| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. чаб̣б̣исод̇ханасуд̇д̇аван̣н̣анаа
2. Chabbisodhanasuttavaṇṇanā
98. кийн̣аа ж̇аад̇ийд̇и ад̇д̇ано ж̇аад̇игкаяам̣ бадиж̇аананд̇зна арахад̇д̇ам̣ б̣яаагад̇ам̣ ход̇и арахад̇о д̇ад̣̇абхаавад̇о. д̇ат̇аа вусид̇ам̣ б̣рахмажарияанд̇и маг̇г̇аб̣рахмажарияаваасо мз барияосид̇од̇и бадиж̇аананд̇знаби. гад̇ам̣ гаран̣ийяанд̇и жад̇уухи маг̇г̇зхи жад̇уусу сажжзсу барин̃н̃аад̣̇ивасзна сол̣асавид̇хассаби гижжасса ад̇д̇анаа нидтаабид̇абхаавам̣ бадиж̇аананд̇знаби. наабарам̣ ид̇т̇ад̇д̇ааяаад̇и ааяад̇им̣ бунаб̣бхаваабхаавам̣, ааяад̇им̣ ваа барин̃н̃аад̣̇игаран̣ийяаабхаавам̣ бадиж̇аананд̇знабийд̇и ааха – ‘‘згзнаби бад̣̇зна ан̃н̃аа б̣яаагад̇аава ход̇ий’’д̇и. д̣̇вигкад̇д̇ум̣ б̣ад̣̇д̇хам̣ бана суб̣ад̣̇д̇хам̣ вияаад̇и вуд̇д̇ам̣. ид̇ха бана ан̃н̃ааб̣яаагаран̣ам̣ жад̇уухи бад̣̇зхи ааг̇ад̇ам̣, д̇асмаа вад̇д̇аб̣б̣амзва жзд̇т̇а над̇т̇ийд̇и ад̇хиббааяо. жзд̇анааяа д̣̇идтаваад̣̇ид̇аа наама арияавохааро. сабхаавод̇и багад̇иад̇т̇о хи аяам̣ д̇хаммасад̣̇д̣̇о, ‘‘ж̇аад̇ид̇хаммаа ж̇араад̇хаммаа’’д̇иаад̣̇ийсу (ма. ни. 1.274-275) вияа д̇асмаа, ануд̇хаммод̇и арияабхаавам̣ ануг̇ад̇аа багад̇ийд̇и ад̇т̇о. барамаббижчад̇ааяа арияаа ад̇д̇ано г̇ун̣з анаавигаронд̇ааби саасанасса нияяаанигабхаавабавзд̣̇анад̇т̇ан̃жзва саб̣рахмажаарийнам̣ саммаабадибад̇д̇ияам̣ уссаахаж̇ананад̇т̇ан̃жа д̇аад̣̇исаанам̣ бариниб̣б̣аанасамаязязва аавигаронд̇ийд̇и ад̇хиббааязнааха – ‘‘бариниб̣б̣уд̇асса…бз… гаад̇аб̣б̣о’’д̇и.
98.Khīṇājātīti attano jātikkhayaṃ paṭijānantena arahattaṃ byākataṃ hoti arahato tadabhāvato. Tathā vusitaṃ brahmacariyanti maggabrahmacariyavāso me pariyositoti paṭijānantenapi. Kataṃ karaṇīyanti catūhi maggehi catūsu saccesu pariññādivasena soḷasavidhassapi kiccassa attanā niṭṭhāpitabhāvaṃ paṭijānantenapi. Nāparaṃ itthattāyāti āyatiṃ punabbhavābhāvaṃ, āyatiṃ vā pariññādikaraṇīyābhāvaṃ paṭijānantenapīti āha – ‘‘ekenapi padena aññā byākatāva hotī’’ti. Dvikkhattuṃ baddhaṃ pana subaddhaṃ viyāti vuttaṃ. Idha pana aññābyākaraṇaṃ catūhi padehi āgataṃ, tasmā vattabbameva cettha natthīti adhippāyo. Cetanāya diṭṭhavāditā nāma ariyavohāro. Sabhāvoti pakatiattho hi ayaṃ dhammasaddo, ‘‘jātidhammā jarādhammā’’tiādīsu (ma. ni. 1.274-275) viya tasmā, anudhammoti ariyabhāvaṃ anugatā pakatīti attho. Paramappicchatāya ariyā attano guṇe anāvikarontāpi sāsanassa niyyānikabhāvapavedanatthañceva sabrahmacārīnaṃ sammāpaṭipattiyaṃ ussāhajananatthañca tādisānaṃ parinibbānasamayeyeva āvikarontīti adhippāyenāha – ‘‘parinibbutassa…pe… kātabbo’’ti.
