| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౩. చిత్తకధరకుమ్మఙ్గపఞ్హో
3. Cittakadharakummaṅgapañho
౩. ‘‘భన్తే నాగసేన, ‘చిత్తకధరకుమ్మస్స 1 ఏకం అఙ్గం గహేతబ్బ’న్తి యం వదేసి, కతమం తం ఏకం అఙ్గం గహేతబ్బ’’న్తి? ‘‘యథా, మహారాజ, చిత్తకధరకుమ్మో ఉదకభయా ఉదకం పరివజ్జేత్వా విచరతి, తాయ చ పన ఉదకం పరివజ్జనాయ ఆయునా న పరిహాయతి, ఏవమేవ ఖో, మహారాజ, యోగినా యోగావచరేన పమాదే భయదస్సావినా భవితబ్బం, అప్పమాదే గుణవిసేసదస్సావినా. తాయ చ పన భయదస్సావితాయ న పరిహాయతి సామఞ్ఞా, నిబ్బానస్స సన్తికే ఉపేతి 2. ఇదం, మహారాజ, చిత్తకధరకుమ్మస్స ఏకం అఙ్గం గహేతబ్బం. భాసితమ్పేతం, మహారాజ, భగవతా దేవాతిదేవేన ధమ్మపదే –
3. ‘‘Bhante nāgasena, ‘cittakadharakummassa 3 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cittakadharakummo udakabhayā udakaṃ parivajjetvā vicarati, tāya ca pana udakaṃ parivajjanāya āyunā na parihāyati, evameva kho, mahārāja, yoginā yogāvacarena pamāde bhayadassāvinā bhavitabbaṃ, appamāde guṇavisesadassāvinā. Tāya ca pana bhayadassāvitāya na parihāyati sāmaññā, nibbānassa santike upeti 4. Idaṃ, mahārāja, cittakadharakummassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘అప్పమాదరతో భిక్ఖు, పమాదే భయదస్సి వా;
‘‘‘Appamādarato bhikkhu, pamāde bhayadassi vā;
అభబ్బో పరిహానాయ, నిబ్బానస్సేవ సన్తికే’’’తి.
Abhabbo parihānāya, nibbānasseva santike’’’ti.
చిత్తకధరకుమ్మఙ్గపఞ్హో చతుత్థో.
Cittakadharakummaṅgapañho catuttho.
Footnotes:
