Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
9. чад̇д̇убааханаваг̇г̇о
9. Chattupāhanavaggo
1. чад̇д̇убааханасигкаабад̣̇аван̣н̣анаа
1. Chattupāhanasikkhāpadavaṇṇanā
чад̇д̇аваг̇г̇асса батамз чад̇д̇убаахананд̇и бад̣̇абхааж̇анз (баажи. 1178-1182) вуд̇д̇алагкан̣ам̣ чад̇д̇ан̃жа убааханааяо жа. д̇хаарзяяаад̇и барибхог̇авасзна маг̇г̇аг̇аманз згаббаяог̇знзва д̣̇ивасамби д̇хаарзнд̇ияаа згаа аабад̇д̇и. сажз бана д̇аад̣̇исам̣ таанам̣ бад̇ваа чад̇д̇амби абанаамзд̇ваа убааханааби омун̃жид̇ваа бунаббунам̣ д̇хаарзд̇и, баяог̇аг̇ан̣анааяа баажид̇д̇ияам̣.
Chattavaggassa paṭhame chattupāhananti padabhājane (pāci. 1178-1182) vuttalakkhaṇaṃ chattañca upāhanāyo ca. Dhāreyyāti paribhogavasena maggagamane ekappayogeneva divasampi dhārentiyā ekā āpatti. Sace pana tādisaṃ ṭhānaṃ patvā chattampi apanāmetvā upāhanāpi omuñcitvā punappunaṃ dhāreti, payogagaṇanāya pācittiyaṃ.
саавад̇т̇ияам̣ чаб̣б̣аг̇г̇ияаа бхигкунияо аараб̣бха чад̇д̇убааханад̇хааран̣авад̇т̇усмим̣ бан̃н̃ад̇д̇ам̣, ‘‘аг̇илаанаа’’д̇и аяамзд̇т̇а анубан̃н̃ад̇д̇и , чад̇д̇ассзва убааханаанам̣язва ваа д̇хааран̣з д̣̇уггадам̣, аг̇илаанааяа д̇игабаажид̇д̇ияам̣, г̇илаанааяа д̣̇вигад̣̇уггадам̣. г̇илаанасан̃н̃ааяа бана, аараамз аараамуубажаарз д̇хаарзнд̇ияаа, аабад̣̇аасу, уммад̇д̇игаад̣̇ийнан̃жа анаабад̇д̇и. убхиннам̣ д̇хааран̣ам̣, анун̃н̃аад̇агааран̣аабхаавод̇и имаанзд̇т̇а д̣̇вз ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ chabbaggiyā bhikkhuniyo ārabbha chattupāhanadhāraṇavatthusmiṃ paññattaṃ, ‘‘agilānā’’ti ayamettha anupaññatti , chattasseva upāhanānaṃyeva vā dhāraṇe dukkaṭaṃ, agilānāya tikapācittiyaṃ, gilānāya dvikadukkaṭaṃ. Gilānasaññāya pana, ārāme ārāmūpacāre dhārentiyā, āpadāsu, ummattikādīnañca anāpatti. Ubhinnaṃ dhāraṇaṃ, anuññātakāraṇābhāvoti imānettha dve aṅgāni. Samuṭṭhānādīni eḷakalomasadisānīti.
чад̇д̇убааханасигкаабад̣̇аван̣н̣анаа нидтид̇аа.
Chattupāhanasikkhāpadavaṇṇanā niṭṭhitā.
2. яаанасигкаабад̣̇аван̣н̣анаа
2. Yānasikkhāpadavaṇṇanā
д̣̇уд̇ияз яаанзнаад̇и ваяхаад̣̇инаа. зд̇т̇ааби орохид̇ваа бунаббунам̣ абхируханд̇ияаа баяог̇аг̇ан̣анааяа баажид̇д̇ияам̣. анаабад̇д̇ияам̣ ‘‘аараамз аараамуубажаарз’’д̇и над̇т̇и, сзсам̣ батамз вуд̇д̇анаязнзва взд̣̇ид̇аб̣б̣анд̇и.
Dutiye yānenāti vayhādinā. Etthāpi orohitvā punappunaṃ abhiruhantiyā payogagaṇanāya pācittiyaṃ. Anāpattiyaṃ ‘‘ārāme ārāmūpacāre’’ti natthi, sesaṃ paṭhame vuttanayeneva veditabbanti.
