Library / Tipiṭaka / திபிடக • Tipiṭaka / யமகபாளி • Yamakapāḷi

    8. சித்தயமகங்

    8. Cittayamakaṃ

    (க) உத்³தே³ஸோ

    (Ka) uddeso

    1. ஸுத்³த⁴சித்தஸாமஞ்ஞங்

    1. Suddhacittasāmaññaṃ

    1. புக்³க³லவாரோ

    1. Puggalavāro

    (1) உப்பாத³னிரோத⁴காலஸம்பே⁴த³வாரோ

    (1) Uppādanirodhakālasambhedavāro

    1. (க) யஸ்ஸ சித்தங் உப்பஜ்ஜதி ந நிருஜ்ஜ²தி தஸ்ஸ சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி?

    1. (Ka) yassa cittaṃ uppajjati na nirujjhati tassa cittaṃ nirujjhissati na uppajjissati?

    (க²) யஸ்ஸ வா பன சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தஸ்ஸ சித்தங் உப்பஜ்ஜதி ந நிருஜ்ஜ²தி?

    (Kha) yassa vā pana cittaṃ nirujjhissati na uppajjissati tassa cittaṃ uppajjati na nirujjhati?

    (க) யஸ்ஸ சித்தங் ந உப்பஜ்ஜதி நிருஜ்ஜ²தி தஸ்ஸ சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி?

    (Ka) yassa cittaṃ na uppajjati nirujjhati tassa cittaṃ na nirujjhissati uppajjissati?

    (க²) யஸ்ஸ வா பன சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி தஸ்ஸ சித்தங் ந உப்பஜ்ஜதி நிருஜ்ஜ²தி?

    (Kha) yassa vā pana cittaṃ na nirujjhissati uppajjissati tassa cittaṃ na uppajjati nirujjhati?

    (2) உப்பாது³ப்பன்னவாரோ

    (2) Uppāduppannavāro

    2. (க) யஸ்ஸ சித்தங் உப்பஜ்ஜதி தஸ்ஸ சித்தங் உப்பன்னங்?

    2. (Ka) yassa cittaṃ uppajjati tassa cittaṃ uppannaṃ?

    (க²) யஸ்ஸ வா பன சித்தங் உப்பன்னங் தஸ்ஸ சித்தங் உப்பஜ்ஜதி?

    (Kha) yassa vā pana cittaṃ uppannaṃ tassa cittaṃ uppajjati?

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந உப்பன்னங்?

    (Ka) yassa cittaṃ na uppajjati tassa cittaṃ na uppannaṃ?

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந உப்பஜ்ஜதி?

    (Kha) yassa vā pana cittaṃ na uppannaṃ tassa cittaṃ na uppajjati?

    (3) நிரோது⁴ப்பன்னவாரோ

    (3) Nirodhuppannavāro

    3. (க) யஸ்ஸ சித்தங் நிருஜ்ஜ²தி தஸ்ஸ சித்தங் உப்பன்னங்?

    3. (Ka) yassa cittaṃ nirujjhati tassa cittaṃ uppannaṃ?

    (க²) யஸ்ஸ வா பன சித்தங் உப்பன்னங் தஸ்ஸ சித்தங் நிருஜ்ஜ²தி?

    (Kha) yassa vā pana cittaṃ uppannaṃ tassa cittaṃ nirujjhati?

    (க) யஸ்ஸ சித்தங் ந நிருஜ்ஜ²தி தஸ்ஸ சித்தங் ந உப்பன்னங்?

    (Ka) yassa cittaṃ na nirujjhati tassa cittaṃ na uppannaṃ?

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந நிருஜ்ஜ²தி?

    (Kha) yassa vā pana cittaṃ na uppannaṃ tassa cittaṃ na nirujjhati?

    (4) உப்பாத³வாரோ

    (4) Uppādavāro

    4. (க) யஸ்ஸ சித்தங் உப்பஜ்ஜதி தஸ்ஸ சித்தங் உப்பஜ்ஜித்த²?

    4. (Ka) yassa cittaṃ uppajjati tassa cittaṃ uppajjittha?

    (க²) யஸ்ஸ வா பன சித்தங் உப்பஜ்ஜித்த² தஸ்ஸ சித்தங் உப்பஜ்ஜதி?

    (Kha) yassa vā pana cittaṃ uppajjittha tassa cittaṃ uppajjati?

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந உப்பஜ்ஜித்த²?

    (Ka) yassa cittaṃ na uppajjati tassa cittaṃ na uppajjittha?

    (க²) யஸ்ஸ வா பன சித்தங் ந உப்பஜ்ஜித்த² தஸ்ஸ சித்தங் ந உப்பஜ்ஜதி?

    (Kha) yassa vā pana cittaṃ na uppajjittha tassa cittaṃ na uppajjati?

    5. (க) யஸ்ஸ சித்தங் உப்பஜ்ஜதி தஸ்ஸ சித்தங் உப்பஜ்ஜிஸ்ஸதி?

    5. (Ka) yassa cittaṃ uppajjati tassa cittaṃ uppajjissati?

    (க²) யஸ்ஸ வா பன சித்தங் உப்பஜ்ஜிஸ்ஸதி தஸ்ஸ சித்தங் உப்பஜ்ஜதி?

    (Kha) yassa vā pana cittaṃ uppajjissati tassa cittaṃ uppajjati?

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந உப்பஜ்ஜிஸ்ஸதி?

    (Ka) yassa cittaṃ na uppajjati tassa cittaṃ na uppajjissati?

    (க²) யஸ்ஸ வா பன சித்தங் ந உப்பஜ்ஜிஸ்ஸதி தஸ்ஸ சித்தங் ந உப்பஜ்ஜதி?

    (Kha) yassa vā pana cittaṃ na uppajjissati tassa cittaṃ na uppajjati?

    6. (க) யஸ்ஸ சித்தங் உப்பஜ்ஜித்த² தஸ்ஸ சித்தங் உப்பஜ்ஜிஸ்ஸதி?

    6. (Ka) yassa cittaṃ uppajjittha tassa cittaṃ uppajjissati?

    (க²) யஸ்ஸ வா பன சித்தங் உப்பஜ்ஜிஸ்ஸதி தஸ்ஸ சித்தங் உப்பஜ்ஜித்த²?

    (Kha) yassa vā pana cittaṃ uppajjissati tassa cittaṃ uppajjittha?

    (க) யஸ்ஸ சித்தங் ந உப்பஜ்ஜித்த² தஸ்ஸ சித்தங் ந உப்பஜ்ஜிஸ்ஸதி?

    (Ka) yassa cittaṃ na uppajjittha tassa cittaṃ na uppajjissati?

    (க²) யஸ்ஸ வா பன சித்தங் ந உப்பஜ்ஜிஸ்ஸதி தஸ்ஸ சித்தங் ந உப்பஜ்ஜித்த²?

    (Kha) yassa vā pana cittaṃ na uppajjissati tassa cittaṃ na uppajjittha?

    (5) நிரோத⁴வாரோ

    (5) Nirodhavāro

    7. (க) யஸ்ஸ சித்தங் நிருஜ்ஜ²தி தஸ்ஸ சித்தங் நிருஜ்ஜி²த்த²?

    7. (Ka) yassa cittaṃ nirujjhati tassa cittaṃ nirujjhittha?

    (க²) யஸ்ஸ வா பன சித்தங் நிருஜ்ஜி²த்த² தஸ்ஸ சித்தங் நிருஜ்ஜ²தி?

    (Kha) yassa vā pana cittaṃ nirujjhittha tassa cittaṃ nirujjhati?

    (க) யஸ்ஸ சித்தங் ந நிருஜ்ஜ²தி தஸ்ஸ சித்தங் ந நிருஜ்ஜி²த்த²?

    (Ka) yassa cittaṃ na nirujjhati tassa cittaṃ na nirujjhittha?

    (க²) யஸ்ஸ வா பன சித்தங் ந நிருஜ்ஜி²த்த² தஸ்ஸ சித்தங் ந நிருஜ்ஜ²தி?

    (Kha) yassa vā pana cittaṃ na nirujjhittha tassa cittaṃ na nirujjhati?

    8. (க) யஸ்ஸ சித்தங் நிருஜ்ஜ²தி தஸ்ஸ சித்தங் நிருஜ்ஜி²ஸ்ஸதி?

    8. (Ka) yassa cittaṃ nirujjhati tassa cittaṃ nirujjhissati?

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் நிருஜ்ஜ²தி?

    (Kha) yassa vā pana cittaṃ nirujjhissati tassa cittaṃ nirujjhati?

    (க) யஸ்ஸ சித்தங் ந நிருஜ்ஜ²தி தஸ்ஸ சித்தங் ந நிருஜ்ஜி²ஸ்ஸதி?

    (Ka) yassa cittaṃ na nirujjhati tassa cittaṃ na nirujjhissati?

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந நிருஜ்ஜ²தி?

    (Kha) yassa vā pana cittaṃ na nirujjhissati tassa cittaṃ na nirujjhati?

    9. (க) யஸ்ஸ சித்தங் நிருஜ்ஜி²த்த² தஸ்ஸ சித்தங் நிருஜ்ஜி²ஸ்ஸதி?

    9. (Ka) yassa cittaṃ nirujjhittha tassa cittaṃ nirujjhissati?

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் நிருஜ்ஜி²த்த²?

    (Kha) yassa vā pana cittaṃ nirujjhissati tassa cittaṃ nirujjhittha?

    (க) யஸ்ஸ சித்தங் ந நிருஜ்ஜி²த்த² தஸ்ஸ சித்தங் ந நிருஜ்ஜி²ஸ்ஸதி?

    (Ka) yassa cittaṃ na nirujjhittha tassa cittaṃ na nirujjhissati?

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந நிருஜ்ஜி²த்த²?

    (Kha) yassa vā pana cittaṃ na nirujjhissati tassa cittaṃ na nirujjhittha?

    (6) உப்பாத³னிரோத⁴வாரோ

    (6) Uppādanirodhavāro

    10. (க) யஸ்ஸ சித்தங் உப்பஜ்ஜதி தஸ்ஸ சித்தங் நிருஜ்ஜி²த்த²?

    10. (Ka) yassa cittaṃ uppajjati tassa cittaṃ nirujjhittha?

    (க²) யஸ்ஸ வா பன சித்தங் நிருஜ்ஜி²த்த² தஸ்ஸ சித்தங் உப்பஜ்ஜதி?

    (Kha) yassa vā pana cittaṃ nirujjhittha tassa cittaṃ uppajjati?

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந நிருஜ்ஜி²த்த²?

    (Ka) yassa cittaṃ na uppajjati tassa cittaṃ na nirujjhittha?

    (க²) யஸ்ஸ வா பன சித்தங் ந நிருஜ்ஜி²த்த² தஸ்ஸ சித்தங் ந உப்பஜ்ஜதி?

    (Kha) yassa vā pana cittaṃ na nirujjhittha tassa cittaṃ na uppajjati?

    11. (க) யஸ்ஸ சித்தங் உப்பஜ்ஜதி தஸ்ஸ சித்தங் நிருஜ்ஜி²ஸ்ஸதி?

    11. (Ka) yassa cittaṃ uppajjati tassa cittaṃ nirujjhissati?

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் உப்பஜ்ஜதி?

    (Kha) yassa vā pana cittaṃ nirujjhissati tassa cittaṃ uppajjati?

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந நிருஜ்ஜி²ஸ்ஸதி?

    (Ka) yassa cittaṃ na uppajjati tassa cittaṃ na nirujjhissati?

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந உப்பஜ்ஜதி?

    (Kha) yassa vā pana cittaṃ na nirujjhissati tassa cittaṃ na uppajjati?

    12. (க) யஸ்ஸ சித்தங் உப்பஜ்ஜித்த² தஸ்ஸ சித்தங் நிருஜ்ஜி²ஸ்ஸதி?

    12. (Ka) yassa cittaṃ uppajjittha tassa cittaṃ nirujjhissati?

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் உப்பஜ்ஜித்த²?

    (Kha) yassa vā pana cittaṃ nirujjhissati tassa cittaṃ uppajjittha?

    (க) யஸ்ஸ சித்தங் ந உப்பஜ்ஜித்த² தஸ்ஸ சித்தங் ந நிருஜ்ஜி²ஸ்ஸதி?

    (Ka) yassa cittaṃ na uppajjittha tassa cittaṃ na nirujjhissati?

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந உப்பஜ்ஜித்த²?

    (Kha) yassa vā pana cittaṃ na nirujjhissati tassa cittaṃ na uppajjittha?

    (7) உப்பஜ்ஜமான-நனிரோத⁴வாரோ

    (7) Uppajjamāna-nanirodhavāro

    13. (க) யஸ்ஸ சித்தங் உப்பஜ்ஜதி தஸ்ஸ சித்தங் ந நிருஜ்ஜ²தி?

    13. (Ka) yassa cittaṃ uppajjati tassa cittaṃ na nirujjhati?

    (க²) யஸ்ஸ வா பன சித்தங் ந நிருஜ்ஜ²தி தஸ்ஸ சித்தங் உப்பஜ்ஜதி?

    (Kha) yassa vā pana cittaṃ na nirujjhati tassa cittaṃ uppajjati?

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் நிருஜ்ஜ²தி?

    (Ka) yassa cittaṃ na uppajjati tassa cittaṃ nirujjhati?

    (க²) யஸ்ஸ வா பன சித்தங் நிருஜ்ஜ²தி தஸ்ஸ சித்தங் ந உப்பஜ்ஜதி?

    (Kha) yassa vā pana cittaṃ nirujjhati tassa cittaṃ na uppajjati?

    (8) உப்பஜ்ஜமானுப்பன்னவாரோ

    (8) Uppajjamānuppannavāro

    14. (க) யஸ்ஸ சித்தங் உப்பஜ்ஜமானங் தஸ்ஸ சித்தங் உப்பன்னங்?

    14. (Ka) yassa cittaṃ uppajjamānaṃ tassa cittaṃ uppannaṃ?

    (க²) யஸ்ஸ வா பன சித்தங் உப்பன்னங் தஸ்ஸ சித்தங் உப்பஜ்ஜமானங்?

    (Kha) yassa vā pana cittaṃ uppannaṃ tassa cittaṃ uppajjamānaṃ?

    (க) யஸ்ஸ சித்தங் ந உப்பஜ்ஜமானங் தஸ்ஸ சித்தங் ந உப்பன்னங்?

    (Ka) yassa cittaṃ na uppajjamānaṃ tassa cittaṃ na uppannaṃ?

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந உப்பஜ்ஜமானங்?

    (Kha) yassa vā pana cittaṃ na uppannaṃ tassa cittaṃ na uppajjamānaṃ?

    (9) நிருஜ்ஜ²மானுப்பன்னவாரோ

    (9) Nirujjhamānuppannavāro

    15. (க) யஸ்ஸ சித்தங் நிருஜ்ஜ²மானங் தஸ்ஸ சித்தங் உப்பன்னங்?

    15. (Ka) yassa cittaṃ nirujjhamānaṃ tassa cittaṃ uppannaṃ?

    (க²) யஸ்ஸ வா பன சித்தங் உப்பன்னங் தஸ்ஸ சித்தங் நிருஜ்ஜ²மானங்?

    (Kha) yassa vā pana cittaṃ uppannaṃ tassa cittaṃ nirujjhamānaṃ?

    (க) யஸ்ஸ சித்தங் ந நிருஜ்ஜ²மானங் தஸ்ஸ சித்தங் ந உப்பன்னங்?

    (Ka) yassa cittaṃ na nirujjhamānaṃ tassa cittaṃ na uppannaṃ?

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந நிருஜ்ஜ²மானங்?

    (Kha) yassa vā pana cittaṃ na uppannaṃ tassa cittaṃ na nirujjhamānaṃ?

    (10) உப்பன்னுப்பாத³வாரோ

    (10) Uppannuppādavāro

    16. (க) யஸ்ஸ சித்தங் உப்பன்னங் தஸ்ஸ சித்தங் உப்பஜ்ஜித்த²?

    16. (Ka) yassa cittaṃ uppannaṃ tassa cittaṃ uppajjittha?

    (க²) யஸ்ஸ வா பன சித்தங் உப்பஜ்ஜித்த² தஸ்ஸ சித்தங் உப்பன்னங்?

    (Kha) yassa vā pana cittaṃ uppajjittha tassa cittaṃ uppannaṃ?

    (க) யஸ்ஸ சித்தங் ந உப்பன்னங் தஸ்ஸ சித்தங் ந உப்பஜ்ஜித்த²?

    (Ka) yassa cittaṃ na uppannaṃ tassa cittaṃ na uppajjittha?

    (க²) யஸ்ஸ வா பன சித்தங் ந உப்பஜ்ஜித்த² தஸ்ஸ சித்தங் ந உப்பன்னங்?

    (Kha) yassa vā pana cittaṃ na uppajjittha tassa cittaṃ na uppannaṃ?

    (க) யஸ்ஸ சித்தங் உப்பன்னங் தஸ்ஸ சித்தங் உப்பஜ்ஜிஸ்ஸதி?

    (Ka) yassa cittaṃ uppannaṃ tassa cittaṃ uppajjissati?

    (க²) யஸ்ஸ வா பன சித்தங் உப்பஜ்ஜிஸ்ஸதி தஸ்ஸ சித்தங் உப்பன்னங்?

    (Kha) yassa vā pana cittaṃ uppajjissati tassa cittaṃ uppannaṃ?

    (க) யஸ்ஸ சித்தங் ந உப்பன்னங் தஸ்ஸ சித்தங் ந உப்பஜ்ஜிஸ்ஸதி?

    (Ka) yassa cittaṃ na uppannaṃ tassa cittaṃ na uppajjissati?

    (க²) யஸ்ஸ வா பன சித்தங் ந உப்பஜ்ஜிஸ்ஸதி தஸ்ஸ சித்தங் ந உப்பன்னங்?

    (Kha) yassa vā pana cittaṃ na uppajjissati tassa cittaṃ na uppannaṃ?

    (11) அதீதானாக³தவாரோ

    (11) Atītānāgatavāro

    17. (க) யஸ்ஸ சித்தங் உப்பஜ்ஜித்த² நோ ச தஸ்ஸ சித்தங் உப்பன்னங், தஸ்ஸ சித்தங் உப்பஜ்ஜிஸ்ஸதி?

    17. (Ka) yassa cittaṃ uppajjittha no ca tassa cittaṃ uppannaṃ, tassa cittaṃ uppajjissati?

    (க²) யஸ்ஸ வா பன சித்தங் உப்பஜ்ஜிஸ்ஸதி நோ ச தஸ்ஸ சித்தங் உப்பன்னங், தஸ்ஸ சித்தங் உப்பஜ்ஜித்த²?

    (Kha) yassa vā pana cittaṃ uppajjissati no ca tassa cittaṃ uppannaṃ, tassa cittaṃ uppajjittha?

    (க) யஸ்ஸ சித்தங் ந உப்பஜ்ஜித்த² நோ ச தஸ்ஸ சித்தங் ந உப்பன்னங், தஸ்ஸ சித்தங் ந உப்பஜ்ஜிஸ்ஸதி?

    (Ka) yassa cittaṃ na uppajjittha no ca tassa cittaṃ na uppannaṃ, tassa cittaṃ na uppajjissati?

    (க²) யஸ்ஸ வா பன சித்தங் ந உப்பஜ்ஜிஸ்ஸதி நோ ச தஸ்ஸ சித்தங் ந உப்பன்னங், தஸ்ஸ சித்தங் ந உப்பஜ்ஜித்த²?

    (Kha) yassa vā pana cittaṃ na uppajjissati no ca tassa cittaṃ na uppannaṃ, tassa cittaṃ na uppajjittha?

    (12) உப்பன்னுப்பஜ்ஜமானவாரோ

    (12) Uppannuppajjamānavāro

    18. (க) உப்பன்னங் உப்பஜ்ஜமானங்?

    18. (Ka) uppannaṃ uppajjamānaṃ?

    (க²) உப்பஜ்ஜமானங் உப்பன்னங்?

    (Kha) uppajjamānaṃ uppannaṃ?

    (க) ந உப்பன்னங் ந உப்பஜ்ஜமானங்?

    (Ka) na uppannaṃ na uppajjamānaṃ?

    (க²) ந உப்பஜ்ஜமானங் ந உப்பன்னங்?

    (Kha) na uppajjamānaṃ na uppannaṃ?

    (13) நிருத்³த⁴னிருஜ்ஜ²மானவாரோ

    (13) Niruddhanirujjhamānavāro

    19. (க) நிருத்³த⁴ங் நிருஜ்ஜ²மானங்?

    19. (Ka) niruddhaṃ nirujjhamānaṃ?

    (க²) நிருஜ்ஜ²மானங் நிருத்³த⁴ங்?

    (Kha) nirujjhamānaṃ niruddhaṃ?

    (க) ந நிருத்³த⁴ங் ந நிருஜ்ஜ²மானங்?

    (Ka) na niruddhaṃ na nirujjhamānaṃ?

    (க²) ந நிருஜ்ஜ²மானங் ந நிருத்³த⁴ங்?

    (Kha) na nirujjhamānaṃ na niruddhaṃ?

    (14) அதிக்கந்தகாலவாரோ

    (14) Atikkantakālavāro

    20. (க) யஸ்ஸ சித்தங் உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தங்?

    20. (Ka) yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?

    (க²) யஸ்ஸ வா பன சித்தங் நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தங்?

    (Kha) yassa vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?

    (க) யஸ்ஸ சித்தங் ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தங்?

    (Ka) yassa cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?

    (க²) யஸ்ஸ வா பன சித்தங் ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தங்?

    (Kha) yassa vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?

    1. ஸுத்³த⁴சித்தஸாமஞ்ஞங்

    1. Suddhacittasāmaññaṃ

    2. த⁴ம்மவாரோ

    2. Dhammavāro

    (1) உப்பாத³னிரோத⁴காலஸம்பே⁴த³வாரோ

    (1) Uppādanirodhakālasambhedavāro

    21. (க) யங் சித்தங் உப்பஜ்ஜதி ந நிருஜ்ஜ²தி தங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி?

    21. (Ka) yaṃ cittaṃ uppajjati na nirujjhati taṃ cittaṃ nirujjhissati na uppajjissati?

    (க²) யங் வா பன சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தங் சித்தங் உப்பஜ்ஜதி ந நிருஜ்ஜ²தி?

    (Kha) yaṃ vā pana cittaṃ nirujjhissati na uppajjissati taṃ cittaṃ uppajjati na nirujjhati?

    (க) யங் சித்தங் ந உப்பஜ்ஜதி நிருஜ்ஜ²தி தங் சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி?

    (Ka) yaṃ cittaṃ na uppajjati nirujjhati taṃ cittaṃ na nirujjhissati uppajjissati?

    (க²) யங் வா பன சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி தங் சித்தங் ந உப்பஜ்ஜதி நிருஜ்ஜ²தி?

    (Kha) yaṃ vā pana cittaṃ na nirujjhissati uppajjissati taṃ cittaṃ na uppajjati nirujjhati?

    (2) உப்பாது³ப்பன்னவாரோ

    (2) Uppāduppannavāro

    22. (க) யங் சித்தங் உப்பஜ்ஜதி தங் சித்தங் உப்பன்னங்?

    22. (Ka) yaṃ cittaṃ uppajjati taṃ cittaṃ uppannaṃ?

    (க²) யங் வா பன சித்தங் உப்பன்னங் தங் சித்தங் உப்பஜ்ஜதி?

    (Kha) yaṃ vā pana cittaṃ uppannaṃ taṃ cittaṃ uppajjati?

    (க) யங் சித்தங் ந உப்பஜ்ஜதி தங் சித்தங் ந உப்பன்னங்?

    (Ka) yaṃ cittaṃ na uppajjati taṃ cittaṃ na uppannaṃ?

    (க²) யங் வா பன சித்தங் ந உப்பன்னங் தங் சித்தங் ந உப்பஜ்ஜதி?

    (Kha) yaṃ vā pana cittaṃ na uppannaṃ taṃ cittaṃ na uppajjati?

    (3) நிரோது⁴ப்பன்னவாரோ

    (3) Nirodhuppannavāro

    23. (க) யங் சித்தங் நிருஜ்ஜ²தி தங் சித்தங் உப்பன்னங்?

    23. (Ka) yaṃ cittaṃ nirujjhati taṃ cittaṃ uppannaṃ?

    (க²) யங் வா பன சித்தங் உப்பன்னங் தங் சித்தங் நிருஜ்ஜ²தி?

    (Kha) yaṃ vā pana cittaṃ uppannaṃ taṃ cittaṃ nirujjhati?

    (க) யங் சித்தங் ந நிருஜ்ஜ²தி தங் சித்தங் ந உப்பன்னங்?

    (Ka) yaṃ cittaṃ na nirujjhati taṃ cittaṃ na uppannaṃ?

    (க²) யங் வா பன சித்தங் ந உப்பன்னங் தங் சித்தங் ந நிருஜ்ஜ²தி?

    (Kha) yaṃ vā pana cittaṃ na uppannaṃ taṃ cittaṃ na nirujjhati?

    (4) உப்பாத³வாரோ

    (4) Uppādavāro

    24. (க) யங் சித்தங் உப்பஜ்ஜதி தங் சித்தங் உப்பஜ்ஜித்த²?

    24. (Ka) yaṃ cittaṃ uppajjati taṃ cittaṃ uppajjittha?

    (க²) யங் வா பன சித்தங் உப்பஜ்ஜித்த² தங் சித்தங் உப்பஜ்ஜதி?

    (Kha) yaṃ vā pana cittaṃ uppajjittha taṃ cittaṃ uppajjati?

    (க) யங் சித்தங் ந உப்பஜ்ஜதி தங் சித்தங் ந உப்பஜ்ஜித்த²?

    (Ka) yaṃ cittaṃ na uppajjati taṃ cittaṃ na uppajjittha?

    (க²) யங் வா பன சித்தங் ந உப்பஜ்ஜித்த² தங் சித்தங் ந உப்பஜ்ஜதி?

    (Kha) yaṃ vā pana cittaṃ na uppajjittha taṃ cittaṃ na uppajjati?

    25. (க) யங் சித்தங் உப்பஜ்ஜதி தங் சித்தங் உப்பஜ்ஜிஸ்ஸதி?

    25. (Ka) yaṃ cittaṃ uppajjati taṃ cittaṃ uppajjissati?

    (க²) யங் வா பன சித்தங் உப்பஜ்ஜிஸ்ஸதி தங் சித்தங் உப்பஜ்ஜதி?

    (Kha) yaṃ vā pana cittaṃ uppajjissati taṃ cittaṃ uppajjati?

    (க) யங் சித்தங் ந உப்பஜ்ஜதி தங் சித்தங் ந உப்பஜ்ஜிஸ்ஸதி?

    (Ka) yaṃ cittaṃ na uppajjati taṃ cittaṃ na uppajjissati?

    (க²) யங் வா பன சித்தங் ந உப்பஜ்ஜிஸ்ஸதி தங் சித்தங் ந உப்பஜ்ஜதி?

    (Kha) yaṃ vā pana cittaṃ na uppajjissati taṃ cittaṃ na uppajjati?

    26. (க) யங் சித்தங் உப்பஜ்ஜித்த² தங் சித்தங் உப்பஜ்ஜிஸ்ஸதி?

    26. (Ka) yaṃ cittaṃ uppajjittha taṃ cittaṃ uppajjissati?

    (க²) யங் வா பன சித்தங் உப்பஜ்ஜிஸ்ஸதி தங் சித்தங் உப்பஜ்ஜித்த²?

    (Kha) yaṃ vā pana cittaṃ uppajjissati taṃ cittaṃ uppajjittha?

    (க) யங் சித்தங் ந உப்பஜ்ஜித்த² தங் சித்தங் ந உப்பஜ்ஜிஸ்ஸதி?

    (Ka) yaṃ cittaṃ na uppajjittha taṃ cittaṃ na uppajjissati?

    (க²) யங் வா பன சித்தங் ந உப்பஜ்ஜிஸ்ஸதி தங் சித்தங் ந உப்பஜ்ஜித்த²?

    (Kha) yaṃ vā pana cittaṃ na uppajjissati taṃ cittaṃ na uppajjittha?

    (5) நிரோத⁴வாரோ

    (5) Nirodhavāro

    27. (க) யங் சித்தங் நிருஜ்ஜ²தி தங் சித்தங் நிருஜ்ஜி²த்த²?

    27. (Ka) yaṃ cittaṃ nirujjhati taṃ cittaṃ nirujjhittha?

    (க²) யங் வா பன சித்தங் நிருஜ்ஜி²த்த² தங் சித்தங் நிருஜ்ஜ²தி?

    (Kha) yaṃ vā pana cittaṃ nirujjhittha taṃ cittaṃ nirujjhati?

    (க) யங் சித்தங் ந நிருஜ்ஜ²தி தங் சித்தங் ந நிருஜ்ஜி²த்த²?

    (Ka) yaṃ cittaṃ na nirujjhati taṃ cittaṃ na nirujjhittha?

    (க²) யங் வா பன சித்தங் ந நிருஜ்ஜி²த்த² தங் சித்தங் ந நிருஜ்ஜ²தி?

    (Kha) yaṃ vā pana cittaṃ na nirujjhittha taṃ cittaṃ na nirujjhati?

    28. (க) யங் சித்தங் நிருஜ்ஜ²தி தங் சித்தங் நிருஜ்ஜி²ஸ்ஸதி?

    28. (Ka) yaṃ cittaṃ nirujjhati taṃ cittaṃ nirujjhissati?

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் நிருஜ்ஜ²தி?

    (Kha) yaṃ vā pana cittaṃ nirujjhissati taṃ cittaṃ nirujjhati?

    (க) யங் சித்தங் ந நிருஜ்ஜ²தி தங் சித்தங் ந நிருஜ்ஜி²ஸ்ஸதி?

    (Ka) yaṃ cittaṃ na nirujjhati taṃ cittaṃ na nirujjhissati?

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந நிருஜ்ஜ²தி?

    (Kha) yaṃ vā pana cittaṃ na nirujjhissati taṃ cittaṃ na nirujjhati?

    29. (க) யங் சித்தங் நிருஜ்ஜி²த்த² தங் சித்தங் நிருஜ்ஜி²ஸ்ஸதி?

    29. (Ka) yaṃ cittaṃ nirujjhittha taṃ cittaṃ nirujjhissati?

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் நிருஜ்ஜி²த்த²?

    (Kha) yaṃ vā pana cittaṃ nirujjhissati taṃ cittaṃ nirujjhittha?

    (க) யங் சித்தங் ந நிருஜ்ஜி²த்த² தங் சித்தங் ந நிருஜ்ஜி²ஸ்ஸதி?

    (Ka) yaṃ cittaṃ na nirujjhittha taṃ cittaṃ na nirujjhissati?

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந நிருஜ்ஜி²த்த²?

    (Kha) yaṃ vā pana cittaṃ na nirujjhissati taṃ cittaṃ na nirujjhittha?

    (6) உப்பாத³னிரோத⁴வாரோ

    (6) Uppādanirodhavāro

    30. (க) யங் சித்தங் உப்பஜ்ஜதி தங் சித்தங் நிருஜ்ஜி²த்த²?

    30. (Ka) yaṃ cittaṃ uppajjati taṃ cittaṃ nirujjhittha?

    (க²) யங் வா பன சித்தங் நிருஜ்ஜி²த்த² தங் சித்தங் உப்பஜ்ஜதி?

    (Kha) yaṃ vā pana cittaṃ nirujjhittha taṃ cittaṃ uppajjati?

    (க) யங் சித்தங் ந உப்பஜ்ஜதி தங் சித்தங் ந நிருஜ்ஜி²த்த²?

    (Ka) yaṃ cittaṃ na uppajjati taṃ cittaṃ na nirujjhittha?

    (க²) யங் வா பன சித்தங் ந நிருஜ்ஜி²த்த² தங் சித்தங் ந உப்பஜ்ஜதி?

    (Kha) yaṃ vā pana cittaṃ na nirujjhittha taṃ cittaṃ na uppajjati?

    31. (க) யங் சித்தங் உப்பஜ்ஜதி தங் சித்தங் நிருஜ்ஜி²ஸ்ஸதி?

    31. (Ka) yaṃ cittaṃ uppajjati taṃ cittaṃ nirujjhissati?

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் உப்பஜ்ஜதி?

    (Kha) yaṃ vā pana cittaṃ nirujjhissati taṃ cittaṃ uppajjati?

    (க) யங் சித்தங் ந உப்பஜ்ஜதி தங் சித்தங் ந நிருஜ்ஜி²ஸ்ஸதி?

    (Ka) yaṃ cittaṃ na uppajjati taṃ cittaṃ na nirujjhissati?

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந உப்பஜ்ஜதி?

    (Kha) yaṃ vā pana cittaṃ na nirujjhissati taṃ cittaṃ na uppajjati?

    32. (க) யங் சித்தங் உப்பஜ்ஜித்த² தங் சித்தங் நிருஜ்ஜி²ஸ்ஸதி?

    32. (Ka) yaṃ cittaṃ uppajjittha taṃ cittaṃ nirujjhissati?

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் உப்பஜ்ஜித்த²?

    (Kha) yaṃ vā pana cittaṃ nirujjhissati taṃ cittaṃ uppajjittha?

    (க) யங் சித்தங் ந உப்பஜ்ஜித்த² தங் சித்தங் ந நிருஜ்ஜி²ஸ்ஸதி?

    (Ka) yaṃ cittaṃ na uppajjittha taṃ cittaṃ na nirujjhissati?

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந உப்பஜ்ஜித்த²?

    (Kha) yaṃ vā pana cittaṃ na nirujjhissati taṃ cittaṃ na uppajjittha?

    (7) உப்பஜ்ஜமான-நனிரோத⁴வாரோ

    (7) Uppajjamāna-nanirodhavāro

    33. (க) யங் சித்தங் உப்பஜ்ஜதி தங் சித்தங் ந நிருஜ்ஜ²தி?

    33. (Ka) yaṃ cittaṃ uppajjati taṃ cittaṃ na nirujjhati?

    (க²) யங் வா பன சித்தங் ந நிருஜ்ஜ²தி தங் சித்தங் உப்பஜ்ஜதி?

    (Kha) yaṃ vā pana cittaṃ na nirujjhati taṃ cittaṃ uppajjati?

    (க) யங் சித்தங் ந உப்பஜ்ஜதி தங் சித்தங் நிருஜ்ஜ²தி?

    (Ka) yaṃ cittaṃ na uppajjati taṃ cittaṃ nirujjhati?

    (க²) யங் வா பன சித்தங் நிருஜ்ஜ²தி தங் சித்தங் ந உப்பஜ்ஜதி?

    (Kha) yaṃ vā pana cittaṃ nirujjhati taṃ cittaṃ na uppajjati?

    (8) உப்பஜ்ஜமானுப்பன்னவாரோ

    (8) Uppajjamānuppannavāro

    34. (க) யங் சித்தங் உப்பஜ்ஜமானங் தங் சித்தங் உப்பன்னங்?

    34. (Ka) yaṃ cittaṃ uppajjamānaṃ taṃ cittaṃ uppannaṃ?

    (க²) யங் வா பன சித்தங் உப்பன்னங் தங் சித்தங் உப்பஜ்ஜமானங்?

    (Kha) yaṃ vā pana cittaṃ uppannaṃ taṃ cittaṃ uppajjamānaṃ?

    (க) யங் சித்தங் ந உப்பஜ்ஜமானங் தங் சித்தங் ந உப்பன்னங்?

    (Ka) yaṃ cittaṃ na uppajjamānaṃ taṃ cittaṃ na uppannaṃ?

    (க²) யங் வா பன சித்தங் ந உப்பன்னங் தங் சித்தங் ந உப்பஜ்ஜமானங்?

    (Kha) yaṃ vā pana cittaṃ na uppannaṃ taṃ cittaṃ na uppajjamānaṃ?

    (9) நிருஜ்ஜ²மானுப்பன்னவாரோ

    (9) Nirujjhamānuppannavāro

    35. (க) யங் சித்தங் நிருஜ்ஜ²மானங் தங் சித்தங் உப்பன்னங்?

    35. (Ka) yaṃ cittaṃ nirujjhamānaṃ taṃ cittaṃ uppannaṃ?

    (க²) யங் வா பன சித்தங் உப்பன்னங் தங் சித்தங் நிருஜ்ஜ²மானங்?

    (Kha) yaṃ vā pana cittaṃ uppannaṃ taṃ cittaṃ nirujjhamānaṃ?

    (க) யங் சித்தங் ந நிருஜ்ஜ²மானங் தங் சித்தங் ந உப்பன்னங்?

    (Ka) yaṃ cittaṃ na nirujjhamānaṃ taṃ cittaṃ na uppannaṃ?

    (க²) யங் வா பன சித்தங் ந உப்பன்னங் தங் சித்தங் ந நிருஜ்ஜ²மானங்?

    (Kha) yaṃ vā pana cittaṃ na uppannaṃ taṃ cittaṃ na nirujjhamānaṃ?

    (10) உப்பன்னுப்பாத³வாரோ

    (10) Uppannuppādavāro

    36. (க) யங் சித்தங் உப்பன்னங் தங் சித்தங் உப்பஜ்ஜித்த²?

    36. (Ka) yaṃ cittaṃ uppannaṃ taṃ cittaṃ uppajjittha?

    (க²) யங் வா பன சித்தங் உப்பஜ்ஜித்த² தங் சித்தங் உப்பன்னங்?

    (Kha) yaṃ vā pana cittaṃ uppajjittha taṃ cittaṃ uppannaṃ?

    (க) யங் சித்தங் ந உப்பன்னங் தங் சித்தங் ந உப்பஜ்ஜித்த²?

    (Ka) yaṃ cittaṃ na uppannaṃ taṃ cittaṃ na uppajjittha?

    (க²) யங் வா பன சித்தங் ந உப்பஜ்ஜித்த² தங் சித்தங் ந உப்பன்னங்?

    (Kha) yaṃ vā pana cittaṃ na uppajjittha taṃ cittaṃ na uppannaṃ?

    (க) யங் சித்தங் உப்பன்னங் தங் சித்தங் உப்பஜ்ஜிஸ்ஸதி?

    (Ka) yaṃ cittaṃ uppannaṃ taṃ cittaṃ uppajjissati?

    (க²) யங் வா பன சித்தங் உப்பஜ்ஜிஸ்ஸதி தங் சித்தங் உப்பன்னங்?

    (Kha) yaṃ vā pana cittaṃ uppajjissati taṃ cittaṃ uppannaṃ?

    (க) யங் சித்தங் ந உப்பன்னங் தங் சித்தங் ந உப்பஜ்ஜிஸ்ஸதி?

    (Ka) yaṃ cittaṃ na uppannaṃ taṃ cittaṃ na uppajjissati?

    (க²) யங் வா பன சித்தங் ந உப்பஜ்ஜிஸ்ஸதி தங் சித்தங் ந உப்பன்னங்?

    (Kha) yaṃ vā pana cittaṃ na uppajjissati taṃ cittaṃ na uppannaṃ?

    (11) அதீதானாக³தவாரோ

    (11) Atītānāgatavāro

    37. (க) யங் சித்தங் உப்பஜ்ஜித்த² நோ ச தங் சித்தங் உப்பன்னங், தங் சித்தங் உப்பஜ்ஜிஸ்ஸதி?

    37. (Ka) yaṃ cittaṃ uppajjittha no ca taṃ cittaṃ uppannaṃ, taṃ cittaṃ uppajjissati?

    (க²) யங் வா பன சித்தங் உப்பஜ்ஜிஸ்ஸதி நோ ச தங் சித்தங் உப்பன்னங், தங் சித்தங் உப்பஜ்ஜித்த²?

    (Kha) yaṃ vā pana cittaṃ uppajjissati no ca taṃ cittaṃ uppannaṃ, taṃ cittaṃ uppajjittha?

    (க) யங் சித்தங் ந உப்பஜ்ஜித்த² நோ ச தங் சித்தங் ந உப்பன்னங், தங் சித்தங் ந உப்பஜ்ஜிஸ்ஸதி?

    (Ka) yaṃ cittaṃ na uppajjittha no ca taṃ cittaṃ na uppannaṃ, taṃ cittaṃ na uppajjissati?

    (க²) யங் வா பன சித்தங் ந உப்பஜ்ஜிஸ்ஸதி நோ ச தங் சித்தங் ந உப்பன்னங், தங் சித்தங் ந உப்பஜ்ஜித்த²?

    (Kha) yaṃ vā pana cittaṃ na uppajjissati no ca taṃ cittaṃ na uppannaṃ, taṃ cittaṃ na uppajjittha?

    (12) உப்பன்னுப்பஜ்ஜமானவாரோ

    (12) Uppannuppajjamānavāro

    38. (க) உப்பன்னங் உப்பஜ்ஜமானங்?

    38. (Ka) uppannaṃ uppajjamānaṃ?

    (க²) உப்பஜ்ஜமானங் உப்பன்னங்?

    (Kha) uppajjamānaṃ uppannaṃ?

    (க) ந உப்பன்னங் ந உப்பஜ்ஜமானங்?

    (Ka) na uppannaṃ na uppajjamānaṃ?

    (க²) ந உப்பஜ்ஜமானங் ந உப்பன்னங்?

    (Kha) na uppajjamānaṃ na uppannaṃ?

    (13) நிருத்³த⁴னிருஜ்ஜ²மானவாரோ

    (13) Niruddhanirujjhamānavāro

    39. (க) நிருத்³த⁴ங் நிருஜ்ஜ²மானங்?

    39. (Ka) niruddhaṃ nirujjhamānaṃ?

    (க²) நிருஜ்ஜ²மானங் நிருத்³த⁴ங்?

    (Kha) nirujjhamānaṃ niruddhaṃ?

    (க) ந நிருத்³த⁴ங் ந நிருஜ்ஜ²மானங்?

    (Ka) na niruddhaṃ na nirujjhamānaṃ?

    (க²) ந நிருஜ்ஜ²மானங் ந நிருத்³த⁴ங்?

    (Kha) na nirujjhamānaṃ na niruddhaṃ?

    (14) அதிக்கந்தகாலவாரோ

    (14) Atikkantakālavāro

    40. (க) யங் சித்தங் உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தங் சித்தங்?

    40. (Ka) yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?

    (க²) யங் வா பன சித்தங் நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தங் சித்தங்?

    (Kha) yaṃ vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?

    (க) யங் சித்தங் ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தங் சித்தங்?

    (Ka) yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?

    (க²) யங் வா பன சித்தங் ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தங் சித்தங்?

    (Kha) yaṃ vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?

    1. ஸுத்³த⁴சித்தஸாமஞ்ஞ

    1. Suddhacittasāmañña

    3. புக்³க³லத⁴ம்மவாரோ

    3. Puggaladhammavāro

    (1) உப்பாத³னிரோத⁴காலஸம்பே⁴த³வாரோ

    (1) Uppādanirodhakālasambhedavāro

    41. (க) யஸ்ஸ யங் சித்தங் உப்பஜ்ஜதி ந நிருஜ்ஜ²தி தஸ்ஸ தங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி?

    41. (Ka) yassa yaṃ cittaṃ uppajjati na nirujjhati tassa taṃ cittaṃ nirujjhissati na uppajjissati?

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தஸ்ஸ தங் சித்தங் உப்பஜ்ஜதி ந நிருஜ்ஜ²தி?

    (Kha) yassa vā pana yaṃ cittaṃ nirujjhissati na uppajjissati tassa taṃ cittaṃ uppajjati na nirujjhati?

    (க) யஸ்ஸ யங் சித்தங் ந உப்பஜ்ஜதி நிருஜ்ஜ²தி தஸ்ஸ தங் சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி?

    (Ka) yassa yaṃ cittaṃ na uppajjati nirujjhati tassa taṃ cittaṃ na nirujjhissati uppajjissati?

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி தஸ்ஸ தங் சித்தங் ந உப்பஜ்ஜதி நிருஜ்ஜ²தி?

    (Kha) yassa vā pana yaṃ cittaṃ na nirujjhissati uppajjissati tassa taṃ cittaṃ na uppajjati nirujjhati?

    (2) உப்பாது³ப்பன்னவாரோ

    (2) Uppāduppannavāro

    42. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் உப்பன்னங்?

    42. (Ka) yassa yaṃ cittaṃ uppajjati tassa taṃ cittaṃ uppannaṃ?

    (க²) யஸ்ஸ வா பன யங் சித்தங் உப்பன்னங் தஸ்ஸ தங் சித்தங் உப்பஜ்ஜதி?

    (Kha) yassa vā pana yaṃ cittaṃ uppannaṃ tassa taṃ cittaṃ uppajjati?

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந உப்பன்னங்?

    (Ka) yassa yaṃ cittaṃ na uppajjati tassa taṃ cittaṃ na uppannaṃ?

    (க²) யஸ்ஸ வா பன யங் சித்தங் ந உப்பன்னங் தஸ்ஸ தங் சித்தங் ந உப்பஜ்ஜதி?

    (Kha) yassa vā pana yaṃ cittaṃ na uppannaṃ tassa taṃ cittaṃ na uppajjati?

    (3) நிரோது⁴ப்பன்னவாரோ

    (3) Nirodhuppannavāro

    43. (க) யஸ்ஸ யங் சித்தங் நிருஜ்ஜ²தி தஸ்ஸ தங் சித்தங் உப்பன்னங்?

    43. (Ka) yassa yaṃ cittaṃ nirujjhati tassa taṃ cittaṃ uppannaṃ?

    (க²) யஸ்ஸ வா பன யங் சித்தங் உப்பன்னங் தஸ்ஸ தங் சித்தங் நிருஜ்ஜ²தி?

    (Kha) yassa vā pana yaṃ cittaṃ uppannaṃ tassa taṃ cittaṃ nirujjhati?

    (க) யஸ்ஸ யங் சித்தங் ந நிருஜ்ஜ²தி தஸ்ஸ தங் சித்தங் ந உப்பன்னங்?

    (Ka) yassa yaṃ cittaṃ na nirujjhati tassa taṃ cittaṃ na uppannaṃ?

    (க²) யஸ்ஸ வா பன யங் சித்தங் ந உப்பன்னங் தஸ்ஸ தங் சித்தங் ந நிருஜ்ஜ²தி?

    (Kha) yassa vā pana yaṃ cittaṃ na uppannaṃ tassa taṃ cittaṃ na nirujjhati?

    (4) உப்பாத³வாரோ

    (4) Uppādavāro

    44. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் உப்பஜ்ஜித்த²?

    44. (Ka) yassa yaṃ cittaṃ uppajjati tassa taṃ cittaṃ uppajjittha?

    (க²) யஸ்ஸ வா பன யங் சித்தங் உப்பஜ்ஜித்த² தஸ்ஸ தங் சித்தங் உப்பஜ்ஜதி?

    (Kha) yassa vā pana yaṃ cittaṃ uppajjittha tassa taṃ cittaṃ uppajjati?

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந உப்பஜ்ஜித்த²?

    (Ka) yassa yaṃ cittaṃ na uppajjati tassa taṃ cittaṃ na uppajjittha?

    (க²) யஸ்ஸ வா பன யங் சித்தங் ந உப்பஜ்ஜித்த² தஸ்ஸ தங் சித்தங் ந உப்பஜ்ஜதி?

    (Kha) yassa vā pana yaṃ cittaṃ na uppajjittha tassa taṃ cittaṃ na uppajjati?

    45. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் உப்பஜ்ஜிஸ்ஸதி?

    45. (Ka) yassa yaṃ cittaṃ uppajjati tassa taṃ cittaṃ uppajjissati?

    (க²) யஸ்ஸ வா பன யங் சித்தங் உப்பஜ்ஜிஸ்ஸதி தஸ்ஸ தங் சித்தங் உப்பஜ்ஜதி?

    (Kha) yassa vā pana yaṃ cittaṃ uppajjissati tassa taṃ cittaṃ uppajjati?

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந உப்பஜ்ஜிஸ்ஸதி?

    (Ka) yassa yaṃ cittaṃ na uppajjati tassa taṃ cittaṃ na uppajjissati?

    (க²) யஸ்ஸ வா பன யங் சித்தங் ந உப்பஜ்ஜிஸ்ஸதி தஸ்ஸ தங் சித்தங் ந உப்பஜ்ஜதி?

    (Kha) yassa vā pana yaṃ cittaṃ na uppajjissati tassa taṃ cittaṃ na uppajjati?

    46. (க) யஸ்ஸ யங் சித்தங் உப்பஜ்ஜித்த² தஸ்ஸ தங் சித்தங் உப்பஜ்ஜிஸ்ஸதி?

    46. (Ka) yassa yaṃ cittaṃ uppajjittha tassa taṃ cittaṃ uppajjissati?

    (க²) யஸ்ஸ வா பன யங் சித்தங் உப்பஜ்ஜிஸ்ஸதி தஸ்ஸ தங் சித்தங் உப்பஜ்ஜித்த²?

    (Kha) yassa vā pana yaṃ cittaṃ uppajjissati tassa taṃ cittaṃ uppajjittha?

    (க) யஸ்ஸ யங் சித்தங் ந உப்பஜ்ஜித்த² தஸ்ஸ தங் சித்தங் ந உப்பஜ்ஜிஸ்ஸதி?

    (Ka) yassa yaṃ cittaṃ na uppajjittha tassa taṃ cittaṃ na uppajjissati?

    (க²) யஸ்ஸ வா பன யங் சித்தங் ந உப்பஜ்ஜிஸ்ஸதி தஸ்ஸ தங் சித்தங் ந உப்பஜ்ஜித்த²?

    (Kha) yassa vā pana yaṃ cittaṃ na uppajjissati tassa taṃ cittaṃ na uppajjittha?

    (5) நிரோத⁴வாரோ

    (5) Nirodhavāro

    47. (க) யஸ்ஸ யங் சித்தங் நிருஜ்ஜ²தி தஸ்ஸ தங் சித்தங் நிருஜ்ஜி²த்த²?

    47. (Ka) yassa yaṃ cittaṃ nirujjhati tassa taṃ cittaṃ nirujjhittha?

    (க²) யஸ்ஸ வா பன யங் சித்தங் நிருஜ்ஜி²த்த² தஸ்ஸ தங் சித்தங் நிருஜ்ஜ²தி?

    (Kha) yassa vā pana yaṃ cittaṃ nirujjhittha tassa taṃ cittaṃ nirujjhati?

    (க) யஸ்ஸ யங் சித்தங் ந நிருஜ்ஜ²தி தஸ்ஸ தங் சித்தங் ந நிருஜ்ஜி²த்த²?

    (Ka) yassa yaṃ cittaṃ na nirujjhati tassa taṃ cittaṃ na nirujjhittha?

    (க²) யஸ்ஸ வா பன யங் சித்தங் ந நிருஜ்ஜி²த்த² தஸ்ஸ தங் சித்தங் ந நிருஜ்ஜ²தி?

    (Kha) yassa vā pana yaṃ cittaṃ na nirujjhittha tassa taṃ cittaṃ na nirujjhati?

    48. (க) யஸ்ஸ யங் சித்தங் நிருஜ்ஜ²தி தஸ்ஸ தங் சித்தங் நிருஜ்ஜி²ஸ்ஸதி?

    48. (Ka) yassa yaṃ cittaṃ nirujjhati tassa taṃ cittaṃ nirujjhissati?

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி தஸ்ஸ தங் சித்தங் நிருஜ்ஜ²தி?

    (Kha) yassa vā pana yaṃ cittaṃ nirujjhissati tassa taṃ cittaṃ nirujjhati?

    (க) யஸ்ஸ யங் சித்தங் ந நிருஜ்ஜ²தி தஸ்ஸ தங் சித்தங் ந நிருஜ்ஜி²ஸ்ஸதி?

    (Ka) yassa yaṃ cittaṃ na nirujjhati tassa taṃ cittaṃ na nirujjhissati?

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி தஸ்ஸ தங் சித்தங் ந நிருஜ்ஜ²தி?

    (Kha) yassa vā pana yaṃ cittaṃ na nirujjhissati tassa taṃ cittaṃ na nirujjhati?

    49. (க) யஸ்ஸ யங் சித்தங் நிருஜ்ஜி²த்த² தஸ்ஸ தங் சித்தங் நிருஜ்ஜி²ஸ்ஸதி?

    49. (Ka) yassa yaṃ cittaṃ nirujjhittha tassa taṃ cittaṃ nirujjhissati?

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி தஸ்ஸ தங் சித்தங் நிருஜ்ஜி²த்த²?

    (Kha) yassa vā pana yaṃ cittaṃ nirujjhissati tassa taṃ cittaṃ nirujjhittha?

    (க) யஸ்ஸ யங் சித்தங் ந நிருஜ்ஜி²த்த² தஸ்ஸ தங் சித்தங் ந நிருஜ்ஜி²ஸ்ஸதி?

    (Ka) yassa yaṃ cittaṃ na nirujjhittha tassa taṃ cittaṃ na nirujjhissati?

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி தஸ்ஸ தங் சித்தங் ந நிருஜ்ஜி²த்த²?

    (Kha) yassa vā pana yaṃ cittaṃ na nirujjhissati tassa taṃ cittaṃ na nirujjhittha?

    (6) உப்பாத³னிரோத⁴வாரோ

    (6) Uppādanirodhavāro

    50. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் நிருஜ்ஜி²த்த²?

    50. (Ka) yassa yaṃ cittaṃ uppajjati tassa taṃ cittaṃ nirujjhittha?

    (க²) யஸ்ஸ வா பன யங் சித்தங் நிருஜ்ஜி²த்த² தஸ்ஸ தங் சித்தங் உப்பஜ்ஜதி?

    (Kha) yassa vā pana yaṃ cittaṃ nirujjhittha tassa taṃ cittaṃ uppajjati?

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந நிருஜ்ஜி²த்த²?

    (Ka) yassa yaṃ cittaṃ na uppajjati tassa taṃ cittaṃ na nirujjhittha?

    (க²) யஸ்ஸ வா பன யங் சித்தங் ந நிருஜ்ஜி²த்த² தஸ்ஸ தங் சித்தங் ந உப்பஜ்ஜதி?

    (Kha) yassa vā pana yaṃ cittaṃ na nirujjhittha tassa taṃ cittaṃ na uppajjati?

    51. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் நிருஜ்ஜி²ஸ்ஸதி?

    51. (Ka) yassa yaṃ cittaṃ uppajjati tassa taṃ cittaṃ nirujjhissati?

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி தஸ்ஸ தங் சித்தங் உப்பஜ்ஜதி?

    (Kha) yassa vā pana yaṃ cittaṃ nirujjhissati tassa taṃ cittaṃ uppajjati?

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந நிருஜ்ஜி²ஸ்ஸதி?

    (Ka) yassa yaṃ cittaṃ na uppajjati tassa taṃ cittaṃ na nirujjhissati?

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி தஸ்ஸ தங் சித்தங் ந உப்பஜ்ஜதி?

    (Kha) yassa vā pana yaṃ cittaṃ na nirujjhissati tassa taṃ cittaṃ na uppajjati?

    52. (க) யஸ்ஸ யங் சித்தங் உப்பஜ்ஜித்த² தஸ்ஸ தங் சித்தங் நிருஜ்ஜி²ஸ்ஸதி?

    52. (Ka) yassa yaṃ cittaṃ uppajjittha tassa taṃ cittaṃ nirujjhissati?

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி தஸ்ஸ தங் சித்தங் உப்பஜ்ஜித்த²?

    (Kha) yassa vā pana yaṃ cittaṃ nirujjhissati tassa taṃ cittaṃ uppajjittha?

    (க) யஸ்ஸ யங் சித்தங் ந உப்பஜ்ஜித்த² தஸ்ஸ தங் சித்தங் ந நிருஜ்ஜி²ஸ்ஸதி?

    (Ka) yassa yaṃ cittaṃ na uppajjittha tassa taṃ cittaṃ na nirujjhissati?

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி தஸ்ஸ தங் சித்தங் ந உப்பஜ்ஜித்த²?

    (Kha) yassa vā pana yaṃ cittaṃ na nirujjhissati tassa taṃ cittaṃ na uppajjittha?

    (7) உப்பஜ்ஜமான-நனிரோத⁴வாரோ

    (7) Uppajjamāna-nanirodhavāro

    53. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் ந நிருஜ்ஜ²தி?

    53. (Ka) yassa yaṃ cittaṃ uppajjati tassa taṃ cittaṃ na nirujjhati?

    (க²) யஸ்ஸ வா பன யங் சித்தங் ந நிருஜ்ஜ²தி தஸ்ஸ தங் சித்தங் உப்பஜ்ஜதி?

    (Kha) yassa vā pana yaṃ cittaṃ na nirujjhati tassa taṃ cittaṃ uppajjati?

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் நிருஜ்ஜ²தி?

    (Ka) yassa yaṃ cittaṃ na uppajjati tassa taṃ cittaṃ nirujjhati?

    (க²) யஸ்ஸ வா பன யங் சித்தங் நிருஜ்ஜ²தி தஸ்ஸ தங் சித்தங் ந உப்பஜ்ஜதி?

    (Kha) yassa vā pana yaṃ cittaṃ nirujjhati tassa taṃ cittaṃ na uppajjati?

    (8) உப்பஜ்ஜமானுப்பன்னவாரோ

    (8) Uppajjamānuppannavāro

    54. (க) யஸ்ஸ யங் சித்தங் உப்பஜ்ஜமானங் தஸ்ஸ தங் சித்தங் உப்பன்னங்?

    54. (Ka) yassa yaṃ cittaṃ uppajjamānaṃ tassa taṃ cittaṃ uppannaṃ?

    (க²) யஸ்ஸ வா பன யங் சித்தங் உப்பன்னங் தஸ்ஸ தங் சித்தங் உப்பஜ்ஜமானங்?

    (Kha) yassa vā pana yaṃ cittaṃ uppannaṃ tassa taṃ cittaṃ uppajjamānaṃ?

    (க) யஸ்ஸ யங் சித்தங் ந உப்பஜ்ஜமானங் தஸ்ஸ தங் சித்தங் ந உப்பன்னங்?

    (Ka) yassa yaṃ cittaṃ na uppajjamānaṃ tassa taṃ cittaṃ na uppannaṃ?

    (க²) யஸ்ஸ வா பன யங் சித்தங் ந உப்பன்னங் தஸ்ஸ தங் சித்தங் ந உப்பஜ்ஜமானங்?

    (Kha) yassa vā pana yaṃ cittaṃ na uppannaṃ tassa taṃ cittaṃ na uppajjamānaṃ?

    (9) நிருஜ்ஜ²மானுப்பன்னவாரோ

    (9) Nirujjhamānuppannavāro

    55. (க) யஸ்ஸ யங் சித்தங் நிருஜ்ஜ²மானங் தஸ்ஸ தங் சித்தங் உப்பன்னங்?

    55. (Ka) yassa yaṃ cittaṃ nirujjhamānaṃ tassa taṃ cittaṃ uppannaṃ?

    (க²) யஸ்ஸ வா பன யங் சித்தங் உப்பன்னங் தஸ்ஸ தங் சித்தங் நிருஜ்ஜ²மானங்?

    (Kha) yassa vā pana yaṃ cittaṃ uppannaṃ tassa taṃ cittaṃ nirujjhamānaṃ?

    (க) யஸ்ஸ யங் சித்தங் ந நிருஜ்ஜ²மானங் தஸ்ஸ தங் சித்தங் ந உப்பன்னங்?

    (Ka) yassa yaṃ cittaṃ na nirujjhamānaṃ tassa taṃ cittaṃ na uppannaṃ?

    (க²) யஸ்ஸ வா பன யங் சித்தங் ந உப்பன்னங் தஸ்ஸ தங் சித்தங் ந நிருஜ்ஜ²மானங்?

    (Kha) yassa vā pana yaṃ cittaṃ na uppannaṃ tassa taṃ cittaṃ na nirujjhamānaṃ?

    (10) உப்பன்னுப்பாத³வாரோ

    (10) Uppannuppādavāro

    56. (க) யஸ்ஸ யங் சித்தங் உப்பன்னங் தஸ்ஸ தங் சித்தங் உப்பஜ்ஜித்த²?

    56. (Ka) yassa yaṃ cittaṃ uppannaṃ tassa taṃ cittaṃ uppajjittha?

    (க²) யஸ்ஸ வா பன யங் சித்தங் உப்பஜ்ஜித்த² தஸ்ஸ தங் சித்தங் உப்பன்னங்?

    (Kha) yassa vā pana yaṃ cittaṃ uppajjittha tassa taṃ cittaṃ uppannaṃ?

    (க) யஸ்ஸ யங் சித்தங் ந உப்பன்னங் தஸ்ஸ தங் சித்தங் ந உப்பஜ்ஜித்த²?

    (Ka) yassa yaṃ cittaṃ na uppannaṃ tassa taṃ cittaṃ na uppajjittha?

    (க²) யஸ்ஸ வா பன யங் சித்தங் ந உப்பஜ்ஜித்த² தஸ்ஸ தங் சித்தங் ந உப்பன்னங்?

    (Kha) yassa vā pana yaṃ cittaṃ na uppajjittha tassa taṃ cittaṃ na uppannaṃ?

    (க) யஸ்ஸ யங் சித்தங் உப்பன்னங் தஸ்ஸ தங் சித்தங் உப்பஜ்ஜிஸ்ஸதி?

    (Ka) yassa yaṃ cittaṃ uppannaṃ tassa taṃ cittaṃ uppajjissati?

    (க²) யஸ்ஸ வா பன யங் சித்தங் உப்பஜ்ஜிஸ்ஸதி தஸ்ஸ தங் சித்தங் உப்பன்னங்?

    (Kha) yassa vā pana yaṃ cittaṃ uppajjissati tassa taṃ cittaṃ uppannaṃ?

    (க) யஸ்ஸ யங் சித்தங் ந உப்பன்னங் தஸ்ஸ தங் சித்தங் ந உப்பஜ்ஜிஸ்ஸதி?

    (Ka) yassa yaṃ cittaṃ na uppannaṃ tassa taṃ cittaṃ na uppajjissati?

    (க²) யஸ்ஸ வா பன யங் சித்தங் ந உப்பஜ்ஜிஸ்ஸதி தஸ்ஸ தங் சித்தங் ந உப்பன்னங்?

    (Kha) yassa vā pana yaṃ cittaṃ na uppajjissati tassa taṃ cittaṃ na uppannaṃ?

    (11) அதீதானாக³தவாரோ

    (11) Atītānāgatavāro

    57. (க) யஸ்ஸ யங் சித்தங் உப்பஜ்ஜித்த² நோ ச தஸ்ஸ தங் சித்தங் உப்பன்னங், தஸ்ஸ தங் சித்தங் உப்பஜ்ஜிஸ்ஸதி?

    57. (Ka) yassa yaṃ cittaṃ uppajjittha no ca tassa taṃ cittaṃ uppannaṃ, tassa taṃ cittaṃ uppajjissati?

    (க²) யஸ்ஸ வா பன யங் சித்தங் உப்பஜ்ஜிஸ்ஸதி நோ ச தஸ்ஸ தங் சித்தங் உப்பன்னங், தஸ்ஸ தங் சித்தங் உப்பஜ்ஜித்த²?

    (Kha) yassa vā pana yaṃ cittaṃ uppajjissati no ca tassa taṃ cittaṃ uppannaṃ, tassa taṃ cittaṃ uppajjittha?

    (க) யஸ்ஸ யங் சித்தங் ந உப்பஜ்ஜித்த² நோ ச தஸ்ஸ தங் சித்தங் ந உப்பன்னங், தஸ்ஸ தங் சித்தங் ந உப்பஜ்ஜிஸ்ஸதி?

    (Ka) yassa yaṃ cittaṃ na uppajjittha no ca tassa taṃ cittaṃ na uppannaṃ, tassa taṃ cittaṃ na uppajjissati?

    (க²) யஸ்ஸ வா பன யங் சித்தங் ந உப்பஜ்ஜிஸ்ஸதி நோ ச தஸ்ஸ தங் சித்தங் ந உப்பன்னங், தஸ்ஸ தங் சித்தங் ந உப்பஜ்ஜித்த²?

    (Kha) yassa vā pana yaṃ cittaṃ na uppajjissati no ca tassa taṃ cittaṃ na uppannaṃ, tassa taṃ cittaṃ na uppajjittha?

    (12) உப்பன்னுப்பஜ்ஜமானவாரோ

    (12) Uppannuppajjamānavāro

    58. (க) உப்பன்னங் உப்பஜ்ஜமானங்?

    58. (Ka) uppannaṃ uppajjamānaṃ?

    (க²) உப்பஜ்ஜமானங் உப்பன்னங்?

    (Kha) uppajjamānaṃ uppannaṃ?

    (க) ந உப்பன்னங் ந உப்பஜ்ஜமானங்?

    (Ka) na uppannaṃ na uppajjamānaṃ?

    (க²) ந உப்பஜ்ஜமானங் ந உப்பன்னங்?

    (Kha) na uppajjamānaṃ na uppannaṃ?

    (13) நிருத்³த⁴னிருஜ்ஜ²மானவாரோ

    (13) Niruddhanirujjhamānavāro

    59. (க) நிருத்³த⁴ங் நிருஜ்ஜ²மானங்?

    59. (Ka) niruddhaṃ nirujjhamānaṃ?

    (க²) நிருஜ்ஜ²மானங் நிருத்³த⁴ங்?

    (Kha) nirujjhamānaṃ niruddhaṃ?

    (க) ந நிருத்³த⁴ங் ந நிருஜ்ஜ²மானங்?

    (Ka) na niruddhaṃ na nirujjhamānaṃ?

    (க²) ந நிருஜ்ஜ²மானங் ந நிருத்³த⁴ங்?

    (Kha) na nirujjhamānaṃ na niruddhaṃ?

    (14) அதிக்கந்தகாலவாரோ

    (14) Atikkantakālavāro

    60. (க) யஸ்ஸ யங் சித்தங் உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ தங் சித்தங்?

    60. (Ka) yassa yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?

    (க²) யஸ்ஸ வா பன யங் சித்தங் நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ தங் சித்தங்?

    (Kha) yassa vā pana yaṃ cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?

    (க) யஸ்ஸ யங் சித்தங் ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ தங் சித்தங்?

    (Ka) yassa yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?

    (க²) யஸ்ஸ வா பன யங் சித்தங் ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் , ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ தங் சித்தங்?

    (Kha) yassa vā pana yaṃ cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ , na uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?

    2. ஸுத்தந்தசித்தமிஸ்ஸகவிஸேஸோ

    2. Suttantacittamissakaviseso

    61. யஸ்ஸ ஸராக³ங் சித்தங் உப்பஜ்ஜதி…பே॰… யஸ்ஸ வீதராக³ங் சித்தங் உப்பஜ்ஜதி… யஸ்ஸ ஸதோ³ஸங் சித்தங் உப்பஜ்ஜதி… யஸ்ஸ வீததோ³ஸங் சித்தங் உப்பஜ்ஜதி… யஸ்ஸ ஸமோஹங் சித்தங் உப்பஜ்ஜதி… யஸ்ஸ வீதமோஹங் சித்தங் உப்பஜ்ஜதி … யஸ்ஸ ஸங்கி²த்தங் சித்தங் உப்பஜ்ஜதி… யஸ்ஸ விக்கி²த்தங் சித்தங் உப்பஜ்ஜதி… யஸ்ஸ மஹக்³க³தங் சித்தங் உப்பஜ்ஜதி… யஸ்ஸ அமஹக்³க³தங் சித்தங் உப்பஜ்ஜதி… யஸ்ஸ ஸஉத்தரங் சித்தங் உப்பஜ்ஜதி… யஸ்ஸ அனுத்தரங் சித்தங் உப்பஜ்ஜதி… யஸ்ஸ ஸமாஹிதங் சித்தங் உப்பஜ்ஜதி… யஸ்ஸ அஸமாஹிதங் சித்தங் உப்பஜ்ஜதி… யஸ்ஸ விமுத்தங் சித்தங் உப்பஜ்ஜதி… யஸ்ஸ அவிமுத்தங் சித்தங் உப்பஜ்ஜதி…?

