часагяабаб̣б̣аж̇ж̇аагат̇аад̣̇иван̣н̣анаа

Chasakyapabbajjākathādivaṇṇanā

330. сан̇гхабхзд̣̇агагканд̇хагз баал̣ияам̣ анубияам̣ наамаад̇и анубияаа наама. хздтаа баасаад̣̇аад̇и баасаад̣̇ад̇о хздтаа хздтимад̇алам̣, ‘‘хздтаабаасаад̣̇а’’нд̇иби баато. абхинзд̇аб̣б̣анд̇и вабид̇акзд̇д̇зсу бавзсзд̇аб̣б̣ам̣. ниннзд̇аб̣б̣анд̇и д̇ад̇о нийхарид̇аб̣б̣ам̣. нид̣̇д̇хаабзд̇аб̣б̣анд̇и сассад̣̇уусагад̇ин̣аад̣̇ийни уд̣̇д̇харид̇аб̣б̣ам̣. уж̇ум̣ гаараабзд̇аб̣б̣анд̇и бун̃ж̇ам̣ гаараабзд̇аб̣б̣ам̣, аяамзва ваа баато.

330. Saṅghabhedakakkhandhake pāḷiyaṃ anupiyaṃ nāmāti anupiyā nāma. Heṭṭhā pāsādāti pāsādato heṭṭhā heṭṭhimatalaṃ, ‘‘heṭṭhāpāsāda’’ntipi pāṭho. Abhinetabbanti vapitakhettesu pavesetabbaṃ. Ninnetabbanti tato nīharitabbaṃ. Niddhāpetabbanti sassadūsakatiṇādīni uddharitabbaṃ. Ujuṃ kārāpetabbanti puñjaṃ kārāpetabbaṃ, ayameva vā pāṭho.

332. барад̣̇ад̇д̇од̇и барзхи д̣̇иннабажжаязхи бавад̇д̇амаано. миг̇абхууд̇зна жзд̇асаад̇и гад̇т̇ажи алаг̇г̇ад̇ааяа миг̇асса вияа ж̇аад̇зна жид̇д̇зна.

332.Paradattoti parehi dinnapaccayehi pavattamāno. Migabhūtena cetasāti katthaci alaggatāya migassa viya jātena cittena.

333. маномаяам̣ гааяанд̇и жхаанаманзна ниб̣б̣ад̇д̇ам̣ б̣рахмагааяам̣, ‘‘гим̣ ну ко ахам̣ басаад̣̇зяяам̣, яасмим̣ мз басаннз б̣ахулаабхасаггааро уббаж̇ж̇зяяаа’’д̇и батамам̣ уббаннабаривид̇аггасса манд̣̇абарияудтаанад̇ааяа д̣̇звад̣̇ад̇д̇асса д̇асмим̣ кан̣з жхаанабарихаани наахоси, бажчаа зва ахосийд̇и д̣̇адтаб̣б̣ам̣. д̇знааха ‘‘саха жид̇д̇уббаад̣̇аа’’д̇иаад̣̇и. д̣̇вз ваа д̇ийн̣и ваа мааг̇ад̇хагаани г̇аамакзд̇д̇аанийд̇и зд̇т̇а маг̇ад̇харадтз куд̣̇д̣̇агам̣ г̇аамакзд̇д̇ам̣ г̇аавуд̇амад̇д̇ам̣, маж̇жхимам̣ бана д̣̇ияад̣дхаг̇аавуд̇амад̇д̇ам̣, маханд̇ам̣ анзгаяож̇анамби ход̇и. д̇зсу маж̇жхимзна г̇аамакзд̇д̇зна д̣̇вз ваа куд̣̇д̣̇агзна д̇ийн̣и ваа г̇аамакзд̇д̇аани, д̇асса сарийрам̣ д̇иг̇аавуд̇аббамаан̣о ад̇д̇абхаавод̇и вуд̇д̇ам̣ ход̇и.

333.Manomayaṃ kāyanti jhānamanena nibbattaṃ brahmakāyaṃ, ‘‘kiṃ nu kho ahaṃ pasādeyyaṃ, yasmiṃ me pasanne bahulābhasakkāro uppajjeyyā’’ti paṭhamaṃ uppannaparivitakkassa mandapariyuṭṭhānatāya devadattassa tasmiṃ khaṇe jhānaparihāni nāhosi, pacchā eva ahosīti daṭṭhabbaṃ. Tenāha ‘‘saha cittuppādā’’tiādi. Dve vā tīṇi vā māgadhakāni gāmakhettānīti ettha magadharaṭṭhe khuddakaṃ gāmakhettaṃ gāvutamattaṃ, majjhimaṃ pana diyaḍḍhagāvutamattaṃ, mahantaṃ anekayojanampi hoti. Tesu majjhimena gāmakhettena dve vā khuddakena tīṇi vā gāmakhettāni, tassa sarīraṃ tigāvutappamāṇo attabhāvoti vuttaṃ hoti.

334. сад̇т̇аарод̇и г̇ан̣асад̇т̇ааро. наассассаад̇и на зд̇асса бхавзяяа. д̇анд̇и сад̇т̇аарам̣. д̇знаад̇и аманаабзна. самманнад̇ийд̇и жийвараад̣̇инаа амхаагам̣ саммаанам̣ гарод̇и, барзхи ваа аяам̣ сад̇т̇аа саммаанийяад̇ийд̇и ад̇т̇о.

334.Satthāroti gaṇasatthāro. Nāssassāti na etassa bhaveyya. Tanti satthāraṃ. Tenāti amanāpena. Sammannatīti cīvarādinā amhākaṃ sammānaṃ karoti, parehi vā ayaṃ satthā sammānīyatīti attho.

335. наасааяа бид̇д̇ам̣ бхинд̣̇зяяунд̇и ажчабид̇д̇ам̣ ваа мажчабид̇д̇ам̣ ваа наасаабудз багкибзяяум̣. ассад̇арийд̇и вал̣авааяа гужчисмим̣ г̇ад̣̇рабхасса ж̇аад̇аа. д̇ассаа хи г̇ахид̇аг̇аб̣бхааяа виж̇ааяид̇умасаггонд̇ияаа уд̣̇арам̣ паалзд̇ваа бод̇агам̣ нийхаранд̇и. д̇знааха ‘‘ад̇д̇авад̇хааяа г̇аб̣бхам̣ г̇ан̣хаад̇ий’’д̇и.

335.Nāsāyapittaṃ bhindeyyunti acchapittaṃ vā macchapittaṃ vā nāsāpuṭe pakkhipeyyuṃ. Assatarīti vaḷavāya kucchismiṃ gadrabhassa jātā. Tassā hi gahitagabbhāya vijāyitumasakkontiyā udaraṃ phāletvā potakaṃ nīharanti. Tenāha ‘‘attavadhāya gabbhaṃ gaṇhātī’’ti.

339. бод̇т̇аниганд̇и чуригам̣, ‘‘кара’’нд̇иби вужжад̇и.

339.Potthanikanti churikaṃ, ‘‘khara’’ntipi vuccati.

342. маа гун̃ж̇ара нааг̇амаасад̣̇од̇и хз гун̃ж̇ара б̣уд̣̇д̇ханааг̇ам̣ вад̇хагажид̇д̇зна маа убаг̇ажча. д̣̇угканд̇и д̣̇угкагааран̣ад̇д̇аа д̣̇угкам̣. ид̇од̇и ид̇о ж̇аад̇ид̇о. яад̇од̇и яасмаа, яанд̇асса ваа, г̇ажчанд̇ассаад̇и ад̇т̇о. маа жа мад̣̇од̇и мад̣̇о д̇аяаа на гаад̇аб̣б̣од̇и ад̇т̇о.

342.Mākuñjara nāgamāsadoti he kuñjara buddhanāgaṃ vadhakacittena mā upagaccha. Dukkhanti dukkhakāraṇattā dukkhaṃ. Itoti ito jātito. Yatoti yasmā, yantassa vā, gacchantassāti attho. Mā ca madoti mado tayā na kātabboti attho.

343. д̇игабхож̇ананд̇и д̇ийхи бхун̃ж̇ид̇аб̣б̣ам̣ бхож̇анам̣, д̇ад̇о ад̇хигзхи згад̇о бадиг̇г̇ахзд̇ваа бхун̃ж̇ид̇ум̣ на вадданагам̣ г̇ан̣абхож̇анабадибагкам̣ бхож̇ананд̇и ад̇т̇о. гогаалигод̇иаад̣̇ийни д̣̇звад̣̇ад̇д̇абарисааяа г̇ан̣абаамогкаанам̣ наамаани. габбанд̇и махаанираяз ааяугаббам̣, д̇ам̣ анд̇арагаббанд̇и гзжи. гзжи бана ‘‘асан̇кязяяагабба’’нд̇и.

343.Tikabhojananti tīhi bhuñjitabbaṃ bhojanaṃ, tato adhikehi ekato paṭiggahetvā bhuñjituṃ na vaṭṭanakaṃ gaṇabhojanapaṭipakkhaṃ bhojananti attho. Kokālikotiādīni devadattaparisāya gaṇapāmokkhānaṃ nāmāni. Kappanti mahāniraye āyukappaṃ, taṃ antarakappanti keci. Keci pana ‘‘asaṅkhyeyyakappa’’nti.

часагяабаб̣б̣аж̇ж̇аагат̇аад̣̇иван̣н̣анаа нидтид̇аа.

Chasakyapabbajjākathādivaṇṇanā niṭṭhitā.

Next: сан̇гхабхзд̣̇агагат̇ааван̣н̣анаа • Saṅghabhedakakathāvaṇṇanā

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā
часагяабаб̣б̣аж̇ж̇аагат̇аа • Chasakyapabbajjākathā
багаасанийяагаммаад̣̇игат̇аа • Pakāsanīyakammādikathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
бан̃жасад̇т̇угат̇ааван̣н̣анаа • Pañcasatthukathāvaṇṇanā
наал̣ааг̇ирибзсанагат̇ааван̣н̣анаа • Nāḷāgiripesanakathāvaṇṇanā
бан̃жавад̇т̇уяаажанагат̇ааван̣н̣анаа • Pañcavatthuyācanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
часагяабаб̣б̣аж̇ж̇аагат̇аа • Chasakyapabbajjākathā
багаасанийяагаммаад̣̇игат̇аа • Pakāsanīyakammādikathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact