| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
чзд̣̇анагаад̣̇иван̣н̣анаа
Chedanakādivaṇṇanā
337. гад̇и чзд̣̇анагаанийд̇иаад̣̇ибужчаанам̣ анусанд̇хибужчаабхаавам̣ д̣̇ассзнд̇о ааха ‘‘яасмаа банаа’’д̇иаад̣̇и. бужчаа хи анусанд̇хиананусанд̇хивасзна д̣̇увид̇хаа. д̇ад̇т̇а виссаж̇ж̇анзна анусанд̇хивасзна бужчаа анусанд̇хибужчаа наама, виссаж̇ж̇анаманабзгкид̇ваа яат̇аагаамабужчаа ананусанд̇хибужчаа наама. д̇аасам̣ вид̇т̇ааро нзд̇д̇иадтагат̇аад̣̇ийсу г̇ахзд̇аб̣б̣о. ид̇хааби ‘‘згаад̣̇аса яаавад̇ад̇ияагаа’’д̇и виссаж̇ж̇анзна анусанд̇хаанад̇д̇аа анусанд̇хибужчаа наама. яасмаа бана виссаж̇ж̇ид̇од̇и самб̣анд̇хо. сан̇каавасзнаад̇и згаад̣̇асаа’’д̇и сан̇кааяа сад̇д̇ияаа, ааяад̇д̇зна ваа. сан̇каанусанд̇хивасзнзваад̇и ‘‘гад̇ий’’д̇и сан̇кааяа анусанд̇хивасзна зва. д̇зсанд̇и бан̃хаанам̣. д̇ад̇т̇аад̇и ‘‘ча чзд̣̇анагааний’’д̇иаад̣̇ибаатз. ид̣̇амзваад̇и ид̣̇ам̣ зва важанам̣. абуб̣б̣анд̇и буб̣б̣з на вуд̇д̇ам̣, абораан̣ам̣ наванд̇и ад̇т̇о. яам̣ банзд̇анд̇и яам̣ бана зд̇ам̣ важанам̣. ‘‘сол̣асаа’’д̇и иминаа сод̣̇асаад̇и зд̇т̇а д̣̇агаарасса л̣агаарам̣ гад̇ваа ‘‘сол̣асаа’’д̇и баатоби яуж̇ж̇ад̇ийд̇и д̣̇ассзд̇и. ж̇аананд̇и бан̃н̃ад̇д̇аад̇и зд̇т̇а ‘‘звам̣ вад̇ваа’’д̇и баатасзсам̣ аж̇жхаахарид̇ваа яож̇зд̇аб̣б̣абхаавам̣ д̣̇ассзнд̇о ааха ‘‘ж̇аана’’нд̇и звам̣ вад̇ваа бан̃н̃ад̇д̇аа’’д̇и. д̇зд̇и ‘‘ж̇аана’’нд̇и бан̃н̃ад̇д̇аа сигкаабад̣̇аад̇и ад̇т̇о. званд̇и вагкамаананаязна. бависзяяаад̇ийд̇и зд̇т̇а ид̇исад̣̇д̣̇о барисамаанад̇т̇о. ид̇и взд̣̇ид̇аб̣б̣од̇и яож̇анаа.
337.Katichedanakānītiādipucchānaṃ anusandhipucchābhāvaṃ dassento āha ‘‘yasmā panā’’tiādi. Pucchā hi anusandhiananusandhivasena duvidhā. Tattha vissajjanena anusandhivasena pucchā anusandhipucchā nāma, vissajjanamanapekkhitvā yathākāmapucchā ananusandhipucchā nāma. Tāsaṃ vitthāro nettiaṭṭhakathādīsu gahetabbo. Idhāpi ‘‘ekādasa yāvatatiyakā’’ti vissajjanena anusandhānattā anusandhipucchā nāma. Yasmā pana vissajjitoti sambandho. Saṅkhāvasenāti ekādasā’’ti saṅkhāya sattiyā, āyattena vā. Saṅkhānusandhivasenevāti ‘‘katī’’ti saṅkhāya anusandhivasena eva. Tesanti pañhānaṃ. Tatthāti ‘‘cha chedanakānī’’tiādipāṭhe. Idamevāti idaṃ eva vacanaṃ. Apubbanti pubbe na vuttaṃ, aporāṇaṃ navanti attho. Yaṃ panetanti yaṃ pana etaṃ vacanaṃ. ‘‘Soḷasā’’ti iminā sodasāti ettha dakārassa ḷakāraṃ katvā ‘‘soḷasā’’ti pāṭhopi yujjatīti dasseti. Jānanti paññattāti ettha ‘‘evaṃ vatvā’’ti pāṭhasesaṃ ajjhāharitvā yojetabbabhāvaṃ dassento āha ‘‘jāna’’nti evaṃ vatvā paññattā’’ti. Teti ‘‘jāna’’nti paññattā sikkhāpadāti attho. Evanti vakkhamānanayena. Paviseyyātīti ettha itisaddo parisamānattho. Iti veditabboti yojanā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. чзд̣̇анагаад̣̇и • 3. Chedanakādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / чзд̣̇анагаад̣̇иван̣н̣анаа • Chedanakādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / чзд̣̇анагаад̣̇иван̣н̣анаа • Chedanakādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
