| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
ચોદકેનપચ્ચવેક્ખિતબ્બધમ્મકથા
Codakenapaccavekkhitabbadhammakathā
૩૯૯. અચ્છિદ્દેન અપ્પટિમંસેનાતિઆદીસુ યેન ગહટ્ઠપબ્બજિતેસુ યો કોચિ પહટો વા હોતિ, ગિહીનં ગણ્ડફાલનાદીનિ વેજ્જકમ્માનિ વા કતાનિ, તસ્સ કાયસમાચારો ઉપચિકાહિ ખાયિતતાલપણ્ણમિવ છિદ્દો ચ પટિમાસિતું યત્થ કત્થચિ ગહેત્વા આકડ્ઢિતું સક્કુણેય્યતાય સપ્પટિમંસો ચ હોતિ, વિપરીતો અચ્છિદ્દો અપ્પટિમંસોતિ વેદિતબ્બોતિ. વચીસમાચારો પન મુસાવાદઓમસવાદપેસુઞ્ઞઅમૂલકાનુદ્ધંસનાદીહિ છિદ્દો ચ સપ્પટિમંસો ચ હોતિ, વિપરીતો અચ્છિદ્દો અપ્પટિમંસો.
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
મેત્તં નુ ખો મે ચિત્તન્તિ પલિબોધે છિન્દિત્વા કમ્મટ્ઠાનભાવનાનુયોગેન અધિગતં મેત્તચિત્તં. અનાઘાતન્તિ આઘાતવિરહિતં, વિક્ખમ્ભનવસેન વિહતાઘાતન્તિ અત્થો. ઇદં પનાવુસો કત્થ વુત્તં ભગવતાતિ ઇદં સિક્ખાપદં કતરસ્મિં નગરે વુત્તન્તિ અત્થો.
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
ચોદકેનપચ્ચવેક્ખિતબ્બધમ્મકથા નિટ્ઠિતા.
Codakenapaccavekkhitabbadhammakathā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi / ૮. ચોદકેનપચ્ચવેક્ખિતબ્બધમ્મા • 8. Codakenapaccavekkhitabbadhammā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ચોદકેન પચ્ચવેક્ખિતબ્બધમ્મકથાવણ્ણના • Codakena paccavekkhitabbadhammakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અત્તાદાનઅઙ્ગકથાવણ્ણના • Attādānaaṅgakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અત્તાદાનઅઙ્ગકથાદિવણ્ણના • Attādānaaṅgakathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૮. ચોદકેન પચ્ચવેક્ખિતબ્બધમ્મકથા • 8. Codakena paccavekkhitabbadhammakathā
