| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੮) ੩. ਆਨਨ੍ਦવਗ੍ਗੋ
(8) 3. Ānandavaggo
੧. ਛਨ੍ਨਸੁਤ੍ਤવਣ੍ਣਨਾ
1. Channasuttavaṇṇanā
੭੨. ਤਤਿਯਸ੍ਸ ਪਠਮੇ ਛਨ੍ਨਪਰਿਬ੍ਬਾਜਕੋਤਿ ਨ ਨਗ੍ਗਪਰਿਬ੍ਬਾਜਕੋ। ਬਾਹਿਰਕਸਮਯਂ ਲੁਞ੍ਚਿਤ੍વਾ ਹਰਨ੍ਤੋਤਿ ਬਾਹਿਰਕਾਨਂ ਸਮਯਂ ਨਿਸੇਧੇਤ੍વਾ ਆਪਨ੍ਨੋ।
72. Tatiyassa paṭhame channaparibbājakoti na naggaparibbājako. Bāhirakasamayaṃ luñcitvā harantoti bāhirakānaṃ samayaṃ nisedhetvā āpanno.
ਪਞ੍ਞਾਚਕ੍ਖੁਸ੍ਸ વਿਬਨ੍ਧਨਤੋ ਅਨ੍ਧਂ ਕਰੋਤੀਤਿ ਅਨ੍ਧਕਰਣੋਤਿ ਆਹ ‘‘ਯਸ੍ਸ ਰਾਗੋ ਉਪ੍ਪਜ੍ਜਤੀ’’ਤਿਆਦਿ। ਅਚਕ੍ਖੁਕਰਣੋਤਿ ਅਸਮਤ੍ਥਸਮਾਸੋਯਂ ‘‘ਅਸੂਰਿਯਪਸ੍ਸਾਨਿ ਮੁਖਾਨੀ’’ਤਿਆਦੀਸੁ વਿਯਾਤਿ ਆਹ ‘‘ਪਞ੍ਞਾਚਕ੍ਖੁਂ ਨ ਕਰੋਤੀਤਿ ਅਚਕ੍ਖੁਕਰਣੋ’’ਤਿ। ਪਞ੍ਞਾਨਿਰੋਧਿਕੋਤਿ ਅਨੁਪ੍ਪਨ੍ਨਾਯ ਲੋਕਿਯਲੋਕੁਤ੍ਤਰਾਯ ਪਞ੍ਞਾਯ ਉਪ੍ਪਜ੍ਜਿਤੁਂ ਨ ਦੇਤਿ, ਲੋਕਿਯਪਞ੍ਞਂ ਪਨ ਅਟ੍ਠਸਮਾਪਤ੍ਤਿਪਞ੍ਚਾਭਿਞ੍ਞਾવਸੇਨ ਉਪ੍ਪਨ੍ਨਮ੍ਪਿ ਸਮੁਚ੍ਛਿਨ੍ਦਿਤ੍વਾ ਖਿਪਤੀਤਿ ਪਞ੍ਞਾਨਿਰੋਧਿਕੋਤਿ ਏવਮ੍ਪੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਅਨੁਪ੍ਪਨ੍ਨਾਨੁਪ੍ਪਾਦਉਪ੍ਪਨ੍ਨਪਰਿਹਾਨਿਨਿਮਿਤ੍ਤਤਾਯ ਹਿ ਪਞ੍ਞਂ ਨਿਰੋਧੇਤੀਤਿ ਪਞ੍ਞਾਨਿਰੋਧਿਕੋ। વਿਹਨਤਿ વਿਬਾਧਤੀਤਿ વਿਘਾਤੋ, ਦੁਕ੍ਖਨ੍ਤਿ ਆਹ ‘‘ਦੁਕ੍ਖਸਙ੍ਖਾਤਸ੍ਸ વਿਘਾਤਸ੍ਸਾ’’ਤਿ। ਕਿਲੇਸਨਿਬ੍ਬਾਨਨ੍ਤਿ ਇਮਿਨਾ ਅਸਙ੍ਖਤਨਿਬ੍ਬਾਨਮੇવ વਦਤਿ। ਅਸਙ੍ਖਤਞ੍ਹਿ ਨਿਬ੍ਬਾਨਂ ਨਾਮ, ਤਂ ਪਚ੍ਚਕ੍ਖਂ ਕਾਤੁਂ ਨ ਦੇਤੀਤਿ ਅਨਿਬ੍ਬਾਨਸਂવਤ੍ਤਨਿਕੋ। ਲੋਕੁਤ੍ਤਰਮਿਸ੍ਸਕੋ ਕਥਿਤੋ ਪੁਬ੍ਬਭਾਗਿਯਸ੍ਸਪਿ ਅਰਿਯਮਗ੍ਗਸ੍ਸ ਕਥਿਤਤ੍ਤਾ।
Paññācakkhussa vibandhanato andhaṃ karotīti andhakaraṇoti āha ‘‘yassa rāgo uppajjatī’’tiādi. Acakkhukaraṇoti asamatthasamāsoyaṃ ‘‘asūriyapassāni mukhānī’’tiādīsu viyāti āha ‘‘paññācakkhuṃ na karotīti acakkhukaraṇo’’ti. Paññānirodhikoti anuppannāya lokiyalokuttarāya paññāya uppajjituṃ na deti, lokiyapaññaṃ pana aṭṭhasamāpattipañcābhiññāvasena uppannampi samucchinditvā khipatīti paññānirodhikoti evampettha attho daṭṭhabbo. Anuppannānuppādauppannaparihāninimittatāya hi paññaṃ nirodhetīti paññānirodhiko. Vihanati vibādhatīti vighāto, dukkhanti āha ‘‘dukkhasaṅkhātassa vighātassā’’ti. Kilesanibbānanti iminā asaṅkhatanibbānameva vadati. Asaṅkhatañhi nibbānaṃ nāma, taṃ paccakkhaṃ kātuṃ na detīti anibbānasaṃvattaniko. Lokuttaramissako kathito pubbabhāgiyassapi ariyamaggassa kathitattā.
ਛਨ੍ਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Channasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਛਨ੍ਨਸੁਤ੍ਤਂ • 1. Channasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਛਨ੍ਨਸੁਤ੍ਤવਣ੍ਣਨਾ • 1. Channasuttavaṇṇanā
