    38. адтамз яан̃жа, бхигкавз, жзд̇зд̇ийд̇и яам̣ жзд̇анам̣ жзд̇зд̇и, бавад̇д̇зд̇ийд̇и ад̇т̇о. яан̃жа багаббзд̇ийд̇и яам̣ багаббанам̣ багаббзд̇и, бавад̇д̇зд̇ижжзва ад̇т̇о. яан̃жа анусзд̇ийд̇и яан̃жа анусаяам̣ анусзд̇и, бавад̇д̇зд̇ижжзва ад̇т̇о. зд̇т̇а жа жзд̇зд̇ийд̇и д̇збхуумагагусалаагусалажзд̇анаа г̇ахид̇аа, багаббзд̇ийд̇и адтасу лобхасахаг̇ад̇ажид̇д̇зсу д̇ан̣хаад̣̇идтигаббаа г̇ахид̇аа, анусзд̇ийд̇и д̣̇ваад̣̇асаннам̣ жзд̇анаанам̣ сахаж̇аад̇агодияаа жзва убаниссаяагодияаа жа анусаяо г̇ахид̇о. аарамман̣амзд̇ам̣ ход̇ийд̇и (жзд̇анаад̣̇ид̇хаммаж̇аад̇з сад̇и гаммавин̃н̃аан̣асса уббад̇д̇ияаа аваарид̇ад̇д̇аа) зд̇ам̣ жзд̇анаад̣̇ид̇хаммаж̇аад̇ам̣ бажжаяо ход̇и. бажжаяо хи ид̇ха аарамман̣анд̇и ад̇хиббзд̇аа. вин̃н̃аан̣асса тид̇ияаад̇и гаммавин̃н̃аан̣асса тид̇ад̇т̇ам̣. аарамман̣з сад̇ийд̇и д̇асмим̣ бажжаяз сад̇и. бад̇идтаа вин̃н̃аан̣асса ход̇ийд̇и д̇асса гаммавин̃н̃аан̣асса бад̇идтаа ход̇и. д̇асмим̣ бад̇идтид̇з вин̃н̃аан̣зд̇и д̇асмим̣ гаммавин̃н̃аан̣з бад̇идтид̇з. вируул̣хзд̇и гаммам̣ ж̇аваабзд̇ваа бадисанд̇хиаагад̣дханасамад̇т̇ад̇ааяа ниб̣б̣ад̇д̇амуулз ж̇аад̇з. бунаб̣бхаваабхиниб̣б̣ад̇д̇ийд̇и бунаб̣бхавасан̇каад̇аа абхиниб̣б̣ад̇д̇и.

    38. Aṭṭhame yañca, bhikkhave, cetetīti yaṃ cetanaṃ ceteti, pavattetīti attho. Yañca pakappetīti yaṃ pakappanaṃ pakappeti, pavatteticceva attho. Yañca anusetīti yañca anusayaṃ anuseti, pavatteticceva attho. Ettha ca cetetīti tebhūmakakusalākusalacetanā gahitā, pakappetīti aṭṭhasu lobhasahagatacittesu taṇhādiṭṭhikappā gahitā, anusetīti dvādasannaṃ cetanānaṃ sahajātakoṭiyā ceva upanissayakoṭiyā ca anusayo gahito. Ārammaṇametaṃ hotīti (cetanādidhammajāte sati kammaviññāṇassa uppattiyā avāritattā) etaṃ cetanādidhammajātaṃ paccayo hoti. Paccayo hi idha ārammaṇanti adhippetā. Viññāṇassa ṭhitiyāti kammaviññāṇassa ṭhitatthaṃ. Ārammaṇe satīti tasmiṃ paccaye sati. Patiṭṭhā viññāṇassa hotīti tassa kammaviññāṇassa patiṭṭhā hoti. Tasmiṃ patiṭṭhite viññāṇeti tasmiṃ kammaviññāṇe patiṭṭhite. Virūḷheti kammaṃ javāpetvā paṭisandhiākaḍḍhanasamatthatāya nibbattamūle jāte. Punabbhavābhinibbattīti punabbhavasaṅkhātā abhinibbatti.

    но жз, бхигкавз, жзд̇зд̇ийд̇и иминаа д̇збхуумагажзд̇анааяа аббавад̇д̇анагкан̣о вуд̇д̇о. но жз багаббзд̇ийд̇и иминаа д̇ан̣хаад̣̇идтигаббаанам̣ аббавад̇д̇анагкан̣о. ат̇а жз анусзд̇ийд̇и иминаа д̇збхуумагавибаагзсу барид̇д̇агирияаасу руубзд̇и зд̇т̇а аббахийнагодияаа анусаяо г̇ахид̇о. аарамман̣амзд̇ам̣ ход̇ийд̇и анусаяз сад̇и гаммавин̃н̃аан̣асса уббад̇д̇ияаа аваарид̇ад̇д̇аа зд̇ам̣ анусаяаж̇аад̇ам̣ бажжаяова ход̇и.

    Noce, bhikkhave, cetetīti iminā tebhūmakacetanāya appavattanakkhaṇo vutto. No ce pakappetīti iminā taṇhādiṭṭhikappānaṃ appavattanakkhaṇo. Atha ce anusetīti iminā tebhūmakavipākesu parittakiriyāsu rūpeti ettha appahīnakoṭiyā anusayo gahito. Ārammaṇametaṃhotīti anusaye sati kammaviññāṇassa uppattiyā avāritattā etaṃ anusayajātaṃ paccayova hoti.

