| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
4. ச²ப்³ப³ஸ்ஸஸிக்கா²பத³வண்ணனா
4. Chabbassasikkhāpadavaṇṇanā
‘‘ஓரேன சே ச²ன்னங் வஸ்ஸான’’ந்தி வுத்தத்தா ச²ப்³ப³ஸ்ஸே பரிபுண்ணே காதுங் வட்டதீதி நிட்டா²னதி³வஸதோ பட்டா²ய ச²ன்னங் வஸ்ஸானங் பரிச்சே²தோ³ வேதி³தப்³போ³. யானி பனெத்த² அதிரேகச²ப்³ப³ஸ்ஸவஸேன வா ஸம்முதிவஸேன வா கதானி, ஸப்³பா³னி தானி ஏகதோ பரிபு⁴ஞ்ஜிதுங் வட்டந்தீதி. கி³லானஸ்ஸ ச ஏகங் நப்பஹோதீதி அனேகம்பி வட்டதி. யதோ பட்டா²ய ரோக³ஸ்ஸ மந்த³தாய ஸந்த²தங் ஆதா³ய க³ந்துங் ஸக்கோதி, ததோ பட்டா²ய ஸம்முதி வா ரோகோ³ வா ந ரக்க²தீதி ஏகே. அபிச ச²வஸ்ஸபு³த்³த⁴னிம்மலங் ஸிக்கா²பத³ங் விசாரேதுங் க³ம்பீ⁴ரத்தா. தஸ்மா ச²வஸ்ஸே கம்மங் கதந்தி.
‘‘Orenace channaṃ vassāna’’nti vuttattā chabbasse paripuṇṇe kātuṃ vaṭṭatīti niṭṭhānadivasato paṭṭhāya channaṃ vassānaṃ paricchedo veditabbo. Yāni panettha atirekachabbassavasena vā sammutivasena vā katāni, sabbāni tāni ekato paribhuñjituṃ vaṭṭantīti. Gilānassa ca ekaṃ nappahotīti anekampi vaṭṭati. Yato paṭṭhāya rogassa mandatāya santhataṃ ādāya gantuṃ sakkoti, tato paṭṭhāya sammuti vā rogo vā na rakkhatīti eke. Apica chavassabuddhanimmalaṃ sikkhāpadaṃ vicāretuṃ gambhīrattā. Tasmā chavasse kammaṃ katanti.
ச²ப்³ப³ஸ்ஸஸிக்கா²பத³வண்ணனா நிட்டி²தா.
Chabbassasikkhāpadavaṇṇanā niṭṭhitā.