    61. Yassa sarāgaṃ cittaṃ uppajjati…pe… yassa vītarāgaṃ cittaṃ uppajjati… yassa sadosaṃ cittaṃ uppajjati… yassa vītadosaṃ cittaṃ uppajjati… yassa samohaṃ cittaṃ uppajjati… yassa vītamohaṃ cittaṃ uppajjati … yassa saṃkhittaṃ cittaṃ uppajjati… yassa vikkhittaṃ cittaṃ uppajjati… yassa mahaggataṃ cittaṃ uppajjati… yassa amahaggataṃ cittaṃ uppajjati… yassa sauttaraṃ cittaṃ uppajjati… yassa anuttaraṃ cittaṃ uppajjati… yassa samāhitaṃ cittaṃ uppajjati… yassa asamāhitaṃ cittaṃ uppajjati… yassa vimuttaṃ cittaṃ uppajjati… yassa avimuttaṃ cittaṃ uppajjati…?

    3. அபி⁴த⁴ம்மசித்தமிஸ்ஸகவிஸேஸோ

    3. Abhidhammacittamissakaviseso

    62. யஸ்ஸ குஸலங் சித்தங் உப்பஜ்ஜதி…பே॰… யஸ்ஸ அகுஸலங் சித்தங் உப்பஜ்ஜதி… யஸ்ஸ அப்³யாகதங் சித்தங் உப்பஜ்ஜதி… யஸ்ஸ ஸுகா²ய வேத³னாய ஸம்பயுத்தங் சித்தங் உப்பஜ்ஜதி…?

    62. Yassa kusalaṃ cittaṃ uppajjati…pe… yassa akusalaṃ cittaṃ uppajjati… yassa abyākataṃ cittaṃ uppajjati… yassa sukhāya vedanāya sampayuttaṃ cittaṃ uppajjati…?

    (ஏதேன உபாயேன யாவ ஸரணஅரணா உத்³த⁴ரிதப்³பா³.)

    (Etena upāyena yāva saraṇaaraṇā uddharitabbā.)

    (க) யஸ்ஸ அரணங் சித்தங் உப்பஜ்ஜதி ந நிருஜ்ஜ²தி தஸ்ஸ அரணங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி?

    (Ka) yassa araṇaṃ cittaṃ uppajjati na nirujjhati tassa araṇaṃ cittaṃ nirujjhissati na uppajjissati?

    (க²) யஸ்ஸ வா பன அரணங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தஸ்ஸ அரணங் சித்தங் உப்பஜ்ஜதி ந நிருஜ்ஜ²தி?

    (Kha) yassa vā pana araṇaṃ cittaṃ nirujjhissati na uppajjissati tassa araṇaṃ cittaṃ uppajjati na nirujjhati?

    (க²) நித்³தே³ஸோ

    (Kha) niddeso

    1. ஸுத்³த⁴சித்தஸாமஞ்ஞங்

    1. Suddhacittasāmaññaṃ

    1. புக்³க³லவாரோ

    1. Puggalavāro

    (1) உப்பாத³னிரோத⁴காலஸம்பே⁴த³வாரோ

    (1) Uppādanirodhakālasambhedavāro

    63. (க) யஸ்ஸ சித்தங் உப்பஜ்ஜதி ந நிருஜ்ஜ²தி தஸ்ஸ சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதீதி?

    63. (Ka) yassa cittaṃ uppajjati na nirujjhati tassa cittaṃ nirujjhissati na uppajjissatīti?

    பச்சி²மசித்தஸ்ஸ உப்பாத³க்க²ணே தேஸங் சித்தங் உப்பஜ்ஜதி ந நிருஜ்ஜ²தி, நிருஜ்ஜி²ஸ்ஸதி ந உப்பஜ்ஜிஸ்ஸதி. இதரேஸங் சித்தஸ்ஸ உப்பாத³க்க²ணே தேஸங் சித்தங் உப்பஜ்ஜதி ந நிருஜ்ஜ²தி, நிருஜ்ஜி²ஸ்ஸதி சேவ உப்பஜ்ஜிஸ்ஸதி ச.

    Pacchimacittassa uppādakkhaṇe tesaṃ cittaṃ uppajjati na nirujjhati, nirujjhissati na uppajjissati. Itaresaṃ cittassa uppādakkhaṇe tesaṃ cittaṃ uppajjati na nirujjhati, nirujjhissati ceva uppajjissati ca.

    (க²) யஸ்ஸ வா பன சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தஸ்ஸ சித்தங் உப்பஜ்ஜதி ந நிருஜ்ஜ²தீதி? ஆமந்தா.

    (Kha) yassa vā pana cittaṃ nirujjhissati na uppajjissati tassa cittaṃ uppajjati na nirujjhatīti? Āmantā.

    (க) யஸ்ஸ சித்தங் ந உப்பஜ்ஜதி நிருஜ்ஜ²தி தஸ்ஸ சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதீதி? நோ.

    (Ka) yassa cittaṃ na uppajjati nirujjhati tassa cittaṃ na nirujjhissati uppajjissatīti? No.

    (க²) யஸ்ஸ வா பன சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி தஸ்ஸ சித்தங் ந உப்பஜ்ஜதி நிருஜ்ஜ²தீதி? நத்தி².

    (Kha) yassa vā pana cittaṃ na nirujjhissati uppajjissati tassa cittaṃ na uppajjati nirujjhatīti? Natthi.

    (2) உப்பாது³ப்பன்னவாரோ

    (2) Uppāduppannavāro

    64. (க) யஸ்ஸ சித்தங் உப்பஜ்ஜதி தஸ்ஸ சித்தங் உப்பன்னந்தி? ஆமந்தா.

    64. (Ka) yassa cittaṃ uppajjati tassa cittaṃ uppannanti? Āmantā.

    (க²) யஸ்ஸ வா பன சித்தங் உப்பன்னங் தஸ்ஸ சித்தங் உப்பஜ்ஜதீதி?

    (Kha) yassa vā pana cittaṃ uppannaṃ tassa cittaṃ uppajjatīti?

    சித்தஸ்ஸ ப⁴ங்க³க்க²ணே தேஸங் சித்தங் உப்பன்னங், நோ ச தேஸங் சித்தங் உப்பஜ்ஜதி. சித்தஸ்ஸ உப்பாத³க்க²ணே தேஸங் சித்தங் உப்பன்னஞ்சேவ உப்பஜ்ஜதி ச.

    Cittassa bhaṅgakkhaṇe tesaṃ cittaṃ uppannaṃ, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppannañceva uppajjati ca.

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந உப்பன்னந்தி?

    (Ka) yassa cittaṃ na uppajjati tassa cittaṃ na uppannanti?

    சித்தஸ்ஸ ப⁴ங்க³க்க²ணே தேஸங் சித்தங் ந உப்பஜ்ஜதி, நோ ச தேஸங் சித்தங் ந உப்பன்னங். நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந சேவ உப்பஜ்ஜதி ந ச உப்பன்னங்.

    Cittassa bhaṅgakkhaṇe tesaṃ cittaṃ na uppajjati, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva uppajjati na ca uppannaṃ.

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந உப்பஜ்ஜதீதி? ஆமந்தா.

    (Kha) yassa vā pana cittaṃ na uppannaṃ tassa cittaṃ na uppajjatīti? Āmantā.

    (3) நிரோது⁴ப்பன்னவாரோ

    (3) Nirodhuppannavāro

    65. (க) யஸ்ஸ சித்தங் நிருஜ்ஜ²தி தஸ்ஸ சித்தங் உப்பன்னந்தி? ஆமந்தா.

    65. (Ka) yassa cittaṃ nirujjhati tassa cittaṃ uppannanti? Āmantā.

    (க²) யஸ்ஸ வா பன சித்தங் உப்பன்னங் தஸ்ஸ சித்தங் நிருஜ்ஜ²தீதி?

    (Kha) yassa vā pana cittaṃ uppannaṃ tassa cittaṃ nirujjhatīti?

    சித்தஸ்ஸ உப்பாத³க்க²ணே தேஸங் சித்தங் உப்பன்னங், நோ ச தேஸங் சித்தங் நிருஜ்ஜ²தி. சித்தஸ்ஸ ப⁴ங்க³க்க²ணே தேஸங் சித்தங் உப்பன்னஞ்சேவ நிருஜ்ஜ²தி ச.

    Cittassa uppādakkhaṇe tesaṃ cittaṃ uppannaṃ, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ uppannañceva nirujjhati ca.

    (க) யஸ்ஸ சித்தங் ந நிருஜ்ஜ²தி தஸ்ஸ சித்தங் ந உப்பன்னந்தி?

    (Ka) yassa cittaṃ na nirujjhati tassa cittaṃ na uppannanti?

    சித்தஸ்ஸ உப்பாத³க்க²ணே தேஸங் சித்தங் ந நிருஜ்ஜ²தி, நோ ச தேஸங் சித்தங் ந உப்பன்னங். நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந சேவ நிருஜ்ஜ²தி ந ச உப்பன்னங் .

    Cittassa uppādakkhaṇe tesaṃ cittaṃ na nirujjhati, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva nirujjhati na ca uppannaṃ .

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந நிருஜ்ஜ²தீதி? ஆமந்தா.

    (Kha) yassa vā pana cittaṃ na uppannaṃ tassa cittaṃ na nirujjhatīti? Āmantā.

    (4) உப்பாத³வாரோ

    (4) Uppādavāro

    66. (க) யஸ்ஸ சித்தங் உப்பஜ்ஜதி தஸ்ஸ சித்தங் உப்பஜ்ஜித்தா²தி? ஆமந்தா.

    66. (Ka) yassa cittaṃ uppajjati tassa cittaṃ uppajjitthāti? Āmantā.

    (க²) யஸ்ஸ வா பன சித்தங் உப்பஜ்ஜித்த² தஸ்ஸ சித்தங் உப்பஜ்ஜதீதி?

    (Kha) yassa vā pana cittaṃ uppajjittha tassa cittaṃ uppajjatīti?

    சித்தஸ்ஸ ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் உப்பஜ்ஜித்த², நோ ச தேஸங் சித்தங் உப்பஜ்ஜதி. சித்தஸ்ஸ உப்பாத³க்க²ணே தேஸங் சித்தங் உப்பஜ்ஜித்த² சேவ உப்பஜ்ஜதி ச.

    Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ uppajjittha, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppajjittha ceva uppajjati ca.

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந உப்பஜ்ஜித்தா²தி? உப்பஜ்ஜித்த².

    (Ka) yassa cittaṃ na uppajjati tassa cittaṃ na uppajjitthāti? Uppajjittha.

    (க²) யஸ்ஸ வா பன சித்தங் ந உப்பஜ்ஜித்த² தஸ்ஸ சித்தங் ந உப்பஜ்ஜதீதி? நத்தி².

    (Kha) yassa vā pana cittaṃ na uppajjittha tassa cittaṃ na uppajjatīti? Natthi.

    67. (க) யஸ்ஸ சித்தங் உப்பஜ்ஜதி தஸ்ஸ சித்தங் உப்பஜ்ஜிஸ்ஸதீதி?

    67. (Ka) yassa cittaṃ uppajjati tassa cittaṃ uppajjissatīti?

    பச்சி²மசித்தஸ்ஸ உப்பாத³க்க²ணே தேஸங் சித்தங் உப்பஜ்ஜதி, நோ ச தேஸங் சித்தங் உப்பஜ்ஜிஸ்ஸதி. இதரேஸங் சித்தஸ்ஸ உப்பாத³க்க²ணே தேஸங் சித்தங் உப்பஜ்ஜதி சேவ உப்பஜ்ஜிஸ்ஸதி ச.

    Pacchimacittassa uppādakkhaṇe tesaṃ cittaṃ uppajjati, no ca tesaṃ cittaṃ uppajjissati. Itaresaṃ cittassa uppādakkhaṇe tesaṃ cittaṃ uppajjati ceva uppajjissati ca.

    (க²) யஸ்ஸ வா பன சித்தங் உப்பஜ்ஜிஸ்ஸதி தஸ்ஸ சித்தங் உப்பஜ்ஜதீதி?

    (Kha) yassa vā pana cittaṃ uppajjissati tassa cittaṃ uppajjatīti?

    சித்தஸ்ஸ ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் உப்பஜ்ஜிஸ்ஸதி, நோ ச தேஸங் சித்தங் உப்பஜ்ஜதி. சித்தஸ்ஸ உப்பாத³க்க²ணே தேஸங் சித்தங் உப்பஜ்ஜிஸ்ஸதி சேவ உப்பஜ்ஜதி ச.

    Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ uppajjissati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppajjissati ceva uppajjati ca.

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந உப்பஜ்ஜிஸ்ஸதீதி?

    (Ka) yassa cittaṃ na uppajjati tassa cittaṃ na uppajjissatīti?

    சித்தஸ்ஸ ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந உப்பஜ்ஜதி, நோ ச தேஸங் சித்தங் ந உப்பஜ்ஜிஸ்ஸதி. பச்சி²மசித்தஸ்ஸ ப⁴ங்க³க்க²ணே தேஸங் சித்தங் ந சேவ உப்பஜ்ஜதி ந ச உப்பஜ்ஜிஸ்ஸதி.

    Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ na uppajjissati. Pacchimacittassa bhaṅgakkhaṇe tesaṃ cittaṃ na ceva uppajjati na ca uppajjissati.

    (க²) யஸ்ஸ வா பன சித்தங் ந உப்பஜ்ஜிஸ்ஸதி தஸ்ஸ சித்தங் ந உப்பஜ்ஜதீதி?

    (Kha) yassa vā pana cittaṃ na uppajjissati tassa cittaṃ na uppajjatīti?

    பச்சி²மசித்தஸ்ஸ உப்பாத³க்க²ணே தேஸங் சித்தங் ந உப்பஜ்ஜிஸ்ஸதி, நோ ச தேஸங் சித்தங் ந உப்பஜ்ஜதி. பச்சி²மசித்தஸ்ஸ ப⁴ங்க³க்க²ணே தேஸங் சித்தங் ந சேவ உப்பஜ்ஜிஸ்ஸதி ந ச உப்பஜ்ஜதி.

    Pacchimacittassa uppādakkhaṇe tesaṃ cittaṃ na uppajjissati, no ca tesaṃ cittaṃ na uppajjati. Pacchimacittassa bhaṅgakkhaṇe tesaṃ cittaṃ na ceva uppajjissati na ca uppajjati.

    68. (க) யஸ்ஸ சித்தங் உப்பஜ்ஜித்த² தஸ்ஸ சித்தங் உப்பஜ்ஜிஸ்ஸதீதி?

    68. (Ka) yassa cittaṃ uppajjittha tassa cittaṃ uppajjissatīti?

    பச்சி²மசித்தஸமங்கீ³னங் தேஸங் சித்தங் உப்பஜ்ஜித்த², நோ ச தேஸங் சித்தங் உப்பஜ்ஜிஸ்ஸதி. இதரேஸங் தேஸங் சித்தங் உப்பஜ்ஜித்த² சேவ உப்பஜ்ஜிஸ்ஸதி ச.

    Pacchimacittasamaṅgīnaṃ tesaṃ cittaṃ uppajjittha, no ca tesaṃ cittaṃ uppajjissati. Itaresaṃ tesaṃ cittaṃ uppajjittha ceva uppajjissati ca.

    (க²) யஸ்ஸ வா பன சித்தங் உப்பஜ்ஜிஸ்ஸதி தஸ்ஸ சித்தங் உப்பஜ்ஜித்தா²தி? ஆமந்தா.

    (Kha) yassa vā pana cittaṃ uppajjissati tassa cittaṃ uppajjitthāti? Āmantā.

    (க) யஸ்ஸ சித்தங் ந உப்பஜ்ஜித்த² தஸ்ஸ சித்தங் ந உப்பஜ்ஜிஸ்ஸதீதி? நத்தி².

    (Ka) yassa cittaṃ na uppajjittha tassa cittaṃ na uppajjissatīti? Natthi.

    (க²) யஸ்ஸ வா பன சித்தங் ந உப்பஜ்ஜிஸ்ஸதி தஸ்ஸ சித்தங் ந உப்பஜ்ஜித்தா²தி? உப்பஜ்ஜித்த².

    (Kha) yassa vā pana cittaṃ na uppajjissati tassa cittaṃ na uppajjitthāti? Uppajjittha.

    (5) நிரோத⁴வாரோ

    (5) Nirodhavāro

    69. (க) யஸ்ஸ சித்தங் நிருஜ்ஜ²தி தஸ்ஸ சித்தங் நிருஜ்ஜி²த்தா²தி? ஆமந்தா.

    69. (Ka) yassa cittaṃ nirujjhati tassa cittaṃ nirujjhitthāti? Āmantā.

    (க²) யஸ்ஸ வா பன சித்தங் நிருஜ்ஜி²த்த² தஸ்ஸ சித்தங் நிருஜ்ஜ²தீதி?

    (Kha) yassa vā pana cittaṃ nirujjhittha tassa cittaṃ nirujjhatīti?

    சித்தஸ்ஸ உப்பாத³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் நிருஜ்ஜி²த்த², நோ ச தேஸங் சித்தங் நிருஜ்ஜ²தி. சித்தஸ்ஸ ப⁴ங்க³க்க²ணே தேஸங் சித்தங் நிருஜ்ஜி²த்த² சேவ நிருஜ்ஜ²தி ச.

    Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ nirujjhittha ceva nirujjhati ca.

    (க) யஸ்ஸ சித்தங் ந நிருஜ்ஜ²தி தஸ்ஸ சித்தங் ந நிருஜ்ஜி²த்தா²தி? நிருஜ்ஜி²த்த².

    (Ka) yassa cittaṃ na nirujjhati tassa cittaṃ na nirujjhitthāti? Nirujjhittha.

    (க²) யஸ்ஸ வா பன சித்தங் ந நிருஜ்ஜி²த்த² தஸ்ஸ சித்தங் ந நிருஜ்ஜ²தீதி? நத்தி².

    (Kha) yassa vā pana cittaṃ na nirujjhittha tassa cittaṃ na nirujjhatīti? Natthi.

    70. (க) யஸ்ஸ சித்தங் நிருஜ்ஜ²தி தஸ்ஸ சித்தங் நிருஜ்ஜி²ஸ்ஸதீதி?

    70. (Ka) yassa cittaṃ nirujjhati tassa cittaṃ nirujjhissatīti?

    பச்சி²மசித்தஸ்ஸ ப⁴ங்க³க்க²ணே தேஸங் சித்தங் நிருஜ்ஜ²தி, நோ ச தேஸங் சித்தங் நிருஜ்ஜி²ஸ்ஸதி. இதரேஸங் சித்தஸ்ஸ ப⁴ங்க³க்க²ணே தேஸங் சித்தங் நிருஜ்ஜ²தி சேவ நிருஜ்ஜி²ஸ்ஸதி ச.

    Pacchimacittassa bhaṅgakkhaṇe tesaṃ cittaṃ nirujjhati, no ca tesaṃ cittaṃ nirujjhissati. Itaresaṃ cittassa bhaṅgakkhaṇe tesaṃ cittaṃ nirujjhati ceva nirujjhissati ca.

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் நிருஜ்ஜ²தீதி?

    (Kha) yassa vā pana cittaṃ nirujjhissati tassa cittaṃ nirujjhatīti?

    சித்தஸ்ஸ உப்பாத³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் நிருஜ்ஜி²ஸ்ஸதி, நோ ச தேஸங் சித்தங் நிருஜ்ஜ²தி. சித்தஸ்ஸ ப⁴ங்க³க்க²ணே தேஸங் சித்தங் நிருஜ்ஜி²ஸ்ஸதி சேவ நிருஜ்ஜ²தி ச.

    Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ nirujjhissati ceva nirujjhati ca.

    (க) யஸ்ஸ சித்தங் ந நிருஜ்ஜ²தி தஸ்ஸ சித்தங் ந நிருஜ்ஜி²ஸ்ஸதீதி? நிருஜ்ஜி²ஸ்ஸதி.

    (Ka) yassa cittaṃ na nirujjhati tassa cittaṃ na nirujjhissatīti? Nirujjhissati.

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந நிருஜ்ஜ²தீதி? நிருஜ்ஜ²தி.

    (Kha) yassa vā pana cittaṃ na nirujjhissati tassa cittaṃ na nirujjhatīti? Nirujjhati.

    71. (க) யஸ்ஸ சித்தங் நிருஜ்ஜி²த்த² தஸ்ஸ சித்தங் நிருஜ்ஜி²ஸ்ஸதீதி?

    71. (Ka) yassa cittaṃ nirujjhittha tassa cittaṃ nirujjhissatīti?

    பச்சி²மசித்தஸ்ஸ ப⁴ங்க³க்க²ணே தேஸங் சித்தங் நிருஜ்ஜி²த்த², நோ ச தேஸங் சித்தங் நிருஜ்ஜி²ஸ்ஸதி. இதரேஸங் தேஸங் சித்தங் நிருஜ்ஜி²த்த² சேவ நிருஜ்ஜி²ஸ்ஸதி ச.

    Pacchimacittassa bhaṅgakkhaṇe tesaṃ cittaṃ nirujjhittha, no ca tesaṃ cittaṃ nirujjhissati. Itaresaṃ tesaṃ cittaṃ nirujjhittha ceva nirujjhissati ca.

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் நிருஜ்ஜி²த்தா²தி? ஆமந்தா.

    (Kha) yassa vā pana cittaṃ nirujjhissati tassa cittaṃ nirujjhitthāti? Āmantā.

    (க) யஸ்ஸ சித்தங் ந நிருஜ்ஜி²த்த² தஸ்ஸ சித்தங் ந நிருஜ்ஜி²ஸ்ஸதீதி? நத்தி².

    (Ka) yassa cittaṃ na nirujjhittha tassa cittaṃ na nirujjhissatīti? Natthi.

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந நிருஜ்ஜி²த்தா²தி? நிருஜ்ஜி²த்த².

    (Kha) yassa vā pana cittaṃ na nirujjhissati tassa cittaṃ na nirujjhitthāti? Nirujjhittha.

    (6) உப்பாத³னிரோத⁴வாரோ

    (6) Uppādanirodhavāro

    72. (க) யஸ்ஸ சித்தங் உப்பஜ்ஜதி தஸ்ஸ சித்தங் நிருஜ்ஜி²த்தா²தி? ஆமந்தா.

    72. (Ka) yassa cittaṃ uppajjati tassa cittaṃ nirujjhitthāti? Āmantā.

    (க²) யஸ்ஸ வா பன சித்தங் நிருஜ்ஜி²த்த² தஸ்ஸ சித்தங் உப்பஜ்ஜதீதி?

    (Kha) yassa vā pana cittaṃ nirujjhittha tassa cittaṃ uppajjatīti?

    சித்தஸ்ஸ ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் நிருஜ்ஜி²த்த², நோ ச தேஸங் சித்தங் உப்பஜ்ஜதி. சித்தஸ்ஸ உப்பாத³க்க²ணே தேஸங் சித்தங் நிருஜ்ஜி²த்த² சேவ உப்பஜ்ஜதி ச.

    Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha, no ca tesaṃ cittaṃ uppajjati. Cittassa uppādakkhaṇe tesaṃ cittaṃ nirujjhittha ceva uppajjati ca.

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந நிருஜ்ஜி²த்தா²தி? நிருஜ்ஜி²த்த².

