| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. чаб̣б̣исод̇ханасуд̇д̇аван̣н̣анаа
2. Chabbisodhanasuttavaṇṇanā
98. звам̣ мз суд̇анд̇и чаб̣б̣исод̇ханасуд̇д̇ам̣. д̇ад̇т̇а кийн̣аа ж̇аад̇ийд̇иаад̣̇ийсу згзнааби бад̣̇зна ан̃н̃аа б̣яаагад̇аава ход̇и, д̣̇вийхиби. ид̇ха бана жад̇уухи бад̣̇зхи ан̃н̃аб̣яаагаран̣ам̣ ааг̇ад̇ам̣. д̣̇идтз д̣̇идтаваад̣̇ид̇аад̇иаад̣̇ийсу яааяа жзд̇анааяа д̣̇идтз д̣̇идтам̣ мзд̇и вад̣̇ад̇и, саа д̣̇идтз д̣̇идтаваад̣̇ид̇аа наама. сзсабад̣̇зсуби зсзва наяо. аяамануд̇хаммод̇и аяам̣ сабхааво. абхинанд̣̇ид̇аб̣б̣анд̇и на гзвалам̣ абхинанд̣̇ид̇аб̣б̣ам̣, бариниб̣б̣уд̇асса банасса саб̣б̣оби кийн̣аасавасса саггааро гаад̇аб̣б̣о. уд̇д̇арим̣ бан̃ход̇и сажз банасса взяяаагаран̣зна асанд̇удтаа хот̇а, уд̇д̇аримби аяам̣ бан̃хо бужчид̇аб̣б̣од̇и д̣̇ассзд̇и. ид̇о барзсуби д̇ийсу ваарзсу аяамзва наяо.
98.Evaṃme sutanti chabbisodhanasuttaṃ. Tattha khīṇā jātītiādīsu ekenāpi padena aññā byākatāva hoti, dvīhipi. Idha pana catūhi padehi aññabyākaraṇaṃ āgataṃ. Diṭṭhe diṭṭhavāditātiādīsu yāya cetanāya diṭṭhe diṭṭhaṃ meti vadati, sā diṭṭhe diṭṭhavāditā nāma. Sesapadesupi eseva nayo. Ayamanudhammoti ayaṃ sabhāvo. Abhinanditabbanti na kevalaṃ abhinanditabbaṃ, parinibbutassa panassa sabbopi khīṇāsavassa sakkāro kātabbo. Uttariṃ pañhoti sace panassa veyyākaraṇena asantuṭṭhā hotha, uttarimpi ayaṃ pañho pucchitabboti dasseti. Ito paresupi tīsu vāresu ayameva nayo.
99. аб̣аланд̇и д̣̇уб̣б̣алам̣. вирааг̇унанд̇и виг̇ажчанасабхаавам̣. анассаасиганд̇и ассаасавирахид̇ам̣. убааяуубаад̣̇аанаад̇и д̇ан̣хаад̣̇идтийнамзд̇ам̣ ад̇хиважанам̣. д̇ан̣хаад̣̇идтияо хи д̇збхуумагад̇хаммз убзнд̇ийд̇и убааяаа, убаад̣̇ияанд̇ийд̇и убаад̣̇аанаа. жзд̇асо ад̣̇идтаанаабхинивзсаанусаяаад̇иби д̇аасам̣язва наамам̣. жид̇д̇ан̃хи д̇ан̣хаад̣̇идтийхи саггааяад̇хаммзсу д̇идтад̇и ад̇хид̇идтад̇ийд̇и д̇ан̣хаад̣̇идтияо жзд̇асо ад̇хидтаанаа, д̇аахи д̇ам̣ абхинивисад̇ийд̇и абхинивзсаа, д̇аахиязва д̇ам̣ анусзд̇ийд̇и анусаяаад̇и вужжанд̇и. каяаа вирааг̇аад̇иаад̣̇ийсу каязна вирааг̇знаад̇и ад̇т̇о. саб̣б̣аани жзд̇аани ан̃н̃аман̃н̃авзважанаанзва.
99.Abalanti dubbalaṃ. Virāgunanti vigacchanasabhāvaṃ. Anassāsikanti assāsavirahitaṃ. Upāyūpādānāti taṇhādiṭṭhīnametaṃ adhivacanaṃ. Taṇhādiṭṭhiyo hi tebhūmakadhamme upentīti upāyā, upādiyantīti upādānā. Cetaso adiṭṭhānābhinivesānusayātipi tāsaṃyeva nāmaṃ. Cittañhi taṇhādiṭṭhīhi sakkāyadhammesu tiṭṭhati adhitiṭṭhatīti taṇhādiṭṭhiyo cetaso adhiṭṭhānā, tāhi taṃ abhinivisatīti abhinivesā, tāhiyeva taṃ anusetīti anusayāti vuccanti. Khayāvirāgātiādīsu khayena virāgenāti attho. Sabbāni cetāni aññamaññavevacanāneva.
100. бат̇авийд̇хаад̇ууд̇и бад̇идтаанад̇хаад̇у. аабод̇хаад̇ууд̇и ааб̣анд̇ханад̇хаад̇у. д̇зж̇од̇хаад̇ууд̇и барибаажанад̇хаад̇у. вааяод̇хаад̇ууд̇и вид̇т̇амбханад̇хаад̇у. аагаасад̇хаад̇ууд̇и асампудтад̇хаад̇у. вин̃н̃аан̣ад̇хаад̇ууд̇и виж̇аананад̇хаад̇у. на анад̇д̇ад̇о убаг̇ажчинд̇и ахам̣ ад̇д̇аад̇и ад̇д̇агодтаасзна на убаг̇амим̣. на жа бат̇авийд̇хаад̇униссид̇анд̇и бат̇авийд̇хаад̇униссид̇аа сзсад̇хаад̇уяо жа убаад̣̇ааруубан̃жа аруубагканд̇хаа жа. д̇зби хи ниссид̇авад̇т̇уруубаанам̣ бат̇авийд̇хаад̇униссид̇ад̇д̇аа згзна барияааязна бат̇авийд̇хаад̇униссид̇аава. д̇асмаа ‘‘на жа бат̇авийд̇хаад̇униссид̇а’’нд̇и вад̣̇анд̇о сзсаруубааруубад̇хаммзби ад̇д̇ад̇о на убаг̇ажчинд̇и вад̣̇ад̇и. аагаасад̇хаад̇униссид̇абад̣̇з бана авиниб̣бхог̇авасзна саб̣б̣амби бхууд̇убаад̣̇ааруубам̣ аагаасад̇хаад̇униссид̇ам̣ наама , д̇ат̇аа д̇ам̣ниссид̇аруубавад̇т̇угаа аруубагканд̇хаа. звам̣ ид̇хааби руубааруубам̣ г̇ахид̇амзва ход̇и. вин̃н̃аан̣ад̇хаад̇униссид̇абад̣̇з бана сахаж̇аад̇аа д̇аяо канд̇хаа жид̇д̇асамудтаанаруубан̃жа вин̃н̃аан̣ад̇хаад̇униссид̇анд̇и руубааруубам̣ г̇ахид̇амзва ход̇и.
100.Pathavīdhātūti patiṭṭhānadhātu. Āpodhātūti ābandhanadhātu. Tejodhātūti paripācanadhātu. Vāyodhātūti vitthambhanadhātu. Ākāsadhātūti asamphuṭṭhadhātu. Viññāṇadhātūti vijānanadhātu. Na anattato upagacchinti ahaṃ attāti attakoṭṭhāsena na upagamiṃ. Na ca pathavīdhātunissitanti pathavīdhātunissitā sesadhātuyo ca upādārūpañca arūpakkhandhā ca. Tepi hi nissitavatthurūpānaṃ pathavīdhātunissitattā ekena pariyāyena pathavīdhātunissitāva. Tasmā ‘‘na ca pathavīdhātunissita’’nti vadanto sesarūpārūpadhammepi attato na upagacchinti vadati. Ākāsadhātunissitapade pana avinibbhogavasena sabbampi bhūtupādārūpaṃ ākāsadhātunissitaṃ nāma , tathā taṃnissitarūpavatthukā arūpakkhandhā. Evaṃ idhāpi rūpārūpaṃ gahitameva hoti. Viññāṇadhātunissitapade pana sahajātā tayo khandhā cittasamuṭṭhānarūpañca viññāṇadhātunissitanti rūpārūpaṃ gahitameva hoti.
101. руубз жагкувин̃н̃аан̣з жагкувин̃н̃аан̣авин̃н̃аад̇аб̣б̣зсу д̇хаммзсууд̇и зд̇т̇а яам̣ ад̇ийд̇з жагкуд̣̇ваарасса аабаат̇ам̣ ааг̇анд̇ваа нируд̣̇д̇хам̣, яан̃жа анааг̇ад̇з аабаат̇ам̣ ааг̇анд̇ваа нируж̇жхиссад̇и, яамби зд̇арахи ааг̇анд̇ваа нируд̣̇д̇хам̣, д̇ам̣ саб̣б̣ам̣ руубам̣ наама. яам̣ бана ад̇ийд̇зби аабаат̇ам̣ анааг̇анд̇ваа нируд̣̇д̇хам̣, анааг̇ад̇зби анааг̇анд̇ваа нируж̇жхиссад̇и, зд̇арахиби анааг̇анд̇ваа нируд̣̇д̇хам̣, д̇ам̣ жагкувин̃н̃аан̣авин̃н̃аад̇аб̣б̣ад̇хаммзсу сан̇г̇ахид̇анд̇и вуд̇д̇з д̇ибидагажуул̣аабхаяад̇т̇зро ааха – ‘‘имасмим̣ таанз д̣̇вид̇хаа гарот̇а, убари чанд̣̇оваарз гинд̇и гариссат̇а, наяид̣̇ам̣ лаб̣бхад̇ий’’д̇и. д̇асмаа д̇ийсу гаалзсу аабаат̇ам̣ ааг̇ад̇ам̣ ваа анааг̇ад̇ам̣ ваа саб̣б̣амби д̇ам̣ руубамзва, жагкувин̃н̃аан̣асамбаяуд̇д̇аа бана д̇аяо канд̇хаа жагкувин̃н̃аан̣авин̃н̃аад̇аб̣б̣ад̇хаммаад̇и взд̣̇ид̇аб̣б̣аа. аяан̃хзд̇т̇а ад̇т̇о ‘‘жагкувин̃н̃аан̣зна сад̣̇д̇хим̣ вин̃н̃аад̇аб̣б̣зсу д̇хаммзсуу’’д̇и. чанд̣̇од̇и д̇ан̣хаачанд̣̇о. рааг̇од̇и свзва раж̇ж̇анавасзна рааг̇о. нанд̣̇ийд̇и свзва абхинанд̣̇анавасзна нанд̣̇ий. д̇ан̣хаад̇и свзва д̇ан̣хааяанавасзна д̇ан̣хаа. сзсад̣̇ваарзсуби зсзва наяо.
101.Rūpe cakkhuviññāṇe cakkhuviññāṇaviññātabbesu dhammesūti ettha yaṃ atīte cakkhudvārassa āpāthaṃ āgantvā niruddhaṃ, yañca anāgate āpāthaṃ āgantvā nirujjhissati, yampi etarahi āgantvā niruddhaṃ, taṃ sabbaṃ rūpaṃ nāma. Yaṃ pana atītepi āpāthaṃ anāgantvā niruddhaṃ, anāgatepi anāgantvā nirujjhissati, etarahipi anāgantvā niruddhaṃ, taṃ cakkhuviññāṇaviññātabbadhammesu saṅgahitanti vutte tipiṭakacūḷābhayatthero āha – ‘‘imasmiṃ ṭhāne dvidhā karotha, upari chandovāre kinti karissatha, nayidaṃ labbhatī’’ti. Tasmā tīsu kālesu āpāthaṃ āgataṃ vā anāgataṃ vā sabbampi taṃ rūpameva, cakkhuviññāṇasampayuttā pana tayo khandhā cakkhuviññāṇaviññātabbadhammāti veditabbā. Ayañhettha attho ‘‘cakkhuviññāṇena saddhiṃ viññātabbesu dhammesū’’ti. Chandoti taṇhāchando. Rāgoti sveva rajjanavasena rāgo. Nandīti sveva abhinandanavasena nandī. Taṇhāti sveva taṇhāyanavasena taṇhā. Sesadvāresupi eseva nayo.
102. ахан̇гаарамаман̇гаарамаанаанусаяаад̇и зд̇т̇а ахан̇гааро маано, маман̇гааро д̇ан̣хаа, свзва маанаанусаяо. аасаваанам̣ каяан̃аан̣ааяаад̇и ид̣̇ам̣ буб̣б̣зниваасам̣ д̣̇иб̣б̣ажагкун̃жа авад̇ваа гасмаа вуд̇д̇ам̣? бхигкуу логияад̇хаммам̣ на бужчанд̇и, логуд̇д̇арамзва бужчанд̇и, д̇асмаа бужчид̇абан̃хам̣язва гат̇знд̇о звамааха. згависсаж̇ж̇ид̇асуд̇д̇ам̣ наамзд̇ам̣, чаб̣б̣исод̇хананд̇ибисса наамам̣. зд̇т̇а хи жад̇д̇ааро вохаараа бан̃жа канд̇хаа ча д̇хаад̇уяо ча аж̇жхад̇д̇игаб̣аахираани ааяад̇анаани ад̇д̇ано савин̃н̃аан̣агагааяо барзсам̣ савин̃н̃аан̣агагааяод̇и имз ча годтаасаа висуд̣̇д̇хаа, д̇асмаа ‘‘чаб̣б̣исод̇ханияа’’нд̇и вуд̇д̇ам̣. барасамуд̣̇д̣̇аваасид̇т̇зраа бана ад̇д̇ано жа барасса жа вин̃н̃аан̣агагааяам̣ згамзва гад̇ваа жад̇уухи аахаарзхи сад̣̇д̇хинд̇и ча годтаасз вад̣̇анд̇и.
102.Ahaṅkāramamaṅkāramānānusayāti ettha ahaṅkāro māno, mamaṅkāro taṇhā, sveva mānānusayo. Āsavānaṃ khayañāṇāyāti idaṃ pubbenivāsaṃ dibbacakkhuñca avatvā kasmā vuttaṃ? Bhikkhū lokiyadhammaṃ na pucchanti, lokuttarameva pucchanti, tasmā pucchitapañhaṃyeva kathento evamāha. Ekavissajjitasuttaṃ nāmetaṃ, chabbisodhanantipissa nāmaṃ. Ettha hi cattāro vohārā pañca khandhā cha dhātuyo cha ajjhattikabāhirāni āyatanāni attano saviññāṇakakāyo paresaṃ saviññāṇakakāyoti ime cha koṭṭhāsā visuddhā, tasmā ‘‘chabbisodhaniya’’nti vuttaṃ. Parasamuddavāsittherā pana attano ca parassa ca viññāṇakakāyaṃ ekameva katvā catūhi āhārehi saddhinti cha koṭṭhāse vadanti.
имз бана ча годтаасаа ‘‘гим̣ д̇з ад̇хиг̇ад̇ам̣, гинд̇и д̇з ад̇хиг̇ад̇ам̣, гад̣̇аа д̇з ад̇хиг̇ад̇ам̣, гад̇т̇а д̇з ад̇хиг̇ад̇ам̣, гад̇амз д̇з гилзсаа бахийнаа, гад̇амзсам̣ д̇вам̣ д̇хаммаанам̣ лаабхий’’д̇и (баараа. 198) звам̣ винаяанид̣̇д̣̇зсабарияааязна сод̇хзд̇аб̣б̣аа.
Ime pana cha koṭṭhāsā ‘‘kiṃ te adhigataṃ, kinti te adhigataṃ, kadā te adhigataṃ, kattha te adhigataṃ, katame te kilesā pahīnā, katamesaṃ tvaṃ dhammānaṃ lābhī’’ti (pārā. 198) evaṃ vinayaniddesapariyāyena sodhetabbā.
зд̇т̇а хи гим̣ д̇з ад̇хиг̇ад̇анд̇и ад̇хиг̇амабужчаа, жхаанавимогкаад̣̇ийсу сод̇аабад̇д̇имаг̇г̇аад̣̇ийсу ваа гим̣ д̇аяаа ад̇хиг̇ад̇ам̣. гинд̇и д̇з ад̇хиг̇ад̇анд̇и убааяабужчаа. аяан̃хи зд̇т̇аад̇хиббааяо – гим̣ д̇аяаа анижжалагкан̣ам̣ д̇хурам̣ гад̇ваа ад̇хиг̇ад̇ам̣, д̣̇угкаанад̇д̇алагкан̣зсу ан̃н̃ад̇арам̣ ваа, гим̣ ваа самаад̇хивасзна абхинивисид̇ваа , уд̣̇ааху вибассанаавасзна, д̇ат̇аа гим̣ руубз абхинивисид̇ваа, уд̣̇ааху аруубз, гим̣ ваа аж̇жхад̇д̇ам̣ абхинивисид̇ваа, уд̣̇ааху б̣ахид̣̇д̇хаад̇и. гад̣̇аа д̇з ад̇хиг̇ад̇анд̇и гаалабужчаа, буб̣б̣ан̣хамаж̇жханхигаад̣̇ийсу гад̇арасмим̣ гаалзд̇и вуд̇д̇ам̣ ход̇и.
Ettha hi kiṃ te adhigatanti adhigamapucchā, jhānavimokkhādīsu sotāpattimaggādīsu vā kiṃ tayā adhigataṃ. Kinti te adhigatanti upāyapucchā. Ayañhi etthādhippāyo – kiṃ tayā aniccalakkhaṇaṃ dhuraṃ katvā adhigataṃ, dukkhānattalakkhaṇesu aññataraṃ vā, kiṃ vā samādhivasena abhinivisitvā , udāhu vipassanāvasena, tathā kiṃ rūpe abhinivisitvā, udāhu arūpe, kiṃ vā ajjhattaṃ abhinivisitvā, udāhu bahiddhāti. Kadā te adhigatanti kālapucchā, pubbaṇhamajjhanhikādīsu katarasmiṃ kāleti vuttaṃ hoti.
гад̇т̇а д̇з ад̇хиг̇ад̇анд̇и огаасабужчаа, гисмим̣ огаасз, гим̣ рад̇д̇идтаанз д̣̇иваадтаанз ругкамуулз ман̣д̣абз гад̇арасмим̣ ваа вихаарзд̇и вуд̇д̇ам̣ ход̇и. гад̇амз д̇з гилзсаа бахийнаад̇и бахийнагилзсз бужчад̇и, гад̇арамаг̇г̇аваж̇жхаа д̇ава гилзсаа бахийнаад̇и вуд̇д̇ам̣ ход̇и.
Kattha te adhigatanti okāsapucchā, kismiṃ okāse, kiṃ rattiṭṭhāne divāṭṭhāne rukkhamūle maṇḍape katarasmiṃ vā vihāreti vuttaṃ hoti. Katame te kilesā pahīnāti pahīnakilese pucchati, kataramaggavajjhā tava kilesā pahīnāti vuttaṃ hoti.
гад̇амзсам̣ д̇вам̣ д̇хаммаанам̣ лаабхийд̇и бадилад̣̇д̇хад̇хаммабужчаа, батамамаг̇г̇аад̣̇ийсу гад̇амзсам̣ д̇вам̣ д̇хаммаанам̣ лаабхийд̇и вуд̇д̇ам̣ ход̇и.
Katamesaṃ tvaṃ dhammānaṃ lābhīti paṭiladdhadhammapucchā, paṭhamamaggādīsu katamesaṃ tvaṃ dhammānaṃ lābhīti vuttaṃ hoti.
д̇асмаа ид̣̇аани жзби гожи бхигку уд̇д̇аримануссад̇хаммаад̇хиг̇амам̣ б̣яаагарзяяа, на со зд̇д̇аавад̇аава саггаад̇аб̣б̣о. имзсу бана часу таанзсу сод̇ханад̇т̇ам̣ вад̇д̇аб̣б̣о ‘‘гим̣ д̇з ад̇хиг̇ад̇ам̣, гим̣ жхаанам̣ уд̣̇ааху вимогкаад̣̇ийсу ан̃н̃ад̇ара’’нд̇и? яо хи язна ад̇хиг̇ад̇о д̇хаммо, со д̇асса баагадо ход̇и. сажз ‘‘ид̣̇ам̣ наама мз ад̇хиг̇ад̇а’’нд̇и вад̣̇ад̇и, д̇ад̇о ‘‘гинд̇и д̇з ад̇хиг̇ад̇а’’нд̇и бужчид̇аб̣б̣о. анижжалагкан̣аад̣̇ийсу гим̣ д̇хурам̣ гад̇ваа, адтад̇им̣сааяа ваа аарамман̣зсу руубааруубааж̇жхад̇д̇аб̣ахид̣̇д̇хаад̣̇ибхзд̣̇зсу ваа д̇хаммзсу гзна мукзна абхинивисид̇ваад̇и? яо хи яассаабхинивзсо, со д̇асса баагадо ход̇и.
Tasmā idāni cepi koci bhikkhu uttarimanussadhammādhigamaṃ byākareyya, na so ettāvatāva sakkātabbo. Imesu pana chasu ṭhānesu sodhanatthaṃ vattabbo ‘‘kiṃ te adhigataṃ, kiṃ jhānaṃ udāhu vimokkhādīsu aññatara’’nti? Yo hi yena adhigato dhammo, so tassa pākaṭo hoti. Sace ‘‘idaṃ nāma me adhigata’’nti vadati, tato ‘‘kinti te adhigata’’nti pucchitabbo. Aniccalakkhaṇādīsu kiṃ dhuraṃ katvā, aṭṭhatiṃsāya vā ārammaṇesu rūpārūpaajjhattabahiddhādibhedesu vā dhammesu kena mukhena abhinivisitvāti? Yo hi yassābhiniveso, so tassa pākaṭo hoti.
сажз бана ‘‘аяам̣ наама мз абхинивзсо, звам̣ маяаа ад̇хиг̇ад̇а’’нд̇и вад̣̇ад̇и, д̇ад̇о ‘‘гад̣̇аа д̇з ад̇хиг̇ад̇а’’нд̇и бужчид̇аб̣б̣о, ‘‘гим̣ буб̣б̣ан̣хз, уд̣̇ааху маж̇жханхигаад̣̇ийсу ан̃н̃ад̇арасмим̣ гаалз’’д̇и ? саб̣б̣зсан̃хи ад̇д̇анаа ад̇хиг̇ад̇агаало баагадо ход̇и. сажз ‘‘амугасмим̣ наама мз гаалз ад̇хиг̇ад̇а’’нд̇и вад̣̇ад̇и, д̇ад̇о ‘‘гад̇т̇а д̇з ад̇хиг̇ад̇а’’нд̇и бужчид̇аб̣б̣о, ‘‘гим̣ д̣̇иваадтаанз, уд̣̇ааху рад̇д̇идтаанаад̣̇ийсу ан̃н̃ад̇арасмим̣ огаасз’’д̇и? саб̣б̣зсан̃хи ад̇д̇анаа ад̇хиг̇ад̇огаасо баагадо ход̇и. сажз ‘‘амугасмим̣ наама мз огаасз ад̇хиг̇ад̇а’’нд̇и вад̣̇ад̇и, д̇ад̇о ‘‘гад̇амз д̇з гилзсаа бахийнаа’’д̇и бужчид̇аб̣б̣о, ‘‘гим̣ батамамаг̇г̇аваж̇жхаа, уд̣̇ааху д̣̇уд̇ияаад̣̇имаг̇г̇аваж̇жхаа’’д̇и? саб̣б̣зсан̃хи ад̇д̇анаа ад̇хиг̇ад̇амаг̇г̇зна бахийнагилзсаа баагадаа хонд̇и.
Sace pana ‘‘ayaṃ nāma me abhiniveso, evaṃ mayā adhigata’’nti vadati, tato ‘‘kadā te adhigata’’nti pucchitabbo, ‘‘kiṃ pubbaṇhe, udāhu majjhanhikādīsu aññatarasmiṃ kāle’’ti ? Sabbesañhi attanā adhigatakālo pākaṭo hoti. Sace ‘‘amukasmiṃ nāma me kāle adhigata’’nti vadati, tato ‘‘kattha te adhigata’’nti pucchitabbo, ‘‘kiṃ divāṭṭhāne, udāhu rattiṭṭhānādīsu aññatarasmiṃ okāse’’ti? Sabbesañhi attanā adhigatokāso pākaṭo hoti. Sace ‘‘amukasmiṃ nāma me okāse adhigata’’nti vadati, tato ‘‘katame te kilesā pahīnā’’ti pucchitabbo, ‘‘kiṃ paṭhamamaggavajjhā, udāhu dutiyādimaggavajjhā’’ti? Sabbesañhi attanā adhigatamaggena pahīnakilesā pākaṭā honti.
сажз ‘‘имз наама мз гилзсаа бахийнаа’’д̇и вад̣̇ад̇и, д̇ад̇о ‘‘гад̇амзсам̣ д̇вам̣ д̇хаммаанам̣ лаабхий’’д̇и бужчид̇аб̣б̣о, ‘‘гим̣ сод̇аабад̇д̇имаг̇г̇асса, уд̣̇ааху сагад̣̇ааг̇аамимаг̇г̇аад̣̇ийсу ан̃н̃ад̇арассаа’’д̇и? саб̣б̣зсан̃хи ад̇д̇анаа ад̇хиг̇ад̇ад̇хаммо баагадо ход̇и. сажз ‘‘имзсам̣ наамаахам̣ д̇хаммаанам̣ лаабхий’’д̇и вад̣̇ад̇и, зд̇д̇аавад̇аабисса важанам̣ на сад̣̇д̇хаад̇аб̣б̣ам̣. б̣ахуссуд̇аа хи уг̇г̇ахабарибужчаагусалаа бхигкуу имаани ча таанаани сод̇хзд̇ум̣ саггонд̇и. имасса бхигкуно ааг̇аманабадибад̣̇аа сод̇хзд̇аб̣б̣аа, яад̣̇и ааг̇аманабадибад̣̇аа на суж̇жхад̇и, ‘‘имааяа бадибад̣̇ааяа логуд̇д̇арад̇хаммаа наама на лаб̣бханд̇ий’’д̇и абанзд̇аб̣б̣о.
Sace ‘‘ime nāma me kilesā pahīnā’’ti vadati, tato ‘‘katamesaṃ tvaṃ dhammānaṃ lābhī’’ti pucchitabbo, ‘‘kiṃ sotāpattimaggassa, udāhu sakadāgāmimaggādīsu aññatarassā’’ti? Sabbesañhi attanā adhigatadhammo pākaṭo hoti. Sace ‘‘imesaṃ nāmāhaṃ dhammānaṃ lābhī’’ti vadati, ettāvatāpissa vacanaṃ na saddhātabbaṃ. Bahussutā hi uggahaparipucchākusalā bhikkhū imāni cha ṭhānāni sodhetuṃ sakkonti. Imassa bhikkhuno āgamanapaṭipadā sodhetabbā, yadi āgamanapaṭipadā na sujjhati, ‘‘imāya paṭipadāya lokuttaradhammā nāma na labbhantī’’ti apanetabbo.
яад̣̇и банасса ааг̇аманабадибад̣̇аа суж̇жхад̇и, ‘‘д̣̇ийгхарад̇д̇ам̣ д̇ийсу сигкаасу аббамад̇д̇о ж̇ааг̇арияамануяуд̇д̇о жад̇уусу бажжаязсу алаг̇г̇о аагаасз баан̣исамзна жзд̇асаа вихарад̇ий’’д̇и бан̃н̃ааяад̇и, д̇асса бхигкуно б̣яаагаран̣ам̣ бадибад̣̇ааяа сад̣̇д̇хим̣ сам̣санд̣̇ад̇и самзд̇и. ‘‘сзяяат̇ааби наама г̇ан̇г̇од̣̇агам̣ яамунод̣̇агзна сад̣̇д̇хим̣ сам̣санд̣̇ад̇и самзд̇и, звамзва субан̃н̃ад̇д̇аа д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа сам̣санд̣̇ад̇и самзд̇и ниб̣б̣аанан̃жа бадибад̣̇аа жаа’’д̇и (д̣̇ий. ни. 2.296) вуд̇д̇асад̣̇исам̣ ход̇и.
Yadi panassa āgamanapaṭipadā sujjhati, ‘‘dīgharattaṃ tīsu sikkhāsu appamatto jāgariyamanuyutto catūsu paccayesu alaggo ākāse pāṇisamena cetasā viharatī’’ti paññāyati, tassa bhikkhuno byākaraṇaṃ paṭipadāya saddhiṃ saṃsandati sameti. ‘‘Seyyathāpi nāma gaṅgodakaṃ yamunodakena saddhiṃ saṃsandati sameti, evameva supaññattā tena bhagavatā sāvakānaṃ nibbānagāminī paṭipadā saṃsandati sameti nibbānañca paṭipadā cā’’ti (dī. ni. 2.296) vuttasadisaṃ hoti.
абижа ко зд̇д̇агзнааби саггааро на гаад̇аб̣б̣о. гасмаа? згажжасса хи бут̇уж̇ж̇анассааби сад̇о кийн̣аасавабадибад̇д̇исад̣̇исаа бадибад̣̇аа ход̇и. д̇асмаа со бхигку д̇зхи д̇зхи убааязхи уд̇д̇аасзд̇аб̣б̣о. кийн̣аасавасса наама асанияааби мад̇т̇агз бад̇амаанааяа бхаяам̣ ваа чамбхид̇ад̇д̇ам̣ ваа ломахам̣со ваа на ход̇и, бут̇уж̇ж̇анасса аббамад̇д̇агзнааби ход̇и.
Apica kho ettakenāpi sakkāro na kātabbo. Kasmā? Ekaccassa hi puthujjanassāpi sato khīṇāsavapaṭipattisadisā paṭipadā hoti. Tasmā so bhikkhu tehi tehi upāyehi uttāsetabbo. Khīṇāsavassa nāma asaniyāpi matthake patamānāya bhayaṃ vā chambhitattaṃ vā lomahaṃso vā na hoti, puthujjanassa appamattakenāpi hoti.
д̇ад̇римаани вад̇т̇ууни – д̣̇ийгхабхаан̣агаабхаяад̇т̇зро гира згам̣ бин̣д̣абаад̇игам̣ бариг̇г̇ахзд̇ум̣ асаггонд̇о д̣̇ахарасса сан̃н̃ам̣ ад̣̇ааси. со д̇ам̣ нхааяамаанам̣ галяаан̣ийнад̣̇иймукад̣̇ваарз нимуж̇ж̇ид̇ваа баад̣̇з аг̇г̇ахзси. бин̣д̣абаад̇иго гумбхийлод̇и сан̃н̃ааяа махаасад̣̇д̣̇амагааси, д̇ад̣̇аа нам̣ бут̇уж̇ж̇анод̇и сан̃ж̇ааним̣су. жанд̣̇амукад̇иссарааж̇агаалз бана махаавихаарз сан̇гхад̇т̇зро кийн̣аасаво д̣̇уб̣б̣алажагкуго вихаарзязва ажчи. рааж̇аа т̇зрам̣ бариг̇г̇ан̣хиссаамийд̇и бхигкуусу бхигкаажаарам̣ г̇ад̇зсу аббасад̣̇д̣̇о убасан̇гамид̇ваа саббо вияа баад̣̇з аг̇г̇ахзси. т̇зро силаат̇амбхо вияа нижжало худ̇ваа го зд̇т̇аад̇и ааха ? ахам̣, бханд̇з, д̇иссод̇и. суг̇анд̇хам̣ вааяаси но д̇иссаад̇и? звам̣ кийн̣аасавасса бхаяам̣ наама над̇т̇ийд̇и.
Tatrimāni vatthūni – dīghabhāṇakaabhayatthero kira ekaṃ piṇḍapātikaṃ pariggahetuṃ asakkonto daharassa saññaṃ adāsi. So taṃ nhāyamānaṃ kalyāṇīnadīmukhadvāre nimujjitvā pāde aggahesi. Piṇḍapātiko kumbhīloti saññāya mahāsaddamakāsi, tadā naṃ puthujjanoti sañjāniṃsu. Candamukhatissarājakāle pana mahāvihāre saṅghatthero khīṇāsavo dubbalacakkhuko vihāreyeva acchi. Rājā theraṃ pariggaṇhissāmīti bhikkhūsu bhikkhācāraṃ gatesu appasaddo upasaṅkamitvā sappo viya pāde aggahesi. Thero silāthambho viya niccalo hutvā ko etthāti āha ? Ahaṃ, bhante, tissoti. Sugandhaṃ vāyasi no tissāti? Evaṃ khīṇāsavassa bhayaṃ nāma natthīti.
згажжо бана бут̇уж̇ж̇аноби ад̇исууро ход̇и ниб̣бхаяо. со ран̃ж̇анийязна аарамман̣зна бариг̇г̇ан̣хид̇аб̣б̣о. васабхарааж̇ааби хи згам̣ т̇зрам̣ бариг̇г̇ан̣хамаано гхарз нисийд̣̇аабзд̇ваа д̇асса санд̇игз б̣ад̣̇арасаал̣авам̣ мад̣̇д̣̇амаано нисийд̣̇и. махаат̇зрасса кзл̣о жали, д̇ад̇о т̇зрасса бут̇уж̇ж̇анабхааво аавибхууд̇о. кийн̣аасавасса хи расад̇ан̣хаа наама суббахийнаа, д̣̇иб̣б̣зсуби расзсу ниганд̇и наама на ход̇и. д̇асмаа имзхи убааязхи бариг̇г̇ахзд̇ваа сажасса бхаяам̣ ваа чамбхид̇ад̇д̇ам̣ ваа ломахам̣со ваа расад̇ан̣хаа ваа уббаж̇ж̇ад̇и, на д̇вам̣ арахаад̇и абанзд̇аб̣б̣о. сажз бана абхийруу ажчамбхий ануд̇раасий худ̇ваа сийхо вияа нисийд̣̇ад̇и, д̣̇иб̣б̣аарамман̣зби ниганд̇им̣ на ж̇анзд̇и. аяам̣ бхигку самбаннавзяяаагаран̣о саманд̇аа рааж̇арааж̇амахаамад̇д̇аад̣̇ийхи бзсид̇ам̣ саггаарам̣ арахад̇ийд̇и.
Ekacco pana puthujjanopi atisūro hoti nibbhayo. So rañjanīyena ārammaṇena pariggaṇhitabbo. Vasabharājāpi hi ekaṃ theraṃ pariggaṇhamāno ghare nisīdāpetvā tassa santike badarasāḷavaṃ maddamāno nisīdi. Mahātherassa kheḷo cali, tato therassa puthujjanabhāvo āvibhūto. Khīṇāsavassa hi rasataṇhā nāma suppahīnā, dibbesupi rasesu nikanti nāma na hoti. Tasmā imehi upāyehi pariggahetvā sacassa bhayaṃ vā chambhitattaṃ vā lomahaṃso vā rasataṇhā vā uppajjati, na tvaṃ arahāti apanetabbo. Sace pana abhīrū acchambhī anutrāsī hutvā sīho viya nisīdati, dibbārammaṇepi nikantiṃ na janeti. Ayaṃ bhikkhu sampannaveyyākaraṇo samantā rājarājamahāmattādīhi pesitaṃ sakkāraṃ arahatīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
чаб̣б̣исод̇ханасуд̇д̇аван̣н̣анаа нидтид̇аа.
Chabbisodhanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. чаб̣б̣исод̇ханасуд̇д̇ам̣ • 2. Chabbisodhanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. чаб̣б̣исод̇ханасуд̇д̇аван̣н̣анаа • 2. Chabbisodhanasuttavaṇṇanā
