| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. чачаггасуд̇д̇ам̣
6. Chachakkasuttaṃ
420. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘д̇хаммам̣ во, бхигкавз, д̣̇зсзссаами аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзссаами, яад̣̇ид̣̇ам̣ – ча чаггаани. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
420. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘dhammaṃ vo, bhikkhave, desessāmi ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsessāmi, yadidaṃ – cha chakkāni. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘ча аж̇жхад̇д̇игаани ааяад̇анаани взд̣̇ид̇аб̣б̣аани, ча б̣аахираани ааяад̇анаани взд̣̇ид̇аб̣б̣аани, ча вин̃н̃аан̣агааяаа взд̣̇ид̇аб̣б̣аа, ча пассагааяаа взд̣̇ид̇аб̣б̣аа, ча взд̣̇анаагааяаа взд̣̇ид̇аб̣б̣аа, ча д̇ан̣хаагааяаа взд̣̇ид̇аб̣б̣аа.
‘‘Cha ajjhattikāni āyatanāni veditabbāni, cha bāhirāni āyatanāni veditabbāni, cha viññāṇakāyā veditabbā, cha phassakāyā veditabbā, cha vedanākāyā veditabbā, cha taṇhākāyā veditabbā.
421. ‘‘‘ча аж̇жхад̇д̇игаани ааяад̇анаани взд̣̇ид̇аб̣б̣ааний’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкааяад̇анам̣, сод̇ааяад̇анам̣, гхаанааяад̇анам̣, ж̇ивхааяад̇анам̣ , гааяааяад̇анам̣, манааяад̇анам̣. ‘ча аж̇жхад̇д̇игаани ааяад̇анаани взд̣̇ид̇аб̣б̣ааний’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. ид̣̇ам̣ батамам̣ чаггам̣.
421. ‘‘‘Cha ajjhattikāni āyatanāni veditabbānī’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhāyatanaṃ, sotāyatanaṃ, ghānāyatanaṃ, jivhāyatanaṃ , kāyāyatanaṃ, manāyatanaṃ. ‘Cha ajjhattikāni āyatanāni veditabbānī’ti – iti yaṃ taṃ vuttaṃ, idametaṃ paṭicca vuttaṃ. Idaṃ paṭhamaṃ chakkaṃ.
‘‘‘ча б̣аахираани ааяад̇анаани взд̣̇ид̇аб̣б̣ааний’д̇и – ид̇и ко банзд̇ам̣ вуд̇д̇ам̣ . гин̃жзд̇ам̣ бадижжа вуд̇д̇ам̣? руубааяад̇анам̣, сад̣̇д̣̇ааяад̇анам̣, г̇анд̇хааяад̇анам̣, расааяад̇анам̣, подтаб̣б̣ааяад̇анам̣, д̇хаммааяад̇анам̣. ‘ча б̣аахираани ааяад̇анаани взд̣̇ид̇аб̣б̣ааний’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. ид̣̇ам̣ д̣̇уд̇ияам̣ чаггам̣.
‘‘‘Cha bāhirāni āyatanāni veditabbānī’ti – iti kho panetaṃ vuttaṃ . Kiñcetaṃ paṭicca vuttaṃ? Rūpāyatanaṃ, saddāyatanaṃ, gandhāyatanaṃ, rasāyatanaṃ, phoṭṭhabbāyatanaṃ, dhammāyatanaṃ. ‘Cha bāhirāni āyatanāni veditabbānī’ti – iti yaṃ taṃ vuttaṃ, idametaṃ paṭicca vuttaṃ. Idaṃ dutiyaṃ chakkaṃ.
‘‘‘ча вин̃н̃аан̣агааяаа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, сод̇ан̃жа бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣, гхаанан̃жа бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣, ж̇ивхан̃жа бадижжа расз жа уббаж̇ж̇ад̇и ж̇ивхаавин̃н̃аан̣ам̣, гааяан̃жа бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣, манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣. ‘ча вин̃н̃аан̣агааяаа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. ид̣̇ам̣ д̇ад̇ияам̣ чаггам̣.
‘‘‘Cha viññāṇakāyā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhuñca paṭicca rūpe ca uppajjati cakkhuviññāṇaṃ, sotañca paṭicca sadde ca uppajjati sotaviññāṇaṃ, ghānañca paṭicca gandhe ca uppajjati ghānaviññāṇaṃ, jivhañca paṭicca rase ca uppajjati jivhāviññāṇaṃ, kāyañca paṭicca phoṭṭhabbe ca uppajjati kāyaviññāṇaṃ, manañca paṭicca dhamme ca uppajjati manoviññāṇaṃ. ‘Cha viññāṇakāyā veditabbā’ti – iti yaṃ taṃ vuttaṃ, idametaṃ paṭicca vuttaṃ. Idaṃ tatiyaṃ chakkaṃ.
‘‘‘ча пассагааяаа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо; сод̇ан̃жа бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣, д̇ин̣н̣ам̣ сан̇г̇ад̇и пассо; гхаанан̃жа бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣, д̇ин̣н̣ам̣ сан̇г̇ад̇и пассо; ж̇ивхан̃жа бадижжа расз жа уббаж̇ж̇ад̇и ж̇ивхаавин̃н̃аан̣ам̣, д̇ин̣н̣ам̣ сан̇г̇ад̇и пассо; гааяан̃жа бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣, д̇ин̣н̣ам̣ сан̇г̇ад̇и пассо; манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо. ‘ча пассагааяаа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. ид̣̇ам̣ жад̇уд̇т̇ам̣ чаггам̣.
‘‘‘Cha phassakāyā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso; sotañca paṭicca sadde ca uppajjati sotaviññāṇaṃ, tiṇṇaṃ saṅgati phasso; ghānañca paṭicca gandhe ca uppajjati ghānaviññāṇaṃ, tiṇṇaṃ saṅgati phasso; jivhañca paṭicca rase ca uppajjati jivhāviññāṇaṃ, tiṇṇaṃ saṅgati phasso; kāyañca paṭicca phoṭṭhabbe ca uppajjati kāyaviññāṇaṃ, tiṇṇaṃ saṅgati phasso; manañca paṭicca dhamme ca uppajjati manoviññāṇaṃ, tiṇṇaṃ saṅgati phasso. ‘Cha phassakāyā veditabbā’ti – iti yaṃ taṃ vuttaṃ, idametaṃ paṭicca vuttaṃ. Idaṃ catutthaṃ chakkaṃ.
‘‘‘ча взд̣̇анаагааяаа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа; сод̇ан̃жа бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа; гхаанан̃жа бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа; ж̇ивхан̃жа бадижжа расз жа уббаж̇ж̇ад̇и ж̇ивхаавин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа; гааяан̃жа бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа; манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа. ‘ча взд̣̇анаагааяаа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. ид̣̇ам̣ бан̃жамам̣ чаггам̣.
‘‘‘Cha vedanākāyā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā vedanā; sotañca paṭicca sadde ca uppajjati sotaviññāṇaṃ, tiṇṇaṃ saṅgati phasso, phassapaccayā vedanā; ghānañca paṭicca gandhe ca uppajjati ghānaviññāṇaṃ, tiṇṇaṃ saṅgati phasso, phassapaccayā vedanā; jivhañca paṭicca rase ca uppajjati jivhāviññāṇaṃ, tiṇṇaṃ saṅgati phasso, phassapaccayā vedanā; kāyañca paṭicca phoṭṭhabbe ca uppajjati kāyaviññāṇaṃ, tiṇṇaṃ saṅgati phasso, phassapaccayā vedanā; manañca paṭicca dhamme ca uppajjati manoviññāṇaṃ, tiṇṇaṃ saṅgati phasso, phassapaccayā vedanā. ‘Cha vedanākāyā veditabbā’ti – iti yaṃ taṃ vuttaṃ, idametaṃ paṭicca vuttaṃ. Idaṃ pañcamaṃ chakkaṃ.
‘‘‘ча д̇ан̣хаагааяаа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, взд̣̇анаабажжаяаа д̇ан̣хаа; сод̇ан̃жа бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣…бз… гхаанан̃жа бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣… ж̇ивхан̃жа бадижжа расз жа уббаж̇ж̇ад̇и ж̇ивхаавин̃н̃аан̣ам̣… гааяан̃жа бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, взд̣̇анаабажжаяаа д̇ан̣хаа. ‘ча д̇ан̣хаагааяаа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. ид̣̇ам̣ чадтам̣ чаггам̣.
‘‘‘Cha taṇhākāyā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā vedanā, vedanāpaccayā taṇhā; sotañca paṭicca sadde ca uppajjati sotaviññāṇaṃ…pe… ghānañca paṭicca gandhe ca uppajjati ghānaviññāṇaṃ… jivhañca paṭicca rase ca uppajjati jivhāviññāṇaṃ… kāyañca paṭicca phoṭṭhabbe ca uppajjati kāyaviññāṇaṃ… manañca paṭicca dhamme ca uppajjati manoviññāṇaṃ, tiṇṇaṃ saṅgati phasso, phassapaccayā vedanā, vedanāpaccayā taṇhā. ‘Cha taṇhākāyā veditabbā’ti – iti yaṃ taṃ vuttaṃ, idametaṃ paṭicca vuttaṃ. Idaṃ chaṭṭhaṃ chakkaṃ.
