| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
ಛಆಪತ್ತಿಸಮುಟ್ಠಾನವಾರಾದಿವಣ್ಣನಾ
Chaāpattisamuṭṭhānavārādivaṇṇanā
೨೭೬. ‘‘ಪಠಮೇನ ಆಪತ್ತಿಸಮುಟ್ಠಾನೇನ ದುಬ್ಭಾಸಿತಂ ಆಪಜ್ಜೇಯ್ಯಾತಿ ನ ಹೀತಿ ವತ್ತಬ್ಬ’’ನ್ತಿ ವುತ್ತಂ ವಾಚಾಚಿತ್ತವಸೇನೇವಾಪಜ್ಜಿತಬ್ಬತೋ।
276.‘‘Paṭhamenaāpattisamuṭṭhānena dubbhāsitaṃ āpajjeyyāti na hīti vattabba’’nti vuttaṃ vācācittavasenevāpajjitabbato.
೨೭೭. ಕುಟಿಂ ಕರೋತೀತಿ ಏತ್ಥ ಸಞ್ಚರಿತ್ತಮವತ್ವಾ ದುಕ್ಕಟಥುಲ್ಲಚ್ಚಯಸಙ್ಘಾದಿಸೇಸಾನಂ ಏಕಸ್ಮಿಂ ವತ್ಥುಸ್ಮಿಂ ಪಟಿಪಾಟಿಯಾ ಉಪ್ಪತ್ತಿದಸ್ಸನತ್ಥಮಿದಂ ವುತ್ತಂ। ನ ಹಿ ಸಞ್ಚರಿತ್ತೇ ಏವ ಆಪಜ್ಜತಿ। ‘‘ಇಮಿನಾ ಪನ ನಯೇನ ಸಬ್ಬತ್ಥ ಪಟಿಪಾಟಿಯಾ ಅಗ್ಗಹಣೇ ಕಾರಣಂ ವೇದಿತಬ್ಬ’’ನ್ತಿ ವುತ್ತಂ।
277.Kuṭiṃkarotīti ettha sañcarittamavatvā dukkaṭathullaccayasaṅghādisesānaṃ ekasmiṃ vatthusmiṃ paṭipāṭiyā uppattidassanatthamidaṃ vuttaṃ. Na hi sañcaritte eva āpajjati. ‘‘Iminā pana nayena sabbattha paṭipāṭiyā aggahaṇe kāraṇaṃ veditabba’’nti vuttaṃ.
೨೮೩. ವಿವೇಕದಸ್ಸಿನಾತಿ ತದಙ್ಗವಿವೇಕಾದಿಪಞ್ಚವಿಧವಿವೇಕದಸ್ಸಿನಾ।
283.Vivekadassināti tadaṅgavivekādipañcavidhavivekadassinā.
೨೮೪. ಅತ್ತನೋ ದುಟ್ಠುಲ್ಲನ್ತಿ ಸಙ್ಘಾದಿಸೇಸಂ।
284.Attano duṭṭhullanti saṅghādisesaṃ.
