| Library / Tipiṭaka / తిపిటక • Tipiṭaka / పటిసమ్భిదామగ్గపాళి • Paṭisambhidāmaggapāḷi |
౯. ఛబుద్ధధమ్మవారో
9. Chabuddhadhammavāro
౩౮. ‘‘‘యావతా ఇన్ద్రియపరోపరియత్తే ఞాణం, ఞాతం దిట్ఠం విదితం సచ్ఛికతం ఫస్సితం పఞ్ఞాయ. అఫస్సితం పఞ్ఞాయ ఇన్ద్రియపరోపరియత్తే ఞాణం నత్థీ’తి – చక్ఖుం ఉదపాది…పే॰… ఆలోకో ఉదపాది’’. ఇన్ద్రియపరోపరియత్తే ఞాణే పఞ్చవీసతి ధమ్మా, పఞ్చవీసతి అత్థా, పఞ్ఞాస నిరుత్తియో, సతం ఞాణాని.
38. ‘‘‘Yāvatā indriyaparopariyatte ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya indriyaparopariyatte ñāṇaṃ natthī’ti – cakkhuṃ udapādi…pe… āloko udapādi’’. Indriyaparopariyatte ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘యావతా సత్తానం ఆసయానుసయే ఞాణం…పే॰… యావతా యమకపాటిహీరే ఞాణం …పే॰… యావతా మహాకరుణాసమాపత్తియా ఞాణం…పే॰… యావతా సబ్బఞ్ఞుతఞ్ఞాణం…పే॰… యావతా అనావరణం ఞాణం, ఞాతం దిట్ఠం విదితం సచ్ఛికతం ఫస్సితం పఞ్ఞాయ. అఫస్సితం పఞ్ఞాయ అనావరణం ఞాణం నత్థీ’తి – చక్ఖుం ఉదపాది, ఞాణం ఉదపాది, పఞ్ఞా ఉదపాది , విజ్జా ఉదపాది, ఆలోకో ఉదపాది’’. అనావరణే ఞాణే పఞ్చవీసతి ధమ్మా, పఞ్చవీసతి అత్థా, పఞ్ఞాస నిరుత్తియో, సతం ఞాణాని.
‘‘‘Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ …pe… yāvatā mahākaruṇāsamāpattiyā ñāṇaṃ…pe… yāvatā sabbaññutaññāṇaṃ…pe… yāvatā anāvaraṇaṃ ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya anāvaraṇaṃ ñāṇaṃ natthī’ti – cakkhuṃ udapādi, ñāṇaṃ udapādi, paññā udapādi , vijjā udapādi, āloko udapādi’’. Anāvaraṇe ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ఛసు బుద్ధధమ్మేసు దియడ్ఢసతం ధమ్మా, దియడ్ఢసతం అత్థా, తీణి నిరుత్తిసతాని, ఛ ఞాణసతాని.
Chasu buddhadhammesu diyaḍḍhasataṃ dhammā, diyaḍḍhasataṃ atthā, tīṇi niruttisatāni, cha ñāṇasatāni.
పటిసమ్భిదాకథా నిట్ఠితా.
Paṭisambhidākathā niṭṭhitā.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / పటిసమ్భిదామగ్గ-అట్ఠకథా • Paṭisambhidāmagga-aṭṭhakathā / ౯. ఛబుద్ధధమ్మవారవణ్ణనా • 9. Chabuddhadhammavāravaṇṇanā