99. д̣̇уб̣б̣аланд̇и пзг̇г̇у вияа субхзж̇ж̇анийяам̣ б̣алавирахид̇ам̣, асааранд̇и ад̇т̇о. вирааг̇уд̇анд̇и балуж̇ж̇анасабхаавам̣. виг̇ажчанасабхааванд̇и винаасаг̇аманасабхаавам̣. анижжад̣̇угкавибарин̣аамад̇д̇аа ассаасалзсассаби абхаавад̇о ассаасавирахид̇ам̣. аарамман̣агаран̣авасзна саманнааг̇аманавасзна жа яат̇аарахам̣ убзнд̇и убаг̇ажчанд̇ийд̇и убаяаа, ‘‘зд̇ам̣ мама, зсо мз ад̇д̇аа’’д̇и убаад̣̇ияанд̇и д̣̇ал̣хаг̇г̇аахам̣ г̇ан̣ханд̇ийд̇и убаад̣̇аанаа. ад̇хид̇идтад̇и жзд̇асо абхинанд̣̇анабхууд̇аад̇и жзд̇асо ад̇хидтаанам̣. д̇аахийд̇и д̇ан̣хаад̣̇идтийхи. д̇анд̇и жид̇д̇ам̣. абхинивисад̇ийд̇и абхирад̇ивасзна нивисад̇и, аяан̃хзд̇т̇а ад̇т̇о – саггааяад̇хаммзсу жид̇д̇ам̣ абхинивисад̇и ‘‘зд̇ам̣ мамам̣, зсо мз ад̇д̇аа’’д̇и аж̇жхосааяа д̇идтад̇и зд̇аахи абхинивзсаахи, д̇ат̇аа саггааяад̇хаммзсу жид̇д̇ам̣ анусзд̇и зд̇аахийд̇и анусаяаа, д̇ан̣хаад̣̇идтияо. яад̣̇аг̇г̇зна хи д̇збхуумагад̇хаммзсу рааг̇аад̣̇аяо анусзнд̇и, д̇ад̣̇аг̇г̇зна д̇ам̣сахаг̇ад̇ад̇хаммаа д̇ад̇т̇а анусзнд̇ийд̇и барияааязна, ‘‘д̇ам̣ анусзд̇ий’’д̇и вуд̇д̇ам̣. каяаа вирааг̇аад̇и хзд̇умхи ниссаггаважананд̇и ‘‘каязна вирааг̇знаа’’д̇и хзд̇умхи гаран̣авасзна ад̇т̇о вуд̇д̇о. вирааг̇знаад̇и жа ид̇исад̣̇д̣̇о аад̣̇и ад̇т̇о . д̇зна ‘‘нирод̇хзнаа’’д̇и звамаад̣̇игам̣ г̇ахид̇ам̣ ход̇и. ан̃н̃аман̃н̃авзважанаанзва убаяаад̣̇ийнам̣ самужчзд̣̇ассзва б̣од̇ханад̇о.
99.Dubbalanti pheggu viya subhejjanīyaṃ balavirahitaṃ, asāranti attho. Virāgutanti palujjanasabhāvaṃ. Vigacchanasabhāvanti vināsagamanasabhāvaṃ. Aniccadukkhavipariṇāmattā assāsalesassapi abhāvato assāsavirahitaṃ. Ārammaṇakaraṇavasena samannāgamanavasena ca yathārahaṃ upenti upagacchantīti upayā, ‘‘etaṃ mama, eso me attā’’ti upādiyanti daḷhaggāhaṃ gaṇhantīti upādānā. Adhitiṭṭhati cetaso abhinandanabhūtāti cetaso adhiṭṭhānaṃ. Tāhīti taṇhādiṭṭhīhi. Tanti cittaṃ. Abhinivisatīti abhirativasena nivisati, ayañhettha attho – sakkāyadhammesu cittaṃ abhinivisati ‘‘etaṃ mamaṃ, eso me attā’’ti ajjhosāya tiṭṭhati etāhi abhinivesāhi, tathā sakkāyadhammesu cittaṃ anuseti etāhīti anusayā, taṇhādiṭṭhiyo. Yadaggena hi tebhūmakadhammesu rāgādayo anusenti, tadaggena taṃsahagatadhammā tattha anusentīti pariyāyena, ‘‘taṃ anusetī’’ti vuttaṃ. Khayā virāgāti hetumhi nissakkavacananti ‘‘khayena virāgenā’’ti hetumhi karaṇavasena attho vutto. Virāgenāti ca itisaddo ādi attho . Tena ‘‘nirodhenā’’ti evamādikaṃ gahitaṃ hoti. Aññamaññavevacanāneva upayādīnaṃ samucchedasseva bodhanato.
100. бад̇идтаад̇и зд̇т̇а сзсабхууд̇ад̇д̇аяам̣ убаад̣̇ааруубан̃жаад̇и бад̇идтаанаа, ниж̇ж̇ийвадтзна д̇хаад̇ужаад̇и бад̇идтаанад̇хаад̇у. нхаанийяажун̣н̣ам̣ б̣аахирауд̣̇агам̣ вияа сзсабхууд̇ад̇д̇аяам̣ ааб̣анд̇хад̇ийд̇и ааб̣анд̇ханам̣. бажанийяабхад̇д̇ам̣ б̣аахирад̇зж̇о вияа сзсабхууд̇ад̇д̇аяам̣ барибаажзд̇ийд̇и барибаажанам̣. б̣аахираваад̇о вияа сзсабхууд̇ад̇д̇аяам̣ вид̇т̇амбхзд̇ийд̇и вид̇т̇амбханам̣. д̇хаад̇усад̣̇д̣̇ад̇т̇о вуд̇д̇оязва. асампудтад̇хаад̇ууд̇и асампусид̇абхааво д̇зсам̣ вибаримадтад̇аабхаавад̇о. виж̇аананам̣ аарамман̣уубалад̣̇д̇хи. ахам̣ ад̇д̇аад̇и ахам̣, ‘‘руубад̇хаммо мз ад̇д̇аа’’д̇и ад̇д̇агодтаасзна ад̇д̇абхаавзна на убаг̇амим̣ на г̇ан̣хим̣. ниссид̇аниссид̇ааби ниссид̇аа зва наамаад̇и ааха ‘‘бат̇авийд̇хаад̇униссид̇ааваа’’д̇и. ад̇д̇анаа ваа бана д̇анниссид̇аад̇и ‘‘згзна барияааязнаа’’д̇и. убаад̣̇аарубамби гаамам̣ ниссид̇амби ход̇и. д̇ат̇ааби д̇ам̣ ниссид̇ам̣ ход̇иязваад̇и д̇ам̣ на уд̣̇д̇хадам̣. барижчзд̣̇агарад̇д̇аа барижчзд̣̇аагаасасса ‘‘авиниб̣бхог̇авасзнаа’’д̇и вуд̇д̇ам̣. д̇зна жа д̇ат̇аа барижчиннад̇д̇аа саб̣б̣амби бхууд̇убаад̣̇ааруубам̣ аагаасад̇хаад̇униссид̇ам̣ наама. д̇ам̣ ниссааяа бавад̇д̇ияаа убаад̣̇ааруубам̣ вияа бхууд̇аруубаани, аруубагканд̇хаа вияа жа вад̇т̇уруубаани, ‘‘д̇ам̣ниссид̇аруубавад̇т̇угаа аруубагканд̇хаа’’д̇и вуд̇д̇анаязна аагаасад̇хаад̇униссид̇ажагкаад̣̇ируубад̇хаммавад̇т̇угаа взд̣̇анаад̣̇аяо аруубагканд̇хаа аагаасад̇хаад̇униссид̇аа наамаад̇и имамад̇т̇ам̣ д̇ат̇аа-сад̣̇д̣̇зна убасам̣харад̇и. ид̇хаабийд̇и аагаасад̇хаад̇униссид̇абад̣̇зби, на бат̇авийд̇хаад̇униссид̇абад̣̇аад̣̇ийсу зва. руубааруубанд̇и саб̣б̣амби руубааруубам̣ г̇ахид̇амзва ход̇и, аг̇г̇ахид̇ам̣ над̇т̇и. сахаж̇аад̇аа…бз… ниссид̇анд̇и ид̣̇ам̣ ниббарияааяасид̣̇д̇хам̣ ниссаяад̇д̇ам̣ г̇ахзд̇ваа вуд̇д̇ам̣. хздтаа вуд̇д̇анаязна барияааяасид̣̇д̇хз ниссаяад̇д̇з г̇аяхамаанз – ‘‘бажчааж̇аад̇абажжаяод̇и бажчааж̇аад̇аа жид̇д̇ажзд̇асигаа д̇хаммаа бурзж̇аад̇асса имасса гааяасса бажчааж̇аад̇абажжаязна бажжаяо’’д̇и (бадтаа. 1.1.11) важанад̇о саб̣б̣ам̣ жад̇усамудтаанигаруубам̣, ‘‘вин̃н̃аан̣ад̇хаад̇униссид̇а’’нд̇и вад̇д̇аб̣б̣ам̣. д̇ат̇аа ананд̇аравин̃н̃аан̣ад̇хаад̇убажжаяаа бавад̇д̇анад̇о, ‘‘вин̃н̃аан̣ад̇хаад̇униссид̇а’’нд̇и вад̇д̇аб̣б̣ам̣.
100. Patiṭṭhāti ettha sesabhūtattayaṃ upādārūpañcāti patiṭṭhānā, nijjīvaṭṭhena dhātucāti patiṭṭhānadhātu. Nhānīyacuṇṇaṃ bāhiraudakaṃ viya sesabhūtattayaṃ ābandhatīti ābandhanaṃ. Pacanīyabhattaṃ bāhiratejo viya sesabhūtattayaṃ paripācetīti paripācanaṃ. Bāhiravāto viya sesabhūtattayaṃ vitthambhetīti vitthambhanaṃ. Dhātusaddattho vuttoyeva. Asamphuṭṭhadhātūti asamphusitabhāvo tesaṃ viparimaṭṭhatābhāvato. Vijānanaṃ ārammaṇūpaladdhi. Ahaṃ attāti ahaṃ, ‘‘rūpadhammo me attā’’ti attakoṭṭhāsena attabhāvena na upagamiṃ na gaṇhiṃ. Nissitanissitāpi nissitā eva nāmāti āha ‘‘pathavīdhātunissitāvā’’ti. Attanā vā pana tannissitāti ‘‘ekena pariyāyenā’’ti. Upādārupampi kāmaṃ nissitampi hoti. Tathāpi taṃ nissitaṃ hotiyevāti taṃ na uddhaṭaṃ. Paricchedakarattā paricchedākāsassa ‘‘avinibbhogavasenā’’ti vuttaṃ. Tena ca tathā paricchinnattā sabbampi bhūtupādārūpaṃ ākāsadhātunissitaṃ nāma. Taṃ nissāya pavattiyā upādārūpaṃ viya bhūtarūpāni, arūpakkhandhā viya ca vatthurūpāni, ‘‘taṃnissitarūpavatthukā arūpakkhandhā’’ti vuttanayena ākāsadhātunissitacakkhādirūpadhammavatthukā vedanādayo arūpakkhandhā ākāsadhātunissitā nāmāti imamatthaṃ tathā-saddena upasaṃharati. Idhāpīti ākāsadhātunissitapadepi, na pathavīdhātunissitapadādīsu eva. Rūpārūpanti sabbampi rūpārūpaṃ gahitameva hoti, aggahitaṃ natthi. Sahajātā…pe… nissitanti idaṃ nippariyāyasiddhaṃ nissayattaṃ gahetvā vuttaṃ. Heṭṭhā vuttanayena pariyāyasiddhe nissayatte gayhamāne – ‘‘pacchājātapaccayoti pacchājātā cittacetasikā dhammā purejātassa imassa kāyassa pacchājātapaccayena paccayo’’ti (paṭṭhā. 1.1.11) vacanato sabbaṃ catusamuṭṭhānikarūpaṃ, ‘‘viññāṇadhātunissita’’nti vattabbaṃ. Tathā anantaraviññāṇadhātupaccayā pavattanato, ‘‘viññāṇadhātunissita’’nti vattabbaṃ.
101. руббад̇и ван̣н̣авигаарам̣ аабаж̇ж̇амаанам̣ хад̣̇аяан̇г̇ад̇абхаавам̣ багаасзд̇ийд̇и руубанд̇и аяамад̇т̇о жагкуд̣̇ваарз аабаат̇аг̇ад̇з руубааяад̇анз ниббарияааяад̇о лаб̣бхад̇и, на аабаат̇аманааг̇ад̇з. жагкувин̃н̃аан̣авин̃н̃аад̇аб̣б̣абхааво бана аабаат̇аманааг̇ад̇зби д̇асмим̣ лаб̣бхад̇зва д̇ам̣сабхааваанад̇ивад̇т̇анад̇о. руубааяад̇анам̣ д̣̇вид̇хаа вибхаж̇ид̇ваа. т̇зро бана аабаат̇ам̣ анааг̇ад̇ассааби руубааяад̇анасса руубабхаавам̣ на саггаа бадигкибид̇унд̇и д̣̇вид̇хаагаран̣ам̣ наануж̇аананд̇о чанноваад̣̇ам̣ нид̣̇ассзд̇и, ‘‘убари чанноваад̣̇з гинд̇и гариссат̇аа’’д̇и. д̇ад̇т̇а хи ‘‘жагкум̣, аавусо чанна, жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз’’д̇и (ма. ни. 3.391) ааг̇ад̇ам̣, на жзд̇т̇а жагкуд̣̇ваарз аабаат̇ам̣ ааг̇ад̇амзва руубааяад̇анам̣ жагкувин̃н̃аан̣авин̃н̃аад̇аб̣б̣абад̣̇зна г̇ахид̇ам̣, на аабаат̇ам̣ анааг̇ад̇анд̇и саггаа вин̃н̃аад̇ум̣ ависзсзнзва руубааяад̇анзна д̇ан̣хаамаанад̣̇идтиг̇аахаабхаавасса ж̇од̇ид̇ад̇д̇аа. д̇знааха ‘‘на яид̣̇ам̣ лаб̣бхад̇ий’’д̇и. руубамзваад̇и руубааяад̇анамзва. яад̣̇и звам̣ ‘‘жагкувин̃н̃аан̣авин̃н̃аад̇аб̣б̣зсу д̇хаммзсуу’’д̇и бад̣̇ам̣ гат̇ам̣ нзд̇аб̣б̣анд̇и ааха – ‘‘жагкувин̃н̃аан̣асамбаяуд̇д̇аа банаа’’д̇иаад̣̇и. жагкувин̃н̃аан̣зна сад̣̇д̇хим̣ вин̃н̃аад̇аб̣б̣зсууд̇и язна мановин̃н̃аан̣зна жагкувин̃н̃аан̣ам̣ анижжанд̇иаад̣̇инаа жагкувин̃н̃аан̣зна сад̣̇д̇хим̣ д̇зна вин̃н̃аад̇аб̣б̣зсу д̇ам̣самбаяуд̇д̇ад̇хаммзсууд̇и ад̇т̇о. д̇ан̣хаачанд̣̇од̇и д̇ассанасабхааво чанд̣̇о, на гад̇д̇угамяад̇аа чанд̣̇оязваад̇и д̇ан̣хаачанд̣̇о. раж̇ж̇анавасзнаад̇и вад̇т̇ам̣ вияа ран̇г̇аж̇аад̇ам̣ жид̇д̇асса ануран̃ж̇анавасзна. абхинанд̣̇анавасзнаад̇и аарамман̣з абхирамид̇ваа нанд̣̇анавасзна. саббийд̇игад̇ан̣хаа хи нанд̣̇ийд̇и вужжад̇и. д̇ан̣хааяанавасзна д̇ан̣хаа.
101. Ruppati vaṇṇavikāraṃ āpajjamānaṃ hadayaṅgatabhāvaṃ pakāsetīti rūpanti ayamattho cakkhudvāre āpāthagate rūpāyatane nippariyāyato labbhati, na āpāthamanāgate. Cakkhuviññāṇaviññātabbabhāvo pana āpāthamanāgatepi tasmiṃ labbhateva taṃsabhāvānativatthanato. Rūpāyatanaṃ dvidhā vibhajitvā. Thero pana āpāthaṃ anāgatassāpi rūpāyatanassa rūpabhāvaṃ na sakkā paṭikkhipitunti dvidhākaraṇaṃ nānujānanto channovādaṃ nidasseti, ‘‘upari channovāde kinti karissathā’’ti. Tattha hi ‘‘cakkhuṃ, āvuso channa, cakkhuviññāṇaṃ cakkhuviññāṇaviññātabbe dhamme’’ti (ma. ni. 3.391) āgataṃ, na cettha cakkhudvāre āpāthaṃ āgatameva rūpāyatanaṃ cakkhuviññāṇaviññātabbapadena gahitaṃ, na āpāthaṃ anāgatanti sakkā viññātuṃ aviseseneva rūpāyatanena taṇhāmānadiṭṭhigāhābhāvassa jotitattā. Tenāha ‘‘na yidaṃ labbhatī’’ti. Rūpamevāti rūpāyatanameva. Yadi evaṃ ‘‘cakkhuviññāṇaviññātabbesu dhammesū’’ti padaṃ kathaṃ netabbanti āha – ‘‘cakkhuviññāṇasampayuttā panā’’tiādi. Cakkhuviññāṇena saddhiṃ viññātabbesūti yena manoviññāṇena cakkhuviññāṇaṃ aniccantiādinā cakkhuviññāṇena saddhiṃ tena viññātabbesu taṃsampayuttadhammesūti attho. Taṇhāchandoti tassanasabhāvo chando, na kattukamyatā chandoyevāti taṇhāchando. Rajjanavasenāti vatthaṃ viya raṅgajātaṃ cittassa anurañjanavasena. Abhinandanavasenāti ārammaṇe abhiramitvā nandanavasena. Sappītikataṇhā hi nandīti vuccati. Taṇhāyanavasena taṇhā.
102. ахан̇гаарод̇и ‘‘сзяяохамасмий’’д̇иаад̣̇инаа (д̇ха. са. 1121, 1239; вибха. 832, 866; сам̣. ни. 4.108; махаани. 21, 178) ахам̣гаран̣ам̣. язна хи мамам̣ гарод̇и, зд̇ам̣ маман̇гааро. свзваад̇и ‘‘ахан̇гааро’’д̇и вуд̇д̇амаано. звам̣ жад̇уд̇т̇аж̇жхаанз нид̣̇д̣̇идтз саб̣б̣аасу логияаабхин̃н̃аасу вужжамаанаасу хздтаа виж̇ж̇аад̣̇ваяам̣ вад̇д̇аб̣б̣анд̇и ад̇хиббааязна, ‘‘буб̣б̣зниваасам̣ д̣̇иб̣б̣ажагкун̃жа авад̇ваа гасмаа вуд̇д̇а’’нд̇и ааха? ид̇аро ид̇ха саб̣б̣аваарзсуби логуд̇д̇арад̇хаммабужчаа ад̇хигад̇аа д̇асмаа ‘‘со звам̣ самаахид̇з’’д̇иаад̣̇инаа д̇ад̇ияаа виж̇ж̇аа гат̇ид̇аад̇и д̣̇ассзнд̇о, ‘‘бхигкуу логияад̇хаммам̣ на бужчанд̇ий’’д̇иаад̣̇имааха. згависсаж̇ж̇ид̇асуд̇д̇ам̣ наамзд̇ам̣ д̇ад̇ияавиж̇ж̇ааяа зва ааг̇ад̇ад̇д̇аа. арияад̇хаммавасзнабисса саман̃н̃аа ад̇т̇зваад̇и д̣̇ассзнд̇о, ‘‘чаб̣б̣исод̇хананд̇ибисса наама’’нд̇и вад̇ваа д̇зсу д̇хаммзсу бхзд̣̇ам̣ д̣̇ассзд̇ум̣, ‘‘зд̇т̇а хий’’д̇иаад̣̇и вуд̇д̇ам̣. висуд̣̇д̇хаад̇и д̇ассаа жод̣̇анааяа сод̇ханавасзна висод̇хид̇аа. згамзва гад̇ваад̇и згавааравасзнзва баал̣ияам̣ згаж̇жхам̣ ааг̇ад̇ад̇д̇аа згамзва годтаасам̣ гад̇ваа. яад̣̇и звам̣ гат̇ам̣ ваа чаб̣б̣исод̇ханад̇аад̇и ааха – ‘‘жад̇уухи аахаарзхи сад̣̇д̇хи’’нд̇и гат̇ам̣ банзд̇т̇а жад̇д̇ааро аахаараа г̇ахзд̇аб̣б̣аад̇и? гзжи д̇аава ааху – ‘‘саад̇хууд̇и бхаасид̇ам̣ абхинанд̣̇ид̇ваа анумод̣̇ид̇ваа уд̇д̇ари бан̃хо бужчид̇аб̣б̣о’’д̇и хздтаа ааг̇ад̇зна наязна аахааравааро аахарид̇ваа вад̇д̇аб̣б̣од̇и. ‘‘б̣ахид̣̇д̇хаа саб̣б̣анимид̇д̇зсуу’’д̇и зд̇т̇а аахаараанамби сан̇г̇ахид̇ад̇д̇аа аахаараа ад̇т̇ад̇о ааг̇ад̇аа зваад̇и ан̃н̃з. абарз бана руубагканд̇хаг̇г̇ахан̣зна габ̣ал̣ийгааро аахааро , сан̇каарагканд̇хаг̇г̇ахан̣зна пассаахааро, маносан̃жзд̇анаахаараг̇г̇ахан̣зна вин̃н̃аан̣аахааро саруубад̇оби г̇ахид̇од̇и вад̣̇анд̇и.
102.Ahaṅkāroti ‘‘seyyohamasmī’’tiādinā (dha. sa. 1121, 1239; vibha. 832, 866; saṃ. ni. 4.108; mahāni. 21, 178) ahaṃkaraṇaṃ. Yena hi mamaṃ karoti, etaṃ mamaṅkāro. Svevāti ‘‘ahaṅkāro’’ti vuttamāno. Evaṃ catutthajjhāne niddiṭṭhe sabbāsu lokiyābhiññāsu vuccamānāsu heṭṭhā vijjādvayaṃ vattabbanti adhippāyena, ‘‘pubbenivāsaṃ dibbacakkhuñca avatvā kasmā vutta’’nti āha? Itaro idha sabbavāresupi lokuttaradhammapucchā adhikatā tasmā ‘‘so evaṃ samāhite’’tiādinā tatiyā vijjā kathitāti dassento, ‘‘bhikkhū lokiyadhammaṃ na pucchantī’’tiādimāha. Ekavissajjitasuttaṃ nāmetaṃ tatiyavijjāya eva āgatattā. Ariyadhammavasenapissa samaññā atthevāti dassento, ‘‘chabbisodhanantipissa nāma’’nti vatvā tesu dhammesu bhedaṃ dassetuṃ, ‘‘ettha hī’’tiādi vuttaṃ. Visuddhāti tassā codanāya sodhanavasena visodhitā. Ekameva katvāti ekavāravaseneva pāḷiyaṃ ekajjhaṃ āgatattā ekameva koṭṭhāsaṃ katvā. Yadi evaṃ kathaṃ vā chabbisodhanatāti āha – ‘‘catūhi āhārehi saddhi’’nti kathaṃ panettha cattāro āhārā gahetabbāti? Keci tāva āhu – ‘‘sādhūti bhāsitaṃ abhinanditvā anumoditvā uttari pañho pucchitabbo’’ti heṭṭhā āgatena nayena āhāravāro āharitvā vattabboti. ‘‘Bahiddhā sabbanimittesū’’ti ettha āhārānampi saṅgahitattā āhārā atthato āgatā evāti aññe. Apare pana rūpakkhandhaggahaṇena kabaḷīkāro āhāro , saṅkhārakkhandhaggahaṇena phassāhāro, manosañcetanāhāraggahaṇena viññāṇāhāro sarūpatopi gahitoti vadanti.
