| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૫. છવાલાતસુત્તવણ્ણના
5. Chavālātasuttavaṇṇanā
૯૫. પઞ્ચમે છવાલાતન્તિ સુસાને અલાતં. મજ્ઝે ગૂથગતન્તિ મજ્ઝટ્ઠાને ગૂથમક્ખિતં. નેવ ગામે કટ્ઠત્થં ફરતીતિ કૂટગોપાનસિથમ્ભસોપાનાદીનં અત્થાય અનુપનેય્યતાય ગામે ન કટ્ઠત્થં સાધેતિ, ખેત્તકુટિપાદં વા મઞ્ચપાદં વા કાતું અનુપનેય્યતાય ન અરઞ્ઞે કટ્ઠત્થં સાધેતિ. દ્વીસુ કોટીસુ ગય્હમાનં હત્થં ડહતિ, મજ્ઝે ગય્હમાનં ગૂથેન મક્ખેતિ. તથૂપમન્તિ તંસરિક્ખકં. અભિક્કન્તતરોતિ સુન્દરતરો. પણીતતરોતિ ઉત્તમતરો. ગવા ખીરન્તિ ગાવિતો ખીરં. ખીરમ્હા દધીતિઆદીસુ પરં પરં પુરિમતો પુરિમતો અગ્ગં, સપ્પિમણ્ડો પન તેસુ સબ્બેસુપિ અગ્ગમેવ . અગ્ગોતિઆદીસુ ગુણેહિ અગ્ગો ચેવ સેટ્ઠો ચ પમુખો ચ ઉત્તમો ચ પવરો ચાતિ વેદિતબ્બો. છવાલાતૂપમાય ન દુસ્સીલો પુગ્ગલો કથિતો, અપ્પસ્સુતો પન વિસ્સટ્ઠકમ્મન્તો ગોણસદિસો પુગ્ગલો કથિતોતિ વેદિતબ્બો. છટ્ઠે સબ્બં ઉત્તાનત્થમેવ.
95. Pañcame chavālātanti susāne alātaṃ. Majjhegūthagatanti majjhaṭṭhāne gūthamakkhitaṃ. Neva gāme kaṭṭhatthaṃ pharatīti kūṭagopānasithambhasopānādīnaṃ atthāya anupaneyyatāya gāme na kaṭṭhatthaṃ sādheti, khettakuṭipādaṃ vā mañcapādaṃ vā kātuṃ anupaneyyatāya na araññe kaṭṭhatthaṃ sādheti. Dvīsu koṭīsu gayhamānaṃ hatthaṃ ḍahati, majjhe gayhamānaṃ gūthena makkheti. Tathūpamanti taṃsarikkhakaṃ. Abhikkantataroti sundarataro. Paṇītataroti uttamataro. Gavā khīranti gāvito khīraṃ. Khīramhā dadhītiādīsu paraṃ paraṃ purimato purimato aggaṃ, sappimaṇḍo pana tesu sabbesupi aggameva . Aggotiādīsu guṇehi aggo ceva seṭṭho ca pamukho ca uttamo ca pavaro cāti veditabbo. Chavālātūpamāya na dussīlo puggalo kathito, appassuto pana vissaṭṭhakammanto goṇasadiso puggalo kathitoti veditabbo. Chaṭṭhe sabbaṃ uttānatthameva.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૫. છવાલાતસુત્તં • 5. Chavālātasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૬. છવાલાતસુત્તાદિવણ્ણના • 5-6. Chavālātasuttādivaṇṇanā
