| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੪. ਛਬ੍ਬਸ੍ਸਸਿਕ੍ਖਾਪਦਂ
4. Chabbassasikkhāpadaṃ
੫੫੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਨੁવਸ੍ਸਂ ਸਨ੍ਥਤਂ ਕਾਰਾਪੇਨ੍ਤਿ। ਤੇ ਯਾਚਨਬਹੁਲਾ વਿਞ੍ਞਤ੍ਤਿਬਹੁਲਾ વਿਹਰਨ੍ਤਿ – ‘‘ਏਲ਼ਕਲੋਮਾਨਿ ਦੇਥ। ਏਲ਼ਕਲੋਮੇਹਿ ਅਤ੍ਥੋ’’ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਅਨੁવਸ੍ਸਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਯਾਚਨਬਹੁਲਾ વਿਞ੍ਞਤ੍ਤਿਬਹੁਲਾ વਿਹਰਿਸ੍ਸਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’’’ਤਿ! ਅਮ੍ਹਾਕਂ ਪਨ ਸਕਿਂ ਕਤਾਨਿ ਸਨ੍ਥਤਾਨਿ ਪਞ੍ਚਪਿ ਛਪਿ વਸ੍ਸਾਨਿ ਹੋਨ੍ਤਿ, ਯੇਸਂ ਨੋ ਦਾਰਕਾ ਉਹਦਨ੍ਤਿਪਿ ਉਮ੍ਮਿਹਨ੍ਤਿਪਿ ਉਨ੍ਦੂਰੇਹਿਪਿ ਖਜ੍ਜਨ੍ਤਿ। ਇਮੇ ਪਨ ਸਮਣਾ ਸਕ੍ਯਪੁਤ੍ਤਿਯਾ ਅਨੁવਸ੍ਸਂ ਸਨ੍ਥਤਂ ਕਾਰਾਪੇਨ੍ਤਿ, ਯਾਚਨਬਹੁਲਾ વਿਞ੍ਞਤ੍ਤਿਬਹੁਲਾ વਿਹਰਨ੍ਤਿ – ‘‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’’ਤਿ!
557. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū anuvassaṃ santhataṃ kārāpenti. Te yācanabahulā viññattibahulā viharanti – ‘‘eḷakalomāni detha. Eḷakalomehi attho’’ti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā anuvassaṃ santhataṃ kārāpessanti, yācanabahulā viññattibahulā viharissanti – ‘eḷakalomāni detha, eḷakalomehi attho’’’ti! Amhākaṃ pana sakiṃ katāni santhatāni pañcapi chapi vassāni honti, yesaṃ no dārakā uhadantipi ummihantipi undūrehipi khajjanti. Ime pana samaṇā sakyaputtiyā anuvassaṃ santhataṃ kārāpenti, yācanabahulā viññattibahulā viharanti – ‘‘eḷakalomāni detha, eḷakalomehi attho’’ti!
ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਅਨੁવਸ੍ਸਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਯਾਚਨਬਹੁਲਾ વਿਞ੍ਞਤ੍ਤਿਬਹੁਲਾ વਿਹਰਿਸ੍ਸਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੂ ਅਨੁવਸ੍ਸਂ ਸਨ੍ਥਤਂ ਕਾਰਾਪੇਨ੍ਤਿ, ਯਾਚਨਬਹੁਲਾ વਿਞ੍ਞਤ੍ਤਿਬਹੁਲਾ વਿਹਰਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਅਨੁવਸ੍ਸਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਯਾਚਨਬਹੁਲਾ વਿਞ੍ਞਤ੍ਤਿਬਹੁਲਾ વਿਹਰਿਸ੍ਸਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’ਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū anuvassaṃ santhataṃ kārāpessanti, yācanabahulā viññattibahulā viharissanti – ‘eḷakalomāni detha, eḷakalomehi attho’’’ti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… saccaṃ kira, bhikkhave, bhikkhū anuvassaṃ santhataṃ kārāpenti, yācanabahulā viññattibahulā viharanti – ‘eḷakalomāni detha, eḷakalomehi attho’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā anuvassaṃ santhataṃ kārāpessanti, yācanabahulā viññattibahulā viharissanti – ‘eḷakalomāni detha, eḷakalomehi attho’ti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੫੫੮. ‘‘ਨવਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍વਾ ਛਬ੍ਬਸ੍ਸਾਨਿ ਧਾਰੇਤਬ੍ਬਂ। ਓਰੇਨ ਚੇ ਛਨ੍ਨਂ વਸ੍ਸਾਨਂ ਤਂ ਸਨ੍ਥਤਂ વਿਸ੍ਸਜ੍ਜੇਤ੍વਾ વਾ ਅવਿਸ੍ਸਜ੍ਜੇਤ੍વਾ વਾ ਅਞ੍ਞਂ ਨવਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
558.‘‘Navaṃ pana bhikkhunā santhataṃ kārāpetvā chabbassāni dhāretabbaṃ. Orena ce channaṃ vassānaṃ taṃ santhataṃ vissajjetvā vā avissajjetvā vā aññaṃ navaṃ santhataṃ kārāpeyya, nissaggiyaṃ pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੫੫੯. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੋਸਮ੍ਬਿਯਂ ਗਿਲਾਨੋ ਹੋਤਿ। ਞਾਤਕਾ ਤਸ੍ਸ ਭਿਕ੍ਖੁਨੋ ਸਨ੍ਤਿਕੇ ਦੂਤਂ ਪਾਹੇਸੁਂ – ‘‘ਆਗਚ੍ਛਤੁ, ਭਦਨ੍ਤੋ ਮਯਂ ਉਪਟ੍ਠਹਿਸ੍ਸਾਮਾ’’ਤਿ। ਭਿਕ੍ਖੂਪਿ ਏવਮਾਹਂਸੁ – ‘‘ਗਚ੍ਛਾવੁਸੋ, ਞਾਤਕਾ ਤਂ ਉਪਟ੍ਠਹਿਸ੍ਸਨ੍ਤੀ’’ਤਿ। ਸੋ ਏવਮਾਹ – ‘‘ਭਗવਤਾ, ਆવੁਸੋ, ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਨવਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍વਾ ਛਬ੍ਬਸ੍ਸਾਨਿ ਧਾਰੇਤਬ੍ਬ’ਨ੍ਤਿ। ਅਹਞ੍ਚਮ੍ਹਿ ਗਿਲਾਨੋ, ਨ ਸਕ੍ਕੋਮਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ। ਮਯ੍ਹਞ੍ਚ વਿਨਾ ਸਨ੍ਥਤਾ ਨ ਫਾਸੁ ਹੋਤਿ। ਨਾਹਂ ਗਮਿਸ੍ਸਾਮੀ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦਾਤੁਂ। ਏવਞ੍ਚ ਪਨ , ਭਿਕ੍ਖવੇ, ਦਾਤਬ੍ਬਾ। ਤੇਨ ਗਿਲਾਨੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ વੁਡ੍ਢਾਨਂ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘ਅਹਂ, ਭਨ੍ਤੇ, ਗਿਲਾਨੋ। ਨ ਸਕ੍ਕੋਮਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ। ਸੋਹਂ, ਭਨ੍ਤੇ, ਸਙ੍ਘਂ ਸਨ੍ਥਤਸਮ੍ਮੁਤਿਂ ਯਾਚਾਮੀ’ਤਿ। ਦੁਤਿਯਮ੍ਪਿ ਯਾਚਿਤਬ੍ਬਾ। ਤਤਿਯਮ੍ਪਿ ਯਾਚਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
559. Tena kho pana samayena aññataro bhikkhu kosambiyaṃ gilāno hoti. Ñātakā tassa bhikkhuno santike dūtaṃ pāhesuṃ – ‘‘āgacchatu, bhadanto mayaṃ upaṭṭhahissāmā’’ti. Bhikkhūpi evamāhaṃsu – ‘‘gacchāvuso, ñātakā taṃ upaṭṭhahissantī’’ti. So evamāha – ‘‘bhagavatā, āvuso, sikkhāpadaṃ paññattaṃ – ‘navaṃ pana bhikkhunā santhataṃ kārāpetvā chabbassāni dhāretabba’nti. Ahañcamhi gilāno, na sakkomi santhataṃ ādāya pakkamituṃ. Mayhañca vinā santhatā na phāsu hoti. Nāhaṃ gamissāmī’’ti. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānassa bhikkhuno santhatasammutiṃ dātuṃ. Evañca pana , bhikkhave, dātabbā. Tena gilānena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, gilāno. Na sakkomi santhataṃ ādāya pakkamituṃ. Sohaṃ, bhante, saṅghaṃ santhatasammutiṃ yācāmī’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
੫੬੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ। ਨ ਸਕ੍ਕੋਤਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ। ਸੋ ਸਙ੍ਘਂ ਸਨ੍ਥਤਸਮ੍ਮੁਤਿਂ ਯਾਚਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦਦੇਯ੍ਯ। ਏਸਾ ਞਤ੍ਤਿ।
560. ‘‘Suṇātu me, bhante, saṅgho. Ayaṃ itthannāmo bhikkhu gilāno. Na sakkoti santhataṃ ādāya pakkamituṃ. So saṅghaṃ santhatasammutiṃ yācati. Yadi saṅghassa pattakallaṃ, saṅgho itthannāmassa bhikkhuno santhatasammutiṃ dadeyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ । ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ। ਨ ਸਕ੍ਕੋਤਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ। ਸੋ ਸਙ੍ਘਂ ਸਨ੍ਥਤਸਮ੍ਮੁਤਿਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਯਾ ਦਾਨਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho . Ayaṃ itthannāmo bhikkhu gilāno. Na sakkoti santhataṃ ādāya pakkamituṃ. So saṅghaṃ santhatasammutiṃ yācati. Saṅgho itthannāmassa bhikkhuno santhatasammutiṃ deti. Yassāyasmato khamati itthannāmassa bhikkhuno santhatasammutiyā dānaṃ, so tuṇhassa; yassa nakkhamati, so bhāseyya.
‘‘ਦਿਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Dinnā saṅghena itthannāmassa bhikkhuno santhatasammuti. Khamati saṅghassa, tasmā tuṇhī, evametaṃ dhārayāmī’’ti.
ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Evañca pana, bhikkhave, imaṃ sikkhāpadaṃ uddiseyyātha –
੫੬੧. ‘‘ਨવਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍વਾ ਛਬ੍ਬਸ੍ਸਾਨਿ ਧਾਰੇਤਬ੍ਬਂ। ਓਰੇਨ ਚੇ ਛਨ੍ਨਂ વਸ੍ਸਾਨਂ ਤਂ ਸਨ੍ਥਤਂ વਿਸ੍ਸਜ੍ਜੇਤ੍વਾ વਾ ਅવਿਸ੍ਸਜ੍ਜੇਤ੍વਾ વਾ ਅਞ੍ਞਂ ਨવਂ ਸਨ੍ਥਤਂ ਕਾਰਾਪੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ , ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
561.‘‘Navaṃ pana bhikkhunā santhataṃ kārāpetvā chabbassāni dhāretabbaṃ. Orena ce channaṃ vassānaṃ taṃ santhataṃ vissajjetvā vā avissajjetvā vā aññaṃ navaṃ santhataṃ kārāpeyya, aññatra bhikkhusammutiyā , nissaggiyaṃ pācittiya’’nti.
੫੬੨. ਨવਂ ਨਾਮ ਕਰਣਂ ਉਪਾਦਾਯ વੁਚ੍ਚਤਿ।
562.Navaṃ nāma karaṇaṃ upādāya vuccati.
ਸਨ੍ਥਤਂ ਨਾਮ ਸਨ੍ਥਰਿਤ੍વਾ ਕਤਂ ਹੋਤਿ ਅવਾਯਿਮਂ।
Santhataṃ nāma santharitvā kataṃ hoti avāyimaṃ.
ਕਾਰਾਪੇਤ੍વਾਤਿ ਕਰਿਤ੍વਾ વਾ ਕਾਰਾਪੇਤ੍વਾ વਾ।
Kārāpetvāti karitvā vā kārāpetvā vā.
ਛਬ੍ਬਸ੍ਸਾਨਿ ਧਾਰੇਤਬ੍ਬਨ੍ਤਿ ਛਬ੍ਬਸ੍ਸਪਰਮਤਾ ਧਾਰੇਤਬ੍ਬਂ।
Chabbassāni dhāretabbanti chabbassaparamatā dhāretabbaṃ.
ਓਰੇਨ ਚੇ ਛਨ੍ਨਂ વਸ੍ਸਾਨਨ੍ਤਿ ਊਨਕਛਬ੍ਬਸ੍ਸਾਨਿ।
Orena ce channaṃ vassānanti ūnakachabbassāni.
ਤਂ ਸਨ੍ਥਤਂ વਿਸ੍ਸਜ੍ਜੇਤ੍વਾਤਿ ਅਞ੍ਞੇਸਂ ਦਤ੍વਾ।
Taṃ santhataṃ vissajjetvāti aññesaṃ datvā.
ਅવਿਸ੍ਸਜ੍ਜੇਤ੍વਾਤਿ ਨ ਕਸ੍ਸਚਿ ਦਤ੍વਾ।
Avissajjetvāti na kassaci datvā.
ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਠਪੇਤ੍વਾ ਭਿਕ੍ਖੁਸਮ੍ਮੁਤਿਂ ਅਞ੍ਞਂ ਨવਂ ਸਨ੍ਥਤਂ ਕਰੋਤਿ વਾ ਕਾਰਾਪੇਤਿ વਾ, ਪਯੋਗੇ ਦੁਕ੍ਕਟਂ। ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ਇਦਂ ਮੇ, ਭਨ੍ਤੇ, ਸਨ੍ਥਤਂ ਊਨਕਛਬ੍ਬਸ੍ਸਾਨਿ ਕਾਰਾਪਿਤਂ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ। ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Aññatra bhikkhusammutiyāti ṭhapetvā bhikkhusammutiṃ aññaṃ navaṃ santhataṃ karoti vā kārāpeti vā, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, santhataṃ ūnakachabbassāni kārāpitaṃ, aññatra bhikkhusammutiyā, nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
੫੬੩. ਅਤ੍ਤਨਾ વਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਤ੍ਤਨਾ વਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ । ਪਰੇਹਿ વਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਪਰੇਹਿ વਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
563. Attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ . Parehi vippakataṃ attanā pariyosāpeti, nissaggiyaṃ pācittiyaṃ. Parehi vippakataṃ parehi pariyosāpeti, nissaggiyaṃ pācittiyaṃ.
੫੬੪. ਅਨਾਪਤ੍ਤਿ ਛਬ੍ਬਸ੍ਸਾਨਿ ਕਰੋਤਿ, ਅਤਿਰੇਕਛਬ੍ਬਸ੍ਸਾਨਿ ਕਰੋਤਿ, ਅਞ੍ਞਸ੍ਸਤ੍ਥਾਯ ਕਰੋਤਿ વਾ ਕਾਰਾਪੇਤਿ વਾ, ਅਞ੍ਞੇਨ ਕਤਂ ਪਟਿਲਭਿਤ੍વਾ ਪਰਿਭੁਞ੍ਜਤਿ , વਿਤਾਨਂ વਾ ਭੂਮਤ੍ਥਰਣਂ વਾ ਸਾਣਿਪਾਕਾਰਂ વਾ ਭਿਸਿਂ વਾ ਬਿਬ੍ਬੋਹਨਂ વਾ ਕਰੋਤਿ, ਭਿਕ੍ਖੁਸਮ੍ਮੁਤਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
564. Anāpatti chabbassāni karoti, atirekachabbassāni karoti, aññassatthāya karoti vā kārāpeti vā, aññena kataṃ paṭilabhitvā paribhuñjati , vitānaṃ vā bhūmattharaṇaṃ vā sāṇipākāraṃ vā bhisiṃ vā bibbohanaṃ vā karoti, bhikkhusammutiyā, ummattakassa, ādikammikassāti.
ਛਬ੍ਬਸ੍ਸਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ।
Chabbassasikkhāpadaṃ niṭṭhitaṃ catutthaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ • 4. Chabbassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ • 4. Chabbassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ • 4. Chabbassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ • 4. Chabbassasikkhāpadavaṇṇanā
