| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૧૦. છન્દંઅદત્વાગમનસિક્ખાપદવણ્ણના
10. Chandaṃadatvāgamanasikkhāpadavaṇṇanā
આરોચિતં વત્થુ અવિનિચ્છિતન્તિ આરોચિતવત્થુ આપત્તિકભાવેન ન વિનિચ્છિતં. એત્થ ચ ચોદકેન ચ ચુદિતકેન ચ અત્તનો કથા કથિતા, અનુવિજ્જકો સમ્મતો, એત્તાવતા વત્થુમેવ આરોચિતં હોતીતિ દટ્ઠબ્બં. છન્દં અદત્વા ઉટ્ઠાયાસના પક્કમેય્યાતિ ‘‘કથં ઇદં કમ્મં કુપ્પં અસ્સ, વગ્ગં અસ્સ, ન કરેય્યા’’તિ (પાચિ॰ ૪૮૧) ઇમિના અધિપ્પાયેન છન્દં અદત્વા નિસિન્નાસનતો ઉટ્ઠાય ગચ્છેય્ય. તેનાહ ‘‘યો ભિક્ખૂ’’તિઆદિ. કિરિયાકિરિયન્તિ એત્થ ગમનં કિરિયં, છન્દસ્સ અદાનં અકિરિયં.
Ārocitaṃ vatthu avinicchitanti ārocitavatthu āpattikabhāvena na vinicchitaṃ. Ettha ca codakena ca cuditakena ca attano kathā kathitā, anuvijjako sammato, ettāvatā vatthumeva ārocitaṃ hotīti daṭṭhabbaṃ. Chandaṃ adatvā uṭṭhāyāsanā pakkameyyāti ‘‘kathaṃ idaṃ kammaṃ kuppaṃ assa, vaggaṃ assa, na kareyyā’’ti (pāci. 481) iminā adhippāyena chandaṃ adatvā nisinnāsanato uṭṭhāya gaccheyya. Tenāha ‘‘yo bhikkhū’’tiādi. Kiriyākiriyanti ettha gamanaṃ kiriyaṃ, chandassa adānaṃ akiriyaṃ.
છન્દંઅદત્વાગમનસિક્ખાપદવણ્ણના નિટ્ઠિતા.
Chandaṃadatvāgamanasikkhāpadavaṇṇanā niṭṭhitā.
