| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. жзд̇окиласуд̇д̇ам̣
6. Cetokhilasuttaṃ
185. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
185. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘яасса гассажи, бхигкавз, бхигкуно бан̃жа жзд̇окилаа аббахийнаа, бан̃жа жзд̇асовиниб̣анд̇хаа 1 асамужчиннаа, со вад̇имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇иссад̇ийд̇и – нзд̇ам̣ таанам̣ виж̇ж̇ад̇и.
‘‘Yassa kassaci, bhikkhave, bhikkhuno pañca cetokhilā appahīnā, pañca cetasovinibandhā 2 asamucchinnā, so vatimasmiṃ dhammavinaye vuddhiṃ virūḷhiṃ vepullaṃ āpajjissatīti – netaṃ ṭhānaṃ vijjati.
‘‘гад̇амаасса бан̃жа жзд̇окилаа аббахийнаа хонд̇и? ид̇ха, бхигкавз, бхигку сад̇т̇ари ган̇кад̇и вижигижчад̇и наад̇химужжад̇и на самбасийд̣̇ад̇и. яо со, бхигкавз, бхигку сад̇т̇ари ган̇кад̇и вижигижчад̇и наад̇химужжад̇и на самбасийд̣̇ад̇и д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ батамо жзд̇окило аббахийно ход̇и.
‘‘Katamāssa pañca cetokhilā appahīnā honti? Idha, bhikkhave, bhikkhu satthari kaṅkhati vicikicchati nādhimuccati na sampasīdati. Yo so, bhikkhave, bhikkhu satthari kaṅkhati vicikicchati nādhimuccati na sampasīdati tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, evamassāyaṃ paṭhamo cetokhilo appahīno hoti.
‘‘буна жабарам̣, бхигкавз, бхигку д̇хаммз ган̇кад̇и вижигижчад̇и наад̇химужжад̇и на самбасийд̣̇ад̇и…бз… звамассааяам̣ д̣̇уд̇ияо жзд̇окило аббахийно ход̇и.
‘‘Puna caparaṃ, bhikkhave, bhikkhu dhamme kaṅkhati vicikicchati nādhimuccati na sampasīdati…pe… evamassāyaṃ dutiyo cetokhilo appahīno hoti.
‘‘буна жабарам̣, бхигкавз, бхигку сан̇гхз ган̇кад̇и вижигижчад̇и наад̇химужжад̇и на самбасийд̣̇ад̇и…бз… звамассааяам̣ д̇ад̇ияо жзд̇окило аббахийно ход̇и.
‘‘Puna caparaṃ, bhikkhave, bhikkhu saṅghe kaṅkhati vicikicchati nādhimuccati na sampasīdati…pe… evamassāyaṃ tatiyo cetokhilo appahīno hoti.
‘‘буна жабарам̣, бхигкавз, бхигку сигкааяа ган̇кад̇и вижигижчад̇и наад̇химужжад̇и на самбасийд̣̇ад̇и. яо со, бхигкавз, бхигку сигкааяа ган̇кад̇и вижигижчад̇и наад̇химужжад̇и на самбасийд̣̇ад̇и, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ жад̇уд̇т̇о жзд̇окило аббахийно ход̇и.
‘‘Puna caparaṃ, bhikkhave, bhikkhu sikkhāya kaṅkhati vicikicchati nādhimuccati na sampasīdati. Yo so, bhikkhave, bhikkhu sikkhāya kaṅkhati vicikicchati nādhimuccati na sampasīdati, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, evamassāyaṃ catuttho cetokhilo appahīno hoti.
‘‘буна жабарам̣, бхигкавз, бхигку саб̣рахмажаарийсу губид̇о ход̇и анад̇д̇амано аахад̇ажид̇д̇о килаж̇аад̇о. яо со, бхигкавз, бхигку саб̣рахмажаарийсу губид̇о ход̇и анад̇д̇амано аахад̇ажид̇д̇о килаж̇аад̇о, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ бан̃жамо жзд̇окило аббахийно ход̇и. имаасса бан̃жа жзд̇окилаа аббахийнаа хонд̇и.
‘‘Puna caparaṃ, bhikkhave, bhikkhu sabrahmacārīsu kupito hoti anattamano āhatacitto khilajāto. Yo so, bhikkhave, bhikkhu sabrahmacārīsu kupito hoti anattamano āhatacitto khilajāto, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, evamassāyaṃ pañcamo cetokhilo appahīno hoti. Imāssa pañca cetokhilā appahīnā honti.
186. ‘‘гад̇амаасса бан̃жа жзд̇асовиниб̣анд̇хаа асамужчиннаа хонд̇и? ид̇ха, бхигкавз, бхигку гаамз авийд̇арааг̇о 3 ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо. яо со, бхигкавз, бхигку гаамз авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ батамо жзд̇асовиниб̣анд̇хо асамужчинно ход̇и.
186. ‘‘Katamāssa pañca cetasovinibandhā asamucchinnā honti? Idha, bhikkhave, bhikkhu kāme avītarāgo 4 hoti avigatacchando avigatapemo avigatapipāso avigatapariḷāho avigatataṇho. Yo so, bhikkhave, bhikkhu kāme avītarāgo hoti avigatacchando avigatapemo avigatapipāso avigatapariḷāho avigatataṇho, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, evamassāyaṃ paṭhamo cetasovinibandho asamucchinno hoti.
‘‘буна жабарам̣, бхигкавз, бхигку гааяз авийд̇арааг̇о ход̇и…бз… звамассааяам̣ д̣̇уд̇ияо жзд̇асовиниб̣анд̇хо асамужчинно ход̇и.
‘‘Puna caparaṃ, bhikkhave, bhikkhu kāye avītarāgo hoti…pe… evamassāyaṃ dutiyo cetasovinibandho asamucchinno hoti.
‘‘буна жабарам̣, бхигкавз, бхигку руубз авийд̇арааг̇о ход̇и…бз… звамассааяам̣ д̇ад̇ияо жзд̇асовиниб̣анд̇хо асамужчинно ход̇и.
‘‘Puna caparaṃ, bhikkhave, bhikkhu rūpe avītarāgo hoti…pe… evamassāyaṃ tatiyo cetasovinibandho asamucchinno hoti.
‘‘буна жабарам̣, бхигкавз, бхигку яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и. яо со, бхигкавз, бхигку яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ жад̇уд̇т̇о жзд̇асовиниб̣анд̇хо асамужчинно ход̇и.
‘‘Puna caparaṃ, bhikkhave, bhikkhu yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati. Yo so, bhikkhave, bhikkhu yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, evamassāyaṃ catuttho cetasovinibandho asamucchinno hoti.
‘‘буна жабарам̣, бхигкавз, бхигку ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и. яо со, бхигкавз, бхигку ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа . яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ бан̃жамо жзд̇асовиниб̣анд̇хо асамужчинно ход̇и. имаасса бан̃жа жзд̇асовиниб̣анд̇хаа асамужчиннаа хонд̇и.
‘‘Puna caparaṃ, bhikkhave, bhikkhu aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti. Yo so, bhikkhave, bhikkhu aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṃ na namati ātappāya anuyogāya sātaccāya padhānāya . Yassa cittaṃ na namati ātappāya anuyogāya sātaccāya padhānāya, evamassāyaṃ pañcamo cetasovinibandho asamucchinno hoti. Imāssa pañca cetasovinibandhā asamucchinnā honti.
‘‘яасса гассажи, бхигкавз, бхигкуно имз бан̃жа жзд̇окилаа аббахийнаа, имз бан̃жа жзд̇асовиниб̣анд̇хаа асамужчиннаа, со вад̇имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇иссад̇ийд̇и – нзд̇ам̣ таанам̣ виж̇ж̇ад̇и.
