| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૩. છળભિજાતિસુત્તવણ્ણના
3. Chaḷabhijātisuttavaṇṇanā
૫૭. તતિયે છળભિજાતિયોતિ છ જાતિયો. તત્રિદન્તિ તત્રાયં. લુદ્દાતિ દારુણા. ભિક્ખૂ કણ્ટકવુત્તિકાતિ સમણા નામેતે. એકસાટકાતિ એકેનેવ પિલોતિકખણ્ડેન પુરતો પટિચ્છાદનકા. અકામકસ્સ બિલં ઓલગ્ગેય્યુન્તિ સત્થે ગચ્છમાને ગોણમ્હિ મતે ગોમંસમૂલં ઉપ્પાદનત્થાય વિભજિત્વા ખાદમાના એકસ્સ ગોમંસં અનિચ્છન્તસ્સેવ કોટ્ઠાસં કત્વા ‘‘અયઞ્ચ તે ખાદિતબ્બો, મૂલઞ્ચ દાતબ્બ’’ન્તિ તં કોટ્ઠાસસઙ્ખાતં બિલં ઓલગ્ગેય્યું, બલક્કારેન હત્થે ઠપેય્યુન્તિ અત્થો. અખેત્તઞ્ઞુનાતિ અભિજાતિપઞ્ઞત્તિયા ખેત્તં અજાનન્તેન. તં સુણાહીતિ તં મમ પઞ્ઞત્તિં સુણાહિ. કણ્હાભિજાતિકોતિ કાળકજાતિકો. કણ્હં ધમ્મં અભિજાયતીતિ કણ્હસભાવો હુત્વા જાયતિ નિબ્બત્તતિ, કણ્હાભિજાતિયં વા જાયતિ. નિબ્બાનં અભિજાયતીતિ નિબ્બાનં પાપુણાતિ, અરિયભૂમિસઙ્ખાતાય વા નિબ્બાનજાતિયા જાયતિ.
57. Tatiye chaḷabhijātiyoti cha jātiyo. Tatridanti tatrāyaṃ. Luddāti dāruṇā. Bhikkhūkaṇṭakavuttikāti samaṇā nāmete. Ekasāṭakāti ekeneva pilotikakhaṇḍena purato paṭicchādanakā. Akāmakassa bilaṃ olaggeyyunti satthe gacchamāne goṇamhi mate gomaṃsamūlaṃ uppādanatthāya vibhajitvā khādamānā ekassa gomaṃsaṃ anicchantasseva koṭṭhāsaṃ katvā ‘‘ayañca te khāditabbo, mūlañca dātabba’’nti taṃ koṭṭhāsasaṅkhātaṃ bilaṃ olaggeyyuṃ, balakkārena hatthe ṭhapeyyunti attho. Akhettaññunāti abhijātipaññattiyā khettaṃ ajānantena. Taṃ suṇāhīti taṃ mama paññattiṃ suṇāhi. Kaṇhābhijātikoti kāḷakajātiko. Kaṇhaṃ dhammaṃ abhijāyatīti kaṇhasabhāvo hutvā jāyati nibbattati, kaṇhābhijātiyaṃ vā jāyati. Nibbānaṃabhijāyatīti nibbānaṃ pāpuṇāti, ariyabhūmisaṅkhātāya vā nibbānajātiyā jāyati.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૩. છળભિજાતિસુત્તં • 3. Chaḷabhijātisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૨. છળભિજાતિસુત્તવણ્ણના • 2. Chaḷabhijātisuttavaṇṇanā
