Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
43. чанд̣̇ад̣̇аананид̣̇д̣̇зсаван̣н̣анаа
43. Chandadānaniddesavaṇṇanā
399. гаммаббад̇д̇з сан̇гхз самааг̇ад̇зд̇и самб̣анд̇хо. зд̇зна сан̇гхз асамааг̇ад̇з чанд̣̇ад̣̇аанам̣ на рухад̇ийд̇и д̣̇ийбид̇ам̣ ход̇ийд̇и вад̣̇анд̇и. зд̇т̇ааяам̣ вижааран̣аа – бан̃жабхигкугз вихаарз згасса чанд̣̇абаарисуд̣̇д̇хим̣ аахарид̇ваа сзсаанам̣ убосат̇аад̣̇игаран̣ам̣ анун̃н̃аад̇ам̣ баал̣ияам̣ (бари. 496-497) адтагат̇ааяан̃жа (бари. адта. 487-488). д̇зсу зго чанд̣̇ад̣̇ааяаго, зго чанд̣̇ахаараго, д̇з мун̃жид̇ваа на зд̇т̇а саннибад̇ид̇о сан̇гхо д̇ин̣н̣ам̣ самуухабхаавад̇о, д̇асмаа асамааг̇ад̇зби д̣̇аад̇ум̣ ваддад̇и. аарожзнд̇зна бана самааг̇ад̇з зва аарожзд̇аб̣б̣ам̣. ид̇хааби ‘‘харзяяаа’’д̇и вуд̇д̇ам̣, на ‘‘д̣̇зсзяяаа’’д̇и. д̇ад̇т̇а чанд̣̇ахаарагзна сад̣̇д̇хим̣ гаммаббад̇д̇аанам̣ саннибаад̇о взд̣̇ид̇аб̣б̣о.
399. Kammappatte saṅghe samāgateti sambandho. Etena saṅghe asamāgate chandadānaṃ na ruhatīti dīpitaṃ hotīti vadanti. Etthāyaṃ vicāraṇā – pañcabhikkhuke vihāre ekassa chandapārisuddhiṃ āharitvā sesānaṃ uposathādikaraṇaṃ anuññātaṃ pāḷiyaṃ (pari. 496-497) aṭṭhakathāyañca (pari. aṭṭha. 487-488). Tesu eko chandadāyako, eko chandahārako, te muñcitvā na ettha sannipatito saṅgho tiṇṇaṃ samūhabhāvato, tasmā asamāgatepi dātuṃ vaṭṭati. Ārocentena pana samāgate eva ārocetabbaṃ. Idhāpi ‘‘hareyyā’’ti vuttaṃ, na ‘‘deseyyā’’ti. Tattha chandahārakena saddhiṃ kammappattānaṃ sannipāto veditabbo.
400. ид̣̇аани чанд̣̇ад̣̇аанавид̇хим̣ д̣̇ассзд̇ум̣ ‘‘згам̣ бхигку’’нд̇иаад̣̇имааха (ган̇каа. адта. нид̣̇аанаван̣н̣анаа).
400. Idāni chandadānavidhiṃ dassetuṃ ‘‘ekaṃ bhikkhu’’ntiādimāha (kaṅkhā. aṭṭha. nidānavaṇṇanā).
401. (га) ‘‘чанд̣̇ам̣ д̣̇аммий’’д̇и зд̇д̇агамзва алам̣, ‘‘хара, аарожзхий’’д̇и имзхи гим̣баяож̇ананд̇и жз? вужжад̇з – ‘‘ануж̇аанаами, бхигкавз, д̇ад̣̇ахубосат̇з баарисуд̣̇д̇хим̣ д̣̇знд̇зна чанд̣̇амбид̣̇аад̇ум̣, санд̇и сан̇гхасса гаран̣ийяа’’нд̇и (махаава. 165) вуд̇д̇ад̇д̇аа бхаг̇авад̇о аан̣ам̣ гаронд̇зна ‘‘чанд̣̇ам̣ д̣̇аммий’’д̇и вуд̇д̇ам̣. ‘‘чанд̣̇ахаараго жз, бхигкавз, д̣̇иннз чанд̣̇з анд̇араамаг̇г̇з баггамад̇и, анаахадова ход̇и чанд̣̇о’’д̇и (махаава. 165) вуд̇д̇ад̇д̇аа чанд̣̇ахаарагасса ан̃н̃асса абаггаманад̇т̇ааяа баарисуд̣̇д̇хим̣ д̣̇знд̇зна ‘‘ид̣̇ам̣ гарохи зваа’’д̇и аан̣аабзнд̇зна ‘‘чанд̣̇ам̣ мз хараа’’д̇и вуд̇д̇ам̣. ‘‘чанд̣̇ахаараго жз, бхигкавз, д̣̇иннз чанд̣̇з сан̇гхаббад̇д̇о сан̃жижжа наарожзд̇и, аахадо ход̇и чанд̣̇о, чанд̣̇ахаарагасса аабад̇д̇и д̣̇уггадассаа’’д̇и (махаава. 165) вуд̇д̇ад̇д̇аа ‘‘яад̣̇ид̇вам̣ сан̃жижжа наарожзссаси, аабад̇д̇им̣ аабаж̇ж̇иссаси , аарожзхи зваа’’д̇и д̇асса аажигканд̇о ‘‘аарожзхий’’д̇и аахаад̇и звамзд̇т̇а имзсам̣ бад̣̇аанам̣ саббаяож̇анад̇аа взд̣̇ид̇аб̣б̣аа. звам̣ баарисуд̣̇д̇хид̣̇аанзбийд̇и.
401. (Ka) ‘‘chandaṃ dammī’’ti ettakameva alaṃ, ‘‘hara, ārocehī’’ti imehi kiṃpayojananti ce? Vuccate – ‘‘anujānāmi, bhikkhave, tadahuposathe pārisuddhiṃ dentena chandampidātuṃ, santi saṅghassa karaṇīya’’nti (mahāva. 165) vuttattā bhagavato āṇaṃ karontena ‘‘chandaṃ dammī’’ti vuttaṃ. ‘‘Chandahārako ce, bhikkhave, dinne chande antarāmagge pakkamati, anāhaṭova hoti chando’’ti (mahāva. 165) vuttattā chandahārakassa aññassa apakkamanatthāya pārisuddhiṃ dentena ‘‘idaṃ karohi evā’’ti āṇāpentena ‘‘chandaṃ me harā’’ti vuttaṃ. ‘‘Chandahārako ce, bhikkhave, dinne chande saṅghappatto sañcicca nāroceti, āhaṭo hoti chando, chandahārakassa āpatti dukkaṭassā’’ti (mahāva. 165) vuttattā ‘‘yaditvaṃ sañcicca nārocessasi, āpattiṃ āpajjissasi , ārocehi evā’’ti tassa ācikkhanto ‘‘ārocehī’’ti āhāti evamettha imesaṃ padānaṃ sappayojanatā veditabbā. Evaṃ pārisuddhidānepīti.
402. сзсагамманд̇и яад̣̇и сан̇гхо убосат̇аг̇г̇з ан̃н̃ам̣ абалоганаад̣̇игаммам̣ гарод̇и, д̇ам̣ гаммам̣ виб̣аад̇хад̇и, вигобзд̇ийд̇и ад̇т̇о.
402.Sesakammanti yadi saṅgho uposathagge aññaṃ apalokanādikammaṃ karoti, taṃ kammaṃ vibādhati, vikopetīti attho.
403. д̣̇ваяанд̇и убосат̇ан̃жа сзсагамман̃жаад̇и ад̇т̇о. над̇д̇анод̇и ад̇д̇ано убосат̇ам̣ на самбаад̣̇зд̇и.
403.Dvayanti uposathañca sesakammañcāti attho. Nattanoti attano uposathaṃ na sampādeti.
405. ‘‘згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа’’д̇иаад̣̇игам̣ (махаава. 213) саб̣б̣уубажаарам̣ гад̇ваанаад̇и ад̇т̇о.
405. ‘‘Ekaṃsaṃ uttarāsaṅgaṃ karitvā ukkuṭikaṃ nisīditvā’’tiādikaṃ (mahāva. 213) sabbūpacāraṃ katvānāti attho.
406. ‘‘ид̇т̇аннаамзна бавааран̣аа д̣̇иннаа’’д̇и аарожзд̇ваа.
406. ‘‘Itthannāmena pavāraṇā dinnā’’ti ārocetvā.
408. бадиж̇аанзяяа наахадаад̇и (махаава. 164-165, 213) баатз на аахадаад̇и наахадаа, аахадаа на ход̇ийд̇и ад̇т̇о. д̇ат̇аа хзяяаад̇и виб̣бхаманаад̣̇ийни гарзяяаад̇и ад̇т̇о.
408.Paṭijāneyya nāhaṭāti (mahāva. 164-165, 213) pāṭhe na āhaṭāti nāhaṭā, āhaṭā na hotīti attho. Tathā heyyāti vibbhamanādīni kareyyāti attho.
409. суд̇д̇о ваа наарожаязяяа, аахадаа ход̇ийд̇и самб̣анд̇хо. анаабад̇д̇иваад̇и анаабад̇д̇и зва. чанд̣̇ад̣̇аанавинижчаяо.
409. Sutto vā nārocayeyya, āhaṭā hotīti sambandho. Anāpattivāti anāpatti eva. Chandadānavinicchayo.
чанд̣̇ад̣̇аананид̣̇д̣̇зсаван̣н̣анаа нидтид̇аа.
Chandadānaniddesavaṇṇanā niṭṭhitā.