Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. жинд̇ийсуд̇д̇ам̣

    3. Cintīsuttaṃ

    3. ‘‘д̇ийн̣имаани, бхигкавз, б̣ааласса б̣аалалагкан̣аани б̣ааланимид̇д̇аани б̣аалаабад̣̇аанаани . гад̇амаани д̇ийн̣и? ид̇ха, бхигкавз, б̣аало д̣̇ужжинд̇ид̇ажинд̇ий жа ход̇и д̣̇уб̣бхаасид̇абхаасий жа д̣̇уггадагаммагаарий жа. но жзд̣̇ам̣ 1, бхигкавз, б̣аало д̣̇ужжинд̇ид̇ажинд̇ий жа абхависса д̣̇уб̣бхаасид̇абхаасий жа д̣̇уггадагаммагаарий жа, гзна нам̣ бан̣д̣ид̇аа ж̇аанзяяум̣ 2 – ‘б̣аало аяам̣ бхавам̣ асаббурисо’д̇и? яасмаа жа ко, бхигкавз, б̣аало д̣̇ужжинд̇ид̇ажинд̇ий жа ход̇и д̣̇уб̣бхаасид̇абхаасий жа д̣̇уггадагаммагаарий жа д̇асмаа нам̣ бан̣д̣ид̇аа ж̇аананд̇и – ‘б̣аало аяам̣ бхавам̣ асаббурисо’д̇и. имаани ко, бхигкавз, д̇ийн̣и б̣ааласса б̣аалалагкан̣аани б̣ааланимид̇д̇аани б̣аалаабад̣̇аанаани.

    3. ‘‘Tīṇimāni, bhikkhave, bālassa bālalakkhaṇāni bālanimittāni bālāpadānāni . Katamāni tīṇi? Idha, bhikkhave, bālo duccintitacintī ca hoti dubbhāsitabhāsī ca dukkaṭakammakārī ca. No cedaṃ 3, bhikkhave, bālo duccintitacintī ca abhavissa dubbhāsitabhāsī ca dukkaṭakammakārī ca, kena naṃ paṇḍitā jāneyyuṃ 4 – ‘bālo ayaṃ bhavaṃ asappuriso’ti? Yasmā ca kho, bhikkhave, bālo duccintitacintī ca hoti dubbhāsitabhāsī ca dukkaṭakammakārī ca tasmā naṃ paṇḍitā jānanti – ‘bālo ayaṃ bhavaṃ asappuriso’ti. Imāni kho, bhikkhave, tīṇi bālassa bālalakkhaṇāni bālanimittāni bālāpadānāni.

    ‘‘д̇ийн̣имаани, бхигкавз, бан̣д̣ид̇асса бан̣д̣ид̇алагкан̣аани бан̣д̣ид̇анимид̇д̇аани бан̣д̣ид̇аабад̣̇аанаани. гад̇амаани д̇ийн̣и? ид̇ха, бхигкавз, бан̣д̣ид̇о сужинд̇ид̇ажинд̇ий жа ход̇и субхаасид̇абхаасий жа сугад̇агаммагаарий жа. но жзд̣̇ам̣, бхигкавз, бан̣д̣ид̇о сужинд̇ид̇ажинд̇ий жа абхависса субхаасид̇абхаасий жа сугад̇агаммагаарий жа, гзна нам̣ бан̣д̣ид̇аа ж̇аанзяяум̣ – ‘бан̣д̣ид̇о аяам̣ бхавам̣ саббурисо’д̇и? яасмаа жа ко, бхигкавз, бан̣д̣ид̇о сужинд̇ид̇ажинд̇ий жа ход̇и субхаасид̇абхаасий жа сугад̇агаммагаарий жа д̇асмаа нам̣ бан̣д̣ид̇аа ж̇аананд̇и – ‘бан̣д̣ид̇о аяам̣ бхавам̣ саббурисо’д̇и. имаани ко, бхигкавз, д̇ийн̣и бан̣д̣ид̇асса бан̣д̣ид̇алагкан̣аани бан̣д̣ид̇анимид̇д̇аани бан̣д̣ид̇аабад̣̇аанаани. д̇асмаад̇иха…. д̇ад̇ияам̣.

    ‘‘Tīṇimāni, bhikkhave, paṇḍitassa paṇḍitalakkhaṇāni paṇḍitanimittāni paṇḍitāpadānāni. Katamāni tīṇi? Idha, bhikkhave, paṇḍito sucintitacintī ca hoti subhāsitabhāsī ca sukatakammakārī ca. No cedaṃ, bhikkhave, paṇḍito sucintitacintī ca abhavissa subhāsitabhāsī ca sukatakammakārī ca, kena naṃ paṇḍitā jāneyyuṃ – ‘paṇḍito ayaṃ bhavaṃ sappuriso’ti? Yasmā ca kho, bhikkhave, paṇḍito sucintitacintī ca hoti subhāsitabhāsī ca sukatakammakārī ca tasmā naṃ paṇḍitā jānanti – ‘paṇḍito ayaṃ bhavaṃ sappuriso’ti. Imāni kho, bhikkhave, tīṇi paṇḍitassa paṇḍitalakkhaṇāni paṇḍitanimittāni paṇḍitāpadānāni. Tasmātiha…. Tatiyaṃ.




    Next: 4. ажжаяасуд̇д̇ам̣ • 4. Accayasuttaṃ




    Footnotes:
    1. но жзд̇ам̣ (сяаа. гам̣. га.)
    2. д̇зна нам̣ бан̣д̣ид̇аа на ж̇аанзяяум̣ (га.), на нам̣ бан̣д̣ид̇аа ж̇аанзяяум̣ (?)
    3. no cetaṃ (syā. kaṃ. ka.)
    4. tena naṃ paṇḍitā na jāneyyuṃ (ka.), na naṃ paṇḍitā jāneyyuṃ (?)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. жинд̇ийсуд̇д̇аван̣н̣анаа • 3. Cintīsuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. жинд̇ийсуд̇д̇аад̣̇иван̣н̣анаа • 3-4. Cintīsuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact