| Library / Tipiṭaka / തിപിടക • Tipiṭaka / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā |
ഛക്കാദിനിദ്ദേസവണ്ണനാ
Chakkādiniddesavaṇṇanā
൯൭൨-൪. ഛബ്ബിധാദിസങ്ഗഹാനം തിണ്ണം ഓസാനപദസ്സ ഭേദാഭാവതോ ആദിതോ പട്ഠായ അപുച്ഛിത്വാവ നിദ്ദേസോ കതോ. തത്ഥ ചക്ഖുവിഞ്ഞാണേന ജാനിതും സക്കാതി ചക്ഖുവിഞ്ഞേയ്യം…പേ॰… മനോവിഞ്ഞാണേന ജാനിതും സക്കാതി മനോവിഞ്ഞേയ്യം. തിവിധായ മനോധാതുയാ ജാനിതും സക്കാതി മനോധാതുവിഞ്ഞേയ്യം സബ്ബം രൂപന്തി ഏത്ഥ യസ്മാ ഏകം രൂപമ്പി മനോവിഞ്ഞാണധാതുയാ അജാനിതബ്ബം നാമ നത്ഥി, തസ്മാ ‘സബ്ബം രൂപ’ന്തി വുത്തം. സമ്മാസമ്ബുദ്ധേന ഹി അഭിധമ്മം പത്വാ നയം കാതും യുത്തട്ഠാനേ നയോ അകതോ നാമ നത്ഥി. ഇദഞ്ച ഏകരൂപസ്സാപി മനോവിഞ്ഞാണധാതുയാ അജാനിതബ്ബസ്സ അഭാവേന നയം കാതും യുത്തട്ഠാനം നാമ, തസ്മാ നയം കരോന്തോ ‘സബ്ബം രൂപ’ന്തി ആഹ.
972-4. Chabbidhādisaṅgahānaṃ tiṇṇaṃ osānapadassa bhedābhāvato ādito paṭṭhāya apucchitvāva niddeso kato. Tattha cakkhuviññāṇena jānituṃ sakkāti cakkhuviññeyyaṃ…pe… manoviññāṇena jānituṃ sakkāti manoviññeyyaṃ. Tividhāya manodhātuyā jānituṃ sakkāti manodhātuviññeyyaṃ sabbaṃ rūpanti ettha yasmā ekaṃ rūpampi manoviññāṇadhātuyā ajānitabbaṃ nāma natthi, tasmā ‘sabbaṃ rūpa’nti vuttaṃ. Sammāsambuddhena hi abhidhammaṃ patvā nayaṃ kātuṃ yuttaṭṭhāne nayo akato nāma natthi. Idañca ekarūpassāpi manoviññāṇadhātuyā ajānitabbassa abhāvena nayaṃ kātuṃ yuttaṭṭhānaṃ nāma, tasmā nayaṃ karonto ‘sabbaṃ rūpa’nti āha.
൯൭൪. സുഖസമ്ഫസ്സോതി സുഖവേദനാപടിലാഭപച്ചയോ. ദുക്ഖസമ്ഫസ്സോതി ദുക്ഖവേദനാപടിലാഭപച്ചയോ. ഇധാപി ഫോട്ഠബ്ബാരമ്മണസ്സ സുഖദുക്ഖസ്സ സബ്ഭാവതോ അയം നയോ ദിന്നോ.
974. Sukhasamphassoti sukhavedanāpaṭilābhapaccayo. Dukkhasamphassoti dukkhavedanāpaṭilābhapaccayo. Idhāpi phoṭṭhabbārammaṇassa sukhadukkhassa sabbhāvato ayaṃ nayo dinno.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / രൂപവിഭത്തി • Rūpavibhatti
