| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(6.) чагганид̣̇д̣̇зсаван̣н̣анаа
(6.) Chakkaniddesavaṇṇanā
805. чаб̣б̣ид̇хзна н̃аан̣авад̇т̇унид̣̇д̣̇зсз ид̣̇д̇хивид̇хз н̃аан̣анд̇и ‘‘згоби худ̇ваа б̣ахуд̇хаа ход̇ий’’д̇иаад̣̇инаяаббавад̇д̇з (д̣̇ий. ни. 1.484; бади. ма. 1.102) ид̣̇д̇хивид̇хз н̃аан̣ам̣. иминаа авид̇аггаавижаараа убзгкаасахаг̇ад̇аа руубааважараа б̣ахуд̇хаабхааваад̣̇исаад̇хигаа згажид̇д̇агкан̣игаа аббанаабан̃н̃аава гат̇ид̇аа. сод̇ад̇хаад̇увисуд̣̇д̇хияаа н̃аан̣анд̇и д̣̇уурасанд̇игаад̣̇ибхзд̣̇асад̣̇д̣̇аарамман̣ааяа д̣̇иб̣б̣асод̇ад̇хаад̇уяаа н̃аан̣ам̣. иминааби авид̇аггаавижаараа убзгкаасахаг̇ад̇аа руубааважараа багад̇исод̇ависаяаад̇ийд̇асад̣̇д̣̇аарамман̣аа згажид̇д̇агкан̣игаа аббанаабан̃н̃аава гат̇ид̇аа. баражид̇д̇з н̃аан̣анд̇и барасад̇д̇аанам̣ жид̇д̇абарижчзд̣̇з н̃аан̣ам̣. иминааби яат̇аавуд̇д̇аббагаараа барзсам̣ сарааг̇аад̣̇ижид̇д̇аарамман̣аа згажид̇д̇агкан̣игаа аббанаабан̃н̃аава гат̇ид̇аа. буб̣б̣зниваасаануссад̇ияаа н̃аан̣анд̇и буб̣б̣зниваасаануссад̇исамбаяуд̇д̇ам̣ н̃аан̣ам̣. иминааби яат̇аавуд̇д̇аббагаараа буб̣б̣з нивуд̇т̇агканд̇хаануссаран̣асад̇исамбаяуд̇д̇аа згажид̇д̇агкан̣игаа аббанаабан̃н̃аава гат̇ид̇аа. сад̇д̇аанам̣ жуд̇уубабаад̇з н̃аан̣анд̇и сад̇д̇аанам̣ жуд̇ияан̃жа убабаад̇з жа н̃аан̣ам̣. иминааби яат̇аавуд̇д̇аббагаараа жаванагаубабаж̇ж̇анагаанам̣ сад̇д̇аанам̣ ван̣н̣ад̇хаад̇уаарамман̣аа згажид̇д̇агкан̣игаа аббанаабан̃н̃аава гат̇ид̇аа. аасаваанам̣ каяз н̃аан̣анд̇и сажжабарижчзд̣̇аж̇аананан̃аан̣ам̣. ид̣̇ам̣ логуд̇д̇арамзва. сзсаани логияаанийд̇и.
805. Chabbidhena ñāṇavatthuniddese iddhividhe ñāṇanti ‘‘ekopi hutvā bahudhā hotī’’tiādinayappavatte (dī. ni. 1.484; paṭi. ma. 1.102) iddhividhe ñāṇaṃ. Iminā avitakkāvicārā upekkhāsahagatā rūpāvacarā bahudhābhāvādisādhikā ekacittakkhaṇikā appanāpaññāva kathitā. Sotadhātuvisuddhiyā ñāṇanti dūrasantikādibhedasaddārammaṇāya dibbasotadhātuyā ñāṇaṃ. Imināpi avitakkāvicārā upekkhāsahagatā rūpāvacarā pakatisotavisayātītasaddārammaṇā ekacittakkhaṇikā appanāpaññāva kathitā. Paracitteñāṇanti parasattānaṃ cittaparicchede ñāṇaṃ. Imināpi yathāvuttappakārā paresaṃ sarāgādicittārammaṇā ekacittakkhaṇikā appanāpaññāva kathitā. Pubbenivāsānussatiyā ñāṇanti pubbenivāsānussatisampayuttaṃ ñāṇaṃ. Imināpi yathāvuttappakārā pubbe nivutthakkhandhānussaraṇasatisampayuttā ekacittakkhaṇikā appanāpaññāva kathitā. Sattānaṃ cutūpapāte ñāṇanti sattānaṃ cutiyañca upapāte ca ñāṇaṃ. Imināpi yathāvuttappakārā cavanakaupapajjanakānaṃ sattānaṃ vaṇṇadhātuārammaṇā ekacittakkhaṇikā appanāpaññāva kathitā. Āsavānaṃ khaye ñāṇanti saccaparicchedajānanañāṇaṃ. Idaṃ lokuttarameva. Sesāni lokiyānīti.
чагганид̣̇д̣̇зсаван̣н̣анаа.
Chakkaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