    но жзва жзд̇зд̇ийд̇иаад̣̇ийсу батамабад̣̇з д̇збхуумагагусалаагусалажзд̇анаа нивад̇д̇аа, д̣̇уд̇ияабад̣̇з адтасу жид̇д̇зсу д̇ан̣хаад̣̇идтияо, д̇ад̇ияабад̣̇з вуд̇д̇аббагаарзсу д̇хаммзсу яо аббахийнагодияаа анусаяид̇о анусаяо, со нивад̇д̇о.

    No ceva cetetītiādīsu paṭhamapade tebhūmakakusalākusalacetanā nivattā, dutiyapade aṭṭhasu cittesu taṇhādiṭṭhiyo, tatiyapade vuttappakāresu dhammesu yo appahīnakoṭiyā anusayito anusayo, so nivatto.

    абижзд̇т̇а асаммохад̇т̇ам̣ жзд̇зд̇и багаббзд̇и анусзд̇и, жзд̇зд̇и на багаббзд̇и анусзд̇и, на жзд̇зд̇и на багаббзд̇и анусзд̇и, на жзд̇зд̇и на багаббзд̇и на анусзд̇ийд̇и ид̣̇амби жад̇уггам̣ взд̣̇ид̇аб̣б̣ам̣. д̇ад̇т̇а батаманаяз д̇хаммабарижчзд̣̇о д̣̇ассид̇о. д̣̇уд̇ияанаяз жзд̇зд̇ийд̇и д̇збхуумагагусалажзд̇анаа жзва жад̇ассо жа агусалажзд̇анаа г̇ахид̇аа. на багаббзд̇ийд̇и адтасу жид̇д̇зсу д̇ан̣хаад̣̇идтияо нивад̇д̇аа. анусзд̇ийд̇и д̇збхуумагагусалз убаниссаяагодияаа, жад̇уусу агусалажзд̇анаасу сахаж̇аад̇агодияаа жзва убаниссаяагодияаа жа анусаяо г̇ахид̇о. д̇ад̇ияанаяз на жзд̇зд̇ийд̇и д̇збхуумагагусалаагусалам̣ нивад̇д̇ам̣, на багаббзд̇ийд̇и адтасу жид̇д̇зсу д̇ан̣хаад̣̇идтияо нивад̇д̇аа, анусзд̇ийд̇и суд̇д̇з ааг̇ад̇ам̣ ваарзд̇ваа д̇збхуумагагусалаагусалавибаагагирияааруубзсу аббахийнагодияаа убаниссаяо г̇ахид̇о. жад̇уд̇т̇анаяо буримасад̣̇исова.

    Apicettha asammohatthaṃ ceteti pakappeti anuseti, ceteti na pakappeti anuseti, na ceteti na pakappeti anuseti, na ceteti na pakappeti na anusetīti idampi catukkaṃ veditabbaṃ. Tattha paṭhamanaye dhammaparicchedo dassito. Dutiyanaye cetetīti tebhūmakakusalacetanā ceva catasso ca akusalacetanā gahitā. Na pakappetīti aṭṭhasu cittesu taṇhādiṭṭhiyo nivattā. Anusetīti tebhūmakakusale upanissayakoṭiyā, catūsu akusalacetanāsu sahajātakoṭiyā ceva upanissayakoṭiyā ca anusayo gahito. Tatiyanaye na cetetīti tebhūmakakusalākusalaṃ nivattaṃ, na pakappetīti aṭṭhasu cittesu taṇhādiṭṭhiyo nivattā, anusetīti sutte āgataṃ vāretvā tebhūmakakusalākusalavipākakiriyārūpesu appahīnakoṭiyā upanissayo gahito. Catutthanayo purimasadisova.

    д̇ад̣̇аббад̇идтид̇зд̇и д̇асмим̣ аббад̇идтид̇з. авируул̣хзд̇и гаммам̣ ж̇аваабзд̇ваа бадисанд̇хиаагад̣дханасамад̇т̇ад̇ааяа аниб̣б̣ад̇д̇амуулз. зд̇т̇а бана гим̣ гат̇ид̇анд̇и? арахад̇д̇амаг̇г̇асса гижжам̣, кийн̣аасавасса гижжагаран̣анд̇иби навалогуд̇д̇арад̇хаммаад̇иби вад̇д̇ум̣ ваддад̇и. зд̇т̇а жа вин̃н̃аан̣асса жзва ааяад̇им̣ бунаб̣бхавасса жа анд̇арз зго санд̇хи, взд̣̇анаад̇ан̣хаанаманд̇арз зго, бхаваж̇аад̇ийнаманд̇арз згод̇и. адтамам̣.

    Tadappatiṭṭhiteti tasmiṃ appatiṭṭhite. Avirūḷheti kammaṃ javāpetvā paṭisandhiākaḍḍhanasamatthatāya anibbattamūle. Ettha pana kiṃ kathitanti? Arahattamaggassa kiccaṃ, khīṇāsavassa kiccakaraṇantipi navalokuttaradhammātipi vattuṃ vaṭṭati. Ettha ca viññāṇassa ceva āyatiṃ punabbhavassa ca antare eko sandhi, vedanātaṇhānamantare eko, bhavajātīnamantare ekoti. Aṭṭhamaṃ.







    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. жзд̇анаасуд̇д̇ам̣ • 8. Cetanāsuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. жзд̇анаасуд̇д̇аван̣н̣анаа • 8. Cetanāsuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact