| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. жид̇д̇адтид̇игат̇ааван̣н̣анаа
7. Cittaṭṭhitikathāvaṇṇanā
335. ид̣̇аани жид̇д̇адтид̇игат̇аа наама ход̇и. д̇ад̇т̇а язсам̣ самаабад̇д̇ижид̇д̇ан̃жзва бхаван̇г̇ажид̇д̇ан̃жа ануббаб̣анд̇хзна бавад̇д̇амаанам̣ д̣̇исваа ‘‘згамзва жид̇д̇ам̣ жирам̣ д̇идтад̇ий’’д̇и лад̣̇д̇хи сзяяат̇ааби зд̇арахи хздтаа вуд̇д̇аббабхзд̣̇аанам̣ анд̇хагаанам̣, д̇ам̣лад̣̇д̇хивисод̇ханад̇т̇ам̣ згам̣, жид̇д̇ам̣ д̣̇ивасам̣ д̇идтад̇ийд̇и бужчаа сагаваад̣̇исса, бадин̃н̃аа бараваад̣̇исса. убад̣дхад̣̇ивасо уббаад̣̇агкан̣од̇и зд̇т̇а тид̇игкан̣ам̣ анаамасид̇ваа ‘‘анижжаа вад̇а сан̇каараа, уббаад̣̇аваяад̇хаммино’’д̇и (сам̣. ни. 1.186; 2.143) д̣̇зсанаанаязна уббаад̣̇аваяавасзнзва бужчаа гад̇аа.
335. Idāni cittaṭṭhitikathā nāma hoti. Tattha yesaṃ samāpatticittañceva bhavaṅgacittañca anuppabandhena pavattamānaṃ disvā ‘‘ekameva cittaṃ ciraṃ tiṭṭhatī’’ti laddhi seyyathāpi etarahi heṭṭhā vuttappabhedānaṃ andhakānaṃ, taṃladdhivisodhanatthaṃ ekaṃ, cittaṃ divasaṃ tiṭṭhatīti pucchā sakavādissa, paṭiññā paravādissa. Upaḍḍhadivaso uppādakkhaṇoti ettha ṭhitikkhaṇaṃ anāmasitvā ‘‘aniccā vata saṅkhārā, uppādavayadhammino’’ti (saṃ. ni. 1.186; 2.143) desanānayena uppādavayavaseneva pucchā katā.
д̇з д̇хаммаа жид̇д̇зна лахубаривад̇д̇аад̇и будто жид̇д̇ад̇о лахуд̇арабаривад̇д̇ино д̇хаммз абассанд̇о бадигкибад̇и. д̣̇уд̇ияам̣ будто яасса жид̇д̇асса д̣̇ийгхадтид̇им̣ ижчад̇и, д̇ам̣ санд̇хааяа бадиж̇аанаад̇и. яаавад̇ааяугам̣ д̇идтад̇ийд̇и бан̃хз ‘‘жуллаасийд̇исахассаани, габбаа д̇идтанд̇и яз маруу’’д̇иаад̣̇иважанавасзна (махаани. 10) ааруббад̇о ан̃н̃ад̇ра бадигкибад̇и, ааруббз бадиж̇аанаад̇и. мухуд̇д̇ам̣ мухуд̇д̇ам̣ уббаж̇ж̇ад̇ийд̇и бан̃хз бараваад̣̇исса ‘‘уббаад̣̇аваяад̇хаммино’’д̇иаад̣̇исуд̇д̇авирод̇хабхаязна бадиж̇аанаад̇и. тид̇им̣ банасса лад̣̇д̇хивасзна ижчад̇и. сзсамзд̇т̇а уд̇д̇аанад̇т̇амзваад̇и.
Te dhammā cittena lahuparivattāti puṭṭho cittato lahutaraparivattino dhamme apassanto paṭikkhipati. Dutiyaṃ puṭṭho yassa cittassa dīghaṭṭhitiṃ icchati, taṃ sandhāya paṭijānāti. Yāvatāyukaṃ tiṭṭhatīti pañhe ‘‘cullāsītisahassāni, kappā tiṭṭhanti ye marū’’tiādivacanavasena (mahāni. 10) āruppato aññatra paṭikkhipati, āruppe paṭijānāti. Muhuttaṃ muhuttaṃ uppajjatīti pañhe paravādissa ‘‘uppādavayadhammino’’tiādisuttavirodhabhayena paṭijānāti. Ṭhitiṃ panassa laddhivasena icchati. Sesamettha uttānatthamevāti.
жид̇д̇адтид̇игат̇ааван̣н̣анаа.
Cittaṭṭhitikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (16) 7. жид̇д̇адтид̇игат̇аа • (16) 7. Cittaṭṭhitikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
