| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. чанд̣̇асамаад̇хисуд̇д̇аван̣н̣анаа
3. Chandasamādhisuttavaṇṇanā
825. д̇ад̇ияз чанд̣̇анд̇и гад̇д̇угамяад̇аачанд̣̇ам̣. ниссааяаад̇и ниссаяам̣ гад̇ваа, ад̇хибад̇им̣ гад̇ваад̇и ад̇т̇о. бад̇хаанасан̇каараад̇и бад̇хаанабхууд̇аа сан̇каараа, жад̇угижжасаад̇хагасаммаббад̇хаанавийрияассзд̇ам̣ ад̇хиважанам̣. ид̇и аяан̃жа чанд̣̇од̇иаад̣̇ийсу чанд̣̇о чанд̣̇асамаад̇хинаа жзва бад̇хаанасан̇каарзхи жа, чанд̣̇асамаад̇хи чанд̣̇зна жзва бад̇хаанасан̇каарзхи жа, бад̇хаанасан̇каарааби чанд̣̇зна жзва чанд̣̇асамаад̇хинаа жа саманнааг̇ад̇аа . д̇асмаа саб̣б̣з д̇з д̇хаммз згад̇о гад̇ваа аяам̣ вужжад̇и, бхигкавз, чанд̣̇асамаад̇хиббад̇хаанасан̇каарасаманнааг̇ад̇о ид̣̇д̇хибаад̣̇од̇и вуд̇д̇ам̣. ид̣̇д̇хибаад̣̇авибхан̇г̇з (вибха. 437) бана ‘‘яо д̇ат̇аабхууд̇асса взд̣̇анаагканд̇хо д̇иаад̣̇инаа наязна имзхи д̇хаммзхи саманнааг̇ад̇аа сзсааруубино д̇хаммаа ид̣̇д̇хибаад̣̇аад̇и вуд̇д̇аа.
825. Tatiye chandanti kattukamyatāchandaṃ. Nissāyāti nissayaṃ katvā, adhipatiṃ katvāti attho. Padhānasaṅkhārāti padhānabhūtā saṅkhārā, catukiccasādhakasammappadhānavīriyassetaṃ adhivacanaṃ. Iti ayañca chandotiādīsu chando chandasamādhinā ceva padhānasaṅkhārehi ca, chandasamādhi chandena ceva padhānasaṅkhārehi ca, padhānasaṅkhārāpi chandena ceva chandasamādhinā ca samannāgatā . Tasmā sabbe te dhamme ekato katvā ayaṃ vuccati, bhikkhave, chandasamādhippadhānasaṅkhārasamannāgato iddhipādoti vuttaṃ. Iddhipādavibhaṅge (vibha. 437) pana ‘‘yo tathābhūtassa vedanākkhandho tiādinā nayena imehi dhammehi samannāgatā sesaarūpino dhammā iddhipādāti vuttā.
абижа имзби д̇аяо д̇хаммаа ид̣̇д̇хийби хонд̇и ид̣̇д̇хибаад̣̇ааби. гат̇ам̣? чанд̣̇ан̃хи бхааваяад̇о чанд̣̇о ид̣̇д̇хи наама ход̇и, самаад̇хиббад̇хаанасан̇каараа чанд̣̇ид̣̇д̇хибаад̣̇о наама. самаад̇хим̣ бхаавзнд̇асса самаад̇хи ид̣̇д̇хи наама ход̇и, чанд̣̇аббад̇хаанасан̇каараа самаад̇хид̣̇д̇хияаа баад̣̇о наама. бад̇хаанасан̇каарз бхаавзнд̇асса бад̇хаанасан̇каараа ид̣̇д̇хи наама ход̇и, чанд̣̇асамаад̇хи бад̇хаанасан̇каарид̣̇д̇хияаа баад̣̇о наама, самбаяуд̇д̇ад̇хаммзсу хи згасмим̣ иж̇жхамаанз сзсааби иж̇жханд̇иязва.
Apica imepi tayo dhammā iddhīpi honti iddhipādāpi. Kathaṃ? Chandañhi bhāvayato chando iddhi nāma hoti, samādhippadhānasaṅkhārā chandiddhipādo nāma. Samādhiṃ bhāventassa samādhi iddhi nāma hoti, chandappadhānasaṅkhārā samādhiddhiyā pādo nāma. Padhānasaṅkhāre bhāventassa padhānasaṅkhārā iddhi nāma hoti, chandasamādhi padhānasaṅkhāriddhiyā pādo nāma, sampayuttadhammesu hi ekasmiṃ ijjhamāne sesāpi ijjhantiyeva.
абижа д̇зсам̣ д̇зсам̣ д̇хаммаанам̣ буб̣б̣абхааг̇авасзнааби зд̇зсам̣ ид̣̇д̇хибаад̣̇ад̇аа взд̣̇ид̇аб̣б̣аа. батамаж̇жхаанан̃хи ид̣̇д̇хи наама, батамаж̇жхаанасса буб̣б̣абхааг̇абаригаммасамбаяуд̇д̇аа чанд̣̇аад̣̇аяо ид̣̇д̇хибаад̣̇о наама. зд̇знубааязна яаава нзвасан̃н̃аанаасан̃н̃ааяад̇анаа, ид̣̇д̇хивид̇хам̣ аад̣̇им̣ гад̇ваа яаава д̣̇иб̣б̣ажагкуабхин̃н̃аа, сод̇аабад̇д̇имаг̇г̇ам̣ аад̣̇им̣ гад̇ваа яаава арахад̇д̇амаг̇г̇аа наяо нзд̇аб̣б̣о. сзсид̣̇д̇хибаад̣̇зсуби зсзва наяо.
Apica tesaṃ tesaṃ dhammānaṃ pubbabhāgavasenāpi etesaṃ iddhipādatā veditabbā. Paṭhamajjhānañhi iddhi nāma, paṭhamajjhānassa pubbabhāgaparikammasampayuttā chandādayo iddhipādo nāma. Etenupāyena yāva nevasaññānāsaññāyatanā, iddhividhaṃ ādiṃ katvā yāva dibbacakkhuabhiññā, sotāpattimaggaṃ ādiṃ katvā yāva arahattamaggā nayo netabbo. Sesiddhipādesupi eseva nayo.
гзжи бана ‘‘аниб̣б̣ад̇д̇о чанд̣̇о ид̣̇д̇хибаад̣̇о’’д̇и вад̣̇анд̇и. ид̇ха д̇зсам̣ ваад̣̇амад̣̇д̣̇анад̇т̇ааяа абхид̇хаммз уд̇д̇аражуул̣авааро наама ааг̇ад̇о –
Keci pana ‘‘anibbatto chando iddhipādo’’ti vadanti. Idha tesaṃ vādamaddanatthāya abhidhamme uttaracūḷavāro nāma āgato –
‘‘жад̇д̇ааро ид̣̇д̇хибаад̣̇аа – чанд̣̇ид̣̇д̇хибаад̣̇о, вийрияид̣̇д̇хибаад̣̇о, жид̇д̇ид̣̇д̇хибаад̣̇о, виймам̣сид̣̇д̇хибаад̣̇о. д̇ад̇т̇а гад̇амо чанд̣̇ид̣̇д̇хибаад̣̇о? ид̇ха, бхигку, яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкаабадибад̣̇ам̣ д̣̇анд̇хаабхин̃н̃ам̣, яо д̇асмим̣ самаяз чанд̣̇о чанд̣̇игад̇аа гад̇д̇угамяад̇аа гусало д̇хаммажчанд̣̇о, аяам̣ вужжад̇и чанд̣̇ид̣̇д̇хибаад̣̇о. авасзсаа д̇хаммаа чанд̣̇ид̣̇д̇хибаад̣̇асамбаяуд̇д̇аа’’д̇и (вибха. 457-458).
‘‘Cattāro iddhipādā – chandiddhipādo, vīriyiddhipādo, cittiddhipādo, vīmaṃsiddhipādo. Tattha katamo chandiddhipādo? Idha, bhikkhu, yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhāpaṭipadaṃ dandhābhiññaṃ, yo tasmiṃ samaye chando chandikatā kattukamyatā kusalo dhammacchando, ayaṃ vuccati chandiddhipādo. Avasesā dhammā chandiddhipādasampayuttā’’ti (vibha. 457-458).
имз бана логуд̇д̇аравасзнзва ааг̇ад̇аа.
Ime pana lokuttaravaseneva āgatā.