೨೮೮. ವಿವಾದಾಧಿಕರಣಪಚ್ಚಯಾತಿ ಅಞ್ಞೇಹಿ, ಅತ್ತನಾ ವಾ ಪುಬ್ಬಭಾಗೇ ಆಪನ್ನಪಚ್ಚಯಾತಿ ಅತ್ಥೋ। ಓಮಸತೀತಿ ‘‘ಅಯಂ ಧಮ್ಮೋ, ಅಯಂ ವಿನಯೋ’’ತಿ ವಿವದನ್ತೋ ‘‘ತ್ವಂ ಕಿಂ ಜಾನಾಸೀ’’ತಿಆದಿನಾ ಓಮಸತಿ। ತೀಹಿ ಸಮಥೇಹಿ ಸಮ್ಮುಖಾವಿನಯಪಟಿಞ್ಞಾತಕರಣತಿಣವತ್ಥಾರಕೇಹಿ। ‘‘ಸಮ್ಮುಖಾವಿನಯಞ್ಚೇತ್ಥ ಸಬ್ಬತ್ಥ ಇಚ್ಛಿತಬ್ಬತೋ ‘ಸಮ್ಮುಖಾವಿನಯೇನ ಚೇವ ಪಟಿಞ್ಞಾತಕರಣೇನ ಚಾ’ತಿಆದಿನಾ ದ್ವೀಹಿಪಿ ಯೋಜಿತಂ। ಏಸ ನಯೋ ಸಬ್ಬತ್ಥಾ’’ತಿ ವುತ್ತಂ।
288.Vivādādhikaraṇapaccayāti aññehi, attanā vā pubbabhāge āpannapaccayāti attho. Omasatīti ‘‘ayaṃ dhammo, ayaṃ vinayo’’ti vivadanto ‘‘tvaṃ kiṃ jānāsī’’tiādinā omasati. Tīhi samathehi sammukhāvinayapaṭiññātakaraṇatiṇavatthārakehi. ‘‘Sammukhāvinayañcettha sabbattha icchitabbato ‘sammukhāvinayena ceva paṭiññātakaraṇena cā’tiādinā dvīhipi yojitaṃ. Esa nayo sabbatthā’’ti vuttaṃ.
೨೯೧. ಠಪೇತ್ವಾ ಸತ್ತ ಆಪತ್ತಿಯೋತಿ ಏತ್ಥ ‘‘ಕಿಞ್ಚಾಪಿ ಅವಸೇಸಾ ನತ್ಥಿ, ತಥಾಪಿ ಪಟಿಪಾಟಿಯಾ ಪಾಟವಜನನತ್ಥಂ ಪುಚ್ಛಾ ಕತಾ’’ತಿ ವುತ್ತಂ।
291.Ṭhapetvā satta āpattiyoti ettha ‘‘kiñcāpi avasesā natthi, tathāpi paṭipāṭiyā pāṭavajananatthaṃ pucchā katā’’ti vuttaṃ.
ಅನ್ತರಪೇಯ್ಯಾಲಂ ನಿಟ್ಠಿತಂ।
Antarapeyyālaṃ niṭṭhitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೧. ಛಆಪತ್ತಿಸಮುಟ್ಠಾನವಾರೋ • 1. Chaāpattisamuṭṭhānavāro
೨. ಕತಾಪತ್ತಿವಾರೋ • 2. Katāpattivāro
೩. ಆಪತ್ತಿಸಮುಟ್ಠಾನಗಾಥಾ • 3. Āpattisamuṭṭhānagāthā
೪. ವಿಪತ್ತಿಪಚ್ಚಯವಾರೋ • 4. Vipattipaccayavāro
೫. ಅಧಿಕರಣಪಚ್ಚಯವಾರೋ • 5. Adhikaraṇapaccayavāro
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಛಆಪತ್ತಿಸಮುಟ್ಠಾನವಾರಕಥಾವಣ್ಣನಾ • Chaāpattisamuṭṭhānavārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā
ಛಆಪತ್ತಿಸಮುಟ್ಠಾನವಾರವಣ್ಣನಾ • Chaāpattisamuṭṭhānavāravaṇṇanā
ಕತಾಪತ್ತಿವಾರವಣ್ಣನಾ • Katāpattivāravaṇṇanā
ಆಪತ್ತಿಸಮುಟ್ಠಾನಗಾಥಾವಣ್ಣನಾ • Āpattisamuṭṭhānagāthāvaṇṇanā
ವಿಪತ್ತಿಪಚ್ಚಯವಾರವಣ್ಣನಾ • Vipattipaccayavāravaṇṇanā
ಅಧಿಕರಣಪಚ್ಚಯವಾರವಣ್ಣನಾ • Adhikaraṇapaccayavāravaṇṇanā