‘‘Yassa kassaci, bhikkhave, bhikkhuno ime pañca cetokhilā appahīnā, ime pañca cetasovinibandhā asamucchinnā, so vatimasmiṃ dhammavinaye vuddhiṃ virūḷhiṃ vepullaṃ āpajjissatīti – netaṃ ṭhānaṃ vijjati.
187. ‘‘яасса гассажи, бхигкавз, бхигкуно бан̃жа жзд̇окилаа бахийнаа, бан̃жа жзд̇асовиниб̣анд̇хаа сусамужчиннаа, со вад̇имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇иссад̇ийд̇и – таанамзд̇ам̣ виж̇ж̇ад̇и.
187. ‘‘Yassa kassaci, bhikkhave, bhikkhuno pañca cetokhilā pahīnā, pañca cetasovinibandhā susamucchinnā, so vatimasmiṃ dhammavinaye vuddhiṃ virūḷhiṃ vepullaṃ āpajjissatīti – ṭhānametaṃ vijjati.
‘‘гад̇амаасса бан̃жа жзд̇окилаа бахийнаа хонд̇и? ид̇ха, бхигкавз, бхигку сад̇т̇ари на ган̇кад̇и на вижигижчад̇и ад̇химужжад̇и самбасийд̣̇ад̇и. яо со, бхигкавз, бхигку сад̇т̇ари на ган̇кад̇и на вижигижчад̇и ад̇химужжад̇и самбасийд̣̇ад̇и, д̇асса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ батамо жзд̇окило бахийно ход̇и.
‘‘Katamāssa pañca cetokhilā pahīnā honti? Idha, bhikkhave, bhikkhu satthari na kaṅkhati na vicikicchati adhimuccati sampasīdati. Yo so, bhikkhave, bhikkhu satthari na kaṅkhati na vicikicchati adhimuccati sampasīdati, tassa cittaṃ namati ātappāya anuyogāya sātaccāya padhānāya. Yassa cittaṃ namati ātappāya anuyogāya sātaccāya padhānāya, evamassāyaṃ paṭhamo cetokhilo pahīno hoti.
‘‘буна жабарам̣, бхигкавз, бхигку д̇хаммз на ган̇кад̇и на вижигижчад̇и ад̇химужжад̇и самбасийд̣̇ад̇и…бз… звамассааяам̣ д̣̇уд̇ияо жзд̇окило бахийно ход̇и.
‘‘Puna caparaṃ, bhikkhave, bhikkhu dhamme na kaṅkhati na vicikicchati adhimuccati sampasīdati…pe… evamassāyaṃ dutiyo cetokhilo pahīno hoti.
‘‘буна жабарам̣, бхигкавз, бхигку сан̇гхз на ган̇кад̇и на вижигижчад̇и ад̇химужжад̇и самбасийд̣̇ад̇и…бз… звамассааяам̣ д̇ад̇ияо жзд̇окило бахийно ход̇и.
‘‘Puna caparaṃ, bhikkhave, bhikkhu saṅghe na kaṅkhati na vicikicchati adhimuccati sampasīdati…pe… evamassāyaṃ tatiyo cetokhilo pahīno hoti.
‘‘буна жабарам̣, бхигкавз, бхигку сигкааяа на ган̇кад̇и на вижигижчад̇и ад̇химужжад̇и самбасийд̣̇ад̇и…бз… звамассааяам̣ жад̇уд̇т̇о жзд̇окило бахийно ход̇и.
‘‘Puna caparaṃ, bhikkhave, bhikkhu sikkhāya na kaṅkhati na vicikicchati adhimuccati sampasīdati…pe… evamassāyaṃ catuttho cetokhilo pahīno hoti.
‘‘буна жабарам̣, бхигкавз, бхигку саб̣рахмажаарийсу на губид̇о ход̇и на анад̇д̇амано 5 анаахад̇ажид̇д̇о акилаж̇аад̇о. яо со, бхигкавз, бхигку саб̣рахмажаарийсу на губид̇о ход̇и на анад̇д̇амано анаахад̇ажид̇д̇о акилаж̇аад̇о, д̇асса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ бан̃жамо жзд̇окило бахийно ход̇и. имаасса бан̃жа жзд̇окилаа бахийнаа хонд̇и.
