| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. чанноваад̣̇асуд̇д̇аван̣н̣анаа
2. Channovādasuttavaṇṇanā
389. звам̣ мз суд̇анд̇и чанноваад̣̇асуд̇д̇ам̣. д̇ад̇т̇а чаннод̇и звам̣наамаго т̇зро, на абхинигкаманам̣ нигканд̇ад̇т̇зро. бадисаллаанаад̇и паласамаабад̇д̇ид̇о. г̇илаанабужчагаад̇и г̇илаанубадтаанам̣ наама б̣уд̣̇д̇хаван̣н̣ид̇ам̣, д̇асмаа звамааха. сад̇т̇анд̇и ж̇ийвид̇ахаарагасад̇т̇ам̣. нааваган̇каамийд̇и ижчаами.
389.Evaṃme sutanti channovādasuttaṃ. Tattha channoti evaṃnāmako thero, na abhinikkhamanaṃ nikkhantatthero. Paṭisallānāti phalasamāpattito. Gilānapucchakāti gilānupaṭṭhānaṃ nāma buddhavaṇṇitaṃ, tasmā evamāha. Satthanti jīvitahārakasatthaṃ. Nāvakaṅkhāmīti icchāmi.
390. анубаваж̇ж̇анд̇и ануббад̇д̇игам̣ аббадисанд̇хигам̣.
390.Anupavajjanti anuppattikaṃ appaṭisandhikaṃ.
391. зд̇ам̣ мамаад̇иаад̣̇ийни д̇ан̣хаамаанад̣̇идтиг̇аахавасзна вуд̇д̇аани. нирод̇хам̣ д̣̇исваад̇и каяаваяам̣ н̃ад̇ваа. нзд̇ам̣ мама нзсохамасми на мзсо ад̇д̇аад̇и саманубассаамийд̇и анижжам̣ д̣̇угкам̣ анад̇д̇аад̇и саманубассаами.
391.Etaṃ mamātiādīni taṇhāmānadiṭṭhigāhavasena vuttāni. Nirodhaṃ disvāti khayavayaṃ ñatvā. Netaṃ mama nesohamasmi na meso attāti samanupassāmīti aniccaṃ dukkhaṃ anattāti samanupassāmi.
393. д̇асмаад̇и яасмаа мааран̣анд̇игавзд̣̇анам̣ ад̇хиваасзд̇ум̣ асаггонд̇о сад̇т̇ам̣ аахараамийд̇и вад̣̇ад̇и, д̇асмаа. бут̇уж̇ж̇ано ааяасмаа, д̇зна ид̣̇амби манаси гарохийд̇и д̣̇ийбзд̇и. нижжагаббанд̇и нижжагаалам̣. ниссид̇ассаад̇и д̇ан̣хаад̣̇идтийхи ниссид̇асса. жалид̇анд̇и вибпанд̣̇ид̇ам̣ ход̇и. бассад̣̇д̇хийд̇и гааяажид̇д̇абассад̣̇д̇хи, гилзсабассад̣̇д̇хи наама ход̇ийд̇и ад̇т̇о. над̇ийд̇и д̇ан̣хаанад̇и. над̇ияаа асад̇ийд̇и бхавад̇т̇ааяа аалаяаниганд̇ибарияудтаанзсу асад̇и. ааг̇ад̇иг̇ад̇и на ход̇ийд̇и бадисанд̇хивасзна ааг̇ад̇и наама на ход̇и, жуд̇ивасзна г̇аманам̣ наама на ход̇и. жуд̇уубабаад̇од̇и жаванавасзна жуд̇и, убабаж̇ж̇анавасзна убабаад̇о. нзвид̇ха на хурам̣ на убхаяаманд̇арзнаад̇и наяид̇ха логз, на баралогз, на убхаяад̇т̇а ход̇и. зсзванд̇о д̣̇угкассаад̇и ваддад̣̇угкагилзсад̣̇угкасса аяамзва анд̇о аяам̣ барижчзд̣̇о баривадумабхааво ход̇и. аяамзва хи зд̇т̇а ад̇т̇о. яз бана ‘‘на убхаяаманд̇арзнаа’’д̇и важанам̣ г̇ахзд̇ваа анд̇араабхавам̣ ижчанд̇и, д̇зсам̣ уд̇д̇арам̣ хздтаа вуд̇д̇амзва.
393.Tasmāti yasmā māraṇantikavedanaṃ adhivāsetuṃ asakkonto satthaṃ āharāmīti vadati, tasmā. Puthujjano āyasmā, tena idampi manasi karohīti dīpeti. Niccakappanti niccakālaṃ. Nissitassāti taṇhādiṭṭhīhi nissitassa. Calitanti vipphanditaṃ hoti. Passaddhīti kāyacittapassaddhi, kilesapassaddhi nāma hotīti attho. Natīti taṇhānati. Natiyā asatīti bhavatthāya ālayanikantipariyuṭṭhānesu asati. Āgatigati na hotīti paṭisandhivasena āgati nāma na hoti, cutivasena gamanaṃ nāma na hoti. Cutūpapātoti cavanavasena cuti, upapajjanavasena upapāto. Nevidha na huraṃ na ubhayamantarenāti nayidha loke, na paraloke, na ubhayattha hoti. Esevanto dukkhassāti vaṭṭadukkhakilesadukkhassa ayameva anto ayaṃ paricchedo parivaṭumabhāvo hoti. Ayameva hi ettha attho. Ye pana ‘‘na ubhayamantarenā’’ti vacanaṃ gahetvā antarābhavaṃ icchanti, tesaṃ uttaraṃ heṭṭhā vuttameva.
394. сад̇т̇ам̣ аахарзсийд̇и ж̇ийвид̇ахаарагам̣ сад̇т̇ам̣ аахари, ган̣танаал̣им̣ чинд̣̇и. ат̇асса д̇асмим̣ кан̣з маран̣абхаяам̣ оггами, г̇ад̇инимид̇д̇ам̣ убадтааси. со ад̇д̇ано бут̇уж̇ж̇анабхаавам̣ н̃ад̇ваа сам̣виг̇г̇о вибассанам̣ бадтабзд̇ваа сан̇каарз бариг̇г̇ан̣ханд̇о арахад̇д̇ам̣ бад̇ваа самасийсий худ̇ваа бариниб̣б̣ааяи. саммукааязва анубаваж̇ж̇ад̇аа б̣яаагад̇аад̇и гин̃жааби ид̣̇ам̣ т̇зрасса бут̇уж̇ж̇анагаалз б̣яаагаран̣ам̣ ход̇и, зд̇зна бана б̣яаагаран̣зна ананд̇арааяамасса бариниб̣б̣аанам̣ ахоси. д̇асмаа бхаг̇аваа д̇амзва б̣яаагаран̣ам̣ г̇ахзд̇ваа гат̇зси. убаваж̇ж̇агулаанийд̇и убасан̇гамид̇аб̣б̣агулаани. иминаа т̇зро, – ‘‘бханд̇з, звам̣ убадтаагзсу жа убадтааяигаасу жа виж̇ж̇амаанаасу со бхигку д̇умхаагам̣ саасанз бариниб̣б̣ааяиссад̇ий’’д̇и бужчад̇и. ат̇асса бхаг̇аваа гулзсу сам̣саг̇г̇аабхаавам̣ д̣̇ийбзнд̇о хонд̇и хзд̇з саарибуд̇д̇аад̇иаад̣̇имааха. имасмим̣ гира таанз т̇зрасса гулзсу асам̣садтабхааво баагадо ахоси. сзсам̣ саб̣б̣ад̇т̇а уд̇д̇аанамзваад̇и.
394.Satthaṃ āharesīti jīvitahārakaṃ satthaṃ āhari, kaṇṭhanāḷiṃ chindi. Athassa tasmiṃ khaṇe maraṇabhayaṃ okkami, gatinimittaṃ upaṭṭhāsi. So attano puthujjanabhāvaṃ ñatvā saṃviggo vipassanaṃ paṭṭhapetvā saṅkhāre pariggaṇhanto arahattaṃ patvā samasīsī hutvā parinibbāyi. Sammukhāyeva anupavajjatā byākatāti kiñcāpi idaṃ therassa puthujjanakāle byākaraṇaṃ hoti, etena pana byākaraṇena anantarāyamassa parinibbānaṃ ahosi. Tasmā bhagavā tameva byākaraṇaṃ gahetvā kathesi. Upavajjakulānīti upasaṅkamitabbakulāni. Iminā thero, – ‘‘bhante, evaṃ upaṭṭhākesu ca upaṭṭhāyikāsu ca vijjamānāsu so bhikkhu tumhākaṃ sāsane parinibbāyissatī’’ti pucchati. Athassa bhagavā kulesu saṃsaggābhāvaṃ dīpento honti hete sāriputtātiādimāha. Imasmiṃ kira ṭhāne therassa kulesu asaṃsaṭṭhabhāvo pākaṭo ahosi. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
чанноваад̣̇асуд̇д̇аван̣н̣анаа нидтид̇аа.
Channovādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. чанноваад̣̇асуд̇д̇ам̣ • 2. Channovādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. чанноваад̣̇асуд̇д̇аван̣н̣анаа • 2. Channovādasuttavaṇṇanā