422. ‘‘‘жагку ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. жагкусса уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘жагку ад̇д̇аа’д̇и яо вад̣̇зяяа. ид̇и жагку анад̇д̇аа.
422. ‘‘‘Cakkhu attā’ti yo vadeyya taṃ na upapajjati. Cakkhussa uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘cakkhu attā’ti yo vadeyya. Iti cakkhu anattā.
‘‘‘руубаа ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. руубаанам̣ уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘руубаа ад̇д̇аа’д̇и яо вад̣̇зяяа. ид̇и жагку анад̇д̇аа, руубаа анад̇д̇аа.
‘‘‘Rūpā attā’ti yo vadeyya taṃ na upapajjati. Rūpānaṃ uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘rūpā attā’ti yo vadeyya. Iti cakkhu anattā, rūpā anattā.
‘‘‘жагкувин̃н̃аан̣ам̣ ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. жагкувин̃н̃аан̣асса уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘жагкувин̃н̃аан̣ам̣ ад̇д̇аа’д̇и яо вад̣̇зяяа. ид̇и жагку анад̇д̇аа, руубаа анад̇д̇аа, жагкувин̃н̃аан̣ам̣ анад̇д̇аа.
‘‘‘Cakkhuviññāṇaṃ attā’ti yo vadeyya taṃ na upapajjati. Cakkhuviññāṇassa uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘cakkhuviññāṇaṃ attā’ti yo vadeyya. Iti cakkhu anattā, rūpā anattā, cakkhuviññāṇaṃ anattā.
‘‘‘жагкусампассо ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. жагкусампассасса уббаад̣̇оби ваяоби бан̃н̃ааяад̇и . яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘жагкусампассо ад̇д̇аа’д̇и яо вад̣̇зяяа. ид̇и жагку анад̇д̇аа, руубаа анад̇д̇аа, жагкувин̃н̃аан̣ам̣ анад̇д̇аа, жагкусампассо анад̇д̇аа.
‘‘‘Cakkhusamphasso attā’ti yo vadeyya taṃ na upapajjati. Cakkhusamphassassa uppādopi vayopi paññāyati . Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘cakkhusamphasso attā’ti yo vadeyya. Iti cakkhu anattā, rūpā anattā, cakkhuviññāṇaṃ anattā, cakkhusamphasso anattā.
‘‘‘взд̣̇анаа ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. взд̣̇анааяа уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘взд̣̇анаа ад̇д̇аа’д̇и яо вад̣̇зяяа. ид̇и жагку анад̇д̇аа, руубаа анад̇д̇аа, жагкувин̃н̃аан̣ам̣ анад̇д̇аа, жагкусампассо анад̇д̇аа, взд̣̇анаа анад̇д̇аа.
‘‘‘Vedanā attā’ti yo vadeyya taṃ na upapajjati. Vedanāya uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘vedanā attā’ti yo vadeyya. Iti cakkhu anattā, rūpā anattā, cakkhuviññāṇaṃ anattā, cakkhusamphasso anattā, vedanā anattā.
‘‘‘д̇ан̣хаа ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. д̇ан̣хааяа уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘д̇ан̣хаа ад̇д̇аа’д̇и яо вад̣̇зяяа. ид̇и жагку анад̇д̇аа, руубаа анад̇д̇аа, жагкувин̃н̃аан̣ам̣ анад̇д̇аа, жагкусампассо анад̇д̇аа, взд̣̇анаа анад̇д̇аа, д̇ан̣хаа анад̇д̇аа.
‘‘‘Taṇhā attā’ti yo vadeyya taṃ na upapajjati. Taṇhāya uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘taṇhā attā’ti yo vadeyya. Iti cakkhu anattā, rūpā anattā, cakkhuviññāṇaṃ anattā, cakkhusamphasso anattā, vedanā anattā, taṇhā anattā.
423. ‘‘‘сод̇ам̣ ад̇д̇аа’д̇и яо вад̣̇зяяа…бз… ‘гхаанам̣ ад̇д̇аа’д̇и яо вад̣̇зяяа… ‘ж̇ивхаа ад̇д̇аа’д̇и яо вад̣̇зяяа… ‘гааяо ад̇д̇аа’д̇и яо вад̣̇зяяа… ‘мано ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. манасса уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘мано ад̇д̇аа’д̇и яо вад̣̇зяяа. ид̇и мано анад̇д̇аа.
423. ‘‘‘Sotaṃ attā’ti yo vadeyya…pe… ‘ghānaṃ attā’ti yo vadeyya… ‘jivhā attā’ti yo vadeyya… ‘kāyo attā’ti yo vadeyya… ‘mano attā’ti yo vadeyya taṃ na upapajjati. Manassa uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘mano attā’ti yo vadeyya. Iti mano anattā.
‘‘‘д̇хаммаа ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. д̇хаммаанам̣ уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘д̇хаммаа ад̇д̇аа’д̇и яо вад̣̇зяяа. ид̇и мано анад̇д̇аа, д̇хаммаа анад̇д̇аа.
‘‘‘Dhammā attā’ti yo vadeyya taṃ na upapajjati. Dhammānaṃ uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘dhammā attā’ti yo vadeyya. Iti mano anattā, dhammā anattā.
‘‘‘мановин̃н̃аан̣ам̣ ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. мановин̃н̃аан̣асса уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘мановин̃н̃аан̣ам̣ ад̇д̇аа’д̇и яо вад̣̇зяяа. ид̇и мано анад̇д̇аа, д̇хаммаа анад̇д̇аа, мановин̃н̃аан̣ам̣ анад̇д̇аа.
‘‘‘Manoviññāṇaṃ attā’ti yo vadeyya taṃ na upapajjati. Manoviññāṇassa uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘manoviññāṇaṃ attā’ti yo vadeyya. Iti mano anattā, dhammā anattā, manoviññāṇaṃ anattā.
‘‘‘маносампассо ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. маносампассасса уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘маносампассо ад̇д̇аа’д̇и яо вад̣̇зяяа. ид̇и мано анад̇д̇аа, д̇хаммаа анад̇д̇аа, мановин̃н̃аан̣ам̣ анад̇д̇аа, маносампассо анад̇д̇аа.
‘‘‘Manosamphasso attā’ti yo vadeyya taṃ na upapajjati. Manosamphassassa uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘manosamphasso attā’ti yo vadeyya. Iti mano anattā, dhammā anattā, manoviññāṇaṃ anattā, manosamphasso anattā.
‘‘‘взд̣̇анаа ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. взд̣̇анааяа уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘взд̣̇анаа ад̇д̇аа’д̇и яо вад̣̇зяяа. ид̇и мано анад̇д̇аа, д̇хаммаа анад̇д̇аа, мановин̃н̃аан̣ам̣ анад̇д̇аа, маносампассо анад̇д̇аа, взд̣̇анаа анад̇д̇аа.
‘‘‘Vedanā attā’ti yo vadeyya taṃ na upapajjati. Vedanāya uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘vedanā attā’ti yo vadeyya. Iti mano anattā, dhammā anattā, manoviññāṇaṃ anattā, manosamphasso anattā, vedanā anattā.
‘‘‘д̇ан̣хаа ад̇д̇аа’д̇и яо вад̣̇зяяа д̇ам̣ на убабаж̇ж̇ад̇и. д̇ан̣хааяа уббаад̣̇оби ваяоби бан̃н̃ааяад̇и. яасса ко бана уббаад̣̇оби ваяоби бан̃н̃ааяад̇и, ‘ад̇д̇аа мз уббаж̇ж̇ад̇и жа взд̇и жаа’д̇и ижжасса звамааг̇ад̇ам̣ ход̇и. д̇асмаа д̇ам̣ на убабаж̇ж̇ад̇и – ‘д̇ан̣хаа ад̇д̇аа’д̇и яо вад̣̇зяяа. ид̇и мано анад̇д̇аа, д̇хаммаа анад̇д̇аа, мановин̃н̃аан̣ам̣ анад̇д̇аа, маносампассо анад̇д̇аа, взд̣̇анаа анад̇д̇аа, д̇ан̣хаа анад̇д̇аа.
‘‘‘Taṇhā attā’ti yo vadeyya taṃ na upapajjati. Taṇhāya uppādopi vayopi paññāyati. Yassa kho pana uppādopi vayopi paññāyati, ‘attā me uppajjati ca veti cā’ti iccassa evamāgataṃ hoti. Tasmā taṃ na upapajjati – ‘taṇhā attā’ti yo vadeyya. Iti mano anattā, dhammā anattā, manoviññāṇaṃ anattā, manosamphasso anattā, vedanā anattā, taṇhā anattā.