‘‘Puna caparaṃ, bhikkhave, bhikkhu sabrahmacārīsu na kupito hoti na anattamano 6 anāhatacitto akhilajāto. Yo so, bhikkhave, bhikkhu sabrahmacārīsu na kupito hoti na anattamano anāhatacitto akhilajāto, tassa cittaṃ namati ātappāya anuyogāya sātaccāya padhānāya. Yassa cittaṃ namati ātappāya anuyogāya sātaccāya padhānāya, evamassāyaṃ pañcamo cetokhilo pahīno hoti. Imāssa pañca cetokhilā pahīnā honti.
188. ‘‘гад̇амаасса бан̃жа жзд̇асовиниб̣анд̇хаа сусамужчиннаа хонд̇и? ид̇ха, бхигкавз, бхигку гаамз вийд̇арааг̇о ход̇и виг̇ад̇ажчанд̣̇о виг̇ад̇абзмо виг̇ад̇абибаасо виг̇ад̇абарил̣аахо виг̇ад̇ад̇ан̣хо. яо со, бхигкавз, бхигку гаамз вийд̇арааг̇о ход̇и виг̇ад̇ажчанд̣̇о виг̇ад̇абзмо виг̇ад̇абибаасо виг̇ад̇абарил̣аахо виг̇ад̇ад̇ан̣хо, д̇асса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ батамо жзд̇асовиниб̣анд̇хо сусамужчинно ход̇и.
188. ‘‘Katamāssa pañca cetasovinibandhā susamucchinnā honti? Idha, bhikkhave, bhikkhu kāme vītarāgo hoti vigatacchando vigatapemo vigatapipāso vigatapariḷāho vigatataṇho. Yo so, bhikkhave, bhikkhu kāme vītarāgo hoti vigatacchando vigatapemo vigatapipāso vigatapariḷāho vigatataṇho, tassa cittaṃ namati ātappāya anuyogāya sātaccāya padhānāya. Yassa cittaṃ namati ātappāya anuyogāya sātaccāya padhānāya, evamassāyaṃ paṭhamo cetasovinibandho susamucchinno hoti.
‘‘буна жабарам̣, бхигкавз, бхигку гааяз вийд̇арааг̇о ход̇и…бз… руубз вийд̇арааг̇о ход̇и…бз… на яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и. яо со, бхигкавз, бхигку на яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и, д̇асса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ жад̇уд̇т̇о жзд̇асовиниб̣анд̇хо сусамужчинно ход̇и.
‘‘Puna caparaṃ, bhikkhave, bhikkhu kāye vītarāgo hoti…pe… rūpe vītarāgo hoti…pe… na yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati. Yo so, bhikkhave, bhikkhu na yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati, tassa cittaṃ namati ātappāya anuyogāya sātaccāya padhānāya. Yassa cittaṃ namati ātappāya anuyogāya sātaccāya padhānāya, evamassāyaṃ catuttho cetasovinibandho susamucchinno hoti.
‘‘буна жабарам̣, бхигкавз, бхигку на ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и. яо со, бхигкавз, бхигку на ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и, д̇асса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ намад̇и аад̇аббааяа ануяог̇ааяа саад̇ажжааяа бад̇хаанааяа, звамассааяам̣ бан̃жамо жзд̇асовиниб̣анд̇хо сусамужчинно ход̇и. имаасса бан̃жа жзд̇асовиниб̣анд̇хаа сусамужчиннаа хонд̇и.
‘‘Puna caparaṃ, bhikkhave, bhikkhu na aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti. Yo so, bhikkhave, bhikkhu na aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṃ namati ātappāya anuyogāya sātaccāya padhānāya. Yassa cittaṃ namati ātappāya anuyogāya sātaccāya padhānāya, evamassāyaṃ pañcamo cetasovinibandho susamucchinno hoti. Imāssa pañca cetasovinibandhā susamucchinnā honti.
‘‘яасса гассажи, бхигкавз, бхигкуно имз бан̃жа жзд̇окилаа бахийнаа, имз бан̃жа жзд̇асовиниб̣анд̇хаа сусамужчиннаа, со вад̇имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇иссад̇ийд̇и – таанамзд̇ам̣ виж̇ж̇ад̇и.
‘‘Yassa kassaci, bhikkhave, bhikkhuno ime pañca cetokhilā pahīnā, ime pañca cetasovinibandhā susamucchinnā, so vatimasmiṃ dhammavinaye vuddhiṃ virūḷhiṃ vepullaṃ āpajjissatīti – ṭhānametaṃ vijjati.
189. ‘‘со чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, жид̇д̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, уссол̣хийязва бан̃жамий. са ко со, бхигкавз, звам̣ уссол̣хийбаннарасан̇г̇асаманнааг̇ад̇о бхигку бхаб̣б̣о абхиниб̣б̣ид̣̇ааяа, бхаб̣б̣о самб̣од̇хааяа, бхаб̣б̣о ануд̇д̇арасса яог̇агкзмасса ад̇хиг̇амааяа. сзяяат̇ааби, бхигкавз, гуггудияаа ан̣д̣аани адта ваа д̣̇аса ваа д̣̇ваад̣̇аса ваа. д̇аанассу гуггудияаа саммаа ад̇хисаяид̇аани саммаа барисзд̣̇ид̇аани саммаа барибхаавид̇аани. гин̃жааби д̇ассаа гуггудияаа на звам̣ ижчаа уббаж̇ж̇зяяа – ‘ахо вад̇имз гуггудабод̇агаа баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇зяяу’нд̇и. ат̇а ко бхаб̣б̣аава д̇з гуггудабод̇агаа баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇ид̇ум̣. звамзва ко, бхигкавз, звам̣ уссол̣хибаннарасан̇г̇асаманнааг̇ад̇о бхигку бхаб̣б̣о абхиниб̣б̣ид̣̇ааяа, бхаб̣б̣о самб̣од̇хааяа, бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и.
189. ‘‘So chandasamādhipadhānasaṅkhārasamannāgataṃ iddhipādaṃ bhāveti, vīriyasamādhipadhānasaṅkhārasamannāgataṃ iddhipādaṃ bhāveti, cittasamādhipadhānasaṅkhārasamannāgataṃ iddhipādaṃ bhāveti, vīmaṃsāsamādhipadhānasaṅkhārasamannāgataṃ iddhipādaṃ bhāveti, ussoḷhīyeva pañcamī. Sa kho so, bhikkhave, evaṃ ussoḷhīpannarasaṅgasamannāgato bhikkhu bhabbo abhinibbidāya, bhabbo sambodhāya, bhabbo anuttarassa yogakkhemassa adhigamāya. Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā. Tānassu kukkuṭiyā sammā adhisayitāni sammā pariseditāni sammā paribhāvitāni. Kiñcāpi tassā kukkuṭiyā na evaṃ icchā uppajjeyya – ‘aho vatime kukkuṭapotakā pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjeyyu’nti. Atha kho bhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjituṃ. Evameva kho, bhikkhave, evaṃ ussoḷhipannarasaṅgasamannāgato bhikkhu bhabbo abhinibbidāya, bhabbo sambodhāya, bhabbo anuttarassa yogakkhemassa adhigamāyā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
жзд̇окиласуд̇д̇ам̣ нидтид̇ам̣ чадтам̣.
Cetokhilasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. жзд̇окиласуд̇д̇аван̣н̣анаа • 6. Cetokhilasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. жзд̇окиласуд̇д̇аван̣н̣анаа • 6. Cetokhilasuttavaṇṇanā
