| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਚਿਤਕਪੂਜਕਤ੍ਥੇਰਅਪਦਾਨવਣ੍ਣਨਾ
6. Citakapūjakattheraapadānavaṇṇanā
વਸਾਮਿ ਰਾਜਾਯਤਨੇਤਿਆਦਿਕਂ ਆਯਸ੍ਮਤੋ ਚਿਤਕਪੂਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤੋ ਪਰਂ ਉਪ੍ਪਨ੍ਨੁਪ੍ਪਨ੍ਨਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਰਾਜਾਯਤਨਰੁਕ੍ਖਦੇવਤਾ ਹੁਤ੍વਾ ਨਿਬ੍ਬਤ੍ਤੋ ਅਨ੍ਤਰਨ੍ਤਰਾ ਦੇવਤਾਹਿ ਸਦ੍ਧਿਂ ਧਮ੍ਮਂ ਸੁਤ੍વਾ ਪਸਨ੍ਨੋ ਭਗવਤਿ ਪਰਿਨਿਬ੍ਬੁਤੇ ਸਪਰਿવਾਰੋ ਗਨ੍ਧਦੀਪਧੂਪਪੁਪ੍ਫਭੇਰਿਆਦੀਨਿ ਗਾਹਾਪੇਤ੍વਾ ਭਗવਤੋ ਆਲ਼ਹਨਟ੍ਠਾਨਂ ਗਨ੍ਤ੍વਾ ਦੀਪਾਦੀਨਿ ਪੂਜੇਤ੍વਾ ਅਨੇਕੇਹਿ ਤੂਰਿਯੇਹਿ ਅਨੇਕੇਹਿ વਾਦਿਤੇਹਿ ਤਂ ਪੂਜੇਸਿ। ਤਤੋ ਪਟ੍ਠਾਯ ਸਕਭવਨਂ ਉਪવਿਟ੍ਠੋਪਿ ਭਗવਨ੍ਤਮੇવ ਸਰਿਤ੍વਾ ਸਮ੍ਮੁਖਾ વਿਯ વਨ੍ਦਤਿ। ਸੋ ਤੇਨੇવ ਪੁਞ੍ਞੇਨ ਤੇਨ ਚਿਤ੍ਤਪ੍ਪਸਾਦੇਨ ਰਾਜਾਯਤਨਤੋ ਕਾਲਂ ਕਤੋ ਤੁਸਿਤਾਦੀਸੁ ਨਿਬ੍ਬਤ੍ਤੋ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਤਤੋ ਮਨੁਸ੍ਸੇਸੁ ਮਨੁਸ੍ਸਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਭਗવਤਿ ਉਪ੍ਪਨ੍ਨਚਿਤ੍ਤਪ੍ਪਸਾਦੋ ਭਗવਤੋ ਸਾਸਨੇ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Vasāmi rājāyatanetiādikaṃ āyasmato citakapūjakattherassa apadānaṃ. Ayampi purimabuddhesu katādhikāro tato paraṃ uppannuppannabhave vivaṭṭūpanissayāni puññāni upacinanto sikhissa bhagavato kāle rājāyatanarukkhadevatā hutvā nibbatto antarantarā devatāhi saddhiṃ dhammaṃ sutvā pasanno bhagavati parinibbute saparivāro gandhadīpadhūpapupphabheriādīni gāhāpetvā bhagavato āḷahanaṭṭhānaṃ gantvā dīpādīni pūjetvā anekehi tūriyehi anekehi vāditehi taṃ pūjesi. Tato paṭṭhāya sakabhavanaṃ upaviṭṭhopi bhagavantameva saritvā sammukhā viya vandati. So teneva puññena tena cittappasādena rājāyatanato kālaṃ kato tusitādīsu nibbatto dibbasampattiṃ anubhavitvā tato manussesu manussasampattiṃ anubhavitvā imasmiṃ buddhuppāde kulagehe nibbatto viññutaṃ patto bhagavati uppannacittappasādo bhagavato sāsane pabbajitvā nacirasseva arahā ahosi.
