| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
6. чадтасигкаабад̣̇ам̣
6. Chaṭṭhasikkhāpadaṃ
758. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна убаасагаа бхигкунисан̇гхасса жийварад̇т̇ааяа чанд̣̇агам̣ сан̇гхарид̇ваа ан̃н̃ад̇арасса баавааригасса гхарз баригкаарам̣ нигкибид̇ваа бхигкунияо убасан̇гамид̇ваа зд̇ад̣̇авожум̣ – ‘‘амугасса, аяяз, баавааригасса гхарз жийварад̇т̇ааяа баригкааро нигкид̇д̇о, д̇ад̇о жийварам̣ аахараабзд̇ваа бхааж̇зт̇аа’’д̇и. бхигкунияо д̇зна баригкаарзна бхзсаж̇ж̇ам̣ жзд̇аабзд̇ваа барибхун̃ж̇им̣су. убаасагаа ж̇аанид̇ваа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабзссанд̇ий’’д̇и! ассосум̣ ко бхигкунияо д̇зсам̣ убаасагаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа …бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабзссанд̇ий’’д̇и…бз… сажжам̣ гира, бхигкавз, бхигкунияо ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабзнд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабзссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
758. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena upāsakā bhikkhunisaṅghassa cīvaratthāya chandakaṃ saṅgharitvā aññatarassa pāvārikassa ghare parikkhāraṃ nikkhipitvā bhikkhuniyo upasaṅkamitvā etadavocuṃ – ‘‘amukassa, ayye, pāvārikassa ghare cīvaratthāya parikkhāro nikkhitto, tato cīvaraṃ āharāpetvā bhājethā’’ti. Bhikkhuniyo tena parikkhārena bhesajjaṃ cetāpetvā paribhuñjiṃsu. Upāsakā jānitvā ujjhāyanti khiyyanti vipācenti – ‘‘kathañhi nāma bhikkhuniyo aññadatthikena parikkhārena aññuddisikena saṅghikena aññaṃ cetāpessantī’’ti! Assosuṃ kho bhikkhuniyo tesaṃ upāsakānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā …pe… tā ujjhāyanti khiyyanti vipācenti – ‘‘kathañhi nāma bhikkhuniyo aññadatthikena parikkhārena aññuddisikena saṅghikena aññaṃ cetāpessantī’’ti…pe… saccaṃ kira, bhikkhave, bhikkhuniyo aññadatthikena parikkhārena aññuddisikena saṅghikena aññaṃ cetāpentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo aññadatthikena parikkhārena aññuddisikena saṅghikena aññaṃ cetāpessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
759. ‘‘яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияа’’нд̇и.
759.‘‘Yā pana bhikkhunī aññadatthikena parikkhārena aññuddisikena saṅghikena aññaṃ cetāpeyya, nissaggiyaṃ pācittiya’’nti.
760. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
760.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзнаад̇и ан̃н̃ассад̇т̇ааяа д̣̇иннзна.
Aññadatthikena parikkhārena aññuddisikenāti aññassatthāya dinnena.
сан̇гхигзнаад̇и сан̇гхасса, на г̇ан̣асса, на згабхигкунияаа.
Saṅghikenāti saṅghassa, na gaṇassa, na ekabhikkhuniyā.
ан̃н̃ам̣ жзд̇аабзяяаад̇и яам̣ад̇т̇ааяа д̣̇иннам̣, д̇ам̣ табзд̇ваа ан̃н̃ам̣ жзд̇аабзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа згабхигкунияаа ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ‘‘ид̣̇ам̣ мз, аяяз, ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна сан̇гхигзна ан̃н̃ам̣ жзд̇аабид̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и.…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… аяяааяа д̣̇аммийд̇и.
Aññaṃ cetāpeyyāti yaṃatthāya dinnaṃ, taṃ ṭhapetvā aññaṃ cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me, ayye, aññadatthikena parikkhārena aññuddisikena saṅghikena aññaṃ cetāpitaṃ nissaggiyaṃ, imāhaṃ saṅghassa nissajjāmī’’ti.…Pe… dadeyyāti…pe… dadeyyunti…pe… ayyāya dammīti.
761. ан̃н̃ад̣̇ад̇т̇игз ан̃н̃ад̣̇ад̇т̇игасан̃н̃аа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияам̣. ан̃н̃ад̣̇ад̇т̇игз взмад̇игаа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияам̣. ан̃н̃ад̣̇ад̇т̇игз анан̃н̃ад̣̇ад̇т̇игасан̃н̃аа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияам̣. ниссадтам̣ бадилабхид̇ваа яат̇аад̣̇аанз убанзд̇аб̣б̣ам̣.
761. Aññadatthike aññadatthikasaññā aññaṃ cetāpeti, nissaggiyaṃ pācittiyaṃ. Aññadatthike vematikā aññaṃ cetāpeti, nissaggiyaṃ pācittiyaṃ. Aññadatthike anaññadatthikasaññā aññaṃ cetāpeti, nissaggiyaṃ pācittiyaṃ. Nissaṭṭhaṃ paṭilabhitvā yathādāne upanetabbaṃ.
анан̃н̃ад̣̇ад̇т̇игз ан̃н̃ад̣̇ад̇т̇игасан̃н̃аа, аабад̇д̇и д̣̇уггадасса. анан̃н̃ад̣̇ад̇т̇игз взмад̇игаа, аабад̇д̇и д̣̇уггадасса. анан̃н̃ад̣̇ад̇т̇игз анан̃н̃ад̣̇ад̇т̇игасан̃н̃аа, анаабад̇д̇и.
Anaññadatthike aññadatthikasaññā, āpatti dukkaṭassa. Anaññadatthike vematikā, āpatti dukkaṭassa. Anaññadatthike anaññadatthikasaññā, anāpatti.
762. анаабад̇д̇и сзсагам̣ убанзд̇и, саамигз абалогзд̇ваа убанзд̇и, аабад̣̇аасу, уммад̇д̇игааяа, аад̣̇игаммигааяаад̇и.
762. Anāpatti sesakaṃ upaneti, sāmike apaloketvā upaneti, āpadāsu, ummattikāya, ādikammikāyāti.
чадтасигкаабад̣̇ам̣ нидтид̇ам̣.
Chaṭṭhasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / чадтаниссаг̇г̇ияабаажид̇д̇ияасигкаабад̣̇аван̣н̣анаа • Chaṭṭhanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. чадтаниссаг̇г̇ияабаажид̇д̇ияасигкаабад̣̇аван̣н̣анаа • 6. Chaṭṭhanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. чадтаниссаг̇г̇ияабаажид̇д̇ияасигкаабад̣̇ам̣ • 6. Chaṭṭhanissaggiyapācittiyasikkhāpadaṃ