‘‘чаб̣б̣исод̇хана’’нд̇и имасса суд̇д̇асса саман̃н̃ааяа анвад̇т̇ад̇ам̣ д̣̇ассзд̇ваа ааяад̇имби д̇аад̣̇исзна б̣яаагаран̣зна бхигкуунам̣ бадибад̇д̇имби д̣̇ассанад̇т̇ам̣, ‘‘имз банаа’’д̇иаад̣̇и аарад̣̇д̇хам̣. винаяанид̣̇д̣̇зсабарияааязнаад̇и винаяанид̣̇д̣̇зсз ааг̇ад̇зна гааран̣зна. винаяз ваа ааг̇ад̇анид̣̇д̣̇зсаануггамзна.
‘‘Chabbisodhana’’nti imassa suttassa samaññāya anvatthataṃ dassetvā āyatimpi tādisena byākaraṇena bhikkhūnaṃ paṭipattimpi dassanatthaṃ, ‘‘ime panā’’tiādi āraddhaṃ. Vinayaniddesapariyāyenāti vinayaniddese āgatena kāraṇena. Vinaye vā āgataniddesānukkamena.
ад̇хиг̇анд̇аб̣б̣ад̇о ад̇хиг̇амо, жхаанаад̣̇иад̇хиг̇амабужчаа. д̇знааха – ‘‘жхаанавимогкаад̣̇ийсуу’’д̇иаад̣̇и. убааяабужчаад̇и ад̇хиг̇амобааяабужчаа. гинд̇ийд̇и гзна багаарзна вид̇хинаад̇и ад̇т̇о.
Adhigantabbato adhigamo, jhānādiadhigamapucchā. Tenāha – ‘‘jhānavimokkhādīsū’’tiādi. Upāyapucchāti adhigamopāyapucchā. Kintīti kena pakārena vidhināti attho.
гад̇амзсам̣ д̇вам̣ д̇хаммаанам̣ лаабхийд̇и ид̣̇ам̣ бана буб̣б̣з ‘‘гим̣ д̇з ад̇хиг̇ад̇а’’нд̇и анид̣̇д̇хаарид̇абхзд̣̇аа жхаанаад̣̇ивисзсаа бужчид̇аад̇и ид̣̇аани д̇зсам̣ нид̣̇д̇хаарзд̇ваа бужчанаагаарад̣̇ассанам̣. д̇асмаад̇и яасмаа яат̇аавуд̇д̇зхи аагаарзхи ад̇хиг̇амаб̣яаагаран̣ам̣ сод̇хзд̇аб̣б̣ам̣, д̇асмаа. зд̇д̇аавад̇ааваад̇и зд̇д̇агзна б̣яаагаран̣амад̇д̇знзва на саггааро гаад̇аб̣б̣о. б̣яаагаран̣ан̃хи згажжасса аяаат̇аавад̇оби ход̇и, яат̇аа наама ж̇аад̇аруубабад̇ируубам̣ ж̇аад̇аруубам̣ вияа кааяад̇ийд̇и ж̇аад̇аруубам̣ нигхам̣санад̇аабаначзд̣̇анзхи сод̇хзд̇аб̣б̣ам̣ звамзвам̣ имзсу ид̣̇аанзва вуд̇д̇зсу часу таанзсу багкибид̇ваа сод̇ханад̇т̇ам̣ вад̇д̇аб̣б̣о вимогкаад̣̇ийсууд̇и аад̣̇и-сад̣̇д̣̇зна самаад̇хи-самаабад̇д̇и-н̃аан̣ад̣̇ассана-маг̇г̇абхааванаа-паласажчигирияаа сан̇г̇ан̣хаад̇и.