੪੯. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਸਾਮਿ ਰਾਜਾਯਤਨੇਤਿਆਦਿਮਾਹ। ਰਾਜਾਯਤਨੇਤਿ ਦੇવਰਾਜੂਨਂ ਆਯਤਨਂ ਰਾਜਾਯਤਨਂ, ਤਸ੍ਸ ਰੁਕ੍ਖਸ੍ਸ ਨਾਮਧੇਯ੍ਯੋ વਾ। ਪਰਿਨਿਬ੍ਬੁਤੇ ਭਗવਤੀਤਿ ਪਰਿਸਮਨ੍ਤਤੋ ਕਿਞ੍ਚਿ ਅਨવਸੇਸੇਤ੍વਾ ਖਨ੍ਧਪਰਿਨਿਬ੍ਬਾਨਕਾਲੇ ਪਰਿਨਿਬ੍ਬਾਨਸਮਯੇ ਪਰਿਨਿਬ੍ਬਾਨਪ੍ਪਤ੍ਤਸ੍ਸ ਸਿਖਿਨੋ ਲੋਕਬਨ੍ਧੁਨੋਤਿ ਸਮ੍ਬਨ੍ਧੋ।
49. So aparabhāge attano pubbakammaṃ saritvā somanassajāto pubbacaritāpadānaṃ pakāsento vasāmi rājāyatanetiādimāha. Rājāyataneti devarājūnaṃ āyatanaṃ rājāyatanaṃ, tassa rukkhassa nāmadheyyo vā. Parinibbute bhagavatīti parisamantato kiñci anavasesetvā khandhaparinibbānakāle parinibbānasamaye parinibbānappattassa sikhino lokabandhunoti sambandho.
੫੦. ਚਿਤਕਂ ਅਗਮਾਸਹਨ੍ਤਿ ਚਨ੍ਦਨਾਗਰੁਦੇવਦਾਰੁਕਪ੍ਪੂਰਤਕ੍ਕੋਲਾਦਿਸੁਗਨ੍ਧਦਾਰੂਹਿ ਚਿਤਂ ਰਾਸਿਗਤਨ੍ਤਿ ਚਿਤਂ, ਚਿਤਮੇવ ਚਿਤਕਂ, ਬੁਦ੍ਧਗਾਰવੇਨ ਚਿਤਕਂ ਪੂਜਨਤ੍ਥਾਯ ਚਿਤਕਸ੍ਸ ਸਮੀਪਂ ਅਹਂ ਅਗਮਾਸਿਨ੍ਤਿ ਅਤ੍ਥੋ। ਤਤ੍ਥ ਗਨ੍ਤ੍વਾ ਕਤਕਿਚ੍ਚਂ ਦਸ੍ਸੇਨ੍ਤੋ ਤੂਰਿਯਂ ਤਤ੍ਥ વਾਦੇਤ੍વਾਤਿਆਦਿਮਾਹ। ਤਂ ਸਬ੍ਬਂ ਸੁવਿਞ੍ਞੇਯ੍ਯਮੇવਾਤਿ।
50.Citakaṃ agamāsahanti candanāgarudevadārukappūratakkolādisugandhadārūhi citaṃ rāsigatanti citaṃ, citameva citakaṃ, buddhagāravena citakaṃ pūjanatthāya citakassa samīpaṃ ahaṃ agamāsinti attho. Tattha gantvā katakiccaṃ dassento tūriyaṃ tattha vādetvātiādimāha. Taṃ sabbaṃ suviññeyyamevāti.
ਚਿਤਕਪੂਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Citakapūjakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਚਿਤਕਪੂਜਕਤ੍ਥੇਰਅਪਦਾਨਂ • 6. Citakapūjakattheraapadānaṃ