    (Ka) yassa cittaṃ na uppajjati tassa cittaṃ na nirujjhitthāti? Nirujjhittha.

    (க²) யஸ்ஸ வா பன சித்தங் ந நிருஜ்ஜி²த்த² தஸ்ஸ சித்தங் ந உப்பஜ்ஜதீதி? நத்தி².

    (Kha) yassa vā pana cittaṃ na nirujjhittha tassa cittaṃ na uppajjatīti? Natthi.

    73. (க) யஸ்ஸ சித்தங் உப்பஜ்ஜதி தஸ்ஸ சித்தங் நிருஜ்ஜி²ஸ்ஸதீதி? ஆமந்தா.

    73. (Ka) yassa cittaṃ uppajjati tassa cittaṃ nirujjhissatīti? Āmantā.

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் உப்பஜ்ஜதீதி?

    (Kha) yassa vā pana cittaṃ nirujjhissati tassa cittaṃ uppajjatīti?

    சித்தஸ்ஸ ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் நிருஜ்ஜி²ஸ்ஸதி, நோ ச தேஸங் சித்தங் உப்பஜ்ஜதி. சித்தஸ்ஸ உப்பாத³க்க²ணே தேஸங் சித்தங் நிருஜ்ஜி²ஸ்ஸதி சேவ உப்பஜ்ஜதி ச.

    Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ nirujjhissati ceva uppajjati ca.

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் ந நிருஜ்ஜி²ஸ்ஸதீதி?

    (Ka) yassa cittaṃ na uppajjati tassa cittaṃ na nirujjhissatīti?

    சித்தஸ்ஸ ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந உப்பஜ்ஜதி, நோ ச தேஸங் சித்தங் ந நிருஜ்ஜி²ஸ்ஸதி. பச்சி²மசித்தஸ்ஸ ப⁴ங்க³க்க²ணே தேஸங் சித்தங் ந சேவ உப்பஜ்ஜதி ந ச நிருஜ்ஜி²ஸ்ஸதி.

    Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ na nirujjhissati. Pacchimacittassa bhaṅgakkhaṇe tesaṃ cittaṃ na ceva uppajjati na ca nirujjhissati.

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந உப்பஜ்ஜதீதி? ஆமந்தா.

    (Kha) yassa vā pana cittaṃ na nirujjhissati tassa cittaṃ na uppajjatīti? Āmantā.

    74. (க) யஸ்ஸ சித்தங் உப்பஜ்ஜித்த² தஸ்ஸ சித்தங் நிருஜ்ஜி²ஸ்ஸதீதி?

    74. (Ka) yassa cittaṃ uppajjittha tassa cittaṃ nirujjhissatīti?

    பச்சி²மசித்தஸ்ஸ ப⁴ங்க³க்க²ணே தேஸங் சித்தங் உப்பஜ்ஜித்த², நோ ச தேஸங் சித்தங் நிருஜ்ஜி²ஸ்ஸதி. இதரேஸங் தேஸங் சித்தங் உப்பஜ்ஜித்த² சேவ நிருஜ்ஜி²ஸ்ஸதி ச.

    Pacchimacittassa bhaṅgakkhaṇe tesaṃ cittaṃ uppajjittha, no ca tesaṃ cittaṃ nirujjhissati. Itaresaṃ tesaṃ cittaṃ uppajjittha ceva nirujjhissati ca.

    (க²) யஸ்ஸ வா பன சித்தங் நிருஜ்ஜி²ஸ்ஸதி தஸ்ஸ சித்தங் உப்பஜ்ஜித்தா²தி? ஆமந்தா.

    (Kha) yassa vā pana cittaṃ nirujjhissati tassa cittaṃ uppajjitthāti? Āmantā.

    (க) யஸ்ஸ சித்தங் ந உப்பஜ்ஜித்த² தஸ்ஸ சித்தங் ந நிருஜ்ஜி²ஸ்ஸதீதி? நத்தி².

    (Ka) yassa cittaṃ na uppajjittha tassa cittaṃ na nirujjhissatīti? Natthi.

    (க²) யஸ்ஸ வா பன சித்தங் ந நிருஜ்ஜி²ஸ்ஸதி தஸ்ஸ சித்தங் ந உப்பஜ்ஜித்தா²தி? உப்பஜ்ஜித்த².

    (Kha) yassa vā pana cittaṃ na nirujjhissati tassa cittaṃ na uppajjitthāti? Uppajjittha.

    (7) உப்பஜ்ஜமானநனிரோத⁴வாரோ

    (7) Uppajjamānananirodhavāro

    75. (க) யஸ்ஸ சித்தங் உப்பஜ்ஜதி தஸ்ஸ சித்தங் ந நிருஜ்ஜ²தீதி? ஆமந்தா.

    75. (Ka) yassa cittaṃ uppajjati tassa cittaṃ na nirujjhatīti? Āmantā.

    (க²) யஸ்ஸ வா பன சித்தங் ந நிருஜ்ஜ²தி தஸ்ஸ சித்தங் உப்பஜ்ஜதீதி?

    (Kha) yassa vā pana cittaṃ na nirujjhati tassa cittaṃ uppajjatīti?

    நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந நிருஜ்ஜ²தி, நோ ச தேஸங் சித்தங் உப்பஜ்ஜதி. சித்தஸ்ஸ உப்பாத³க்க²ணே தேஸங் சித்தங் ந நிருஜ்ஜ²தி சேவ உப்பஜ்ஜதி ச.

    Nirodhasamāpannānaṃ asaññasattānaṃ tesaṃ cittaṃ na nirujjhati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ na nirujjhati ceva uppajjati ca.

    (க) யஸ்ஸ சித்தங் ந உப்பஜ்ஜதி தஸ்ஸ சித்தங் நிருஜ்ஜ²தீதி?

    (Ka) yassa cittaṃ na uppajjati tassa cittaṃ nirujjhatīti?

    நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந உப்பஜ்ஜதி, நோ ச தேஸங் சித்தங் நிருஜ்ஜ²தி. சித்தஸ்ஸ ப⁴ங்க³க்க²ணே தேஸங் சித்தங் ந உப்பஜ்ஜதி சேவ நிருஜ்ஜ²தி ச.

    Nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ na uppajjati ceva nirujjhati ca.

    (க²) யஸ்ஸ வா பன சித்தங் நிருஜ்ஜ²தி தஸ்ஸ சித்தங் ந உப்பஜ்ஜதீதி? ஆமந்தா.

    (Kha) yassa vā pana cittaṃ nirujjhati tassa cittaṃ na uppajjatīti? Āmantā.

    (8) உப்பஜ்ஜமானுப்பன்னவாரோ

    (8) Uppajjamānuppannavāro

    76. (க) யஸ்ஸ சித்தங் உப்பஜ்ஜமானங் தஸ்ஸ சித்தங் உப்பன்னந்தி? ஆமந்தா.

    76. (Ka) yassa cittaṃ uppajjamānaṃ tassa cittaṃ uppannanti? Āmantā.

    (க²) யஸ்ஸ வா பன சித்தங் உப்பன்னங் தஸ்ஸ சித்தங் உப்பஜ்ஜமானந்தி?

    (Kha) yassa vā pana cittaṃ uppannaṃ tassa cittaṃ uppajjamānanti?

    சித்தஸ்ஸ ப⁴ங்க³க்க²ணே தேஸங் சித்தங் உப்பன்னங், நோ ச தேஸங் சித்தங் உப்பஜ்ஜமானங். சித்தஸ்ஸ உப்பாத³க்க²ணே தேஸங் சித்தங் உப்பன்னஞ்சேவ உப்பஜ்ஜமானஞ்ச.

    Cittassa bhaṅgakkhaṇe tesaṃ cittaṃ uppannaṃ, no ca tesaṃ cittaṃ uppajjamānaṃ. Cittassa uppādakkhaṇe tesaṃ cittaṃ uppannañceva uppajjamānañca.

    (க) யஸ்ஸ சித்தங் ந உப்பஜ்ஜமானங் தஸ்ஸ சித்தங் ந உப்பன்னந்தி?

    (Ka) yassa cittaṃ na uppajjamānaṃ tassa cittaṃ na uppannanti?

    சித்தஸ்ஸ ப⁴ங்க³க்க²ணே தேஸங் சித்தங் ந உப்பஜ்ஜமானங், நோ ச தேஸங் சித்தங் ந உப்பன்னங். நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந சேவ உப்பஜ்ஜமானங் ந ச உப்பன்னங்.

    Cittassa bhaṅgakkhaṇe tesaṃ cittaṃ na uppajjamānaṃ, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva uppajjamānaṃ na ca uppannaṃ.

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந உப்பஜ்ஜமானந்தி? ஆமந்தா.

    (Kha) yassa vā pana cittaṃ na uppannaṃ tassa cittaṃ na uppajjamānanti? Āmantā.

    (9) நிருஜ்ஜ²மானுப்பன்னவாரோ

    (9) Nirujjhamānuppannavāro

    77. (க) யஸ்ஸ சித்தங் நிருஜ்ஜ²மானங் தஸ்ஸ சித்தங் உப்பன்னந்தி? ஆமந்தா.

    77. (Ka) yassa cittaṃ nirujjhamānaṃ tassa cittaṃ uppannanti? Āmantā.

    (க²) யஸ்ஸ வா பன சித்தங் உப்பன்னங் தஸ்ஸ சித்தங் நிருஜ்ஜ²மானந்தி?

    (Kha) yassa vā pana cittaṃ uppannaṃ tassa cittaṃ nirujjhamānanti?

    சித்தஸ்ஸ உப்பாத³க்க²ணே தேஸங் சித்தங் உப்பன்னங், நோ ச தேஸங் சித்தங் நிருஜ்ஜ²மானங். சித்தஸ்ஸ ப⁴ங்க³க்க²ணே தேஸங் சித்தங் உப்பன்னஞ்சேவ நிருஜ்ஜ²மானஞ்ச.

    Cittassa uppādakkhaṇe tesaṃ cittaṃ uppannaṃ, no ca tesaṃ cittaṃ nirujjhamānaṃ. Cittassa bhaṅgakkhaṇe tesaṃ cittaṃ uppannañceva nirujjhamānañca.

    (க) யஸ்ஸ சித்தங் ந நிருஜ்ஜ²மானங் தஸ்ஸ சித்தங் ந உப்பன்னந்தி?

    (Ka) yassa cittaṃ na nirujjhamānaṃ tassa cittaṃ na uppannanti?

    சித்தஸ்ஸ உப்பாத³க்க²ணே தேஸங் சித்தங் ந நிருஜ்ஜ²மானங், நோ ச தேஸங் சித்தங் ந உப்பன்னங். நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் ந சேவ நிருஜ்ஜ²மானங் ந ச உப்பன்னங்.

    Cittassa uppādakkhaṇe tesaṃ cittaṃ na nirujjhamānaṃ, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva nirujjhamānaṃ na ca uppannaṃ.

    (க²) யஸ்ஸ வா பன சித்தங் ந உப்பன்னங் தஸ்ஸ சித்தங் ந நிருஜ்ஜ²மானந்தி? ஆமந்தா.

    (Kha) yassa vā pana cittaṃ na uppannaṃ tassa cittaṃ na nirujjhamānanti? Āmantā.

    (10) உப்பன்னுப்பாத³வாரோ

    (10) Uppannuppādavāro

    78. (க) யஸ்ஸ சித்தங் உப்பன்னங் தஸ்ஸ சித்தங் உப்பஜ்ஜித்தா²தி? ஆமந்தா.

    78. (Ka) yassa cittaṃ uppannaṃ tassa cittaṃ uppajjitthāti? Āmantā.

    (க²) யஸ்ஸ வா பன சித்தங் உப்பஜ்ஜித்த² தஸ்ஸ சித்தங் உப்பன்னந்தி?

    (Kha) yassa vā pana cittaṃ uppajjittha tassa cittaṃ uppannanti?

    நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் உப்பஜ்ஜித்த², நோ ச தேஸங் சித்தங் உப்பன்னங். சித்தஸமங்கீ³னங் தேஸங் சித்தங் உப்பஜ்ஜித்த² சேவ உப்பன்னஞ்ச.

    Nirodhasamāpannānaṃ asaññasattānaṃ tesaṃ cittaṃ uppajjittha, no ca tesaṃ cittaṃ uppannaṃ. Cittasamaṅgīnaṃ tesaṃ cittaṃ uppajjittha ceva uppannañca.

    (க) யஸ்ஸ சித்தங் ந உப்பன்னங் தஸ்ஸ சித்தங் ந உப்பஜ்ஜித்தா²தி? உப்பஜ்ஜித்த².

    (Ka) yassa cittaṃ na uppannaṃ tassa cittaṃ na uppajjitthāti? Uppajjittha.

    (க²) யஸ்ஸ வா பன சித்தங் ந உப்பஜ்ஜித்த² தஸ்ஸ சித்தங் ந உப்பன்னந்தி? நத்தி².

    (Kha) yassa vā pana cittaṃ na uppajjittha tassa cittaṃ na uppannanti? Natthi.

    79. (க) யஸ்ஸ சித்தங் உப்பன்னங் தஸ்ஸ சித்தங் உப்பஜ்ஜிஸ்ஸதீதி?

    79. (Ka) yassa cittaṃ uppannaṃ tassa cittaṃ uppajjissatīti?

    பச்சி²மசித்தஸமங்கீ³னங் தேஸங் சித்தங் உப்பன்னங், நோ ச தேஸங் சித்தங் உப்பஜ்ஜிஸ்ஸதி. இதரேஸங் சித்தஸமங்கீ³னங் தேஸங் சித்தங் உப்பன்னஞ்சேவ உப்பஜ்ஜிஸ்ஸதி ச.

    Pacchimacittasamaṅgīnaṃ tesaṃ cittaṃ uppannaṃ, no ca tesaṃ cittaṃ uppajjissati. Itaresaṃ cittasamaṅgīnaṃ tesaṃ cittaṃ uppannañceva uppajjissati ca.

    (க²) யஸ்ஸ வா பன சித்தங் உப்பஜ்ஜிஸ்ஸதி தஸ்ஸ சித்தங் உப்பன்னந்தி?

    (Kha) yassa vā pana cittaṃ uppajjissati tassa cittaṃ uppannanti?

    நிரோத⁴ஸமாபன்னானங் அஸஞ்ஞஸத்தானங் தேஸங் சித்தங் உப்பஜ்ஜிஸ்ஸதி, நோ ச தேஸங் சித்தங் உப்பன்னங். சித்தஸமங்கீ³னங் தேஸங் சித்தங் உப்பஜ்ஜிஸ்ஸதி சேவ உப்பன்னஞ்ச.

    Nirodhasamāpannānaṃ asaññasattānaṃ tesaṃ cittaṃ uppajjissati, no ca tesaṃ cittaṃ uppannaṃ. Cittasamaṅgīnaṃ tesaṃ cittaṃ uppajjissati ceva uppannañca.

    (க) யஸ்ஸ சித்தங் ந உப்பன்னங் தஸ்ஸ சித்தங் ந உப்பஜ்ஜிஸ்ஸதீதி? உப்பஜ்ஜிஸ்ஸதி.

    (Ka) yassa cittaṃ na uppannaṃ tassa cittaṃ na uppajjissatīti? Uppajjissati.

    (க²) யஸ்ஸ வா பன சித்தங் ந உப்பஜ்ஜிஸ்ஸதி தஸ்ஸ சித்தங் ந உப்பன்னந்தி? உப்பன்னங்.

    (Kha) yassa vā pana cittaṃ na uppajjissati tassa cittaṃ na uppannanti? Uppannaṃ.

    (11) அதீதானாக³தவாரோ

    (11) Atītānāgatavāro

    80. (க) யஸ்ஸ சித்தங் உப்பஜ்ஜித்த² நோ ச தஸ்ஸ சித்தங் உப்பன்னங், தஸ்ஸ சித்தங் உப்பஜ்ஜிஸ்ஸதீதி? ஆமந்தா.

    80. (Ka) yassa cittaṃ uppajjittha no ca tassa cittaṃ uppannaṃ, tassa cittaṃ uppajjissatīti? Āmantā.

    (க²) யஸ்ஸ வா பன சித்தங் உப்பஜ்ஜிஸ்ஸதி நோ ச தஸ்ஸ சித்தங் உப்பன்னங், தஸ்ஸ சித்தங் உப்பஜ்ஜித்தா²தி? ஆமந்தா.

    (Kha) yassa vā pana cittaṃ uppajjissati no ca tassa cittaṃ uppannaṃ, tassa cittaṃ uppajjitthāti? Āmantā.

    (க) யஸ்ஸ சித்தங் ந உப்பஜ்ஜித்த² நோ ச தஸ்ஸ சித்தங் ந உப்பன்னங், தஸ்ஸ சித்தங் ந உப்பஜ்ஜிஸ்ஸதீதி? நத்தி².

    (Ka) yassa cittaṃ na uppajjittha no ca tassa cittaṃ na uppannaṃ, tassa cittaṃ na uppajjissatīti? Natthi.

    (க²) யஸ்ஸ வா பன சித்தங் ந உப்பஜ்ஜிஸ்ஸதி நோ ச தஸ்ஸ சித்தங் ந உப்பன்னங், தஸ்ஸ சித்தங் ந உப்பஜ்ஜித்தா²தி? உப்பஜ்ஜித்த².

    (Kha) yassa vā pana cittaṃ na uppajjissati no ca tassa cittaṃ na uppannaṃ, tassa cittaṃ na uppajjitthāti? Uppajjittha.

    (12) உப்பன்னுப்பஜ்ஜமானவாரோ

    (12) Uppannuppajjamānavāro

    81. (க) உப்பன்னங் உப்பஜ்ஜமானந்தி?

    81. (Ka) uppannaṃ uppajjamānanti?

    ப⁴ங்க³க்க²ணே உப்பன்னங், நோ ச உப்பஜ்ஜமானங். உப்பாத³க்க²ணே உப்பன்னஞ்சேவ உப்பஜ்ஜமானஞ்ச.

    Bhaṅgakkhaṇe uppannaṃ, no ca uppajjamānaṃ. Uppādakkhaṇe uppannañceva uppajjamānañca.

    (க²) உப்பஜ்ஜமானங் உப்பன்னந்தி? ஆமந்தா.

    (Kha) uppajjamānaṃ uppannanti? Āmantā.

    (க) ந உப்பன்னங் ந உப்பஜ்ஜமானந்தி? ஆமந்தா.

    (Ka) na uppannaṃ na uppajjamānanti? Āmantā.

    (க²) ந உப்பஜ்ஜமானங் ந உப்பன்னந்தி?

    (Kha) na uppajjamānaṃ na uppannanti?

    ப⁴ங்க³க்க²ணே ந உப்பஜ்ஜமானங், நோ ச ந உப்பன்னங். அதீதானாக³தங் சித்தங் ந சேவ உப்பஜ்ஜமானங் ந ச உப்பன்னங்.

    Bhaṅgakkhaṇe na uppajjamānaṃ, no ca na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.

    (13) நிருத்³த⁴னிருஜ்ஜ²மானவாரோ

    (13) Niruddhanirujjhamānavāro

    82. (க) நிருத்³த⁴ங் நிருஜ்ஜ²மானந்தி? நோ.

    82. (Ka) niruddhaṃ nirujjhamānanti? No.

    (க²) நிருஜ்ஜ²மானங் நிருத்³த⁴ந்தி? நோ.

    (Kha) nirujjhamānaṃ niruddhanti? No.

    (க) ந நிருத்³த⁴ங் ந நிருஜ்ஜ²மானந்தி?

    (Ka) na niruddhaṃ na nirujjhamānanti?

    ப⁴ங்க³க்க²ணே ந நிருத்³த⁴ங், நோ ச ந நிருஜ்ஜ²மானங். உப்பாத³க்க²ணே அனாக³தஞ்ச சித்தங் ந சேவ நிருத்³த⁴ங் ந ச நிருஜ்ஜ²மானங்.

    Bhaṅgakkhaṇe na niruddhaṃ, no ca na nirujjhamānaṃ. Uppādakkhaṇe anāgatañca cittaṃ na ceva niruddhaṃ na ca nirujjhamānaṃ.

    (க²) ந நிருஜ்ஜ²மானங் ந நிருத்³த⁴ந்தி?

    (Kha) na nirujjhamānaṃ na niruddhanti?

    அதீதங் சித்தங் ந நிருஜ்ஜ²மானங், நோ ச ந நிருத்³த⁴ங். உப்பாத³க்க²ணே அனாக³தஞ்ச சித்தங் ந சேவ நிருஜ்ஜ²மானங் ந ச நிருத்³த⁴ங்.

    Atītaṃ cittaṃ na nirujjhamānaṃ, no ca na niruddhaṃ. Uppādakkhaṇe anāgatañca cittaṃ na ceva nirujjhamānaṃ na ca niruddhaṃ.

    (14) அதிக்கந்தகாலவாரோ

    (14) Atikkantakālavāro

    83. (க) யஸ்ஸ சித்தங் உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தந்தி?

    83. (Ka) yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittanti?

    ப⁴ங்க³க்க²ணே சித்தங் உப்பாத³க்க²ணங் வீதக்கந்தங் ப⁴ங்க³க்க²ணங் அவீதிக்கந்தங், அதீதங் சித்தங் உப்பாத³க்க²ணஞ்ச வீதிக்கந்தங் ப⁴ங்க³க்க²ணஞ்ச வீதிக்கந்தங்.

    Bhaṅgakkhaṇe cittaṃ uppādakkhaṇaṃ vītakkantaṃ bhaṅgakkhaṇaṃ avītikkantaṃ, atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantaṃ.

    (க²) யஸ்ஸ வா பன சித்தங் நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தந்தி?

    (Kha) yassa vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittanti?

    அதீதங் சித்தங்.

    Atītaṃ cittaṃ.

    (க) யஸ்ஸ சித்தங் ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தந்தி?

    (Ka) yassa cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittanti?

    உப்பாத³க்க²ணே அனாக³தங் சித்தங்.

    Uppādakkhaṇe anāgataṃ cittaṃ.

    (க²) யஸ்ஸ வா பன சித்தங் ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தஸ்ஸ சித்தந்தி?

    (Kha) yassa vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittanti?

    ப⁴ங்க³க்க²ணே சித்தங் ப⁴ங்க³க்க²ணங் அவீதிக்கந்தங் நோ ச உப்பாத³க்க²ணங் அவீதிக்கந்தங், உப்பாத³க்க²ணே அனாக³தஞ்ச சித்தங் ப⁴ங்க³க்க²ணஞ்ச அவீதிக்கந்தங் உப்பாத³க்க²ணஞ்ச அவீதிக்கந்தங்.

    Bhaṅgakkhaṇe cittaṃ bhaṅgakkhaṇaṃ avītikkantaṃ no ca uppādakkhaṇaṃ avītikkantaṃ, uppādakkhaṇe anāgatañca cittaṃ bhaṅgakkhaṇañca avītikkantaṃ uppādakkhaṇañca avītikkantaṃ.

    1. ஸுத்³த⁴சித்தஸாமஞ்ஞ

    1. Suddhacittasāmañña

    2. த⁴ம்மவாரோ

    2. Dhammavāro

    (1) உப்பாத³னிரோத⁴காலஸம்பே⁴த³வாரோ

    (1) Uppādanirodhakālasambhedavāro

    84. (க) யங் சித்தங் உப்பஜ்ஜதி ந நிருஜ்ஜ²தி தங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதீதி? ஆமந்தா.

    84. (Ka) yaṃ cittaṃ uppajjati na nirujjhati taṃ cittaṃ nirujjhissati na uppajjissatīti? Āmantā.

    (க²) யங் வா பன சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தங் சித்தங் உப்பஜ்ஜதி ந நிருஜ்ஜ²தீதி? ஆமந்தா.

    (Kha) yaṃ vā pana cittaṃ nirujjhissati na uppajjissati taṃ cittaṃ uppajjati na nirujjhatīti? Āmantā.

    (க) யங் சித்தங் ந உப்பஜ்ஜதி நிருஜ்ஜ²தி தங் சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதீதி? நோ.

    (Ka) yaṃ cittaṃ na uppajjati nirujjhati taṃ cittaṃ na nirujjhissati uppajjissatīti? No.

    (க²) யங் வா பன சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி தங் சித்தங் ந உப்பஜ்ஜதி நிருஜ்ஜ²தீதி? நத்தி².

    (Kha) yaṃ vā pana cittaṃ na nirujjhissati uppajjissati taṃ cittaṃ na uppajjati nirujjhatīti? Natthi.

    (2) உப்பாது³ப்பன்னவாரோ

    (2) Uppāduppannavāro

    85. (க) யங் சித்தங் உப்பஜ்ஜதி தங் சித்தங் உப்பன்னந்தி? ஆமந்தா.

    85. (Ka) yaṃ cittaṃ uppajjati taṃ cittaṃ uppannanti? Āmantā.

    (க²) யங் வா பன சித்தங் உப்பன்னங் தங் சித்தங் உப்பஜ்ஜதீதி?

    (Kha) yaṃ vā pana cittaṃ uppannaṃ taṃ cittaṃ uppajjatīti?

    ப⁴ங்க³க்க²ணே சித்தங் உப்பன்னங், நோ ச தங் சித்தங் உப்பஜ்ஜதி. உப்பாத³க்க²ணே சித்தங் உப்பன்னஞ்சேவ உப்பஜ்ஜதி ச.

    Bhaṅgakkhaṇe cittaṃ uppannaṃ, no ca taṃ cittaṃ uppajjati. Uppādakkhaṇe cittaṃ uppannañceva uppajjati ca.

    (க) யங் சித்தங் ந உப்பஜ்ஜதி தங் சித்தங் ந உப்பன்னந்தி?

    (Ka) yaṃ cittaṃ na uppajjati taṃ cittaṃ na uppannanti?

    ப⁴ங்க³க்க²ணே சித்தங் ந உப்பஜ்ஜதி, நோ ச தங் சித்தங் ந உப்பன்னங். அதீதானாக³தங் சித்தங் ந சேவ உப்பஜ்ஜதி ந ச உப்பன்னங்.

    Bhaṅgakkhaṇe cittaṃ na uppajjati, no ca taṃ cittaṃ na uppannaṃ. Atītānāgataṃ cittaṃ na ceva uppajjati na ca uppannaṃ.

    (க²) யங் வா பன சித்தங் ந உப்பன்னங் தங் சித்தங் ந உப்பஜ்ஜதீதி? ஆமந்தா.

    (Kha) yaṃ vā pana cittaṃ na uppannaṃ taṃ cittaṃ na uppajjatīti? Āmantā.

    (3) நிரோது⁴ப்பன்னவாரோ

    (3) Nirodhuppannavāro

    86. (க) யங் சித்தங் நிருஜ்ஜ²தி தங் சித்தங் உப்பன்னந்தி? ஆமந்தா.

    86. (Ka) yaṃ cittaṃ nirujjhati taṃ cittaṃ uppannanti? Āmantā.

    (க²) யங் வா பன சித்தங் உப்பன்னங் தங் சித்தங் நிருஜ்ஜ²தீதி?

    (Kha) yaṃ vā pana cittaṃ uppannaṃ taṃ cittaṃ nirujjhatīti?

    உப்பாத³க்க²ணே சித்தங் உப்பன்னங், நோ ச தங் சித்தங் நிருஜ்ஜ²தி. ப⁴ங்க³க்க²ணே சித்தங் உப்பன்னஞ்சேவ நிருஜ்ஜ²தி ச.

    Uppādakkhaṇe cittaṃ uppannaṃ, no ca taṃ cittaṃ nirujjhati. Bhaṅgakkhaṇe cittaṃ uppannañceva nirujjhati ca.

    (க) யங் சித்தங் ந நிருஜ்ஜ²தி தங் சித்தங் ந உப்பன்னந்தி?

    (Ka) yaṃ cittaṃ na nirujjhati taṃ cittaṃ na uppannanti?

    உப்பாத³க்க²ணே சித்தங் ந நிருஜ்ஜ²தி, நோ ச தங் சித்தங் ந உப்பன்னங். அதீதானாக³தங் சித்தங் ந சேவ நிருஜ்ஜ²தி ந ச உப்பன்னங்.

    Uppādakkhaṇe cittaṃ na nirujjhati, no ca taṃ cittaṃ na uppannaṃ. Atītānāgataṃ cittaṃ na ceva nirujjhati na ca uppannaṃ.

    (க²) யங் வா பன சித்தங் ந உப்பன்னங் தங் சித்தங் ந நிருஜ்ஜ²தீதி? ஆமந்தா.

    (Kha) yaṃ vā pana cittaṃ na uppannaṃ taṃ cittaṃ na nirujjhatīti? Āmantā.

    (4) உப்பாத³வாரோ

    (4) Uppādavāro

    87. (க) யங் சித்தங் உப்பஜ்ஜதி தங் சித்தங் உப்பஜ்ஜித்தா²தி? நோ.

    87. (Ka) yaṃ cittaṃ uppajjati taṃ cittaṃ uppajjitthāti? No.

    (க²) யங் வா பன சித்தங் உப்பஜ்ஜித்த² தங் சித்தங் உப்பஜ்ஜதீதி? நோ.

    (Kha) yaṃ vā pana cittaṃ uppajjittha taṃ cittaṃ uppajjatīti? No.

    (க) யங் சித்தங் ந உப்பஜ்ஜதி தங் சித்தங் ந உப்பஜ்ஜித்தா²தி?

    (Ka) yaṃ cittaṃ na uppajjati taṃ cittaṃ na uppajjitthāti?

    அதீதங் சித்தங் ந உப்பஜ்ஜதி, நோ ச தங் சித்தங் ந உப்பஜ்ஜித்த². ப⁴ங்க³க்க²ணே அனாக³தஞ்ச சித்தங் ந சேவ உப்பஜ்ஜதி ந ச உப்பஜ்ஜித்த².

    Atītaṃ cittaṃ na uppajjati, no ca taṃ cittaṃ na uppajjittha. Bhaṅgakkhaṇe anāgatañca cittaṃ na ceva uppajjati na ca uppajjittha.

    (க²) யங் வா பன சித்தங் ந உப்பஜ்ஜித்த² தங் சித்தங் ந உப்பஜ்ஜதீதி?

    (Kha) yaṃ vā pana cittaṃ na uppajjittha taṃ cittaṃ na uppajjatīti?

    உப்பாத³க்க²ணே சித்தங் ந உப்பஜ்ஜித்த², நோ ச தங் சித்தங் ந உப்பஜ்ஜதி. ப⁴ங்க³க்க²ணே அனாக³தஞ்ச சித்தங் ந சேவ உப்பஜ்ஜித்த² ந ச உப்பஜ்ஜதி.

    Uppādakkhaṇe cittaṃ na uppajjittha, no ca taṃ cittaṃ na uppajjati. Bhaṅgakkhaṇe anāgatañca cittaṃ na ceva uppajjittha na ca uppajjati.

    88. (க) யங் சித்தங் உப்பஜ்ஜதி தங் சித்தங் உப்பஜ்ஜிஸ்ஸதீதி? நோ.

    88. (Ka) yaṃ cittaṃ uppajjati taṃ cittaṃ uppajjissatīti? No.

    (க²) யங் வா பன சித்தங் உப்பஜ்ஜிஸ்ஸதி தங் சித்தங் உப்பஜ்ஜதீதி? நோ.

    (Kha) yaṃ vā pana cittaṃ uppajjissati taṃ cittaṃ uppajjatīti? No.

    (க) யங் சித்தங் ந உப்பஜ்ஜதி தங் சித்தங் ந உப்பஜ்ஜிஸ்ஸதீதி?

    (Ka) yaṃ cittaṃ na uppajjati taṃ cittaṃ na uppajjissatīti?

    அனாக³தங் சித்தங் ந உப்பஜ்ஜதி, நோ ச தங் சித்தங் ந உப்பஜ்ஜிஸ்ஸதி. ப⁴ங்க³க்க²ணே அதீதஞ்ச சித்தங் ந சேவ உப்பஜ்ஜதி ந ச உப்பஜ்ஜிஸ்ஸதி.

    Anāgataṃ cittaṃ na uppajjati, no ca taṃ cittaṃ na uppajjissati. Bhaṅgakkhaṇe atītañca cittaṃ na ceva uppajjati na ca uppajjissati.

    (க²) யங் வா பன சித்தங் ந உப்பஜ்ஜிஸ்ஸதி தங் சித்தங் ந உப்பஜ்ஜதீதி?

    (Kha) yaṃ vā pana cittaṃ na uppajjissati taṃ cittaṃ na uppajjatīti?

    உப்பாத³க்க²ணே சித்தங் ந உப்பஜ்ஜிஸ்ஸதி, நோ ச தங் சித்தங் ந உப்பஜ்ஜதி. ப⁴ங்க³க்க²ணே அதீதஞ்ச சித்தங் ந சேவ உப்பஜ்ஜிஸ்ஸதி ந ச உப்பஜ்ஜதி.

    Uppādakkhaṇe cittaṃ na uppajjissati, no ca taṃ cittaṃ na uppajjati. Bhaṅgakkhaṇe atītañca cittaṃ na ceva uppajjissati na ca uppajjati.

    89. (க) யங் சித்தங் உப்பஜ்ஜித்த² தங் சித்தங் உப்பஜ்ஜிஸ்ஸதீதி? நோ.

    89. (Ka) yaṃ cittaṃ uppajjittha taṃ cittaṃ uppajjissatīti? No.

    (க²) யங் வா பன சித்தங் உப்பஜ்ஜிஸ்ஸதி தங் சித்தங் உப்பஜ்ஜித்தா²தி? நோ.

    (Kha) yaṃ vā pana cittaṃ uppajjissati taṃ cittaṃ uppajjitthāti? No.

    (க) யங் சித்தங் ந உப்பஜ்ஜித்த² தங் சித்தங் ந உப்பஜ்ஜிஸ்ஸதீதி?

    (Ka) yaṃ cittaṃ na uppajjittha taṃ cittaṃ na uppajjissatīti?

    அனாக³தங் சித்தங் ந உப்பஜ்ஜித்த², நோ ச தங் சித்தங் ந உப்பஜ்ஜிஸ்ஸதி. பச்சுப்பன்னங் சித்தங் ந சேவ உப்பஜ்ஜித்த² ந ச உப்பஜ்ஜிஸ்ஸதி.

    Anāgataṃ cittaṃ na uppajjittha, no ca taṃ cittaṃ na uppajjissati. Paccuppannaṃ cittaṃ na ceva uppajjittha na ca uppajjissati.

    (க²) யங் வா பன சித்தங் ந உப்பஜ்ஜிஸ்ஸதி தங் சித்தங் ந உப்பஜ்ஜித்தா²தி?

    (Kha) yaṃ vā pana cittaṃ na uppajjissati taṃ cittaṃ na uppajjitthāti?

    அதீதங் சித்தங் ந உப்பஜ்ஜிஸ்ஸதி, நோ ச தங் சித்தங் ந உப்பஜ்ஜித்த². பச்சுப்பன்னங் சித்தங் ந சேவ உப்பஜ்ஜிஸ்ஸதி ந ச உப்பஜ்ஜித்த².

    Atītaṃ cittaṃ na uppajjissati, no ca taṃ cittaṃ na uppajjittha. Paccuppannaṃ cittaṃ na ceva uppajjissati na ca uppajjittha.

    (5) நிரோத⁴வாரோ

    (5) Nirodhavāro

    90. (க) யங் சித்தங் நிருஜ்ஜ²தி தங் சித்தங் நிருஜ்ஜி²த்தா²தி? நோ.

    90. (Ka) yaṃ cittaṃ nirujjhati taṃ cittaṃ nirujjhitthāti? No.

    (க²) யங் வா பன சித்தங் நிருஜ்ஜி²த்த² தங் சித்தங் நிருஜ்ஜ²தீதி? நோ.

    (Kha) yaṃ vā pana cittaṃ nirujjhittha taṃ cittaṃ nirujjhatīti? No.

    (க) யங் சித்தங் ந நிருஜ்ஜ²தி தங் சித்தங் ந நிருஜ்ஜி²த்தா²தி?

    (Ka) yaṃ cittaṃ na nirujjhati taṃ cittaṃ na nirujjhitthāti?

    அதீதங் சித்தங் ந நிருஜ்ஜ²தி, நோ ச தங் சித்தங் ந நிருஜ்ஜி²த்த². உப்பாத³க்க²ணே அனாக³தஞ்ச சித்தங் ந சேவ நிருஜ்ஜ²தி ந ச நிருஜ்ஜி²த்த².

    Atītaṃ cittaṃ na nirujjhati, no ca taṃ cittaṃ na nirujjhittha. Uppādakkhaṇe anāgatañca cittaṃ na ceva nirujjhati na ca nirujjhittha.

    (க²) யங் வா பன சித்தங் ந நிருஜ்ஜி²த்த² தங் சித்தங் ந நிருஜ்ஜ²தீதி?

    (Kha) yaṃ vā pana cittaṃ na nirujjhittha taṃ cittaṃ na nirujjhatīti?

    ப⁴ங்க³க்க²ணே சித்தங் ந நிருஜ்ஜி²த்த², நோ ச தங் சித்தங் ந நிருஜ்ஜ²தி. உப்பாத³க்க²ணே அனாக³தஞ்ச சித்தங் ந சேவ நிருஜ்ஜி²த்த² ந ச நிருஜ்ஜ²தி.

    Bhaṅgakkhaṇe cittaṃ na nirujjhittha, no ca taṃ cittaṃ na nirujjhati. Uppādakkhaṇe anāgatañca cittaṃ na ceva nirujjhittha na ca nirujjhati.

    91. (க) யங் சித்தங் நிருஜ்ஜ²தி தங் சித்தங் நிருஜ்ஜி²ஸ்ஸதீதி? நோ.

    91. (Ka) yaṃ cittaṃ nirujjhati taṃ cittaṃ nirujjhissatīti? No.

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் நிருஜ்ஜ²தீதி? நோ.

    (Kha) yaṃ vā pana cittaṃ nirujjhissati taṃ cittaṃ nirujjhatīti? No.

    (க) யங் சித்தங் ந நிருஜ்ஜ²தி தங் சித்தங் ந நிருஜ்ஜி²ஸ்ஸதீதி?

    (Ka) yaṃ cittaṃ na nirujjhati taṃ cittaṃ na nirujjhissatīti?

    உப்பாத³க்க²ணே அனாக³தஞ்ச சித்தங் ந நிருஜ்ஜ²தி, நோ ச தங் சித்தங் ந நிருஜ்ஜி²ஸ்ஸதி. அதீதங் சித்தங் ந சேவ நிருஜ்ஜ²தி ந ச நிருஜ்ஜி²ஸ்ஸதி.

    Uppādakkhaṇe anāgatañca cittaṃ na nirujjhati, no ca taṃ cittaṃ na nirujjhissati. Atītaṃ cittaṃ na ceva nirujjhati na ca nirujjhissati.

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந நிருஜ்ஜ²தீதி?

    (Kha) yaṃ vā pana cittaṃ na nirujjhissati taṃ cittaṃ na nirujjhatīti?

    ப⁴ங்க³க்க²ணே சித்தங் ந நிருஜ்ஜி²ஸ்ஸதி, நோ ச தங் சித்தங் ந நிருஜ்ஜ²தி. அதீதங் சித்தங் ந சேவ நிருஜ்ஜி²ஸ்ஸதி ந ச நிருஜ்ஜ²தி.

    Bhaṅgakkhaṇe cittaṃ na nirujjhissati, no ca taṃ cittaṃ na nirujjhati. Atītaṃ cittaṃ na ceva nirujjhissati na ca nirujjhati.

    92. (க) யங் சித்தங் நிருஜ்ஜி²த்த² தங் சித்தங் நிருஜ்ஜி²ஸ்ஸதீதி? நோ.

    92. (Ka) yaṃ cittaṃ nirujjhittha taṃ cittaṃ nirujjhissatīti? No.

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் நிருஜ்ஜி²த்தா²தி? நோ.

    (Kha) yaṃ vā pana cittaṃ nirujjhissati taṃ cittaṃ nirujjhitthāti? No.

    (க) யங் சித்தங் ந நிருஜ்ஜி²த்த² தங் சித்தங் ந நிருஜ்ஜி²ஸ்ஸதீதி?

    (Ka) yaṃ cittaṃ na nirujjhittha taṃ cittaṃ na nirujjhissatīti?

    உப்பாத³க்க²ணே அனாக³தஞ்ச சித்தங் ந நிருஜ்ஜி²த்த², நோ ச தங் சித்தங் ந நிருஜ்ஜி²ஸ்ஸதி. ப⁴ங்க³க்க²ணே சித்தங் ந சேவ நிருஜ்ஜி²த்த² ந ச நிருஜ்ஜி²ஸ்ஸதி.

    Uppādakkhaṇe anāgatañca cittaṃ na nirujjhittha, no ca taṃ cittaṃ na nirujjhissati. Bhaṅgakkhaṇe cittaṃ na ceva nirujjhittha na ca nirujjhissati.

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந நிருஜ்ஜி²த்தா²தி?

    (Kha) yaṃ vā pana cittaṃ na nirujjhissati taṃ cittaṃ na nirujjhitthāti?

    அதீதங் சித்தங் ந நிருஜ்ஜி²ஸ்ஸதி, நோ ச தங் சித்தங் ந நிருஜ்ஜி²த்த². ப⁴ங்க³க்க²ணே சித்தங் ந சேவ நிருஜ்ஜி²ஸ்ஸதி ந ச நிருஜ்ஜி²த்த².

    Atītaṃ cittaṃ na nirujjhissati, no ca taṃ cittaṃ na nirujjhittha. Bhaṅgakkhaṇe cittaṃ na ceva nirujjhissati na ca nirujjhittha.

    (6) உப்பாத³னிரோத⁴வாரோ

    (6) Uppādanirodhavāro

    93. (க) யங் சித்தங் உப்பஜ்ஜதி தங் சித்தங் நிருஜ்ஜி²த்தா²தி? நோ.

    93. (Ka) yaṃ cittaṃ uppajjati taṃ cittaṃ nirujjhitthāti? No.

    (க²) யங் வா பன சித்தங் நிருஜ்ஜி²த்த² தங் சித்தங் உப்பஜ்ஜதீதி? நோ.

    (Kha) yaṃ vā pana cittaṃ nirujjhittha taṃ cittaṃ uppajjatīti? No.

    (க) யங் சித்தங் ந உப்பஜ்ஜதி தங் சித்தங் ந நிருஜ்ஜி²த்தா²தி?

    (Ka) yaṃ cittaṃ na uppajjati taṃ cittaṃ na nirujjhitthāti?

    அதீதங் சித்தங் ந உப்பஜ்ஜதி, நோ ச தங் சித்தங் ந நிருஜ்ஜி²த்த². ப⁴ங்க³க்க²ணே அனாக³தஞ்ச சித்தங் ந சேவ உப்பஜ்ஜதி ந ச நிருஜ்ஜி²த்த².

    Atītaṃ cittaṃ na uppajjati, no ca taṃ cittaṃ na nirujjhittha. Bhaṅgakkhaṇe anāgatañca cittaṃ na ceva uppajjati na ca nirujjhittha.

    (க²) யங் வா பன சித்தங் ந நிருஜ்ஜி²த்த² தங் சித்தங் ந உப்பஜ்ஜதீதி?

    (Kha) yaṃ vā pana cittaṃ na nirujjhittha taṃ cittaṃ na uppajjatīti?

    உப்பாத³க்க²ணே சித்தங் ந நிருஜ்ஜி²த்த², நோ ச தங் சித்தங் ந உப்பஜ்ஜதி. ப⁴ங்க³க்க²ணே அனாக³தஞ்ச சித்தங் ந சேவ நிருஜ்ஜி²த்த² ந ச உப்பஜ்ஜதி.

    Uppādakkhaṇe cittaṃ na nirujjhittha, no ca taṃ cittaṃ na uppajjati. Bhaṅgakkhaṇe anāgatañca cittaṃ na ceva nirujjhittha na ca uppajjati.

    94. (க) யங் சித்தங் உப்பஜ்ஜதி தங் சித்தங் நிருஜ்ஜி²ஸ்ஸதீதி? ஆமந்தா.

    94. (Ka) yaṃ cittaṃ uppajjati taṃ cittaṃ nirujjhissatīti? Āmantā.

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் உப்பஜ்ஜதீதி?

    (Kha) yaṃ vā pana cittaṃ nirujjhissati taṃ cittaṃ uppajjatīti?

    அனாக³தங் சித்தங் நிருஜ்ஜி²ஸ்ஸதி, நோ ச தங் சித்தங் உப்பஜ்ஜதி. உப்பாத³க்க²ணே சித்தங் நிருஜ்ஜி²ஸ்ஸதி சேவ உப்பஜ்ஜதி ச.

    Anāgataṃ cittaṃ nirujjhissati, no ca taṃ cittaṃ uppajjati. Uppādakkhaṇe cittaṃ nirujjhissati ceva uppajjati ca.

    (க) யங் சித்தங் ந உப்பஜ்ஜதி தங் சித்தங் ந நிருஜ்ஜி²ஸ்ஸதீதி?

    (Ka) yaṃ cittaṃ na uppajjati taṃ cittaṃ na nirujjhissatīti?

    அனாக³தங் சித்தங் ந உப்பஜ்ஜதி, நோ ச தங் சித்தங் ந நிருஜ்ஜி²ஸ்ஸதி. ப⁴ங்க³க்க²ணே அதீதஞ்ச சித்தங் ந சேவ உப்பஜ்ஜதி ந ச நிருஜ்ஜி²ஸ்ஸதி.

    Anāgataṃ cittaṃ na uppajjati, no ca taṃ cittaṃ na nirujjhissati. Bhaṅgakkhaṇe atītañca cittaṃ na ceva uppajjati na ca nirujjhissati.