яаанасигкаабад̣̇аван̣н̣анаа нидтид̇аа.
Yānasikkhāpadavaṇṇanā niṭṭhitā.
3. сан̇гхаан̣исигкаабад̣̇аван̣н̣анаа
3. Saṅghāṇisikkhāpadavaṇṇanā
д̇ад̇ияз сан̇гхаан̣инд̇и яам̣гин̃жи гадуубаг̇ам̣. д̇хаарзяяаад̇и гадияам̣ бадимун̃жзяяа. зд̇т̇ааби омун̃жид̇ваа омун̃жид̇ваа д̇хаарзнд̇ияаа баяог̇аг̇ан̣анааяа баажид̇д̇ияам̣.
Tatiye saṅghāṇinti yaṃkiñci kaṭūpagaṃ. Dhāreyyāti kaṭiyaṃ paṭimuñceyya. Etthāpi omuñcitvā omuñcitvā dhārentiyā payogagaṇanāya pācittiyaṃ.
саавад̇т̇ияам̣ ан̃н̃ад̇арам̣ бхигкуним̣ аараб̣бха сан̇гхаан̣им̣ д̇хааран̣авад̇т̇усмим̣ бан̃н̃ад̇д̇ам̣. ааб̣аад̇хабажжаяаа гадисуд̇д̇ам̣ д̇хаарзнд̇ияаа, уммад̇д̇игаад̣̇ийнан̃жа анаабад̇д̇и. сзсам̣ вуд̇д̇анаязнзва взд̣̇ид̇аб̣б̣ам̣, ид̣̇ам̣ бана агусалажид̇д̇анд̇и.
Sāvatthiyaṃ aññataraṃ bhikkhuniṃ ārabbha saṅghāṇiṃ dhāraṇavatthusmiṃ paññattaṃ. Ābādhapaccayā kaṭisuttaṃ dhārentiyā, ummattikādīnañca anāpatti. Sesaṃ vuttanayeneva veditabbaṃ, idaṃ pana akusalacittanti.
сан̇гхаан̣исигкаабад̣̇аван̣н̣анаа нидтид̇аа.
Saṅghāṇisikkhāpadavaṇṇanā niṭṭhitā.
4. ид̇т̇аалан̇гаарасигкаабад̣̇аван̣н̣анаа
4. Itthālaṅkārasikkhāpadavaṇṇanā
жад̇уд̇т̇з ид̇т̇аалан̇гааранд̇и сийсуубаг̇аад̣̇ийсу ан̃н̃ад̇арам̣ яам̣гин̃жи бил̣анд̇ханам̣. ид̇ха д̇асса д̇асса васзна вад̇т̇уг̇ан̣анааяа аабад̇д̇и взд̣̇ид̇аб̣б̣аа.
Catutthe itthālaṅkāranti sīsūpagādīsu aññataraṃ yaṃkiñci piḷandhanaṃ. Idha tassa tassa vasena vatthugaṇanāya āpatti veditabbā.
саавад̇т̇ияам̣ чаб̣б̣аг̇г̇ияаа бхигкунияо аараб̣бха ид̇т̇аалан̇гаарам̣ д̇хааран̣авад̇т̇усмим̣ бан̃н̃ад̇д̇ам̣, ааб̣аад̇хабажжаяаа гин̃жид̣̇зва д̇хаарзнд̇ияаа, уммад̇д̇игаад̣̇ийнан̃жа анаабад̇д̇и. сзсам̣ вуд̇д̇асад̣̇исамзваад̇и.
Sāvatthiyaṃ chabbaggiyā bhikkhuniyo ārabbha itthālaṅkāraṃ dhāraṇavatthusmiṃ paññattaṃ, ābādhapaccayā kiñcideva dhārentiyā, ummattikādīnañca anāpatti. Sesaṃ vuttasadisamevāti.
ид̇т̇аалан̇гаарасигкаабад̣̇аван̣н̣анаа нидтид̇аа.
Itthālaṅkārasikkhāpadavaṇṇanā niṭṭhitā.
5. г̇анд̇хаван̣н̣агасигкаабад̣̇аван̣н̣анаа
5. Gandhavaṇṇakasikkhāpadavaṇṇanā
бан̃жамз г̇анд̇хаван̣н̣агзнаад̇и язнагзнажи г̇анд̇хзна жа ван̣н̣агзна жа. ид̇ха г̇анд̇хаад̣̇ияож̇анад̇о бадтааяа буб̣б̣абаяог̇з д̣̇уггадам̣, нахаанабарияосаанз баажид̇д̇ияам̣. ааб̣аад̇хабажжаяаа, уммад̇д̇игаад̣̇ийнан̃жа анаабад̇д̇и. сзсам̣ жад̇уд̇т̇асад̣̇исамзваад̇и.
Pañcame gandhavaṇṇakenāti yenakenaci gandhena ca vaṇṇakena ca. Idha gandhādiyojanato paṭṭhāya pubbapayoge dukkaṭaṃ, nahānapariyosāne pācittiyaṃ. Ābādhapaccayā, ummattikādīnañca anāpatti. Sesaṃ catutthasadisamevāti.
г̇анд̇хаван̣н̣агасигкаабад̣̇аван̣н̣анаа нидтид̇аа.
Gandhavaṇṇakasikkhāpadavaṇṇanā niṭṭhitā.
6. ваасид̇агасигкаабад̣̇аван̣н̣анаа
6. Vāsitakasikkhāpadavaṇṇanā
чадтз ваасид̇агзнаад̇и г̇анд̇хаваасид̇агзна. бин̃н̃аагзнаад̇и д̇илабидтзна. сзсам̣ бан̃жамасад̣̇исамзваад̇и.
Chaṭṭhe vāsitakenāti gandhavāsitakena. Piññākenāti tilapiṭṭhena. Sesaṃ pañcamasadisamevāti.
ваасид̇агасигкаабад̣̇аван̣н̣анаа нидтид̇аа.
Vāsitakasikkhāpadavaṇṇanā niṭṭhitā.
7. бхигкуниуммад̣̇д̣̇аабанасигкаабад̣̇аван̣н̣анаа
7. Bhikkhuniummaddāpanasikkhāpadavaṇṇanā
сад̇д̇амз уммад̣̇д̣̇аабзяяаад̇и уб̣б̣аддаабзяяа. баримад̣̇д̣̇аабзяяаад̇и самб̣аахаабзяяа. зд̇т̇а жа хад̇т̇ам̣ амун̃жид̇ваа уб̣б̣адданз згаава аабад̇д̇и, можзд̇ваа можзд̇ваа уб̣б̣адданз баяог̇аг̇ан̣анааяа аабад̇д̇ияо. самб̣ааханзби зсзва наяо.
Sattame ummaddāpeyyāti ubbaṭṭāpeyya. Parimaddāpeyyāti sambāhāpeyya. Ettha ca hatthaṃ amuñcitvā ubbaṭṭane ekāva āpatti, mocetvā mocetvā ubbaṭṭane payogagaṇanāya āpattiyo. Sambāhanepi eseva nayo.
саавад̇т̇ияам̣ самб̣ахулаа бхигкунияо аараб̣бха бхигкунияаа уммад̣̇д̣̇аабанабаримад̣̇д̣̇аабанавад̇т̇усмим̣ бан̃н̃ад̇д̇ам̣, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. ид̇ха маг̇г̇аг̇аманабариссамоби г̇злан̃н̃ам̣, жорабхаяаад̣̇ийхи сарийрагамбанаад̣̇аяоби аабад̣̇аа. сзсам̣ жад̇уд̇т̇з вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ sambahulā bhikkhuniyo ārabbha bhikkhuniyā ummaddāpanaparimaddāpanavatthusmiṃ paññattaṃ, gilānāya, āpadāsu, ummattikādīnañca anāpatti. Idha maggagamanaparissamopi gelaññaṃ, corabhayādīhi sarīrakampanādayopi āpadā. Sesaṃ catutthe vuttanayeneva veditabbanti.
бхигкуниуммад̣̇д̣̇аабанасигкаабад̣̇аван̣н̣анаа нидтид̇аа.
Bhikkhuniummaddāpanasikkhāpadavaṇṇanā niṭṭhitā.
8-9-10. сигкамаанауммад̣̇д̣̇аабанаад̣̇исигкаабад̣̇аван̣н̣анаа
8-9-10. Sikkhamānaummaddāpanādisikkhāpadavaṇṇanā
адтаманавамад̣̇асамзсуби сигкамаанааяа сааман̣зрияаа г̇ихинияаад̇и зд̇д̇агамзва наанам̣. сзсам̣ сад̇д̇амасад̣̇исамзваад̇и.
Aṭṭhamanavamadasamesupi sikkhamānāya sāmaṇeriyā gihiniyāti ettakameva nānaṃ. Sesaṃ sattamasadisamevāti.
сигкамаанауммад̣̇д̣̇аабанаад̣̇исигкаабад̣̇аван̣н̣анаа нидтид̇аа.
Sikkhamānaummaddāpanādisikkhāpadavaṇṇanā niṭṭhitā.
11. анаабужчаасигкаабад̣̇аван̣н̣анаа
11. Anāpucchāsikkhāpadavaṇṇanā
згаад̣̇асамз бхигкусса бурад̇од̇и на абхимукамзваад̇и ад̇т̇о, ид̣̇ам̣ бана убажаарам̣ санд̇хааяа гат̇ид̇анд̇и взд̣̇ид̇аб̣б̣ам̣. д̇асмаа бхигкусса убажаарз анд̇амасо чамааяаби ‘‘нисийд̣̇аами, аяяаа’’д̇и анаабужчид̇ваа нисийд̣̇анд̇ияаа баажид̇д̇ияам̣.
Ekādasame bhikkhussa puratoti na abhimukhamevāti attho, idaṃ pana upacāraṃ sandhāya kathitanti veditabbaṃ. Tasmā bhikkhussa upacāre antamaso chamāyapi ‘‘nisīdāmi, ayyā’’ti anāpucchitvā nisīdantiyā pācittiyaṃ.
саавад̇т̇ияам̣ самб̣ахулаа бхигкунияо аараб̣бха анаабужчаа нисийд̣̇анавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, аабужчид̇з д̣̇вигад̣̇уггадам̣. д̇асмим̣ аабужчид̇асан̃н̃ааяа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. бхигкусса анаабужчаа, убажаарз нисаж̇ж̇аа, анун̃н̃аад̇агааран̣аабхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни гат̇инасад̣̇исаани, ид̣̇ам̣ бана гирияаагирияанд̇и.
Sāvatthiyaṃ sambahulā bhikkhuniyo ārabbha anāpucchā nisīdanavatthusmiṃ paññattaṃ, tikapācittiyaṃ, āpucchite dvikadukkaṭaṃ. Tasmiṃ āpucchitasaññāya, gilānāya, āpadāsu, ummattikādīnañca anāpatti. Bhikkhussa anāpucchā, upacāre nisajjā, anuññātakāraṇābhāvoti imānettha tīṇi aṅgāni. Samuṭṭhānādīni kathinasadisāni, idaṃ pana kiriyākiriyanti.
анаабужчаасигкаабад̣̇аван̣н̣анаа нидтид̇аа.
Anāpucchāsikkhāpadavaṇṇanā niṭṭhitā.
12. бан̃хаабужчанасигкаабад̣̇аван̣н̣анаа
12. Pañhāpucchanasikkhāpadavaṇṇanā
д̣̇ваад̣̇асамз аногаасагад̇анд̇и ‘‘асугасмим̣ наама таанз бужчаамий’’д̇и звам̣ агад̇аогаасам̣, д̇асмаа суд̇д̇анд̇з огаасам̣ гаараабзд̇ваа винаяам̣ ваа абхид̇хаммам̣ ваа бужчанд̇ияаа баажид̇д̇ияам̣. сзсзсуби зсзва наяо, саб̣б̣асо агаарид̇з бана вад̇д̇аб̣б̣амзва над̇т̇и.
Dvādasame anokāsakatanti ‘‘asukasmiṃ nāma ṭhāne pucchāmī’’ti evaṃ akataokāsaṃ, tasmā suttante okāsaṃ kārāpetvā vinayaṃ vā abhidhammaṃ vā pucchantiyā pācittiyaṃ. Sesesupi eseva nayo, sabbaso akārite pana vattabbameva natthi.
