| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
5. жийвараажчинд̣̇анасигкаабад̣̇аван̣н̣анаа
5. Cīvaraacchindanasikkhāpadavaṇṇanā
631. д̇зна самаязнаад̇и жийвараажчинд̣̇анасигкаабад̣̇ам̣. д̇ад̇т̇а яамби д̇яааханд̇и яамби д̇з ахам̣. со гира ‘‘мама бад̇д̇ажийвараубааханабажжад̇т̇аран̣аани ваханд̇о маяаа сад̣̇д̇хим̣ жааригам̣ баггамиссад̇ий’’д̇и ад̣̇ааси. д̇знзвамааха. ажчинд̣̇ийд̇и б̣алаггаарзна аг̇г̇ахзси, сагасан̃н̃ааяа г̇ахид̇ад̇д̇аа банасса баарааж̇игам̣ над̇т̇и, гиламзд̇ваа г̇ахид̇ад̇д̇аа аабад̇д̇и бан̃н̃ад̇д̇аа.
631.Tena samayenāti cīvaraacchindanasikkhāpadaṃ. Tattha yampi tyāhanti yampi te ahaṃ. So kira ‘‘mama pattacīvaraupāhanapaccattharaṇāni vahanto mayā saddhiṃ cārikaṃ pakkamissatī’’ti adāsi. Tenevamāha. Acchindīti balakkārena aggahesi, sakasaññāya gahitattā panassa pārājikaṃ natthi, kilametvā gahitattā āpatti paññattā.
633. саяам̣ ажчинд̣̇ад̇и ниссаг̇г̇ияам̣ баажид̇д̇ияанд̇и згам̣ жийварам̣ згааб̣ад̣̇д̇хаани жа б̣ахууни ажчинд̣̇ад̇о згаа аабад̇д̇и. згад̇о аб̣ад̣̇д̇хаани висум̣ висум̣ тид̇аани жа б̣ахууни ажчинд̣̇ад̇о ‘‘сан̇гхаадим̣ аахара, уд̇д̇араасан̇г̇ам̣ аахараа’’д̇и звам̣ аахараабаяад̇о жа вад̇т̇уг̇ан̣анааяа аабад̇д̇ияо. ‘‘маяаа д̣̇иннаани саб̣б̣аани аахараа’’д̇и вад̣̇ад̇оби згаважанзнзва самб̣ахулаа аабад̇д̇ияо.
633.Sayaṃ acchindati nissaggiyaṃ pācittiyanti ekaṃ cīvaraṃ ekābaddhāni ca bahūni acchindato ekā āpatti. Ekato abaddhāni visuṃ visuṃ ṭhitāni ca bahūni acchindato ‘‘saṅghāṭiṃ āhara, uttarāsaṅgaṃ āharā’’ti evaṃ āharāpayato ca vatthugaṇanāya āpattiyo. ‘‘Mayā dinnāni sabbāni āharā’’ti vadatopi ekavacaneneva sambahulā āpattiyo.
ан̃н̃ам̣ аан̣аабзд̇и аабад̇д̇и д̣̇уггадассаад̇и ‘‘жийварам̣ г̇ан̣хаа’’д̇и аан̣аабзд̇и, згам̣ д̣̇уггадам̣. аан̣ад̇д̇о б̣ахууни г̇ан̣хаад̇и, згам̣ баажид̇д̇ияам̣ ‘‘сан̇гхаадим̣ г̇ан̣ха, уд̇д̇араасан̇г̇ам̣ г̇ан̣хаа’’д̇и вад̣̇ад̇о ваажааяа ваажааяа д̣̇уггадам̣. ‘‘маяаа д̣̇иннаани саб̣б̣аани г̇ан̣хаа’’д̇и вад̣̇ад̇о згаваажааяа самб̣ахулаа аабад̇д̇ияо.
Aññaṃ āṇāpeti āpatti dukkaṭassāti ‘‘cīvaraṃ gaṇhā’’ti āṇāpeti, ekaṃ dukkaṭaṃ. Āṇatto bahūni gaṇhāti, ekaṃ pācittiyaṃ ‘‘saṅghāṭiṃ gaṇha, uttarāsaṅgaṃ gaṇhā’’ti vadato vācāya vācāya dukkaṭaṃ. ‘‘Mayā dinnāni sabbāni gaṇhā’’ti vadato ekavācāya sambahulā āpattiyo.
634. ан̃н̃ам̣ баригкааранд̇и вигаббанубаг̇абажчимажийварам̣ табзд̇ваа яам̣ гин̃жи анд̇амасо суужимби. взтзд̇ваа табид̇асуужийсуби вад̇т̇уг̇ан̣анааяа д̣̇уггадаани. сит̇илавзтид̇аасу звам̣. г̇аал̣хам̣ гад̇ваа б̣ад̣̇д̇хаасу бана згамзва д̣̇уггаданд̇и махаабажжарияам̣ вуд̇д̇ам̣. суужигхарз багкид̇д̇аасуби зсзва наяо. т̇авигааяа багкибид̇ваа сит̇илаб̣ад̣̇д̇ха г̇аал̣хаб̣ад̣̇д̇хзсу д̇игадугаад̣̇ийсу бхзсаж̇ж̇зсуби зсзва наяо.
634.Aññaṃ parikkhāranti vikappanupagapacchimacīvaraṃ ṭhapetvā yaṃ kiñci antamaso sūcimpi. Veṭhetvā ṭhapitasūcīsupi vatthugaṇanāya dukkaṭāni. Sithilaveṭhitāsu evaṃ. Gāḷhaṃ katvā baddhāsu pana ekameva dukkaṭanti mahāpaccariyaṃ vuttaṃ. Sūcighare pakkhittāsupi eseva nayo. Thavikāya pakkhipitvā sithilabaddha gāḷhabaddhesu tikaṭukādīsu bhesajjesupi eseva nayo.
635. со ваа д̣̇зд̇ийд̇и ‘‘бханд̇з, д̇умхаагам̣язва ид̣̇ам̣ саарубба’’нд̇и звам̣ ваа д̣̇зд̇и, ат̇а ваа бана ‘‘аавусо, маяам̣ д̇уяхам̣ ‘вад̇д̇абадибад̇д̇им̣ гариссад̇и, амхаагам̣ санд̇игз убаж̇жхам̣ г̇ан̣хиссад̇и, д̇хаммам̣ барияаабун̣иссад̇ий’д̇и жийварам̣ ад̣̇амха, со д̣̇аани д̇вам̣ на вад̇д̇ам̣ гароси, на убаж̇жхам̣ г̇ан̣хааси, на д̇хаммам̣ барияаабун̣аасий’’д̇и звамаад̣̇ийни вуд̇д̇о ‘‘бханд̇з, жийварад̇т̇ааяа ман̃н̃з бхан̣ат̇а, ид̣̇ам̣ во жийвара’’нд̇и д̣̇зд̇и, звамби со ваа д̣̇зд̇и. д̣̇исаабагганд̇ам̣ ваа бана д̣̇ахарам̣ ‘‘нивад̇д̇зт̇а на’’нд̇и бхан̣ад̇и, со на нивад̇д̇ад̇и. жийварам̣ г̇ахзд̇ваа рунд̇хат̇аад̇и, звам̣ жз нивад̇д̇ад̇и, саад̇ху. сажз ‘‘бад̇д̇ажийварад̇т̇ааяа ман̃н̃з д̇умхз бхан̣ат̇а, г̇ан̣хат̇а на’’нд̇и д̣̇зд̇и. звамби со ваа д̣̇зд̇и, виб̣бханд̇ам̣ ваа д̣̇исваа ‘‘маяам̣ д̇уяхам̣ ‘вад̇д̇ам̣ гариссад̇ий’д̇и бад̇д̇ажийварам̣ ад̣̇амха, со д̣̇аани д̇вам̣ виб̣бхамид̇ваа жарасий’’д̇и вад̣̇ад̇и. ид̇аро ‘‘г̇ан̣хат̇а д̇умхаагам̣ бад̇д̇ажийвара’’нд̇и д̣̇зд̇и, звамби со ваа д̣̇зд̇и. ‘‘мама санд̇игз убаж̇жхам̣ г̇ан̣ханд̇ассзва д̣̇зми, ан̃н̃ад̇т̇а г̇ан̣ханд̇асса на д̣̇зми. вад̇д̇ам̣ гаронд̇ассзва д̣̇зми, агаронд̇асса на д̣̇зми, д̇хаммам̣ барияаабун̣анд̇ассзва д̣̇зми, абарияаабун̣анд̇асса на д̣̇зми, авиб̣бхаманд̇ассзва д̣̇зми, виб̣бхаманд̇асса на д̣̇змий’’д̇и звам̣ бана д̣̇аад̇ум̣ на ваддад̇и, д̣̇ад̣̇ад̇о д̣̇уггадам̣. аахараабзд̇ум̣ бана ваддад̇и. жаж̇ид̇ваа д̣̇иннам̣ ажчинд̣̇ид̇ваа г̇ан̣ханд̇о бхан̣д̣аг̇гхзна гаарзд̇аб̣б̣о. сзсамзд̇т̇а уд̇д̇аанамзваад̇и.
635.Sovā detīti ‘‘bhante, tumhākaṃyeva idaṃ sāruppa’’nti evaṃ vā deti, atha vā pana ‘‘āvuso, mayaṃ tuyhaṃ ‘vattapaṭipattiṃ karissati, amhākaṃ santike upajjhaṃ gaṇhissati, dhammaṃ pariyāpuṇissatī’ti cīvaraṃ adamha, so dāni tvaṃ na vattaṃ karosi, na upajjhaṃ gaṇhāsi, na dhammaṃ pariyāpuṇāsī’’ti evamādīni vutto ‘‘bhante, cīvaratthāya maññe bhaṇatha, idaṃ vo cīvara’’nti deti, evampi so vā deti. Disāpakkantaṃ vā pana daharaṃ ‘‘nivattetha na’’nti bhaṇati, so na nivattati. Cīvaraṃ gahetvā rundhathāti, evaṃ ce nivattati, sādhu. Sace ‘‘pattacīvaratthāya maññe tumhe bhaṇatha, gaṇhatha na’’nti deti. Evampi so vā deti, vibbhantaṃ vā disvā ‘‘mayaṃ tuyhaṃ ‘vattaṃ karissatī’ti pattacīvaraṃ adamha, so dāni tvaṃ vibbhamitvā carasī’’ti vadati. Itaro ‘‘gaṇhatha tumhākaṃ pattacīvara’’nti deti, evampi so vā deti. ‘‘Mama santike upajjhaṃ gaṇhantasseva demi, aññattha gaṇhantassa na demi. Vattaṃ karontasseva demi, akarontassa na demi, dhammaṃ pariyāpuṇantasseva demi, apariyāpuṇantassa na demi, avibbhamantasseva demi, vibbhamantassa na demī’’ti evaṃ pana dātuṃ na vaṭṭati, dadato dukkaṭaṃ. Āharāpetuṃ pana vaṭṭati. Cajitvā dinnaṃ acchinditvā gaṇhanto bhaṇḍagghena kāretabbo. Sesamettha uttānamevāti.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммаважийгаммам̣, агусалажид̇д̇ам̣, д̣̇угкавзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammavacīkammaṃ, akusalacittaṃ, dukkhavedananti.
жийвараажчинд̣̇анасигкаабад̣̇аван̣н̣анаа нидтид̇аа.
Cīvaraacchindanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. жийвараажчинд̣̇анасигкаабад̣̇ам̣ • 5. Cīvaraacchindanasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