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந உப்பஜ்ஜதீதி? ஆமந்தா.

    (Kha) yaṃ vā pana cittaṃ na nirujjhissati taṃ cittaṃ na uppajjatīti? Āmantā.

    95. (க) யங் சித்தங் உப்பஜ்ஜித்த² தங் சித்தங் நிருஜ்ஜி²ஸ்ஸதீதி? நோ.

    95. (Ka) yaṃ cittaṃ uppajjittha taṃ cittaṃ nirujjhissatīti? No.

    (க²) யங் வா பன சித்தங் நிருஜ்ஜி²ஸ்ஸதி தங் சித்தங் உப்பஜ்ஜித்தா²தி? நோ.

    (Kha) yaṃ vā pana cittaṃ nirujjhissati taṃ cittaṃ uppajjitthāti? No.

    (க) யங் சித்தங் ந உப்பஜ்ஜித்த² தங் சித்தங் ந நிருஜ்ஜி²ஸ்ஸதீதி?

    (Ka) yaṃ cittaṃ na uppajjittha taṃ cittaṃ na nirujjhissatīti?

    உப்பாத³க்க²ணே அனாக³தஞ்ச சித்தங் ந உப்பஜ்ஜித்த², நோ ச தங் சித்தங் ந நிருஜ்ஜி²ஸ்ஸதி. ப⁴ங்க³க்க²ணே சித்தங் ந சேவ உப்பஜ்ஜித்த² ந ச நிருஜ்ஜி²ஸ்ஸதி.

    Uppādakkhaṇe anāgatañca cittaṃ na uppajjittha, no ca taṃ cittaṃ na nirujjhissati. Bhaṅgakkhaṇe cittaṃ na ceva uppajjittha na ca nirujjhissati.

    (க²) யங் வா பன சித்தங் ந நிருஜ்ஜி²ஸ்ஸதி தங் சித்தங் ந உப்பஜ்ஜித்தா²தி?

    (Kha) yaṃ vā pana cittaṃ na nirujjhissati taṃ cittaṃ na uppajjitthāti?

    அதீதங் சித்தங் ந நிருஜ்ஜி²ஸ்ஸதி, நோ ச தங் சித்தங் ந உப்பஜ்ஜித்த². ப⁴ங்க³க்க²ணே சித்தங் ந சேவ நிருஜ்ஜி²ஸ்ஸதி ந ச உப்பஜ்ஜித்த².

    Atītaṃ cittaṃ na nirujjhissati, no ca taṃ cittaṃ na uppajjittha. Bhaṅgakkhaṇe cittaṃ na ceva nirujjhissati na ca uppajjittha.

    (7) உப்பஜ்ஜமான-நனிரோத⁴வாரோ

    (7) Uppajjamāna-nanirodhavāro

    96. (க) யங் சித்தங் உப்பஜ்ஜதி தங் சித்தங் ந நிருஜ்ஜ²தீதி? ஆமந்தா.

    96. (Ka) yaṃ cittaṃ uppajjati taṃ cittaṃ na nirujjhatīti? Āmantā.

    (க²) யங் வா பன சித்தங் ந நிருஜ்ஜ²தி தங் சித்தங் உப்பஜ்ஜதீதி?

    (Kha) yaṃ vā pana cittaṃ na nirujjhati taṃ cittaṃ uppajjatīti?

    அதீதானாக³தங் சித்தங் ந நிருஜ்ஜ²தி, நோ ச தங் சித்தங் உப்பஜ்ஜதி. உப்பாத³க்க²ணே சித்தங் ந நிருஜ்ஜ²தி சேவ உப்பஜ்ஜதி ச.

    Atītānāgataṃ cittaṃ na nirujjhati, no ca taṃ cittaṃ uppajjati. Uppādakkhaṇe cittaṃ na nirujjhati ceva uppajjati ca.

    (க) யங் சித்தங் ந உப்பஜ்ஜதி தங் சித்தங் நிருஜ்ஜ²தீதி?

    (Ka) yaṃ cittaṃ na uppajjati taṃ cittaṃ nirujjhatīti?

    அதீதானாக³தங் சித்தங் ந உப்பஜ்ஜதி, நோ ச தங் சித்தங் நிருஜ்ஜ²தி. ப⁴ங்க³க்க²ணே சித்தங் ந உப்பஜ்ஜதி சேவ நிருஜ்ஜ²தி ச.

    Atītānāgataṃ cittaṃ na uppajjati, no ca taṃ cittaṃ nirujjhati. Bhaṅgakkhaṇe cittaṃ na uppajjati ceva nirujjhati ca.

    (க²) யங் வா பன சித்தங் நிருஜ்ஜ²தி தங் சித்தங் ந உப்பஜ்ஜதீதி? ஆமந்தா.

    (Kha) yaṃ vā pana cittaṃ nirujjhati taṃ cittaṃ na uppajjatīti? Āmantā.

    (8) உப்பஜ்ஜமானுப்பன்னவாரோ

    (8) Uppajjamānuppannavāro

    97. (க) யங் சித்தங் உப்பஜ்ஜமானங் தங் சித்தங் உப்பன்னந்தி? ஆமந்தா.

    97. (Ka) yaṃ cittaṃ uppajjamānaṃ taṃ cittaṃ uppannanti? Āmantā.

    (க²) யங் வா பன சித்தங் உப்பன்னங் தங் சித்தங் உப்பஜ்ஜமானந்தி?

    (Kha) yaṃ vā pana cittaṃ uppannaṃ taṃ cittaṃ uppajjamānanti?

    ப⁴ங்க³க்க²ணே சித்தங் உப்பன்னங், நோ ச தங் சித்தங் உப்பஜ்ஜமானங். உப்பாத³க்க²ணே சித்தங் உப்பன்னஞ்சேவ உப்பஜ்ஜமானஞ்ச.

    Bhaṅgakkhaṇe cittaṃ uppannaṃ, no ca taṃ cittaṃ uppajjamānaṃ. Uppādakkhaṇe cittaṃ uppannañceva uppajjamānañca.

    (க) யங் சித்தங் ந உப்பஜ்ஜமானங் தங் சித்தங் ந உப்பன்னந்தி?

    (Ka) yaṃ cittaṃ na uppajjamānaṃ taṃ cittaṃ na uppannanti?

    ப⁴ங்க³க்க²ணே சித்தங் ந உப்பஜ்ஜமானங், நோ ச தங் சித்தங் ந உப்பன்னங். அதீதானாக³தங் சித்தங் ந சேவ உப்பஜ்ஜமானங் ந ச உப்பன்னங்.

    Bhaṅgakkhaṇe cittaṃ na uppajjamānaṃ, no ca taṃ cittaṃ na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.

    (க²) யங் வா பன சித்தங் ந உப்பன்னங் தங் சித்தங் ந உப்பஜ்ஜமானந்தி? ஆமந்தா.

    (Kha) yaṃ vā pana cittaṃ na uppannaṃ taṃ cittaṃ na uppajjamānanti? Āmantā.

    (9) நிருஜ்ஜ²மானுப்பன்னவாரோ

    (9) Nirujjhamānuppannavāro

    98. (க) யங் சித்தங் நிருஜ்ஜ²மானங் தங் சித்தங் உப்பன்னந்தி? ஆமந்தா.

    98. (Ka) yaṃ cittaṃ nirujjhamānaṃ taṃ cittaṃ uppannanti? Āmantā.

    (க²) யங் வா பன சித்தங் உப்பன்னங் தங் சித்தங் நிருஜ்ஜ²மானந்தி?

    (Kha) yaṃ vā pana cittaṃ uppannaṃ taṃ cittaṃ nirujjhamānanti?

    உப்பாத³க்க²ணே சித்தங் உப்பன்னங், நோ ச தங் சித்தங் நிருஜ்ஜ²மானங். ப⁴ங்க³க்க²ணே சித்தங் உப்பன்னஞ்சேவ நிருஜ்ஜ²மானஞ்ச.

    Uppādakkhaṇe cittaṃ uppannaṃ, no ca taṃ cittaṃ nirujjhamānaṃ. Bhaṅgakkhaṇe cittaṃ uppannañceva nirujjhamānañca.

    (க) யங் சித்தங் ந நிருஜ்ஜ²மானங் தங் சித்தங் ந உப்பன்னந்தி?

    (Ka) yaṃ cittaṃ na nirujjhamānaṃ taṃ cittaṃ na uppannanti?

    உப்பாத³க்க²ணே சித்தங் ந நிருஜ்ஜ²மானங், நோ ச தங் சித்தங் ந உப்பன்னங். அதீதானாக³தங் சித்தங் ந சேவ நிருஜ்ஜ²மானங் ந ச உப்பன்னங் .

    Uppādakkhaṇe cittaṃ na nirujjhamānaṃ, no ca taṃ cittaṃ na uppannaṃ. Atītānāgataṃ cittaṃ na ceva nirujjhamānaṃ na ca uppannaṃ .

    (க²) யங் வா பன சித்தங் ந உப்பன்னங் தங் சித்தங் ந நிருஜ்ஜ²மானந்தி? ஆமந்தா.

    (Kha) yaṃ vā pana cittaṃ na uppannaṃ taṃ cittaṃ na nirujjhamānanti? Āmantā.

    (10) உப்பன்னுப்பாத³வாரோ

    (10) Uppannuppādavāro

    99. (க) யங் சித்தங் உப்பன்னங் தங் சித்தங் உப்பஜ்ஜித்தா²தி? நோ.

    99. (Ka) yaṃ cittaṃ uppannaṃ taṃ cittaṃ uppajjitthāti? No.

    (க²) யங் வா பன சித்தங் உப்பஜ்ஜித்த² தங் சித்தங் உப்பன்னந்தி? நோ.

    (Kha) yaṃ vā pana cittaṃ uppajjittha taṃ cittaṃ uppannanti? No.

    (க) யங் சித்தங் ந உப்பன்னங் தங் சித்தங் ந உப்பஜ்ஜித்தா²தி?

    (Ka) yaṃ cittaṃ na uppannaṃ taṃ cittaṃ na uppajjitthāti?

    அதீதங் சித்தங் ந உப்பன்னங், நோ ச தங் சித்தங் ந உப்பஜ்ஜித்த². அனாக³தங் சித்தங் ந சேவ உப்பன்னங் ந ச உப்பஜ்ஜித்த².

    Atītaṃ cittaṃ na uppannaṃ, no ca taṃ cittaṃ na uppajjittha. Anāgataṃ cittaṃ na ceva uppannaṃ na ca uppajjittha.

    (க²) யங் வா பன சித்தங் ந உப்பஜ்ஜித்த² தங் சித்தங் ந உப்பன்னந்தி?

    (Kha) yaṃ vā pana cittaṃ na uppajjittha taṃ cittaṃ na uppannanti?

    பச்சுப்பன்னங் சித்தங் ந உப்பஜ்ஜித்த², நோ ச தங் சித்தங் ந உப்பன்னங். அனாக³தங் சித்தங் ந சேவ உப்பஜ்ஜித்த² ந ச உப்பன்னங்.

    Paccuppannaṃ cittaṃ na uppajjittha, no ca taṃ cittaṃ na uppannaṃ. Anāgataṃ cittaṃ na ceva uppajjittha na ca uppannaṃ.

    100. (க) யங் சித்தங் உப்பன்னங் தங் சித்தங் உப்பஜ்ஜிஸ்ஸதீதி? நோ.

    100. (Ka) yaṃ cittaṃ uppannaṃ taṃ cittaṃ uppajjissatīti? No.

    (க²) யங் வா பன சித்தங் உப்பஜ்ஜிஸ்ஸதி தங் சித்தங் உப்பன்னந்தி? நோ.

    (Kha) yaṃ vā pana cittaṃ uppajjissati taṃ cittaṃ uppannanti? No.

    (க) யங் சித்தங் ந உப்பன்னங் தங் சித்தங் ந உப்பஜ்ஜிஸ்ஸதீதி?

    (Ka) yaṃ cittaṃ na uppannaṃ taṃ cittaṃ na uppajjissatīti?

    அனாக³தங் சித்தங் ந உப்பன்னங், நோ ச தங் சித்தங் ந உப்பஜ்ஜிஸ்ஸதி. அதீதங் சித்தங் ந சேவ உப்பன்னங் ந ச உப்பஜ்ஜிஸ்ஸதி.

    Anāgataṃ cittaṃ na uppannaṃ, no ca taṃ cittaṃ na uppajjissati. Atītaṃ cittaṃ na ceva uppannaṃ na ca uppajjissati.

    (க²) யங் வா பன சித்தங் ந உப்பஜ்ஜிஸ்ஸதி தங் சித்தங் ந உப்பன்னந்தி?

    (Kha) yaṃ vā pana cittaṃ na uppajjissati taṃ cittaṃ na uppannanti?

    பச்சுப்பன்னங் சித்தங் ந உப்பஜ்ஜிஸ்ஸதி, நோ ச தங் சித்தங் ந உப்பன்னங். அதீதங் சித்தங் ந சேவ உப்பஜ்ஜிஸ்ஸதி ந ச உப்பன்னங்.

    Paccuppannaṃ cittaṃ na uppajjissati, no ca taṃ cittaṃ na uppannaṃ. Atītaṃ cittaṃ na ceva uppajjissati na ca uppannaṃ.

    (11) அதீதானாக³தவாரோ

    (11) Atītānāgatavāro

    101. (க) யங் சித்தங் உப்பஜ்ஜித்த² நோ ச தங் சித்தங் உப்பன்னங், தங் சித்தங் உப்பஜ்ஜிஸ்ஸதீதி? நோ.

    101. (Ka) yaṃ cittaṃ uppajjittha no ca taṃ cittaṃ uppannaṃ, taṃ cittaṃ uppajjissatīti? No.

    (க²) யங் வா பன சித்தங் உப்பஜ்ஜிஸ்ஸதி நோ ச தங் சித்தங் உப்பன்னங், தங் சித்தங் உப்பஜ்ஜித்தா²தி? நோ.

    (Kha) yaṃ vā pana cittaṃ uppajjissati no ca taṃ cittaṃ uppannaṃ, taṃ cittaṃ uppajjitthāti? No.

    (க) யங் சித்தங் ந உப்பஜ்ஜித்த² நோ ச தங் சித்தங் ந உப்பன்னங், தங் சித்தங் ந உப்பஜ்ஜிஸ்ஸதீதி? ஆமந்தா .

    (Ka) yaṃ cittaṃ na uppajjittha no ca taṃ cittaṃ na uppannaṃ, taṃ cittaṃ na uppajjissatīti? Āmantā .

    (க²) யங் வா பன சித்தங் ந உப்பஜ்ஜிஸ்ஸதி நோ ச தங் சித்தங் ந உப்பன்னங், தங் சித்தங் ந உப்பஜ்ஜித்தா²தி? ஆமந்தா.

    (Kha) yaṃ vā pana cittaṃ na uppajjissati no ca taṃ cittaṃ na uppannaṃ, taṃ cittaṃ na uppajjitthāti? Āmantā.

    (12) உப்பன்னுப்பஜ்ஜமானவாரோ

    (12) Uppannuppajjamānavāro

    102. (க) உப்பன்னங் உப்பஜ்ஜமானந்தி?

    102. (Ka) uppannaṃ uppajjamānanti?

    ப⁴ங்க³க்க²ணே உப்பன்னங், நோ ச உப்பஜ்ஜமானங். உப்பாத³க்க²ணே உப்பன்னஞ்சேவ உப்பஜ்ஜமானஞ்ச.

    Bhaṅgakkhaṇe uppannaṃ, no ca uppajjamānaṃ. Uppādakkhaṇe uppannañceva uppajjamānañca.

    (க²) உப்பஜ்ஜமானங் உப்பன்னந்தி? ஆமந்தா.

    (Kha) uppajjamānaṃ uppannanti? Āmantā.

    (க) ந உப்பன்னங் ந உப்பஜ்ஜமானந்தி? ஆமந்தா.

    (Ka) na uppannaṃ na uppajjamānanti? Āmantā.

    (க²) ந உப்பஜ்ஜமானங் ந உப்பன்னந்தி?

    (Kha) na uppajjamānaṃ na uppannanti?

    ப⁴ங்க³க்க²ணே ந உப்பஜ்ஜமானங், நோ ச ந உப்பன்னங். அதீதானாக³தங் சித்தங் ந சேவ உப்பஜ்ஜமானங் ந ச உப்பன்னங்.

    Bhaṅgakkhaṇe na uppajjamānaṃ, no ca na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.

    (13) நிருத்³த⁴னிருஜ்ஜ²மானவாரோ

    (13) Niruddhanirujjhamānavāro

    103. (க) நிருத்³த⁴ங் நிருஜ்ஜ²மானந்தி? நோ.

    103. (Ka) niruddhaṃ nirujjhamānanti? No.

    (க²) நிருஜ்ஜ²மானங் நிருத்³த⁴ந்தி? நோ.

    (Kha) nirujjhamānaṃ niruddhanti? No.

    (க) ந நிருத்³த⁴ங் ந நிருஜ்ஜ²மானந்தி?

    (Ka) na niruddhaṃ na nirujjhamānanti?

    ப⁴ங்க³க்க²ணே ந நிருத்³த⁴ங், நோ ச ந நிருஜ்ஜ²மானங். உப்பாத³க்க²ணே அனாக³தஞ்ச சித்தங் ந சேவ நிருத்³த⁴ங் ந ச நிருஜ்ஜ²மானங்.

    Bhaṅgakkhaṇe na niruddhaṃ, no ca na nirujjhamānaṃ. Uppādakkhaṇe anāgatañca cittaṃ na ceva niruddhaṃ na ca nirujjhamānaṃ.

    (க²) ந நிருஜ்ஜ²மானங் ந நிருத்³த⁴ந்தி?

    (Kha) na nirujjhamānaṃ na niruddhanti?

    அதீதங் சித்தங் ந நிருஜ்ஜ²மானங், நோ ச ந நிருத்³த⁴ங். உப்பாத³க்க²ணே அனாக³தஞ்ச சித்தங் ந சேவ நிருஜ்ஜ²மானங் ந ச நிருத்³த⁴ங்.

    Atītaṃ cittaṃ na nirujjhamānaṃ, no ca na niruddhaṃ. Uppādakkhaṇe anāgatañca cittaṃ na ceva nirujjhamānaṃ na ca niruddhaṃ.

    (14) அதிக்கந்தகாலவாரோ

    (14) Atikkantakālavāro

    104. (க) யங் சித்தங் உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தங் சித்தந்தி?

    104. (Ka) yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?

    ப⁴ங்க³க்க²ணே சித்தங் உப்பாத³க்க²ணங் வீதிக்கந்தங் ப⁴ங்க³க்க²ணங் அவீதிக்கந்தங் , அதீதங் சித்தங் உப்பாத³க்க²ணஞ்ச வீதிக்கந்தங் ப⁴ங்க³க்க²ணஞ்ச வீதிக்கந்தங்.

    Bhaṅgakkhaṇe cittaṃ uppādakkhaṇaṃ vītikkantaṃ bhaṅgakkhaṇaṃ avītikkantaṃ , atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantaṃ.

    (க²) யங் வா பன சித்தங் நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தங் சித்தந்தி?

    (Kha) yaṃ vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?

    அதீதங் சித்தங் .

    Atītaṃ cittaṃ .

    (க) யங் சித்தங் ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங் தங் சித்தந்தி?

    (Ka) yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?

    உப்பாத³க்க²ணே அனாக³தங் சித்தங்.

    Uppādakkhaṇe anāgataṃ cittaṃ.

    (க²) யங் வா பன சித்தங் ந நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், ந உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங் தங் சித்தந்தி?

    (Kha) yaṃ vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?

    ப⁴ங்க³க்க²ணே சித்தங் ப⁴ங்க³க்க²ணங் அவீதிக்கந்தங் நோ ச உப்பாத³க்க²ணங் அவீதிக்கந்தங், உப்பாத³க்க²ணே அனாக³தஞ்ச சித்தங் ப⁴ங்க³க்க²ணஞ்ச அவீதிக்கந்தங் உப்பாத³க்க²ணஞ்ச அவீதிக்கந்தங்.

    Bhaṅgakkhaṇe cittaṃ bhaṅgakkhaṇaṃ avītikkantaṃ no ca uppādakkhaṇaṃ avītikkantaṃ, uppādakkhaṇe anāgatañca cittaṃ bhaṅgakkhaṇañca avītikkantaṃ uppādakkhaṇañca avītikkantaṃ.

    1. ஸுத்³த⁴சித்தஸாமஞ்ஞ

    1. Suddhacittasāmañña

    3. புக்³க³லத⁴ம்மவாரோ

    3. Puggaladhammavāro

    (1) உப்பாத³னிரோத⁴காலஸம்பே⁴த³வாரோ

    (1) Uppādanirodhakālasambhedavāro

    105. (க) யஸ்ஸ யங் சித்தங் உப்பஜ்ஜதி ந நிருஜ்ஜ²தி தஸ்ஸ தங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதீதி? ஆமந்தா.

    105. (Ka) yassa yaṃ cittaṃ uppajjati na nirujjhati tassa taṃ cittaṃ nirujjhissati na uppajjissatīti? Āmantā.

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதி தஸ்ஸ தங் சித்தங் உப்பஜ்ஜதி ந நிருஜ்ஜ²தீதி? ஆமந்தா.

    (Kha) yassa vā pana yaṃ cittaṃ nirujjhissati na uppajjissati tassa taṃ cittaṃ uppajjati na nirujjhatīti? Āmantā.

    (க) யஸ்ஸ யங் சித்தங் ந உப்பஜ்ஜதி நிருஜ்ஜ²தி தஸ்ஸ தங் சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதீதி? நோ.

    (Ka) yassa yaṃ cittaṃ na uppajjati nirujjhati tassa taṃ cittaṃ na nirujjhissati uppajjissatīti? No.

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி தஸ்ஸ தங் சித்தங் ந உப்பஜ்ஜதி நிருஜ்ஜ²தீதி? நத்தி².

    (Kha) yassa vā pana yaṃ cittaṃ na nirujjhissati uppajjissati tassa taṃ cittaṃ na uppajjati nirujjhatīti? Natthi.

    (2) உப்பாது³ப்பன்னவாரோ

    (2) Uppāduppannavāro

    106. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் உப்பன்னந்தி? ஆமந்தா.

    106. (Ka) yassa yaṃ cittaṃ uppajjati tassa taṃ cittaṃ uppannanti? Āmantā.

    (க²) யஸ்ஸ வா பன யங் சித்தங் உப்பன்னங் தஸ்ஸ தங் சித்தங் உப்பஜ்ஜதீதி?

    (Kha) yassa vā pana yaṃ cittaṃ uppannaṃ tassa taṃ cittaṃ uppajjatīti?

    ப⁴ங்க³க்க²ணே சித்தங் உப்பன்னங், நோ ச தஸ்ஸ தங் சித்தங் உப்பஜ்ஜதி. உப்பாத³க்க²ணே சித்தங் உப்பன்னஞ்சேவ உப்பஜ்ஜதி ச.

    Bhaṅgakkhaṇe cittaṃ uppannaṃ, no ca tassa taṃ cittaṃ uppajjati. Uppādakkhaṇe cittaṃ uppannañceva uppajjati ca.

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந உப்பன்னந்தி?

    (Ka) yassa yaṃ cittaṃ na uppajjati tassa taṃ cittaṃ na uppannanti?

    ப⁴ங்க³க்க²ணே சித்தங் ந உப்பஜ்ஜதி, நோ ச தஸ்ஸ தங் சித்தங் ந உப்பன்னங். அதீதானாக³தங் சித்தங் ந சேவ உப்பஜ்ஜதி ந ச உப்பன்னங்.

    Bhaṅgakkhaṇe cittaṃ na uppajjati, no ca tassa taṃ cittaṃ na uppannaṃ. Atītānāgataṃ cittaṃ na ceva uppajjati na ca uppannaṃ.

    (க²) யஸ்ஸ வா பன யங் சித்தங் ந உப்பன்னங் தஸ்ஸ தங் சித்தங் ந உப்பஜ்ஜதீதி? ஆமந்தா.

    (Kha) yassa vā pana yaṃ cittaṃ na uppannaṃ tassa taṃ cittaṃ na uppajjatīti? Āmantā.

    (3) நிரோது⁴ப்பன்னவாரோ

    (3) Nirodhuppannavāro

    107. (க) யஸ்ஸ யங் சித்தங் நிருஜ்ஜ²தி தஸ்ஸ தங் சித்தங் உப்பன்னந்தி? ஆமந்தா.

    107. (Ka) yassa yaṃ cittaṃ nirujjhati tassa taṃ cittaṃ uppannanti? Āmantā.

    (க²) யஸ்ஸ வா பன யங் சித்தங் உப்பன்னங் தஸ்ஸ தங் சித்தங் நிருஜ்ஜ²தீதி?

    (Kha) yassa vā pana yaṃ cittaṃ uppannaṃ tassa taṃ cittaṃ nirujjhatīti?

    உப்பாத³க்க²ணே சித்தங் உப்பன்னங், நோ ச தஸ்ஸ தங் சித்தங் நிருஜ்ஜ²தி. ப⁴ங்க³க்க²ணே சித்தங் உப்பன்னஞ்சேவ நிருஜ்ஜ²தி ச.

    Uppādakkhaṇe cittaṃ uppannaṃ, no ca tassa taṃ cittaṃ nirujjhati. Bhaṅgakkhaṇe cittaṃ uppannañceva nirujjhati ca.

    (க) யஸ்ஸ யங் சித்தங் ந நிருஜ்ஜ²தி தஸ்ஸ தங் சித்தங் ந உப்பன்னந்தி?

    (Ka) yassa yaṃ cittaṃ na nirujjhati tassa taṃ cittaṃ na uppannanti?

    உப்பாத³க்க²ணே சித்தங் ந நிருஜ்ஜ²தி, நோ ச தஸ்ஸ தங் சித்தங் ந உப்பன்னங். அதீதானாக³தங் சித்தங் ந சேவ நிருஜ்ஜ²தி ந ச உப்பன்னங்.

    Uppādakkhaṇe cittaṃ na nirujjhati, no ca tassa taṃ cittaṃ na uppannaṃ. Atītānāgataṃ cittaṃ na ceva nirujjhati na ca uppannaṃ.

    (க²) யஸ்ஸ வா பன யங் சித்தங் ந உப்பன்னங் தஸ்ஸ தங் சித்தங் ந நிருஜ்ஜ²தீதி? ஆமந்தா.

    (Kha) yassa vā pana yaṃ cittaṃ na uppannaṃ tassa taṃ cittaṃ na nirujjhatīti? Āmantā.

    (4) உப்பாத³வாரோ

    (4) Uppādavāro

    108. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் உப்பஜ்ஜித்தா²தி? நோ.

    108. (Ka) yassa yaṃ cittaṃ uppajjati tassa taṃ cittaṃ uppajjitthāti? No.

    (க²) யஸ்ஸ வா பன யங் சித்தங் உப்பஜ்ஜித்த² தஸ்ஸ தங் சித்தங் உப்பஜ்ஜதீதி? நோ.

    (Kha) yassa vā pana yaṃ cittaṃ uppajjittha tassa taṃ cittaṃ uppajjatīti? No.

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந உப்பஜ்ஜித்தா²தி?

    (Ka) yassa yaṃ cittaṃ na uppajjati tassa taṃ cittaṃ na uppajjitthāti?

    அதீதங் சித்தங் ந உப்பஜ்ஜதி, நோ ச தஸ்ஸ தங் சித்தங் ந உப்பஜ்ஜித்த². ப⁴ங்க³க்க²ணே அனாக³தஞ்ச சித்தங் ந சேவ உப்பஜ்ஜதி ந ச உப்பஜ்ஜித்த².

    Atītaṃ cittaṃ na uppajjati, no ca tassa taṃ cittaṃ na uppajjittha. Bhaṅgakkhaṇe anāgatañca cittaṃ na ceva uppajjati na ca uppajjittha.

    (க²) யஸ்ஸ வா பன யங் சித்தங் ந உப்பஜ்ஜித்த² தஸ்ஸ தங் சித்தங் ந உப்பஜ்ஜதீதி?

    (Kha) yassa vā pana yaṃ cittaṃ na uppajjittha tassa taṃ cittaṃ na uppajjatīti?

    உப்பாத³க்க²ணே சித்தங் ந உப்பஜ்ஜித்த², நோ ச தஸ்ஸ தங் சித்தங் ந உப்பஜ்ஜதி. ப⁴ங்க³க்க²ணே அனாக³தஞ்ச சித்தங் ந சேவ உப்பஜ்ஜித்த² ந ச உப்பஜ்ஜதி.

    Uppādakkhaṇe cittaṃ na uppajjittha, no ca tassa taṃ cittaṃ na uppajjati. Bhaṅgakkhaṇe anāgatañca cittaṃ na ceva uppajjittha na ca uppajjati.

    109. (க) யஸ்ஸ யங் சித்தங் உப்பஜ்ஜதி தஸ்ஸ தங் சித்தங் உப்பஜ்ஜிஸ்ஸதீதி? நோ.

    109. (Ka) yassa yaṃ cittaṃ uppajjati tassa taṃ cittaṃ uppajjissatīti? No.

    (க²) யஸ்ஸ வா பன யங் சித்தங் உப்பஜ்ஜிஸ்ஸதி தஸ்ஸ தங் சித்தங் உப்பஜ்ஜதீதி? நோ.

    (Kha) yassa vā pana yaṃ cittaṃ uppajjissati tassa taṃ cittaṃ uppajjatīti? No.

    (க) யஸ்ஸ யங் சித்தங் ந உப்பஜ்ஜதி தஸ்ஸ தங் சித்தங் ந உப்பஜ்ஜிஸ்ஸதீதி?

    (Ka) yassa yaṃ cittaṃ na uppajjati tassa taṃ cittaṃ na uppajjissatīti?

    அனாக³தங் சித்தங் ந உப்பஜ்ஜதி, நோ ச தஸ்ஸ தங் சித்தங் ந உப்பஜ்ஜிஸ்ஸதி. ப⁴ங்க³க்க²ணே அதீதஞ்ச சித்தங் ந சேவ உப்பஜ்ஜதி ந ச உப்பஜ்ஜிஸ்ஸதி.

    Anāgataṃ cittaṃ na uppajjati, no ca tassa taṃ cittaṃ na uppajjissati. Bhaṅgakkhaṇe atītañca cittaṃ na ceva uppajjati na ca uppajjissati.

    (க²) யஸ்ஸ வா பன யங் சித்தங் ந உப்பஜ்ஜிஸ்ஸதி தஸ்ஸ தங் சித்தங் ந உப்பஜ்ஜதீதி?

    (Kha) yassa vā pana yaṃ cittaṃ na uppajjissati tassa taṃ cittaṃ na uppajjatīti?

    உப்பாத³க்க²ணே சித்தங் ந உப்பஜ்ஜிஸ்ஸதி, நோ ச தஸ்ஸ தங் சித்தங் ந உப்பஜ்ஜதி. ப⁴ங்க³க்க²ணே அதீதஞ்ச சித்தங் ந சேவ உப்பஜ்ஜிஸ்ஸதி ந ச உப்பஜ்ஜதி.

    Uppādakkhaṇe cittaṃ na uppajjissati, no ca tassa taṃ cittaṃ na uppajjati. Bhaṅgakkhaṇe atītañca cittaṃ na ceva uppajjissati na ca uppajjati.

    110. (க) யஸ்ஸ யங் சித்தங் உப்பஜ்ஜித்த² தஸ்ஸ தங் சித்தங் உப்பஜ்ஜிஸ்ஸதீதி? நோ.

    110. (Ka) yassa yaṃ cittaṃ uppajjittha tassa taṃ cittaṃ uppajjissatīti? No.

    (க²) யஸ்ஸ வா பன யங் சித்தங் உப்பஜ்ஜிஸ்ஸதி தஸ்ஸ தங் சித்தங் உப்பஜ்ஜித்தா²தி? நோ.

    (Kha) yassa vā pana yaṃ cittaṃ uppajjissati tassa taṃ cittaṃ uppajjitthāti? No.

    (க) யஸ்ஸ யங் சித்தங் ந உப்பஜ்ஜித்த² தஸ்ஸ தங் சித்தங் ந உப்பஜ்ஜிஸ்ஸதீதி?

    (Ka) yassa yaṃ cittaṃ na uppajjittha tassa taṃ cittaṃ na uppajjissatīti?

    அனாக³தங் சித்தங் ந உப்பஜ்ஜித்த², நோ ச தஸ்ஸ தங் சித்தங் ந உப்பஜ்ஜிஸ்ஸதி. பச்சுப்பன்னங் சித்தங் ந சேவ உப்பஜ்ஜித்த² ந ச உப்பஜ்ஜிஸ்ஸதி.

    Anāgataṃ cittaṃ na uppajjittha, no ca tassa taṃ cittaṃ na uppajjissati. Paccuppannaṃ cittaṃ na ceva uppajjittha na ca uppajjissati.

    (க²) யஸ்ஸ வா பன யங் சித்தங் ந உப்பஜ்ஜிஸ்ஸதி தஸ்ஸ தங் சித்தங் ந உப்பஜ்ஜித்தா²தி?

    (Kha) yassa vā pana yaṃ cittaṃ na uppajjissati tassa taṃ cittaṃ na uppajjitthāti?

    அதீதங் சித்தங் ந உப்பஜ்ஜிஸ்ஸதி, நோ ச தஸ்ஸ தங் சித்தங் ந உப்பஜ்ஜித்த². பச்சுப்பன்னங் சித்தங் ந சேவ உப்பஜ்ஜிஸ்ஸதி ந ச உப்பஜ்ஜித்த².

    Atītaṃ cittaṃ na uppajjissati, no ca tassa taṃ cittaṃ na uppajjittha. Paccuppannaṃ cittaṃ na ceva uppajjissati na ca uppajjittha.

    (5) நிரோத⁴வாரோ

    (5) Nirodhavāro

    111. (க) யஸ்ஸ யங் சித்தங் நிருஜ்ஜ²தி தஸ்ஸ தங் சித்தங் நிருஜ்ஜி²த்தா²தி? நோ.

    111. (Ka) yassa yaṃ cittaṃ nirujjhati tassa taṃ cittaṃ nirujjhitthāti? No.

    (க²) யஸ்ஸ வா பன யங் சித்தங் நிருஜ்ஜி²த்த² தஸ்ஸ தங் சித்தங் நிருஜ்ஜ²தீதி? நோ.

    (Kha) yassa vā pana yaṃ cittaṃ nirujjhittha tassa taṃ cittaṃ nirujjhatīti? No.

    (க) யஸ்ஸ யங் சித்தங் ந நிருஜ்ஜ²தி தஸ்ஸ தங் சித்தங் ந நிருஜ்ஜி²த்தா²தி?

    (Ka) yassa yaṃ cittaṃ na nirujjhati tassa taṃ cittaṃ na nirujjhitthāti?

    அதீதங் சித்தங் ந நிருஜ்ஜ²தி, நோ ச தஸ்ஸ தங் சித்தங் ந நிருஜ்ஜி²த்த². உப்பாத³க்க²ணே அனாக³தஞ்ச சித்தங் ந சேவ நிருஜ்ஜ²தி ந ச நிருஜ்ஜி²த்த².

    Atītaṃ cittaṃ na nirujjhati, no ca tassa taṃ cittaṃ na nirujjhittha. Uppādakkhaṇe anāgatañca cittaṃ na ceva nirujjhati na ca nirujjhittha.

    (க²) யஸ்ஸ வா பன யங் சித்தங் ந நிருஜ்ஜி²த்த² தஸ்ஸ தங் சித்தங் ந நிருஜ்ஜ²தீதி?

    (Kha) yassa vā pana yaṃ cittaṃ na nirujjhittha tassa taṃ cittaṃ na nirujjhatīti?

    ப⁴ங்க³க்க²ணே சித்தங் ந நிருஜ்ஜி²த்த², நோ ச தஸ்ஸ தங் சித்தங் ந நிருஜ்ஜ²தி. உப்பாத³க்க²ணே அனாக³தஞ்ச சித்தங் ந சேவ நிருஜ்ஜி²த்த² ந ச நிருஜ்ஜ²தி.

    Bhaṅgakkhaṇe cittaṃ na nirujjhittha, no ca tassa taṃ cittaṃ na nirujjhati. Uppādakkhaṇe anāgatañca cittaṃ na ceva nirujjhittha na ca nirujjhati.

    112. (க) யஸ்ஸ யங் சித்தங் நிருஜ்ஜ²தி தஸ்ஸ தங் சித்தங் நிருஜ்ஜி²ஸ்ஸதீதி? நோ.

    112. (Ka) yassa yaṃ cittaṃ nirujjhati tassa taṃ cittaṃ nirujjhissatīti? No.

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி தஸ்ஸ தங் சித்தங் நிருஜ்ஜ²தீதி? நோ.

    (Kha) yassa vā pana yaṃ cittaṃ nirujjhissati tassa taṃ cittaṃ nirujjhatīti? No.

    (க) யஸ்ஸ யங் சித்தங் ந நிருஜ்ஜ²தி தஸ்ஸ தங் சித்தங் ந நிருஜ்ஜி²ஸ்ஸதீதி?

    (Ka) yassa yaṃ cittaṃ na nirujjhati tassa taṃ cittaṃ na nirujjhissatīti?

    உப்பாத³க்க²ணே அனாக³தஞ்ச சித்தங் ந நிருஜ்ஜ²தி, நோ ச தஸ்ஸ தங் சித்தங் ந நிருஜ்ஜி²ஸ்ஸதி. அதீதங் சித்தங் ந சேவ நிருஜ்ஜ²தி ந ச நிருஜ்ஜி²ஸ்ஸதி.

    Uppādakkhaṇe anāgatañca cittaṃ na nirujjhati, no ca tassa taṃ cittaṃ na nirujjhissati. Atītaṃ cittaṃ na ceva nirujjhati na ca nirujjhissati.

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி தஸ்ஸ தங் சித்தங் ந நிருஜ்ஜ²தீதி?

    (Kha) yassa vā pana yaṃ cittaṃ na nirujjhissati tassa taṃ cittaṃ na nirujjhatīti?

    ப⁴ங்க³க்க²ணே சித்தங் ந நிருஜ்ஜி²ஸ்ஸதி, நோ ச தஸ்ஸ தங் சித்தங் ந நிருஜ்ஜ²தி. அதீதங் சித்தங் ந சேவ நிருஜ்ஜி²ஸ்ஸதி ந ச நிருஜ்ஜ²தி.

    Bhaṅgakkhaṇe cittaṃ na nirujjhissati, no ca tassa taṃ cittaṃ na nirujjhati. Atītaṃ cittaṃ na ceva nirujjhissati na ca nirujjhati.

    113. (க) யஸ்ஸ யங் சித்தங் நிருஜ்ஜி²த்த² தஸ்ஸ தங் சித்தங் நிருஜ்ஜி²ஸ்ஸதீதி? நோ.

    113. (Ka) yassa yaṃ cittaṃ nirujjhittha tassa taṃ cittaṃ nirujjhissatīti? No.

    (க²) யஸ்ஸ வா பன யங் சித்தங் நிருஜ்ஜி²ஸ்ஸதி தஸ்ஸ தங் சித்தங் நிருஜ்ஜி²த்தா²தி? நோ.

    (Kha) yassa vā pana yaṃ cittaṃ nirujjhissati tassa taṃ cittaṃ nirujjhitthāti? No.

    (க) யஸ்ஸ யங் சித்தங் ந நிருஜ்ஜி²த்த² தஸ்ஸ தங் சித்தங் ந நிருஜ்ஜி²ஸ்ஸதீதி?

    (Ka) yassa yaṃ cittaṃ na nirujjhittha tassa taṃ cittaṃ na nirujjhissatīti?

    உப்பாத³க்க²ணே அனாக³தஞ்ச சித்தங் ந நிருஜ்ஜி²த்த², நோ ச தஸ்ஸ தங் சித்தங் ந நிருஜ்ஜி²ஸ்ஸதி. ப⁴ங்க³க்க²ணே சித்தங் ந சேவ நிருஜ்ஜி²த்த² ந ச நிருஜ்ஜி²ஸ்ஸதி.

    Uppādakkhaṇe anāgatañca cittaṃ na nirujjhittha, no ca tassa taṃ cittaṃ na nirujjhissati. Bhaṅgakkhaṇe cittaṃ na ceva nirujjhittha na ca nirujjhissati.

    (க²) யஸ்ஸ வா பன யங் சித்தங் ந நிருஜ்ஜி²ஸ்ஸதி தஸ்ஸ தங் சித்தங் ந நிருஜ்ஜி²த்தா²தி?

    (Kha) yassa vā pana yaṃ cittaṃ na nirujjhissati tassa taṃ cittaṃ na nirujjhitthāti?

    அதீதங் சித்தங் ந நிருஜ்ஜி²ஸ்ஸதி, நோ ச தஸ்ஸ தங் சித்தங் ந நிருஜ்ஜி²த்த². ப⁴ங்க³க்க²ணே சித்தங் ந சேவ நிருஜ்ஜி²ஸ்ஸதி ந ச நிருஜ்ஜி²த்த².

    Atītaṃ cittaṃ na nirujjhissati, no ca tassa taṃ cittaṃ na nirujjhittha. Bhaṅgakkhaṇe cittaṃ na ceva nirujjhissati na ca nirujjhittha.

    (யஸ்ஸ சித்தகே ஸகபா⁴வேன நித்³தி³ட்டே², யங் சித்தகே ச யஸ்ஸ யங் சித்தகே ச ஏகத்தேன நித்³தி³ட்டே².)

    (Yassa cittake sakabhāvena niddiṭṭhe, yaṃ cittake ca yassa yaṃ cittake ca ekattena niddiṭṭhe.)

    2. ஸுத்தந்தசித்தமிஸ்ஸகவிஸேஸோ

    2. Suttantacittamissakaviseso

    114. யஸ்ஸ ஸராக³ங் சித்தங் உப்பஜ்ஜதி ந நிருஜ்ஜ²தி தஸ்ஸ ஸராக³ங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதீதி?

    114. Yassa sarāgaṃ cittaṃ uppajjati na nirujjhati tassa sarāgaṃ cittaṃ nirujjhissati na uppajjissatīti?

    ஸராக³பச்சி²மசித்தஸ்ஸ உப்பாத³க்க²ணே தேஸங் ஸராக³ங் சித்தங் உப்பஜ்ஜதி ந நிருஜ்ஜ²தி, நிருஜ்ஜி²ஸ்ஸதி ந உப்பஜ்ஜிஸ்ஸதி. இதரேஸங் ஸராக³சித்தஸ்ஸ உப்பாத³க்க²ணே தேஸங்…பே॰….

    Sarāgapacchimacittassa uppādakkhaṇe tesaṃ sarāgaṃ cittaṃ uppajjati na nirujjhati, nirujjhissati na uppajjissati. Itaresaṃ sarāgacittassa uppādakkhaṇe tesaṃ…pe….

    3. அபி⁴த⁴ம்மசித்தமிஸ்ஸகவிஸேஸோ

    3. Abhidhammacittamissakaviseso

    115. யஸ்ஸ குஸலங் சித்தங் உப்பஜ்ஜதி ந நிருஜ்ஜ²தி தஸ்ஸ குஸலங் சித்தங் நிருஜ்ஜி²ஸ்ஸதி ந உப்பஜ்ஜிஸ்ஸதீதி?

    115. Yassa kusalaṃ cittaṃ uppajjati na nirujjhati tassa kusalaṃ cittaṃ nirujjhissati na uppajjissatīti?

    பச்சி²மகுஸலசித்தஸ்ஸ உப்பாத³க்க²ணே தேஸங் குஸலங் சித்தங் உப்பஜ்ஜதி ந நிருஜ்ஜ²தி, நிருஜ்ஜி²ஸ்ஸதி ந உப்பஜ்ஜிஸ்ஸதி. இதரேஸங் குஸலசித்தஸ்ஸ உப்பாத³க்க²ணே தேஸங்…பே॰….

    Pacchimakusalacittassa uppādakkhaṇe tesaṃ kusalaṃ cittaṃ uppajjati na nirujjhati, nirujjhissati na uppajjissati. Itaresaṃ kusalacittassa uppādakkhaṇe tesaṃ…pe….

    யஸ்ஸ வா பன…பே॰…? ஆமந்தா …பே॰….

    Yassa vā pana…pe…? Āmantā …pe….

    116. யஸ்ஸ அகுஸலங் சித்தங் உப்பஜ்ஜதி ந நிருஜ்ஜ²தி…பே॰…. யஸ்ஸ அப்³யாகதங் சித்தங் உப்பஜ்ஜதி ந நிருஜ்ஜ²தி…பே॰….

    116. Yassa akusalaṃ cittaṃ uppajjati na nirujjhati…pe…. Yassa abyākataṃ cittaṃ uppajjati na nirujjhati…pe….

    (மூலயமகங் சித்தயமகங் த⁴ம்மயமகந்தி தீணி யமகானி யாவ ஸரணஅரணா க³ச்ச²ந்தி.)

    (Mūlayamakaṃ cittayamakaṃ dhammayamakanti tīṇi yamakāni yāva saraṇaaraṇā gacchanti.)

    சித்தயமகங் நிட்டி²தங்.

    Cittayamakaṃ niṭṭhitaṃ.




    Next: 9. த⁴ம்மயமகங் • 9. Dhammayamakaṃ




    Related texts:



    அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 8. சித்தயமகங் • 8. Cittayamakaṃ

    டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. இந்த்³ரியயமகங் • 10. Indriyayamakaṃ

    டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. இந்த்³ரியயமகங் • 10. Indriyayamakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact