| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૮૮. છન્દદાનકથા
88. Chandadānakathā
૧૬૫. છન્દદાનેપિ વિનિચ્છયો વેદિતબ્બોતિ યોજના. ઉપોસથો કતો હોતીતિ પારિસુદ્ધિદાયકસ્સ ચ સઙ્ઘસ્સ ચ ઉપોસથો કતો હોતિ. અઞ્ઞન્તિ ઉપોસથકમ્મતો અઞ્ઞં. યં પન કમ્મન્તિ સમ્બન્ધો. કમ્મમ્પીતિ ઉપોસથકમ્મતો અઞ્ઞં કમ્મમ્પિ. એત્થ ચ તદહુપોસથે અત્તનો ચ સઙ્ઘસ્સ ચ સચે ઉપોસથકમ્મં હોતિ, પારિસુદ્ધિયેવ દાતબ્બા. અથ અઞ્ઞં કમ્મં હોતિ, છન્દોયેવ દાતબ્બો. યદિ ઉપોસથકમ્મઞ્ચ અઞ્ઞકમ્મઞ્ચ હોતિ, પારિસુદ્ધિ ચ છન્દો ચ દાતબ્બો. તં સન્ધાય વુત્તં ‘‘તદહુપોસથે પારિસુદ્ધિં દેન્તેન છન્દમ્પિ દાતુ’’ન્તિ. સીમાય વાતિ બદ્ધસીમાય વા. અચ્છિતુન્તિ ઉપવેસિતું. ‘‘આસ ઉપવેસને’’તિ હિ ધાતુપાઠેસુ (સદ્દનીતિધાતુમાલાયં ૧૬ સકારન્તધાતુ) વુત્તં. સામગ્ગી વાતિ કાયસામગ્ગી વા.
165. Chandadānepi vinicchayo veditabboti yojanā. Uposatho kato hotīti pārisuddhidāyakassa ca saṅghassa ca uposatho kato hoti. Aññanti uposathakammato aññaṃ. Yaṃ pana kammanti sambandho. Kammampīti uposathakammato aññaṃ kammampi. Ettha ca tadahuposathe attano ca saṅghassa ca sace uposathakammaṃ hoti, pārisuddhiyeva dātabbā. Atha aññaṃ kammaṃ hoti, chandoyeva dātabbo. Yadi uposathakammañca aññakammañca hoti, pārisuddhi ca chando ca dātabbo. Taṃ sandhāya vuttaṃ ‘‘tadahuposathe pārisuddhiṃ dentena chandampi dātu’’nti. Sīmāya vāti baddhasīmāya vā. Acchitunti upavesituṃ. ‘‘Āsa upavesane’’ti hi dhātupāṭhesu (saddanītidhātumālāyaṃ 16 sakārantadhātu) vuttaṃ. Sāmaggī vāti kāyasāmaggī vā.
૧૬૭. સરતિપિ ઉપોસથં, નપિ સરતીતિ એત્થ પિસદ્દસ્સ અનિયમવિકપ્પત્થં દસ્સેતું વુત્તં ‘‘એકદા સરતિ, એકદા ન સરતી’’તિ. ‘‘એકન્ત’’ન્તિ ઇમિના નેવ સરતીતિ એત્થ એવસદ્દસ્સ સન્નિટ્ઠાનત્થં દસ્સેતિ. કમ્મં ન કોપેતીતિ સમ્મુતિલદ્ધોપિ અલદ્ધોપિ ઉમ્મત્તકો કમ્મં ન કોપેતિ.
167.Saratipi uposathaṃ, napi saratīti ettha pisaddassa aniyamavikappatthaṃ dassetuṃ vuttaṃ ‘‘ekadā sarati, ekadā na saratī’’ti. ‘‘Ekanta’’nti iminā neva saratīti ettha evasaddassa sanniṭṭhānatthaṃ dasseti. Kammaṃ na kopetīti sammutiladdhopi aladdhopi ummattako kammaṃ na kopeti.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi
૮૮. છન્દદાનકથા • 88. Chandadānakathā
૯૦. ઉમ્મત્તકસમ્મુતિ • 90. Ummattakasammuti
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / છન્દદાનકથા • Chandadānakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / છન્દદાનકથાવણ્ણના • Chandadānakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / છન્દદાનાદિકથાવણ્ણના • Chandadānādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / છન્દદાનકથાદિવણ્ણના • Chandadānakathādivaṇṇanā