Katamesaṃ tvaṃ dhammānaṃ lābhīti idaṃ pana pubbe ‘‘kiṃ te adhigata’’nti aniddhāritabhedā jhānādivisesā pucchitāti idāni tesaṃ niddhāretvā pucchanākāradassanaṃ. Tasmāti yasmā yathāvuttehi ākārehi adhigamabyākaraṇaṃ sodhetabbaṃ, tasmā. Ettāvatāvāti ettakena byākaraṇamatteneva na sakkāro kātabbo. Byākaraṇañhi ekaccassa ayāthāvatopi hoti, yathā nāma jātarūpapatirūpaṃ jātarūpaṃ viya khāyatīti jātarūpaṃ nighaṃsanatāpanachedanehi sodhetabbaṃ evamevaṃ imesu idāneva vuttesu chasu ṭhānesu pakkhipitvā sodhanatthaṃ vattabbo vimokkhādīsūti ādi-saddena samādhi-samāpatti-ñāṇadassana-maggabhāvanā-phalasacchikiriyā saṅgaṇhāti.
баагадо ход̇и ад̇хиг̇ад̇ависзсасса сад̇исаммосаабхаавад̇о. сзсабужчаасуби ‘‘баагадо ход̇ий’’д̇и бад̣̇з зсзва наяо. уг̇г̇ахабарибужчаагусалаад̇и саж̇жхааяамаг̇г̇асам̣ван̣н̣анаасу нибун̣аа. яааяа бадибад̣̇ааяа яасса арияамаг̇г̇о ааг̇ажчад̇и, саа буб̣б̣абхааг̇абадибад̇д̇и ааг̇аманабадибад̣̇аа. сод̇хзд̇аб̣б̣аад̇и суд̣̇д̇хаа уд̣̇ааху асуд̣̇д̇хаад̇и вижааран̣авасзна сод̇хзд̇аб̣б̣аа. на суж̇жхад̇ийд̇и д̇ад̇т̇а д̇ад̇т̇а бамаад̣̇абадибад̇д̇ибхаавад̇о. абанзд̇аб̣б̣о ад̇д̇ано бадин̃н̃ааяа. ‘‘суж̇жхад̇ий’’д̇и вад̇ваа суж̇жханаагаарам̣ д̣̇ассзд̇ум̣, ‘‘д̣̇ийгхарад̇д̇а’’нд̇иаад̣̇и вуд̇д̇ам̣. бан̃н̃ааяад̇ийд̇и зд̇т̇а ‘‘яад̣̇ий’’д̇и бад̣̇ам̣ аанзд̇ваа яад̣̇и со бхигку д̇ааяа бадибад̣̇ааяа яад̣̇и бан̃н̃ааяад̇ийд̇и самб̣анд̇хо. кийн̣аасавабадибад̇д̇исад̣̇исаа бадибад̣̇аа ход̇и д̣̇ийгхарад̇д̇ам̣ вигкамбхид̇агилзсад̇д̇аа.
Pākaṭo hoti adhigatavisesassa satisammosābhāvato. Sesapucchāsupi ‘‘pākaṭo hotī’’ti pade eseva nayo. Uggahaparipucchākusalāti sajjhāyamaggasaṃvaṇṇanāsu nipuṇā. Yāya paṭipadāya yassa ariyamaggo āgacchati, sā pubbabhāgapaṭipatti āgamanapaṭipadā. Sodhetabbāti suddhā udāhu asuddhāti vicāraṇavasena sodhetabbā. Na sujjhatīti tattha tattha pamādapaṭipattibhāvato. Apanetabbo attano paṭiññāya. ‘‘Sujjhatī’’ti vatvā sujjhanākāraṃ dassetuṃ, ‘‘dīgharatta’’ntiādi vuttaṃ. Paññāyatīti ettha ‘‘yadī’’ti padaṃ ānetvā yadi so bhikkhu tāya paṭipadāya yadi paññāyatīti sambandho. Khīṇāsavapaṭipattisadisā paṭipadā hoti dīgharattaṃ vikkhambhitakilesattā.
над̣̇ияаа самуд̣̇д̣̇ам̣ багканд̣̇анадтаанам̣ над̣̇иймукад̣̇ваарам̣. мад̣̇д̣̇амаанод̇и б̣ад̣̇арасаал̣авам̣ сарасам̣ бад̇д̇з багкид̇д̇о худ̇ваа мад̣̇д̣̇амаано. сзсам̣ сувин̃н̃зяяамзва.
Nadiyā samuddaṃ pakkhandanaṭṭhānaṃ nadīmukhadvāraṃ. Maddamānoti badarasāḷavaṃ sarasaṃ patte pakkhitto hutvā maddamāno. Sesaṃ suviññeyyameva.
чаб̣б̣исод̇ханасуд̇д̇аван̣н̣анааяа лийнад̇т̇аббагаасанаа самад̇д̇аа.
Chabbisodhanasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. чаб̣б̣исод̇ханасуд̇д̇ам̣ • 2. Chabbisodhanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. чаб̣б̣исод̇ханасуд̇д̇аван̣н̣анаа • 2. Chabbisodhanasuttavaṇṇanā