424. ‘‘аяам̣ ко бана, бхигкавз, саггааяасамуд̣̇аяаг̇ааминий бадибад̣̇аа – жагкум̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; руубз ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; жагкувин̃н̃аан̣ам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; жагкусампассам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; взд̣̇анам̣ ‘зд̇ам̣ мама , зсохамасми, зсо мз ад̇д̇аа’д̇и саманубассад̇и; д̇ан̣хам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и; сод̇ам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и…бз… гхаанам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и…бз… ж̇ивхам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и…бз… гааяам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и…бз… манам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и, д̇хаммз ‘зд̇ам̣ мама, зсохамасми, зсо мз ад̇д̇аа’д̇и саманубассад̇и, мановин̃н̃аан̣ам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и, маносампассам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и, взд̣̇анам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и, д̇ан̣хам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и.
424. ‘‘Ayaṃ kho pana, bhikkhave, sakkāyasamudayagāminī paṭipadā – cakkhuṃ ‘etaṃ mama, esohamasmi, eso me attā’ti samanupassati; rūpe ‘etaṃ mama, esohamasmi, eso me attā’ti samanupassati; cakkhuviññāṇaṃ ‘etaṃ mama, esohamasmi, eso me attā’ti samanupassati; cakkhusamphassaṃ ‘etaṃ mama, esohamasmi, eso me attā’ti samanupassati; vedanaṃ ‘etaṃ mama , esohamasmi, eso me attā’ti samanupassati; taṇhaṃ ‘etaṃ mama, esohamasmi, eso me attā’ti samanupassati; sotaṃ ‘etaṃ mama, esohamasmi, eso me attā’ti samanupassati…pe… ghānaṃ ‘etaṃ mama, esohamasmi, eso me attā’ti samanupassati…pe… jivhaṃ ‘etaṃ mama, esohamasmi, eso me attā’ti samanupassati…pe… kāyaṃ ‘etaṃ mama, esohamasmi, eso me attā’ti samanupassati…pe… manaṃ ‘etaṃ mama, esohamasmi, eso me attā’ti samanupassati, dhamme ‘etaṃ mama, esohamasmi, eso me attā’ti samanupassati, manoviññāṇaṃ ‘etaṃ mama, esohamasmi, eso me attā’ti samanupassati, manosamphassaṃ ‘etaṃ mama, esohamasmi, eso me attā’ti samanupassati, vedanaṃ ‘etaṃ mama, esohamasmi, eso me attā’ti samanupassati, taṇhaṃ ‘etaṃ mama, esohamasmi, eso me attā’ti samanupassati.
‘‘аяам̣ ко бана, бхигкавз, саггааяанирод̇хаг̇ааминий бадибад̣̇аа – жагкум̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. руубз ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. жагкувин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. жагкусампассам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. взд̣̇анам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇ан̣хам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. сод̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и…бз… гхаанам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и… ж̇ивхам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и… гааяам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и… манам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. мановин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. маносампассам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. взд̣̇анам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇ан̣хам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и.
‘‘Ayaṃ kho pana, bhikkhave, sakkāyanirodhagāminī paṭipadā – cakkhuṃ ‘netaṃ mama, nesohamasmi, na meso attā’ti samanupassati. Rūpe ‘netaṃ mama, nesohamasmi, na meso attā’ti samanupassati. Cakkhuviññāṇaṃ ‘netaṃ mama, nesohamasmi, na meso attā’ti samanupassati. Cakkhusamphassaṃ ‘netaṃ mama, nesohamasmi, na meso attā’ti samanupassati. Vedanaṃ ‘netaṃ mama, nesohamasmi, na meso attā’ti samanupassati. Taṇhaṃ ‘netaṃ mama, nesohamasmi, na meso attā’ti samanupassati. Sotaṃ ‘netaṃ mama, nesohamasmi, na meso attā’ti samanupassati…pe… ghānaṃ ‘netaṃ mama, nesohamasmi, na meso attā’ti samanupassati… jivhaṃ ‘netaṃ mama, nesohamasmi, na meso attā’ti samanupassati… kāyaṃ ‘netaṃ mama, nesohamasmi, na meso attā’ti samanupassati… manaṃ ‘netaṃ mama, nesohamasmi, na meso attā’ti samanupassati. Dhamme ‘netaṃ mama, nesohamasmi, na meso attā’ti samanupassati. Manoviññāṇaṃ ‘netaṃ mama, nesohamasmi, na meso attā’ti samanupassati. Manosamphassaṃ ‘netaṃ mama, nesohamasmi, na meso attā’ti samanupassati. Vedanaṃ ‘netaṃ mama, nesohamasmi, na meso attā’ti samanupassati. Taṇhaṃ ‘netaṃ mama, nesohamasmi, na meso attā’ti samanupassati.
425. ‘‘жагкун̃жа, бхигкавз, бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа. со сукааяа взд̣̇анааяа пудто самаано абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса рааг̇аанусаяо анусзд̇и. д̣̇угкааяа взд̣̇анааяа пудто самаано сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇и. д̇асса бадигхаанусаяо анусзд̇и. ад̣̇угкамасукааяа взд̣̇анааяа пудто самаано д̇ассаа взд̣̇анааяа самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаад̇и. д̇асса авиж̇ж̇аанусаяо анусзд̇и. со вад̇а, бхигкавз, сукааяа взд̣̇анааяа рааг̇аанусаяам̣ аббахааяа д̣̇угкааяа взд̣̇анааяа бадигхаанусаяам̣ аббадивинод̣̇зд̇ваа ад̣̇угкамасукааяа взд̣̇анааяа авиж̇ж̇аанусаяам̣ асамууханид̇ваа авиж̇ж̇ам̣ аббахааяа виж̇ж̇ам̣ ануббаад̣̇зд̇ваа д̣̇идтзва д̇хаммз д̣̇угкассанд̇агаро бхависсад̇ийд̇и – нзд̇ам̣ таанам̣ виж̇ж̇ад̇и.
425. ‘‘Cakkhuñca, bhikkhave, paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā. So sukhāya vedanāya phuṭṭho samāno abhinandati abhivadati ajjhosāya tiṭṭhati. Tassa rāgānusayo anuseti. Dukkhāya vedanāya phuṭṭho samāno socati kilamati paridevati urattāḷiṃ kandati sammohaṃ āpajjati. Tassa paṭighānusayo anuseti. Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Tassa avijjānusayo anuseti. So vata, bhikkhave, sukhāya vedanāya rāgānusayaṃ appahāya dukkhāya vedanāya paṭighānusayaṃ appaṭivinodetvā adukkhamasukhāya vedanāya avijjānusayaṃ asamūhanitvā avijjaṃ appahāya vijjaṃ anuppādetvā diṭṭheva dhamme dukkhassantakaro bhavissatīti – netaṃ ṭhānaṃ vijjati.
‘‘сод̇ан̃жа, бхигкавз, бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣…бз… гхаанан̃жа, бхигкавз, бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣…бз… ж̇ивхан̃жа, бхигкавз, бадижжа расз жа уббаж̇ж̇ад̇и ж̇ивхаавин̃н̃аан̣ам̣…бз… гааяан̃жа, бхигкавз, бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣…бз… манан̃жа, бхигкавз, бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа. со сукааяа взд̣̇анааяа пудто самаано абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса рааг̇аанусаяо анусзд̇и. д̣̇угкааяа взд̣̇анааяа пудто самаано сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇и. д̇асса бадигхаанусаяо анусзд̇и. ад̣̇угкамасукааяа взд̣̇анааяа пудто самаано д̇ассаа взд̣̇анааяа самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаад̇и. д̇асса авиж̇ж̇аанусаяо анусзд̇и. со вад̇а, бхигкавз, сукааяа взд̣̇анааяа рааг̇аанусаяам̣ аббахааяа д̣̇угкааяа взд̣̇анааяа бадигхаанусаяам̣ аббадивинод̣̇зд̇ваа ад̣̇угкамасукааяа взд̣̇анааяа авиж̇ж̇аанусаяам̣ асамууханид̇ваа авиж̇ж̇ам̣ аббахааяа виж̇ж̇ам̣ ануббаад̣̇зд̇ваа д̣̇идтзва д̇хаммз д̣̇угкассанд̇агаро бхависсад̇ийд̇и – нзд̇ам̣ таанам̣ виж̇ж̇ад̇и.
‘‘Sotañca, bhikkhave, paṭicca sadde ca uppajjati sotaviññāṇaṃ…pe… ghānañca, bhikkhave, paṭicca gandhe ca uppajjati ghānaviññāṇaṃ…pe… jivhañca, bhikkhave, paṭicca rase ca uppajjati jivhāviññāṇaṃ…pe… kāyañca, bhikkhave, paṭicca phoṭṭhabbe ca uppajjati kāyaviññāṇaṃ…pe… manañca, bhikkhave, paṭicca dhamme ca uppajjati manoviññāṇaṃ, tiṇṇaṃ saṅgati phasso, phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā. So sukhāya vedanāya phuṭṭho samāno abhinandati abhivadati ajjhosāya tiṭṭhati. Tassa rāgānusayo anuseti. Dukkhāya vedanāya phuṭṭho samāno socati kilamati paridevati urattāḷiṃ kandati sammohaṃ āpajjati. Tassa paṭighānusayo anuseti. Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Tassa avijjānusayo anuseti. So vata, bhikkhave, sukhāya vedanāya rāgānusayaṃ appahāya dukkhāya vedanāya paṭighānusayaṃ appaṭivinodetvā adukkhamasukhāya vedanāya avijjānusayaṃ asamūhanitvā avijjaṃ appahāya vijjaṃ anuppādetvā diṭṭheva dhamme dukkhassantakaro bhavissatīti – netaṃ ṭhānaṃ vijjati.
426. ‘‘жагкун̃жа , бхигкавз, бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа. со сукааяа взд̣̇анааяа пудто самаано наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса рааг̇аанусаяо наанусзд̇и. д̣̇угкааяа взд̣̇анааяа пудто самаано на сожад̇и на гиламад̇и барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇и. д̇асса бадигхаанусаяо наанусзд̇и. ад̣̇угкамасукааяа взд̣̇анааяа пудто самаано д̇ассаа взд̣̇анааяа самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аанаад̇и. д̇асса авиж̇ж̇аанусаяо наанусзд̇и. со вад̇а, бхигкавз, сукааяа взд̣̇анааяа рааг̇аанусаяам̣ бахааяа д̣̇угкааяа взд̣̇анааяа бадигхаанусаяам̣ бадивинод̣̇зд̇ваа ад̣̇угкамасукааяа взд̣̇анааяа авиж̇ж̇аанусаяам̣ самууханид̇ваа авиж̇ж̇ам̣ бахааяа виж̇ж̇ам̣ уббаад̣̇зд̇ваа д̣̇идтзва д̇хаммз д̣̇угкассанд̇агаро бхависсад̇ийд̇и – таанамзд̇ам̣ виж̇ж̇ад̇и.
426. ‘‘Cakkhuñca , bhikkhave, paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā. So sukhāya vedanāya phuṭṭho samāno nābhinandati nābhivadati nājjhosāya tiṭṭhati. Tassa rāgānusayo nānuseti. Dukkhāya vedanāya phuṭṭho samāno na socati na kilamati paridevati na urattāḷiṃ kandati na sammohaṃ āpajjati. Tassa paṭighānusayo nānuseti. Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ pajānāti. Tassa avijjānusayo nānuseti. So vata, bhikkhave, sukhāya vedanāya rāgānusayaṃ pahāya dukkhāya vedanāya paṭighānusayaṃ paṭivinodetvā adukkhamasukhāya vedanāya avijjānusayaṃ samūhanitvā avijjaṃ pahāya vijjaṃ uppādetvā diṭṭheva dhamme dukkhassantakaro bhavissatīti – ṭhānametaṃ vijjati.
‘‘сод̇ан̃жа, бхигкавз, бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣…бз….
‘‘Sotañca, bhikkhave, paṭicca sadde ca uppajjati sotaviññāṇaṃ…pe….
‘‘гхаанан̃жа, бхигкавз, бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣…бз….
‘‘Ghānañca, bhikkhave, paṭicca gandhe ca uppajjati ghānaviññāṇaṃ…pe….
‘‘ж̇ивхан̃жа, бхигкавз, бадижжа расз жа уббаж̇ж̇ад̇и ж̇ивхаавин̃н̃аан̣ам̣…бз… .
‘‘Jivhañca, bhikkhave, paṭicca rase ca uppajjati jivhāviññāṇaṃ…pe… .
‘‘гааяан̃жа, бхигкавз, бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣…бз….
‘‘Kāyañca, bhikkhave, paṭicca phoṭṭhabbe ca uppajjati kāyaviññāṇaṃ…pe….
‘‘манан̃жа, бхигкавз, бадижжа д̇хаммз жа уббаж̇ж̇ад̇и мановин̃н̃аан̣ам̣ д̇ин̣н̣ам̣ сан̇г̇ад̇и пассо, пассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа. со сукааяа взд̣̇анааяа пудто самаано наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса рааг̇аанусаяо наанусзд̇и. д̣̇угкааяа взд̣̇анааяа пудто самаано на сожад̇и на гиламад̇и на барид̣̇звад̇и на урад̇д̇аал̣им̣ ганд̣̇ад̇и на саммохам̣ аабаж̇ж̇ад̇и. д̇асса бадигхаанусаяо наанусзд̇и. ад̣̇угкамасукааяа взд̣̇анааяа пудто самаано д̇ассаа взд̣̇анааяа самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аанаад̇и. д̇асса авиж̇ж̇аанусаяо наанусзд̇и. со вад̇а, бхигкавз, сукааяа взд̣̇анааяа рааг̇аанусаяам̣ бахааяа д̣̇угкааяа взд̣̇анааяа бадигхаанусаяам̣ бадивинод̣̇зд̇ваа ад̣̇угкамасукааяа взд̣̇анааяа авиж̇ж̇аанусаяам̣ самууханид̇ваа авиж̇ж̇ам̣ бахааяа виж̇ж̇ам̣ уббаад̣̇зд̇ваа д̣̇идтзва д̇хаммз д̣̇угкассанд̇агаро бхависсад̇ийд̇и – таанамзд̇ам̣ виж̇ж̇ад̇и.
‘‘Manañca, bhikkhave, paṭicca dhamme ca uppajjati manoviññāṇaṃ tiṇṇaṃ saṅgati phasso, phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā. So sukhāya vedanāya phuṭṭho samāno nābhinandati nābhivadati nājjhosāya tiṭṭhati. Tassa rāgānusayo nānuseti. Dukkhāya vedanāya phuṭṭho samāno na socati na kilamati na paridevati na urattāḷiṃ kandati na sammohaṃ āpajjati. Tassa paṭighānusayo nānuseti. Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ pajānāti. Tassa avijjānusayo nānuseti. So vata, bhikkhave, sukhāya vedanāya rāgānusayaṃ pahāya dukkhāya vedanāya paṭighānusayaṃ paṭivinodetvā adukkhamasukhāya vedanāya avijjānusayaṃ samūhanitvā avijjaṃ pahāya vijjaṃ uppādetvā diṭṭheva dhamme dukkhassantakaro bhavissatīti – ṭhānametaṃ vijjati.
427. ‘‘звам̣ бассам̣, бхигкавз, суд̇аваа арияасааваго жагкусмим̣ 1 ниб̣б̣инд̣̇ад̇и, руубзсу ниб̣б̣инд̣̇ад̇и, жагкувин̃н̃аан̣з ниб̣б̣инд̣̇ад̇и, жагкусампассз ниб̣б̣инд̣̇ад̇и, взд̣̇анааяа ниб̣б̣инд̣̇ад̇и, д̇ан̣хааяа ниб̣б̣инд̣̇ад̇и. сод̇асмим̣ ниб̣б̣инд̣̇ад̇и, сад̣̇д̣̇зсу ниб̣б̣инд̣̇ад̇и…бз… гхаанасмим̣ ниб̣б̣инд̣̇ад̇и, г̇анд̇хзсу ниб̣б̣инд̣̇ад̇и… ж̇ивхааяа ниб̣б̣инд̣̇ад̇и, расзсу ниб̣б̣инд̣̇ад̇и… гааяасмим̣ ниб̣б̣инд̣̇ад̇и, подтаб̣б̣зсу ниб̣б̣инд̣̇ад̇и… манасмим̣ ниб̣б̣инд̣̇ад̇и, д̇хаммзсу ниб̣б̣инд̣̇ад̇и, мановин̃н̃аан̣з ниб̣б̣инд̣̇ад̇и, маносампассз ниб̣б̣инд̣̇ад̇и, взд̣̇анааяа ниб̣б̣инд̣̇ад̇и, д̇ан̣хааяа ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и , вирааг̇аа вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и.
427. ‘‘Evaṃ passaṃ, bhikkhave, sutavā ariyasāvako cakkhusmiṃ 2 nibbindati, rūpesu nibbindati, cakkhuviññāṇe nibbindati, cakkhusamphasse nibbindati, vedanāya nibbindati, taṇhāya nibbindati. Sotasmiṃ nibbindati, saddesu nibbindati…pe… ghānasmiṃ nibbindati, gandhesu nibbindati… jivhāya nibbindati, rasesu nibbindati… kāyasmiṃ nibbindati, phoṭṭhabbesu nibbindati… manasmiṃ nibbindati, dhammesu nibbindati, manoviññāṇe nibbindati, manosamphasse nibbindati, vedanāya nibbindati, taṇhāya nibbindati. Nibbindaṃ virajjati , virāgā vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и. имасмим̣ ко бана взяяаагаран̣асмим̣ бхан̃н̃амаанз садтимад̇д̇аанам̣ бхигкуунам̣ анубаад̣̇ааяа аасавзхи жид̇д̇аани вимужжим̣сууд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti. Imasmiṃ kho pana veyyākaraṇasmiṃ bhaññamāne saṭṭhimattānaṃ bhikkhūnaṃ anupādāya āsavehi cittāni vimucciṃsūti.
чачаггасуд̇д̇ам̣ нидтид̇ам̣ чадтам̣.
Chachakkasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. чачаггасуд̇д̇аван̣н̣анаа • 6. Chachakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. чачаггасуд̇д̇аван̣н̣анаа • 6. Chachakkasuttavaṇṇanā
