Library / Tipiṭaka / တိပိဋက • Tipiṭaka / ပဋိသမ္ဘိဒာမဂ္ဂပာဠိ • Paṭisambhidāmaggapāḷi

    ၉. ဆဗုဒ္ဓဓမ္မဝာရော

    9. Chabuddhadhammavāro

    ၃၈. ‘‘‘ယာဝတာ ဣန္ဒ္ရိယပရောပရိယတ္တေ ဉာဏံ, ဉာတံ ဒိဋ္ဌံ ဝိဒိတံ သစ္ဆိကတံ ဖသ္သိတံ ပညာယ။ အဖသ္သိတံ ပညာယ ဣန္ဒ္ရိယပရောပရိယတ္တေ ဉာဏံ နတ္ထီ’တိ – စက္ခုံ ဥဒပာဒိ။ပေ.။ အာလောကော ဥဒပာဒိ’’။ ဣန္ဒ္ရိယပရောပရိယတ္တေ ဉာဏေ ပဉ္စဝီသတိ ဓမ္မာ, ပဉ္စဝီသတိ အတ္ထာ, ပညာသ နိရုတ္တိယော, သတံ ဉာဏာနိ။

    38. ‘‘‘Yāvatā indriyaparopariyatte ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya indriyaparopariyatte ñāṇaṃ natthī’ti – cakkhuṃ udapādi…pe… āloko udapādi’’. Indriyaparopariyatte ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.

    ‘‘‘ယာဝတာ သတ္တာနံ အာသယာနုသယေ ဉာဏံ။ပေ.။ ယာဝတာ ယမကပာဋိဟီရေ ဉာဏံ ။ပေ.။ ယာဝတာ မဟာကရုဏာသမာပတ္တိယာ ဉာဏံ။ပေ.။ ယာဝတာ သဗ္ဗညုတညာဏံ။ပေ.။ ယာဝတာ အနာဝရဏံ ဉာဏံ, ဉာတံ ဒိဋ္ဌံ ဝိဒိတံ သစ္ဆိကတံ ဖသ္သိတံ ပညာယ။ အဖသ္သိတံ ပညာယ အနာဝရဏံ ဉာဏံ နတ္ထီ’တိ – စက္ခုံ ဥဒပာဒိ, ဉာဏံ ဥဒပာဒိ, ပညာ ဥဒပာဒိ , ဝိဇ္ဇာ ဥဒပာဒိ, အာလောကော ဥဒပာဒိ’’။ အနာဝရဏေ ဉာဏေ ပဉ္စဝီသတိ ဓမ္မာ, ပဉ္စဝီသတိ အတ္ထာ, ပညာသ နိရုတ္တိယော, သတံ ဉာဏာနိ။

    ‘‘‘Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ …pe… yāvatā mahākaruṇāsamāpattiyā ñāṇaṃ…pe… yāvatā sabbaññutaññāṇaṃ…pe… yāvatā anāvaraṇaṃ ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya anāvaraṇaṃ ñāṇaṃ natthī’ti – cakkhuṃ udapādi, ñāṇaṃ udapādi, paññā udapādi , vijjā udapādi, āloko udapādi’’. Anāvaraṇe ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.

    ဆသု ဗုဒ္ဓဓမ္မေသု ဒိယဍ္ဎသတံ ဓမ္မာ, ဒိယဍ္ဎသတံ အတ္ထာ, တီဏိ နိရုတ္တိသတာနိ, ဆ ဉာဏသတာနိ။

    Chasu buddhadhammesu diyaḍḍhasataṃ dhammā, diyaḍḍhasataṃ atthā, tīṇi niruttisatāni, cha ñāṇasatāni.

    ပဋိသမ္ဘိဒာဓိကရဏေ 1 အဍ္ဎနဝဓမ္မသတာနိ 2, အဍ္ဎနဝအတ္ထသတာနိ, နိရုတ္တိသဟသ္သဉ္စ သတ္တ စ နိရုတ္တိသတာနိ, တီဏိ စ ဉာဏသဟသ္သာနိ, စတ္တာရိ စ ဉာဏသတာနီတိ။

    Paṭisambhidādhikaraṇe 3 aḍḍhanavadhammasatāni 4, aḍḍhanavaatthasatāni, niruttisahassañca satta ca niruttisatāni, tīṇi ca ñāṇasahassāni, cattāri ca ñāṇasatānīti.

    ပဋိသမ္ဘိဒာကထာ နိဋ္ဌိတာ။

    Paṭisambhidākathā niṭṭhitā.




    Next: ၇. ဓမ္မစက္ကကထာ • 7. Dhammacakkakathā




    Footnotes:
    1. ပဋိသမ္ဘိဒာပကရဏေ (သ္ယာ.)
    2. အဍ္ဎနဝမာနိ ဓမ္မသတာနိ (သ္ယာ.), အဍ္ဎနဝမဓမ္မသတာနိ (က.)
    3. paṭisambhidāpakaraṇe (syā.)
    4. aḍḍhanavamāni dhammasatāni (syā.), aḍḍhanavamadhammasatāni (ka.)



    Related texts:



    အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ပဋိသမ္ဘိဒာမဂ္ဂ-အဋ္ဌကထာ • Paṭisambhidāmagga-aṭṭhakathā / ၉. ဆဗုဒ္ဓဓမ္မဝာရဝဏ္ဏနာ • 9. Chabuddhadhammavāravaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact