Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā)

    (૮) ૩. આનન્દવગ્ગો

    (8) 3. Ānandavaggo

    ૧. છન્નસુત્તવણ્ણના

    1. Channasuttavaṇṇanā

    ૭૨. તતિયસ્સ પઠમે છન્નપરિબ્બાજકોતિ ન નગ્ગપરિબ્બાજકો. બાહિરકસમયં લુઞ્ચિત્વા હરન્તોતિ બાહિરકાનં સમયં નિસેધેત્વા આપન્નો.

    72. Tatiyassa paṭhame channaparibbājakoti na naggaparibbājako. Bāhirakasamayaṃ luñcitvā harantoti bāhirakānaṃ samayaṃ nisedhetvā āpanno.

    પઞ્ઞાચક્ખુસ્સ વિબન્ધનતો અન્ધં કરોતીતિ અન્ધકરણોતિ આહ ‘‘યસ્સ રાગો ઉપ્પજ્જતી’’તિઆદિ. અચક્ખુકરણોતિ અસમત્થસમાસોયં ‘‘અસૂરિયપસ્સાનિ મુખાની’’તિઆદીસુ વિયાતિ આહ ‘‘પઞ્ઞાચક્ખું ન કરોતીતિ અચક્ખુકરણો’’તિ. પઞ્ઞાનિરોધિકોતિ અનુપ્પન્નાય લોકિયલોકુત્તરાય પઞ્ઞાય ઉપ્પજ્જિતું ન દેતિ, લોકિયપઞ્ઞં પન અટ્ઠસમાપત્તિપઞ્ચાભિઞ્ઞાવસેન ઉપ્પન્નમ્પિ સમુચ્છિન્દિત્વા ખિપતીતિ પઞ્ઞાનિરોધિકોતિ એવમ્પેત્થ અત્થો દટ્ઠબ્બો. અનુપ્પન્નાનુપ્પાદઉપ્પન્નપરિહાનિનિમિત્તતાય હિ પઞ્ઞં નિરોધેતીતિ પઞ્ઞાનિરોધિકો. વિહનતિ વિબાધતીતિ વિઘાતો, દુક્ખન્તિ આહ ‘‘દુક્ખસઙ્ખાતસ્સ વિઘાતસ્સા’’તિ. કિલેસનિબ્બાનન્તિ ઇમિના અસઙ્ખતનિબ્બાનમેવ વદતિ. અસઙ્ખતઞ્હિ નિબ્બાનં નામ, તં પચ્ચક્ખં કાતું ન દેતીતિ અનિબ્બાનસંવત્તનિકો. લોકુત્તરમિસ્સકો કથિતો પુબ્બભાગિયસ્સપિ અરિયમગ્ગસ્સ કથિતત્તા.

    Paññācakkhussa vibandhanato andhaṃ karotīti andhakaraṇoti āha ‘‘yassa rāgo uppajjatī’’tiādi. Acakkhukaraṇoti asamatthasamāsoyaṃ ‘‘asūriyapassāni mukhānī’’tiādīsu viyāti āha ‘‘paññācakkhuṃ na karotīti acakkhukaraṇo’’ti. Paññānirodhikoti anuppannāya lokiyalokuttarāya paññāya uppajjituṃ na deti, lokiyapaññaṃ pana aṭṭhasamāpattipañcābhiññāvasena uppannampi samucchinditvā khipatīti paññānirodhikoti evampettha attho daṭṭhabbo. Anuppannānuppādauppannaparihāninimittatāya hi paññaṃ nirodhetīti paññānirodhiko. Vihanati vibādhatīti vighāto, dukkhanti āha ‘‘dukkhasaṅkhātassa vighātassā’’ti. Kilesanibbānanti iminā asaṅkhatanibbānameva vadati. Asaṅkhatañhi nibbānaṃ nāma, taṃ paccakkhaṃ kātuṃ na detīti anibbānasaṃvattaniko. Lokuttaramissako kathito pubbabhāgiyassapi ariyamaggassa kathitattā.

    છન્નસુત્તવણ્ણના નિટ્ઠિતા.

    Channasuttavaṇṇanā niṭṭhitā.







    Related texts:



    તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. છન્નસુત્તં • 1. Channasuttaṃ

    અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. છન્નસુત્તવણ્ણના • 1. Channasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact