| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. жод̣̇агзна бажжавзгкид̇аб̣б̣ад̇хаммагат̇аа
8. Codakena paccavekkhitabbadhammakathā
399. ‘‘ажчид̣̇д̣̇зна аббадимам̣сзнаа’’д̇иаад̣̇ийсу звамад̇т̇о взд̣̇ид̇аб̣б̣од̇и яож̇анаа. чид̣̇д̣̇асаббадимам̣сам̣ батамам̣ д̣̇ассзд̇ваа вибарийд̇авасзна ажчид̣̇д̣̇ааббадимам̣сам̣ д̣̇ассзнд̇о ааха ‘‘язнаа’’д̇иаад̣̇и. д̇ад̇т̇а язна гад̇аанийд̇и самб̣анд̇хо. чиж̇ж̇ад̇ийд̇и чид̣̇д̣̇о, бади бунаббунам̣ масияад̇и аамасияад̇ийд̇и бадимам̣со, ниг̇г̇ахид̇ааг̇амо, бхааваббад̇хаанояам̣ гамманид̣̇д̣̇зсо. саха бадимам̣сзнаад̇и саббадимам̣со, гааяасамаажааро. вибарийд̇од̇и вибаривад̇д̇авасзна ид̇о бавад̇д̇о, гааяасамаажаарод̇и ад̇т̇о. амуулагаануд̣̇д̇хам̣санаад̣̇ийхийд̇и аад̣̇исад̣̇д̣̇зна д̣̇удтуллаваажаад̣̇аяо сан̇г̇ан̣хаад̇и.
399. ‘‘Acchiddena appaṭimaṃsenā’’tiādīsu evamattho veditabboti yojanā. Chiddasappaṭimaṃsaṃ paṭhamaṃ dassetvā viparītavasena acchiddaappaṭimaṃsaṃ dassento āha ‘‘yenā’’tiādi. Tattha yena katānīti sambandho. Chijjatīti chiddo, paṭi punappunaṃ masiyati āmasiyatīti paṭimaṃso, niggahitāgamo, bhāvappadhānoyaṃ kammaniddeso. Saha paṭimaṃsenāti sappaṭimaṃso, kāyasamācāro. Viparītoti viparivattavasena ito pavatto, kāyasamācāroti attho. Amūlakānuddhaṃsanādīhīti ādisaddena duṭṭhullavācādayo saṅgaṇhāti.
мзд̇д̇ам̣ ну ко мз жид̇д̇анд̇и зд̇т̇а аббанаабхааваббад̇д̇ам̣ мзд̇д̇ажид̇д̇амзваад̇хиббзд̇анд̇и д̣̇ассзнд̇о ааха ‘‘балиб̣од̇хз чинд̣̇ид̇ваа’’д̇иаад̣̇и. д̇ад̇т̇а балиб̣од̇хзд̇и ааваасабалиб̣од̇хаад̣̇игз балиб̣од̇хз. ‘‘вигкамбханавасзна вихад̇аагхаад̇а’’нд̇и иминаа аббанаабхааваббад̇д̇ам̣ мзд̇д̇ажид̇д̇амзва д̣̇ассзд̇и. ид̣̇ам̣ банаавусо гад̇т̇а вуд̇д̇ам̣ бхаг̇авад̇аад̇и зд̇т̇а ид̣̇ам̣сад̣̇д̣̇агим̣сад̣̇д̣̇аанам̣ висаяам̣ д̣̇ассзнд̇о ааха ‘‘ид̣̇ам̣ сигкаабад̣̇ам̣ гад̇арасмим̣ наг̇арз’’д̇и.
Mettaṃ nu kho me cittanti ettha appanābhāvappattaṃ mettacittamevādhippetanti dassento āha ‘‘palibodhe chinditvā’’tiādi. Tattha palibodheti āvāsapalibodhādike palibodhe. ‘‘Vikkhambhanavasena vihatāghāta’’nti iminā appanābhāvappattaṃ mettacittameva dasseti. Idaṃ panāvuso kattha vuttaṃ bhagavatāti ettha idaṃsaddakiṃsaddānaṃ visayaṃ dassento āha ‘‘idaṃ sikkhāpadaṃ katarasmiṃ nagare’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 8. жод̣̇агзнабажжавзгкид̇аб̣б̣ад̇хаммаа • 8. Codakenapaccavekkhitabbadhammā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / жод̣̇агзнабажжавзгкид̇аб̣б̣ад̇хаммагат̇аа • Codakenapaccavekkhitabbadhammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жод̣̇агзна бажжавзгкид̇аб̣б̣ад̇хаммагат̇ааван̣н̣анаа • Codakena paccavekkhitabbadhammakathāvaṇṇanā
