| Library / Tipiṭaka / తిపిటక • Tipiṭaka / చూళవగ్గ-అట్ఠకథా • Cūḷavagga-aṭṭhakathā |
చోదకేనపచ్చవేక్ఖితబ్బధమ్మకథా
Codakenapaccavekkhitabbadhammakathā
౩౯౯. అచ్ఛిద్దేన అప్పటిమంసేనాతిఆదీసు యేన గహట్ఠపబ్బజితేసు యో కోచి పహటో వా హోతి, గిహీనం గణ్డఫాలనాదీని వేజ్జకమ్మాని వా కతాని, తస్స కాయసమాచారో ఉపచికాహి ఖాయితతాలపణ్ణమివ ఛిద్దో చ పటిమాసితుం యత్థ కత్థచి గహేత్వా ఆకడ్ఢితుం సక్కుణేయ్యతాయ సప్పటిమంసో చ హోతి, విపరీతో అచ్ఛిద్దో అప్పటిమంసోతి వేదితబ్బోతి. వచీసమాచారో పన ముసావాదఓమసవాదపేసుఞ్ఞఅమూలకానుద్ధంసనాదీహి ఛిద్దో చ సప్పటిమంసో చ హోతి, విపరీతో అచ్ఛిద్దో అప్పటిమంసో.
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
మేత్తం ను ఖో మే చిత్తన్తి పలిబోధే ఛిన్దిత్వా కమ్మట్ఠానభావనానుయోగేన అధిగతం మేత్తచిత్తం. అనాఘాతన్తి ఆఘాతవిరహితం, విక్ఖమ్భనవసేన విహతాఘాతన్తి అత్థో. ఇదం పనావుసో కత్థ వుత్తం భగవతాతి ఇదం సిక్ఖాపదం కతరస్మిం నగరే వుత్తన్తి అత్థో.
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
చోదకేనపచ్చవేక్ఖితబ్బధమ్మకథా నిట్ఠితా.
Codakenapaccavekkhitabbadhammakathā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / చూళవగ్గపాళి • Cūḷavaggapāḷi / ౮. చోదకేనపచ్చవేక్ఖితబ్బధమ్మా • 8. Codakenapaccavekkhitabbadhammā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / చోదకేన పచ్చవేక్ఖితబ్బధమ్మకథావణ్ణనా • Codakena paccavekkhitabbadhammakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / అత్తాదానఅఙ్గకథావణ్ణనా • Attādānaaṅgakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / అత్తాదానఅఙ్గకథాదివణ్ణనా • Attādānaaṅgakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౮. చోదకేన పచ్చవేక్ఖితబ్బధమ్మకథా • 8. Codakena paccavekkhitabbadhammakathā
