| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
8. жид̇д̇аяамагам̣
8. Cittayamakaṃ
уд̣̇д̣̇зсаваараван̣н̣анаа
Uddesavāravaṇṇanā
1-62. жид̇д̇аяамагаван̣н̣анааяам̣ аад̣̇ид̇ова д̇аяо суд̣̇д̇хигамахааваараа хонд̇ийд̇и имз д̇аяо махааваараа сарааг̇аад̣̇игусалаад̣̇ийхи миссагаа суд̣̇д̇хигаа жа, д̇зсу аад̣̇ид̇о суд̣̇д̇хигаа хонд̇ийд̇и ад̇т̇о. миссагзсу жа згзгасмим̣ сарааг̇аад̣̇имиссагажид̇д̇з д̇аяо д̇аяо махааваараа, д̇з д̇ад̇т̇а д̇ад̇т̇а бана вуд̇д̇з самбин̣д̣зд̇ваа ‘‘сол̣аса буг̇г̇алаваараа’’д̇иаад̣̇и вуд̇д̇ам̣, на ниранд̇арам̣ вуд̇д̇зд̇и. ‘‘яасса жид̇д̇ам̣ уббаж̇ж̇ад̇и на нируж̇жхад̇и, д̇асса жид̇д̇ам̣ нируж̇жхиссад̇и нуббаж̇ж̇иссад̇ий’’д̇иаад̣̇инаа уббаад̣̇анирод̇хаанам̣ бажжуббаннаанааг̇ад̇агаалаанан̃жа сам̣саг̇г̇авасзна згзгааяа бужчааяа бавад̇д̇ад̇д̇аа ‘‘уббаад̣̇анирод̇хагааласамбхзд̣̇авааро’’д̇и вуд̇д̇о. звам̣ сзсаанамби ваараанам̣ д̇ам̣д̇ам̣наамад̇аа баал̣ианусаарзна взд̣̇ид̇аб̣б̣аа.
1-62. Cittayamakavaṇṇanāyaṃ āditova tayo suddhikamahāvārā hontīti ime tayo mahāvārā sarāgādikusalādīhi missakā suddhikā ca, tesu ādito suddhikā hontīti attho. Missakesu ca ekekasmiṃ sarāgādimissakacitte tayo tayo mahāvārā, te tattha tattha pana vutte sampiṇḍetvā ‘‘soḷasa puggalavārā’’tiādi vuttaṃ, na nirantaraṃ vutteti. ‘‘Yassa cittaṃ uppajjati na nirujjhati, tassa cittaṃ nirujjhissati nuppajjissatī’’tiādinā uppādanirodhānaṃ paccuppannānāgatakālānañca saṃsaggavasena ekekāya pucchāya pavattattā ‘‘uppādanirodhakālasambhedavāro’’ti vutto. Evaṃ sesānampi vārānaṃ taṃtaṃnāmatā pāḷianusārena veditabbā.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
нид̣̇д̣̇зсаваараван̣н̣анаа
Niddesavāravaṇṇanā
63. д̇ат̇ааруубассзва кийн̣аасавасса жид̇д̇ам̣ санд̇хааяаад̇и ид̣̇ам̣ уббаад̣̇агкан̣асаман̇г̇ибажчимажид̇д̇асаман̇г̇имхи буг̇г̇алз ад̇хиббзд̇з д̇ан̃жа жид̇д̇ам̣ ад̇хиббзд̇амзва ход̇ийд̇и гад̇ваа вуд̇д̇анд̇и д̣̇адтаб̣б̣ам̣. арахад̇о бажчимажид̇д̇амбийд̇и нуббаж̇ж̇ад̇и нируж̇жхад̇ийд̇и звам̣багаарам̣ бхан̇г̇агкан̣асаман̇г̇имзва санд̇хааяа вуд̇д̇ам̣.
63. Tathārūpassevakhīṇāsavassa cittaṃ sandhāyāti idaṃ uppādakkhaṇasamaṅgipacchimacittasamaṅgimhi puggale adhippete tañca cittaṃ adhippetameva hotīti katvā vuttanti daṭṭhabbaṃ. Arahato pacchimacittampīti nuppajjati nirujjhatīti evaṃpakāraṃ bhaṅgakkhaṇasamaṅgimeva sandhāya vuttaṃ.
65-82. уббаад̣̇аваарасса д̣̇уд̇ияабужчаависсаж̇ж̇анз жид̇д̇асса бхан̇г̇агкан̣з, нирод̇хасамаабаннаанам̣, асан̃н̃асад̇д̇аанам̣ д̇зсам̣ жид̇д̇ам̣ уббаж̇ж̇ид̇т̇а, но жа д̇зсам̣ жид̇д̇ам̣ уббаж̇ж̇ад̇ийд̇и зд̇т̇а ‘‘жид̇д̇асса бхан̇г̇агкан̣з д̇зсам̣ жид̇д̇ам̣ уббаж̇ж̇ид̇т̇аа’’д̇и зд̇асса ‘‘саб̣б̣зсам̣ жид̇д̇ам̣ кан̣абажжуббаннамзва худ̇ваа уббаад̣̇агкан̣ам̣ ад̇ийд̇ад̇д̇аа уббаж̇ж̇ид̇т̇а наамаа’’д̇и ад̇т̇о вуд̇д̇о. жид̇д̇асса уббаад̣̇агкан̣з д̇зсам̣ жид̇д̇ам̣ уббаж̇ж̇ид̇т̇а жзва уббаж̇ж̇ад̇и жаад̇и зд̇ассаби уббаад̣̇ам̣ бад̇д̇ад̇д̇аа уббаж̇ж̇ид̇т̇а, анад̇ийд̇ад̇д̇аа уббаж̇ж̇ад̇и наамаад̇и д̣̇ваяамзд̇ам̣ звам̣ на саггаа вад̇д̇ум̣. на хи кан̣абажжуббаннз ‘‘уббаж̇ж̇ид̇т̇аа’’д̇и ад̇ийд̇авохааро ад̇т̇и. яад̣̇и сияаа, яам̣ ваа бана жид̇д̇ам̣ уббаж̇ж̇ид̇т̇а, д̇ам̣ жид̇д̇ам̣ уббаж̇ж̇ад̇ийд̇и зд̇т̇а ‘‘но’’д̇и авад̇ваа вибхаж̇ид̇аб̣б̣ам̣ сияаа. д̇ат̇аа ‘‘яам̣ жид̇д̇ам̣ уббаж̇ж̇ад̇и, д̇ам̣ жид̇д̇ам̣ уббаж̇ж̇ид̇т̇аа’’д̇и зд̇т̇а жа ‘‘но’’д̇и авад̇ваа ‘‘ааманд̇аа’’д̇и вад̇д̇аб̣б̣ам̣ сияаа. ‘‘жид̇д̇асса бхан̇г̇агкан̣з’’д̇и бана бхиж̇ж̇амаанажид̇д̇асаман̇г̇ий буг̇г̇ало вуд̇д̇о, д̇асса ад̇ийд̇ам̣ жид̇д̇ам̣ уббаж̇ж̇ид̇т̇а, на жа гин̃жи жид̇д̇ам̣ уббаж̇ж̇ад̇и. жид̇д̇асса уббаад̣̇агкан̣зд̇и жа уббаж̇ж̇амаанажид̇д̇асаман̇г̇ий буг̇г̇ало вуд̇д̇о, д̇ассаби ад̇ийд̇ам̣ жид̇д̇ам̣ уббаж̇ж̇ид̇т̇а, д̇ам̣ бана жид̇д̇ам̣ уббаж̇ж̇ад̇ийд̇и звамзд̇т̇а ад̇т̇о д̣̇адтаб̣б̣о. жид̇д̇анд̇и хи сааман̃н̃аважанам̣ згасмим̣ анзгасмин̃жа яат̇ааг̇ахид̇ависзсз д̇идтад̇ийд̇и. ‘‘яасса ваа бана жид̇д̇ам̣ уббаж̇ж̇иссад̇и, д̇асса жид̇д̇ам̣ уббаж̇ж̇ад̇ийд̇и? жид̇д̇асса бхан̇г̇агкан̣з’’д̇и зд̇т̇а яасса ваа бана жид̇д̇ам̣ уббаж̇ж̇иссад̇ийд̇и зд̇зна саннидтаанзна г̇ахид̇абуг̇г̇алассзва жид̇д̇асса бхан̇г̇агкан̣зд̇и звам̣ саб̣б̣ад̇т̇а саннидтаанавасзна нияамо взд̣̇ид̇аб̣б̣о. уббаннуббаж̇ж̇амаанавааро нируд̣̇д̇ханируж̇жхамаанавааро жа буг̇г̇алаваараад̣̇ийсу д̇ийсуби ниннаанаагаран̣аа уд̣̇д̣̇идтаа нид̣̇д̣̇идтаа жа. д̇ад̇т̇а буг̇г̇алаваарз ависзсзна яам̣ ган̃жи д̇аад̣̇исам̣ буг̇г̇алам̣ санд̇хааяа ‘‘уббаннам̣ уббаж̇ж̇амаана’’нд̇иаад̣̇и вуд̇д̇ам̣, д̇хаммаваарз жид̇д̇амзва, буг̇г̇алад̇хаммаваарз буг̇г̇алам̣ жид̇д̇ан̃жаад̇и аяамзд̇т̇а висзсо д̣̇адтаб̣б̣о.
65-82. Uppādavārassa dutiyapucchāvissajjane cittassa bhaṅgakkhaṇe, nirodhasamāpannānaṃ, asaññasattānaṃ tesaṃ cittaṃ uppajjittha, no ca tesaṃ cittaṃ uppajjatīti ettha ‘‘cittassa bhaṅgakkhaṇe tesaṃ cittaṃ uppajjitthā’’ti etassa ‘‘sabbesaṃ cittaṃ khaṇapaccuppannameva hutvā uppādakkhaṇaṃ atītattā uppajjittha nāmā’’ti attho vutto. Cittassa uppādakkhaṇe tesaṃ cittaṃ uppajjittha ceva uppajjati cāti etassapi uppādaṃ pattattā uppajjittha, anatītattā uppajjati nāmāti dvayametaṃ evaṃ na sakkā vattuṃ. Na hi khaṇapaccuppanne ‘‘uppajjitthā’’ti atītavohāro atthi. Yadi siyā, yaṃ vā pana cittaṃ uppajjittha, taṃ cittaṃ uppajjatīti ettha ‘‘no’’ti avatvā vibhajitabbaṃ siyā. Tathā ‘‘yaṃ cittaṃ uppajjati, taṃ cittaṃ uppajjitthā’’ti ettha ca ‘‘no’’ti avatvā ‘‘āmantā’’ti vattabbaṃ siyā. ‘‘Cittassa bhaṅgakkhaṇe’’ti pana bhijjamānacittasamaṅgī puggalo vutto, tassa atītaṃ cittaṃ uppajjittha, na ca kiñci cittaṃ uppajjati. Cittassa uppādakkhaṇeti ca uppajjamānacittasamaṅgī puggalo vutto, tassapi atītaṃ cittaṃ uppajjittha, taṃ pana cittaṃ uppajjatīti evamettha attho daṭṭhabbo. Cittanti hi sāmaññavacanaṃ ekasmiṃ anekasmiñca yathāgahitavisese tiṭṭhatīti. ‘‘Yassa vā pana cittaṃ uppajjissati, tassa cittaṃ uppajjatīti? Cittassa bhaṅgakkhaṇe’’ti ettha yassa vā pana cittaṃ uppajjissatīti etena sanniṭṭhānena gahitapuggalasseva cittassa bhaṅgakkhaṇeti evaṃ sabbattha sanniṭṭhānavasena niyamo veditabbo. Uppannuppajjamānavāro niruddhanirujjhamānavāro ca puggalavārādīsu tīsupi ninnānākaraṇā uddiṭṭhā niddiṭṭhā ca. Tattha puggalavāre avisesena yaṃ kañci tādisaṃ puggalaṃ sandhāya ‘‘uppannaṃ uppajjamāna’’ntiādi vuttaṃ, dhammavāre cittameva, puggaladhammavāre puggalaṃ cittañcāti ayamettha viseso daṭṭhabbo.
83. ад̇игганд̇агаалаваарз имасса буг̇г̇алаваарад̇д̇аа буг̇г̇ало бужчид̇од̇и буг̇г̇алассзва виссаж̇ж̇анзна бхавид̇аб̣б̣ам̣. яат̇аа яасса жид̇д̇ам̣ уббаж̇ж̇ид̇т̇аад̇и зд̇зна на гожи буг̇г̇ало на г̇ахид̇о, звам̣ яасса жид̇д̇ам̣ уббаж̇ж̇амаанам̣ кан̣ам̣ кан̣ам̣ вийд̇игганд̇ам̣ ад̇игганд̇агааланд̇и зд̇зна саннидтаанзна на гожи на г̇ахид̇о. на хи со буг̇г̇ало ад̇т̇и, яасса жид̇д̇ам̣ уббаад̣̇агкан̣ам̣ ад̇ийд̇ам̣ над̇т̇и, д̇з жа бана нируж̇жхамаанагкан̣аад̇ийд̇ажид̇д̇аа на на хонд̇ийд̇и батамо бан̃хо ‘‘ааманд̇аа’’д̇и виссаж̇ж̇ид̇аб̣б̣о сияаа, д̇ат̇аа д̣̇уд̇ияад̇ад̇ияаа. жад̇уд̇т̇о бана ‘‘бажчимажид̇д̇асса бхан̇г̇агкан̣з д̇зсам̣ жид̇д̇ам̣ бхан̇г̇агкан̣ам̣ авийд̇игганд̇ам̣, но жа д̇зсам̣ жид̇д̇ам̣ уббаад̣̇агкан̣ам̣ авийд̇игганд̇ам̣, ид̇арзсам̣ жид̇д̇ам̣ бхан̇г̇агкан̣ан̃жа авийд̇игганд̇ам̣ уббаад̣̇агкан̣ан̃жа авийд̇игганд̇а’’нд̇и виссаж̇ж̇ид̇аб̣б̣о бхавзяяа, д̇ат̇аа ависсаж̇ж̇зд̇ваа гасмаа саб̣б̣ад̇т̇а жид̇д̇амзва вибхад̇д̇анд̇и ? жид̇д̇авасзна буг̇г̇алававад̇т̇аанад̇о. кан̣асса хи вийд̇игганд̇ад̇ааяа ад̇игганд̇агаалад̇ааважанзна вад̇д̇амаанасса жа жид̇д̇асса васзна буг̇г̇ало уббаад̣̇агкан̣аад̇ийд̇ажид̇д̇о вуд̇д̇о ад̇ийд̇асса жа, д̇ад̇т̇а буримасса жид̇д̇ам̣ на бхан̇г̇агкан̣ам̣ вийд̇игганд̇ам̣ бажчимасса вийд̇игганд̇анд̇и звамаад̣̇иго буг̇г̇алавибхааг̇о яасса жид̇д̇асса васзна буг̇г̇алававад̇т̇аанам̣ ход̇и, д̇асса жид̇д̇асса д̇ам̣д̇ам̣кан̣авийд̇иггамаавийд̇иггамад̣̇ассанавасзна д̣̇ассид̇о ход̇ийд̇и саб̣б̣ависсаж̇ж̇анзсу жид̇д̇амзва вибхад̇д̇ам̣. ат̇а ваа наяид̇ха д̇хаммамад̇д̇ависидто буг̇г̇ало бужчид̇о, ат̇а ко буг̇г̇алависидтам̣ жид̇д̇ам̣, д̇асмаа жид̇д̇амзва виссаж̇ж̇ид̇анд̇и взд̣̇ид̇аб̣б̣ам̣. яад̣̇иби буг̇г̇алаббад̇хаанаа бужчаа, ат̇ааби жид̇д̇аббад̇хаанаа, убхаяат̇ааби д̣̇уд̇ияабужчааяа ‘‘ааманд̇аа’’д̇и вад̇д̇аб̣б̣ам̣ сияаа, д̇ат̇аа бана авад̇ваа нирод̇хагкан̣авийд̇иггамзна ад̇игганд̇агаалад̇аа на уббаад̣̇агкан̣авийд̇иггамзна ад̇игганд̇агаалад̇аа вияа вад̇д̇амаанасса ад̇т̇ийд̇и д̣̇ассанад̇т̇ам̣ ‘‘ад̇ийд̇ам̣ жид̇д̇а’’нд̇и вуд̇д̇анд̇и д̣̇адтаб̣б̣ам̣. яасса жид̇д̇ам̣ на уббаж̇ж̇амаананд̇и зд̇т̇а уббаж̇ж̇амаанам̣ кан̣ам̣ кан̣ам̣ вийд̇игганд̇ам̣ ад̇игганд̇агаалам̣ яасса жид̇д̇ам̣ на ход̇ийд̇и ад̇т̇о. зса наяо ‘‘на нируж̇жхамаана’’нд̇и зд̇т̇ааби.
83. Atikkantakālavāre imassa puggalavārattā puggalo pucchitoti puggalasseva vissajjanena bhavitabbaṃ. Yathā yassa cittaṃ uppajjitthāti etena na koci puggalo na gahito, evaṃ yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālanti etena sanniṭṭhānena na koci na gahito. Na hi so puggalo atthi, yassa cittaṃ uppādakkhaṇaṃ atītaṃ natthi, te ca pana nirujjhamānakkhaṇātītacittā na na hontīti paṭhamo pañho ‘‘āmantā’’ti vissajjitabbo siyā, tathā dutiyatatiyā. Catuttho pana ‘‘pacchimacittassa bhaṅgakkhaṇe tesaṃ cittaṃ bhaṅgakkhaṇaṃ avītikkantaṃ, no ca tesaṃ cittaṃ uppādakkhaṇaṃ avītikkantaṃ, itaresaṃ cittaṃ bhaṅgakkhaṇañca avītikkantaṃ uppādakkhaṇañca avītikkanta’’nti vissajjitabbo bhaveyya, tathā avissajjetvā kasmā sabbattha cittameva vibhattanti ? Cittavasena puggalavavatthānato. Khaṇassa hi vītikkantatāya atikkantakālatāvacanena vattamānassa ca cittassa vasena puggalo uppādakkhaṇātītacitto vutto atītassa ca, tattha purimassa cittaṃ na bhaṅgakkhaṇaṃ vītikkantaṃ pacchimassa vītikkantanti evamādiko puggalavibhāgo yassa cittassa vasena puggalavavatthānaṃ hoti, tassa cittassa taṃtaṃkhaṇavītikkamāvītikkamadassanavasena dassito hotīti sabbavissajjanesu cittameva vibhattaṃ. Atha vā nayidha dhammamattavisiṭṭho puggalo pucchito, atha kho puggalavisiṭṭhaṃ cittaṃ, tasmā cittameva vissajjitanti veditabbaṃ. Yadipi puggalappadhānā pucchā, athāpi cittappadhānā, ubhayathāpi dutiyapucchāya ‘‘āmantā’’ti vattabbaṃ siyā, tathā pana avatvā nirodhakkhaṇavītikkamena atikkantakālatā na uppādakkhaṇavītikkamena atikkantakālatā viya vattamānassa atthīti dassanatthaṃ ‘‘atītaṃ citta’’nti vuttanti daṭṭhabbaṃ. Yassa cittaṃ na uppajjamānanti ettha uppajjamānaṃ khaṇaṃ khaṇaṃ vītikkantaṃ atikkantakālaṃ yassa cittaṃ na hotīti attho. Esa nayo ‘‘na nirujjhamāna’’nti etthāpi.
114-116. миссагаваарзсу яасса сарааг̇ам̣ жид̇д̇ам̣ уббаж̇ж̇ад̇и на нируж̇жхад̇и, д̇асса жид̇д̇ам̣ нируж̇жхиссад̇и нуббаж̇ж̇иссад̇ийд̇и бужчаа, нод̇и виссаж̇ж̇анан̃жа адтагат̇ааяам̣ д̣̇ассид̇ам̣. баал̣ияам̣ бана ‘‘яасса сарааг̇ам̣ жид̇д̇ам̣ уббаж̇ж̇ад̇и на нируж̇жхад̇и, д̇асса сарааг̇ам̣ жид̇д̇ам̣ нируж̇жхиссад̇и нуббаж̇ж̇иссад̇ий’’д̇и маад̇игаатабанааяам̣ вуд̇д̇ад̇д̇аа виссаж̇ж̇анзби д̇ат̇зва саннидтаанасам̣саяад̇т̇зсу сарааг̇аад̣̇имиссагажид̇д̇авасзнзва бужчаа уд̣̇д̇харид̇ваа ‘‘сарааг̇абажчимажид̇д̇асса уббаад̣̇агкан̣з д̇зсам̣ сарааг̇ам̣ жид̇д̇ам̣ уббаж̇ж̇ад̇и на нируж̇жхад̇и нируж̇жхиссад̇и нуббаж̇ж̇иссад̇и, ид̇арзсам̣ сарааг̇ажид̇д̇асса уббаад̣̇агкан̣з д̇зсам̣ сарааг̇ам̣ жид̇д̇ам̣ уббаж̇ж̇ад̇и на нируж̇жхад̇и нируж̇жхиссад̇и жзва уббаж̇ж̇иссад̇и жаа’’д̇и звамаад̣̇инаа наязна язбхуяязна суд̣̇д̇хигаваарасад̣̇исамзва виссаж̇ж̇анам̣ гаад̇аб̣б̣анд̇и гад̇ваа сам̣кид̇д̇анд̇и вин̃н̃ааяад̇и.
114-116. Missakavāresu yassa sarāgaṃ cittaṃ uppajjati na nirujjhati, tassa cittaṃ nirujjhissati nuppajjissatīti pucchā, noti vissajjanañca aṭṭhakathāyaṃ dassitaṃ. Pāḷiyaṃ pana ‘‘yassa sarāgaṃ cittaṃ uppajjati na nirujjhati, tassa sarāgaṃ cittaṃ nirujjhissati nuppajjissatī’’ti mātikāṭhapanāyaṃ vuttattā vissajjanepi tatheva sanniṭṭhānasaṃsayatthesu sarāgādimissakacittavaseneva pucchā uddharitvā ‘‘sarāgapacchimacittassa uppādakkhaṇe tesaṃ sarāgaṃ cittaṃ uppajjati na nirujjhati nirujjhissati nuppajjissati, itaresaṃ sarāgacittassa uppādakkhaṇe tesaṃ sarāgaṃ cittaṃ uppajjati na nirujjhati nirujjhissati ceva uppajjissati cā’’ti evamādinā nayena yebhuyyena suddhikavārasadisameva vissajjanaṃ kātabbanti katvā saṃkhittanti viññāyati.
нид̣̇д̣̇зсаваараван̣н̣анаа нидтид̇аа.
Niddesavāravaṇṇanā niṭṭhitā.
жид̇д̇аяамагаван̣н̣анаа нидтид̇аа.
Cittayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 7. анусаяаяамагам̣ • 7. Anusayayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. жид̇д̇аяамагам̣ • 8. Cittayamakaṃ