д̇ад̇т̇а радтабаалад̇т̇зро чанд̣̇ам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси. сон̣ад̇т̇зро вийрияам̣ д̇хурам̣ гад̇ваа; самбхуд̇ад̇т̇зро жид̇д̇ам̣ д̇хурам̣ гад̇ваа, ааяасмаа могхарааж̇аа виймам̣сам̣ д̇хурам̣ гад̇ваад̇и. д̇ад̇т̇а яат̇аа жад̇уусу амажжабуд̇д̇зсу таананд̇арам̣ бад̇т̇зд̇ваа рааж̇аанам̣ убаниссааяа вихаранд̇зсу зго убадтаанз чанд̣̇аж̇аад̇о ран̃н̃о аж̇жхаасаяан̃жа ружин̃жа н̃ад̇ваа д̣̇иваа жа рад̇д̇о жа убадтаханд̇о рааж̇аанам̣ аараад̇хзд̇ваа таананд̇арам̣ баабун̣и. звам̣ чанд̣̇ад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о.
Tattha raṭṭhapālatthero chandaṃ dhuraṃ katvā lokuttaradhammaṃ nibbattesi. Soṇatthero vīriyaṃ dhuraṃ katvā; sambhutatthero cittaṃ dhuraṃ katvā, āyasmā mogharājā vīmaṃsaṃ dhuraṃ katvāti. Tattha yathā catūsu amaccaputtesu ṭhānantaraṃ patthetvā rājānaṃ upanissāya viharantesu eko upaṭṭhāne chandajāto rañño ajjhāsayañca ruciñca ñatvā divā ca ratto ca upaṭṭhahanto rājānaṃ ārādhetvā ṭhānantaraṃ pāpuṇi. Evaṃ chandadhurena lokuttaradhammanibbattako veditabbo.
зго бана – ‘‘д̣̇ивасз д̣̇ивасз убадтаад̇ум̣ на саггоми, уббаннз гижжз бараггамзна аараад̇хзссаамий’’д̇и губид̇з бажжанд̇з ран̃н̃аа бахид̇о бараггамзна сад̇д̇умад̣̇д̣̇анам̣ гад̇ваа баабун̣и. яат̇аа со, звам̣ вийрияад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о. зго ‘‘д̣̇ивасз д̣̇ивасз убадтаанамби урзна сад̇д̇исарасамбадижчанамби бхаароязва, манд̇аб̣алзна аараад̇хзссаамий’’д̇и кад̇д̇авиж̇ж̇ааяа гад̇абарижаяад̇д̇аа манд̇асам̣вид̇хаанзна рааж̇аанам̣ аараад̇хзд̇ваа баабун̣и. яат̇аа со, звам̣ жид̇д̇ад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о.
Eko pana – ‘‘divase divase upaṭṭhātuṃ na sakkomi, uppanne kicce parakkamena ārādhessāmī’’ti kupite paccante raññā pahito parakkamena sattumaddanaṃ katvā pāpuṇi. Yathā so, evaṃ vīriyadhurena lokuttaradhammanibbattako veditabbo. Eko ‘‘divase divase upaṭṭhānampi urena sattisarasampaṭicchanampi bhāroyeva, mantabalena ārādhessāmī’’ti khattavijjāya kataparicayattā mantasaṃvidhānena rājānaṃ ārādhetvā pāpuṇi. Yathā so, evaṃ cittadhurena lokuttaradhammanibbattako veditabbo.
абаро – ‘‘гим̣ имзхи убадтаанаад̣̇ийхи, рааж̇аано наама ж̇аад̇исамбаннасса таананд̇арам̣ д̣̇знд̇и, д̇аад̣̇исасса д̣̇знд̇о маяхам̣ д̣̇ассад̇ий’’д̇и ж̇аад̇исамбад̇д̇имзва ниссааяа таананд̇арам̣ баабун̣и. яат̇аа со, звам̣ субарисуд̣̇д̇хам̣ виймам̣сам̣ ниссааяа виймам̣сад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣од̇и. имасмим̣ суд̇д̇з виваддабаад̣̇агаид̣̇д̇хи гат̇ид̇аа.
Aparo – ‘‘kiṃ imehi upaṭṭhānādīhi, rājāno nāma jātisampannassa ṭhānantaraṃ denti, tādisassa dento mayhaṃ dassatī’’ti jātisampattimeva nissāya ṭhānantaraṃ pāpuṇi. Yathā so, evaṃ suparisuddhaṃ vīmaṃsaṃ nissāya vīmaṃsadhurena lokuttaradhammanibbattako veditabboti. Imasmiṃ sutte vivaṭṭapādakaiddhi kathitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. чанд̣̇асамаад̇хисуд̇д̇ам̣ • 3. Chandasamādhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. чанд̣̇асамаад̇хисуд̇д̇аван̣н̣анаа • 3. Chandasamādhisuttavaṇṇanā