саавад̇т̇ияам̣ самб̣ахулаа бхигкунияо аараб̣бха аногаасагад̇ам̣ бхигкум̣ бан̃хам̣ бужчанавад̇т̇усмим̣ бан̃н̃ад̇д̇ам̣. д̇ад̇т̇а д̇ад̇т̇а огаасам̣ гаараабзд̇ваа бужчанд̇ияаа, анод̣̇исса огаасам̣ гаараабзд̇ваа яад̇т̇а гад̇т̇ажи бужчанд̇ияаа, уммад̇д̇игаад̣̇ийнан̃жа анаабад̇д̇и. бхигкусса аногаасагаараабанам̣, бан̃хам̣ бужчананд̇и имаанзд̇т̇а д̣̇вз ан̇г̇аани. самудтаанаад̣̇ийни бад̣̇асод̇хаммасад̣̇исаани, ид̣̇ам̣ бана гирияаагирияанд̇и.
Sāvatthiyaṃ sambahulā bhikkhuniyo ārabbha anokāsakataṃ bhikkhuṃ pañhaṃ pucchanavatthusmiṃ paññattaṃ. Tattha tattha okāsaṃ kārāpetvā pucchantiyā, anodissa okāsaṃ kārāpetvā yattha katthaci pucchantiyā, ummattikādīnañca anāpatti. Bhikkhussa anokāsakārāpanaṃ, pañhaṃ pucchananti imānettha dve aṅgāni. Samuṭṭhānādīni padasodhammasadisāni, idaṃ pana kiriyākiriyanti.
бан̃хаабужчанасигкаабад̣̇аван̣н̣анаа нидтид̇аа.
Pañhāpucchanasikkhāpadavaṇṇanā niṭṭhitā.
13. асам̣гажжигасигкаабад̣̇аван̣н̣анаа
13. Asaṃkaccikasikkhāpadavaṇṇanā
д̇зрасамз асам̣гажжигаад̇и ад̇хагкагауб̣бханаабхиман̣д̣аласан̇каад̇асса сарийрасса бадижчаад̣̇анад̇т̇ам̣ анун̃н̃аад̇асам̣гажжигавирахид̇аа. г̇аамам̣ бависзяяаад̇и зд̇т̇а баригкид̇д̇асса г̇аамасса баригкзбам̣, абаригкид̇д̇асса убажаарам̣ ад̇иггаманд̇ияаа ваа оггаманд̇ияаа ваа батамабаад̣̇з д̣̇уггадам̣, д̣̇уд̇ияз баажид̇д̇ияам̣.
Terasame asaṃkaccikāti adhakkhakaubbhanābhimaṇḍalasaṅkhātassa sarīrassa paṭicchādanatthaṃ anuññātasaṃkaccikavirahitā. Gāmaṃ paviseyyāti ettha parikkhittassa gāmassa parikkhepaṃ, aparikkhittassa upacāraṃ atikkamantiyā vā okkamantiyā vā paṭhamapāde dukkaṭaṃ, dutiye pācittiyaṃ.
саавад̇т̇ияам̣ ан̃н̃ад̇арам̣ бхигкуним̣ аараб̣бха асам̣гажжигааяа г̇аамам̣ бависанавад̇т̇усмим̣ бан̃н̃ад̇д̇ам̣. яассаа бана сам̣гажжигажийварам̣ ажчиннам̣ ваа надтам̣ ваа, д̇ассаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. асам̣гажжигад̇аа, вуд̇д̇абарижчзд̣̇аад̇иггамо, анун̃н̃аад̇агааран̣аабхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ aññataraṃ bhikkhuniṃ ārabbha asaṃkaccikāya gāmaṃ pavisanavatthusmiṃ paññattaṃ. Yassā pana saṃkaccikacīvaraṃ acchinnaṃ vā naṭṭhaṃ vā, tassā, gilānāya, āpadāsu, ummattikādīnañca anāpatti. Asaṃkaccikatā, vuttaparicchedātikkamo, anuññātakāraṇābhāvoti imānettha tīṇi aṅgāni. Samuṭṭhānādīni eḷakalomasadisānīti.
асам̣гажжигасигкаабад̣̇аван̣н̣анаа нидтид̇аа.
Asaṃkaccikasikkhāpadavaṇṇanā niṭṭhitā.
чад̇д̇убааханаваг̇г̇о навамо.
Chattupāhanavaggo navamo.